|
|
 علاج عين السمكة
|
10:54 AM Oct, 04 2015
سودانيز اون لاين
حمد عبد الغفار عمر-
مكتبتى فى سودانيزاونلاين
السلام عليكم كل سنة وانتو طيبين
يا جماعة أنا موفق جدا في اختياراتي للعلاج البلدي - قدمت ليكم قبل كدا علاج المرارة بالتفاح وزيت الزيتون وعلاج الحموضة وحاجات تانية بالمرة
باختصار قرأت أن قشرة الموج بتعالج عين السمكة لأنو إبنتي تأزمت حالتها في السودان حتى صارت لا تستطيع الضغط على رجلها في المشي وقرر لها عملية جراحية ببنج كامل في مستشفى مدني
(إنتو مجانين بنج كامل وفي مستشفى مدني والمريضة طفلة تموت يعني؟ ) المهم قرأت عن علاجات كتيرة من ضمنها قشرة الموز
كالآتي: المادة المبطنة لقشرة الموز (الخيوط خيوط ديك)
تعمل منها عجينة وتلبخها على عين السمكة وتلفها بشريط حدك 4 يوم بس وتجيك طالعة
لو بدأت تطلع ما تلمسها بيدك خليها براها بتطلع " يعني ما تهابش" 
|
|
 
|
|
|
|
|
|
|
 Re: علاج عين السمكة (Re: معاوية الزبير)
|
كيفك يا معاوية
قاصد قشر الموز لكن اليومين ديل ملاوز لي صديق الموج
في اليوم أتذكرو خمسة مرات عساه وانت بخير
الموز روا ++++ قائم سوا
أنا يا ناس جسمي بالنار إنكوى
| |
|
|
|
|
|
|
|
|
|
Re: علاج عين السمكة (Re: اخلاص عبدالرحمن المشرف)
|
الموز فوائد الموز معلومات عن الموز
إنه من ثمار الجنة ..... قال تعالى: " وطلح منضود " .
يحتوي الموز على ثلاثة أنواع من السكريات : السكروز،
والفركتوز،والجلوكوز متعددة مع الألياف لذلك فهو يعطي طاقة متزنة ثابتة. أثبتت الأبحاث أن تناول حبتين من الموز يعطي طاقة للعمل مدتها 90 دقيقة لذلك يعد الموز الفاكهة رقم واحد للرياضيين. ليس فائدة الموز فقط إمدادنا بالطاقة ولكنه يساعد في التغلب ويمنع عنا كثير من الأمراض والاضطرابات منها على سبيل المثال:
1- الاكتئــــاب:
حيث وجد أن مرضى الاكتئاب يتحسنون بعد تناولهم للموز وذلك لاحتوائه على التربتوفان وهو نوع من البروتين يحوله الجسم الى السيرتونين يجعل الجسم أكثر استرخاء ويحسن ذاكرتك ويجعلك أكثر سعادة. كما أنه يحتوي على فيتامين ب6 الذي يعدل مستوى السكر في الدم ويحسن المزاج فإذا نسيت حبة الدواء فتناول بدلا منها إصبعا من الموز.
2- فقر الدم ( الأنيميا ) :
الموز يمكن أن يساعد في إنتاج الهيموجلوبين في الدم وهو غني بالحديد لذلك فهو مفيد جدا في حالات الأنيميا.
3- ضغط الدم:
حيث يعد الموز الفاكهة الاستوائية المثالية الغنية بالبوتاسيوم والفقيرة في الأملاح مما يجعلها منظم طبيعي للضغط.
4- قوة الدماغ :
تناول 200 طالب في مدرسة برنجهام ببريطانيا الموز أثناء وجبة الافطار والفسحة والغداء وقد تحسن تحصيلهم الدراسي ومعدل اليقظة لديهم.
5- الإمساك:
الموز غني بالألياف لذلك فهو يساعد في الحركة الدودية للأمعاء ويفيد في حالات الإمساك ولا يحتاج الانسان الى تناول الأدوية المسهلة.
6- حموضة المعدة :
يعد الموز مضاد طبيعي للحموضة لذلك إذا كنت تعاني من حرقان المعدة فما عليك إلا تناول حبة من الموز.
7- الدوخة الصباحية :
تناول الموز بين الوجبات يوازن مستوى السكر في الدم، وتزول منك هذه الحالة.
8- تقوية الأعصاب:
الموز غني بفيتامين ب المركب لذلك فهو يساعد في تهدئة الجهاز العصبي فقد وجد باحثون في المعهد النفسي بااستراليا أن الأشخاص الذين يتعرضون لضغوط في أعمالهم يتناولون كثيرا من الشوكولاتة والشبسي، لذلك فغالبيتهم يصابون بالسمنة، وهؤلاء يكونوا في حاجة لفاكهة غنية بالكربوهيدرات يتناولونها كل ساعتين لتعدل مستوى السكر في الدم، ويعد الموز هو هذه الفاكهة القيمة.
9- له فائدة طبية على قرح المعدة والجهاز الهضمي ومخفض للحرارة الناتجة عن المجهود الجسدي والنفسي.
10 - الموز يساعد على الإقلاع عن التدخين وذلك لغناه بفيتامين ب6 وب12، والبوتاسيوم والماغنيسوم وهذه المركبات تساعد الجسم في التخلص من النيكوتين.
11- يخفف الموز من حدة الضغوط التي يتعرض لها الانسان حيث يعد البوتاسيوم عنصرا حيويا يساعد في إعادة ضربات القلب لوضعها الطبيعي ويساعد على مد المخ بالأكسيجين ويعيد التوازن المائي في الجسم.
12- وفق دراسة نشرت في مجلة نيوإنجلاند الطبية تفيد بأن تناول الموز كجزء من الغذاء اليومي يقلل من حالات الموت بالأزمات المفاجئة بنسبة 40%.
13 - إذا كنت تعاني من بروز المسمار في يدك أو رجلك ما عليك إلا ان تضع فوقه باطن قشر الموز وتتركه حتى الصباح وستجد فائدة عجيبة، أما إذا لدغتك بعوضة فسارع بمسح مكان اللدغة بباطن قشر الموز، فسيزول الألم
وإذا قارنا الموز بالتفاح فسنجد أم محتوى الموز من البروتين أربع مرات ومرتين من الكربوهيدرات وثلاث مرات من الفسفور وخمس مرات من فيتامين أ والحديد ومرتين من الفيتامينات والمعادن الأخرى أكثر من التفاح. لذلك يمكن أن يتحول مثل التفاح للموز تناول موزة في اليوم يبعدك عن زيارة الطبيب.
نصيحة : تناول عند الجوع الشديد كوب من الموز مخلوطا بالحليب ومحلى بالعسل
المصدر : موقع الطب العربي البديل .
| |
|
|
|
|
|
|
|
|
|
Re: علاج عين السمكة (Re: الطيب عباس)
|
كيفك يا طلحة
| Quote: كايس علاج للاحباط وخمة النفس وطشاش العيون |
والله قبيل يا طلحة كنت عايز أكتب ليك علاج تحفظي لكن قلت أنتظر إمكن تحتاج لي تدخل جراحي
لكن للشفتو دا حالتك بقت هوب لس كيس
أمشي شوف ليك فكي ولا حاجة ولا أمشي شركة النيل للأعشاب نحن ما عندنا ليك علاج بعد دا
أنا بفتح في المنبر عرفت ود البشرى بكون صرف ليك ظووووط مصلح
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
الطيب عباس
مرحب بيك في المنبر ومشاركا في البوست
ياخ الموز والمنقة ديل عجيبات جدا ، فواكة وانت بتأكل فيها تحس إنها وهي نازلة زي البتمسح في بطنك من الألم
مشكور على المعلومات القيمة
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
يا الناظر ياخ نسيت أوصف ليك علاج اللوز
تجيب حوض فيهو موية دافئة أقرب للسخانة ةتغطس فيها رقبتك محل اللوز كأنك سابح على ظهرك لمدة 5 دقائق كل يوم
وقارن النتائج
المدارس كبست نقوم ننوم
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
السلام عليكم ايها البصير حمد
يازول سؤالي دا جااادي و الله اها الكرعين الاتنين لو في الاصل سمكة و قامت فيهم
اقدام الدبارة كيف !؟ بالواضح يعني لو القدم الواحدة فيها اكتر من ٣٠٠ عين سمكة
يعني اشري مزرعة موز!؟ ولو اشتريته البخهم كيف!!؟
وحياة الله جادي
| |
|
|
|
|
|
|
|
|
Re: علاج عين السمكة (Re: سفيان بشير نابرى)
|
كيفك يا سفيان
ياخ انت موضوعك ساهل جدا تقول ليهم حننوني بقشرة الموز وتأخد ليك رقدة وتبدأ في أكل الموز القشرتو دا
أحسن حاجة العلاج المغذي دا
تتعالج وتتغذى
والله أنا لو لقيت واحد قال لي المنقة وشية الجمر بعالجن يكون عمل فيني خير
وأنا جادي جدا أعمل البتاعة دي لأنو أنا شفت عين السمكة بتاعة بتي دي قبل وبعد اللبخة وقعت براها
حاجة تانية أبعد من الجزم الضيقة وقوية
وقول لي طلحة عبد الله قوم لف
| |
|
|
|
|
|
|
|
|
|
Re: علاج عين السمكة (Re: ادريس خليفة علم الهدي)
|
عارف يا حمد، أخوك عندو عين السمكة مزمنة.
جربت العلاجات البلدية والأفرنجية .... كلها بتدي نتيجة وبتشيل عين السمكة ..... لكن بترجع تاني، وأظن المسألة ليها علاقة بشكل القدم ونوعية الأحذية.
من العلاجات البلدية برضو قشرة الباذنجان الأسود، وده تخت منو قشرة بقدر مكان الإصابة (بطن القشرة يلامس عين السمكة)، وتقوم تربطها بي شريط أو لزقة ..... برضو في حدود الـ 4 أيام.
ربنا يشفي
الشئ الطريف إنو في أول أيام الإنقاذ وأيام التمكين، طبعاً طلعت (موضة) غُرّة الصلاة وفي ناس إكتشفوا إنو الدواء بتاع عين السمكة بيغير لون الجلد للأسود، ونفس الشئ ينطبق على قشرة الباذنجان، فبقوا يستعملوها (لصناعة) غُرّة في الجبين للضلال والتضليل.
| |
|
|
|
|
|
|
|
|
|
Re: علاج عين السمكة (Re: محمد أبوالعزائم أبوالريش)
|
Quote: وقول لي طلحة عبد الله قوم لف
|
صدق يا حمد قصة نابري دي حيرتني عديل
والله .. الشىء العارفو أنا البكون عندو عين سمكة واحدة
إلا يمش بى ركبو .. لكن سفيان قال عندو خرطمية واحدة
ومع ذلك قاعد يجىء المنبر كل يوم في أمان الله .. ماشاء الله
عليهو .. غايتو أحسن حاجة يعملا يسافر كسلا لمدة أسبوعين
منها يشوف توتيل والقاش ومنها يشبع موز ..
سفيان راهني في تأهل المريخ للنهائي وقال ما بتفق معاي في خروجو
عشان كدا ما بقدر يقول لي قوم لف ..خخخخخخ
| |
|
|
|
|
|
|
|
|
 Re: علاج عين السمكة (Re: فيصل محمد خليل)
|
سلآمات،
دكتور حمد لبد .
يا اخي السُكري ما عندك ليهودبارة، ؤُ معاهو الدغت كمان .
بالنسبة للسُكري قالوا، لي تجيب 4 قرون بامية تقطِعن ؤُ تبلهن في كباية
والصباح تشرب الجلآفيط الفي الكباية لمدة زي شهر كدي، بيشيلن
السُكري الكمدة بالرمدة !، الكلآم دا صُح ؟...
| |
|
|
|
|
|
|
|
|
|
Re: علاج عين السمكة (Re: محمد أبوالعزائم أبوالريش)
|
هلا أسامة العريفي
كل سنة وانت طيب
Quote: عامل السن مش عندو فرق اخ حمد " انا جادي"
|
عندو فرق لصالح الكبار على ما اعتقد لأنو خلاس البشرة بتكون ضعفت من كترة المشي
أنا مرة عندي عوينة سمكة صغيرة نقرتها بدبوس جات طالعة كلها
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
كيفك يا أبو الريش
| Quote: جربت العلاجات البلدية والأفرنجية .... كلها بتدي نتيجة وبتشيل عين السمكة |
حسب الصبر على العلاج في ناس من يشعر إنها جات طالعة بقوم يتدخل ويحاول يسحبها لكن لو صبرت ليها وطلعت من عروشها ما أظن ترجع
انا لما رسلو لي صورتها قبل العملية والله خفت عديل ما بتقدر تعاين ليها لكن لما شفتها على الطبيعة ما طلعت ما بتحس إنو كانت في عين سمكة في محلها
والسبب الرئيسي غالبا نوعية الحذاء الضيق وناشف
قلت لي غرة الصلاة دي صناعية هههه عالم جبانات
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
فيصل خليل حبابك
Quote: مالنا و مالو
ما يعالج عيونو براهو
قال نعالج عيون السمك |
نعالجو ياخ عشان لحمو الحلو دا
أنا المحيرني السمك بحلاتو دي ما لاقتني أغنية بتمجد السمك ولا عيونو الحارة دي
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
ود المدير
Quote: يا اخي السُكري ما عندك ليهودبارة، ؤُ معاهو الدغت كمان .
بالنسبة للسُكري قالوا، لي تجيب 4 قرون بامية تقطِعن ؤُ تبلهن في كباية
والصباح تشرب الجلآفيط الفي الكباية لمدة زي شهر كدي |
لا حولا ياخ دي جلافيط ما بتنقدر عووع عديل كدا
لكن أنا شفت واحد بياكلها نية بدون طبخ للسكري احتمال يكون صاح
بمناسبة الدغت كان عندنا قريبنا بحب قريبتنا برضو وكل يوم جاياهو برأي مرة تحرق معاه تش ومرة تقفلوا لما يجيب سيرة العرس وهو عندو لدغة في لسانو
يوم في حفلة قال ليها قومي نرقص قالت ليهو ما قائمة قال ليها والله انت حبك يجيب الدعت
| |
|
|
|
|
|
|
|
|
|
Re: علاج عين السمكة (Re: حمد عبد الغفار عمر)
|
يا طلحة
Quote: والله .. الشىء العارفو أنا البكون عندو عين سمكة واحدة
إلا يمش بى ركبو .. لكن سفيان قال عندو خرطمية واحدة
ومع ذلك قاعد يجىء المنبر كل يوم في أمان الله |
تعرف كونهن كتار معناها صغيرات الحجم عشان كدا ما بتكون ماخدة راحتها في الرجل وغالبا تمون سطحية ما عميقة عشان كدا ما بتكون مؤلمة
لكن الواحدة بتكون ممهولة ومفرجخة في القدم وعميقة في اللحم الحي عشان كدا بتتعب
انتو الاتنين قوموا لفو بالله كنتو بتتغالطو في إنو المريخ ممكن يعبر ياخ انتو بقت عليكم قصة العسكري بتاع محمد حامد جمعة داك
لا قادر يحارب وملاوز للناس البحاربوا ارجعو لي سيكافا بتاعتكم ديك وخلو لينا دوري الأبطال دا نشوف شغلنا فيهو
| |
|
|
|
|
|
|
|
|
|
Re: علاج عين السمكة (Re: يوسف أبو صالح)
|
والله فعلاً ما بقدر اقول ليك لف يا طلحة و اصلاً خلاس من اليوم داك
اقتنعته بكافة وجهات نظرك و معاك تب كمان اها وخصوصاً عندنا
ارضية مشتركة قوية ( مريخاب و ما بنفع معانا شريف الفحيل)
لكن تصدق بخصوص عين السمكة دي مشيت لدكتور هنا في بلدنا
دي عاين لي كرعيني كده ويعاين لي !!! و تاني يعاين ليها و ياعين
لي !!! اخر شي هوزز راسو وقال لي انا من بقيت متخصص لي ٣٥
سنة في المجال بتاعي دا ومرو علي في كل تاريخ تخصصي ناس
عندهم عين سمكة لكن المرو علي كلهم طول السنين دي ما عندهم قدر
العندك ديل !!.
| |
|
|
|
|
|
|
|
|
|
Re: علاج عين السمكة (Re: سلمى على محجوب)
|
هلا يوسف أبو صالح
| Quote: عين السمكة دى شنو يا شباب ؟ |
اسمها مسامير القدم حاجة قوية كدا بتضغط على راحة القدم أو جانب الأصابع وهي تورم جزء من الجلد وتصلبه
والله أعلم
| |
|
|
|
|
|
|
| |
حمد عبد الغفار عمر
معاوية الزبير
ادريس خليفة علم الهدي
طلحة عبدالله
الطيب عباس
سفيان بشير نابرى
اسامه العريفي
محمد أبوالعزائم أبوالريش
فيصل محمد خليل
معاوية المدير
يوسف أبو صالح
منتصر عبد الباسط
سلمى على محجوب
احمد حمودى
فيس بوك
تويتر
انستقرام
يوتيوب
بنتيريست