|
|
|
 Re: قناة mbc تترجم كلام المتسابق السوداني فيThe (Re: Abureesh)
|
كلام الأخ ناظم واااااضح. ...
بالمناسبة حكاية انو لهجتنا السودانية أفصح و أبين من اللهجات الأخرى كلام مجافي للحقيقة والواقع.
الخليجيون يستغربون المفردة المنطوقة باللهجة السودانية ويقفون عندها متهكمون.
الزول شخصية هلامية في أوساط المجتمعات العربية.
| |
 
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: ناظم ابراهيم)
|
Quote:
شكرا للقيصر كاظم الساهر لاختيارك الموهبة امجد في مجموعتك
|
العبارة الفوق دى يا عزيزى ناظم هي الوحيدة التي قرأتها.. والاخ القال الكلام واضح ربما قرأ شيئا اخر فى مكان اخر.. وأنا سمعت عن كاظم الساهر مطرب عراقى، فهل اختار امجد
ضمن فرقته الموسيقيـة؟ أم ان هناك مجموعـة معينة في المنبر متابعة الموضوع والبوست مخصوص ليها؟
المهم يا زول دا موضوع هامشى زاتو وانساه.
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: Abureesh)
|
سلام يا ناظم،
عندي راي مخالف شوية. مسالة نحن عرب او غير عرب لا تحددها مثل هذه الاشياء.
انا زاتي مرات لمن اسمع كلام بعض عربان الجزيرة العربية أكاد اطلب مترجم.
قبل ايام لاقوني شباب فى الفيس بووك بقولوا فى كلام عجيب خلاص. بحكوا عن سوداني بيملئ فى فورم فى امريكا و لمن جت محل العرق الـ ethincity اتلخبط. قالوا الموظفة اتبرعت و قالت ليهو انت افريكان امريكان. و كمان يحكوا لمن السوداني يمشي الخليج ناس الخليج ما بعتبروه عربي. و ماخدين القصص ديل دليل علي انو السودانيين ما عرب ولا حاجة. قلت ليهم يا جماعة الانسان ادري بنفسه، شن عرّف الموظفة الامريكية بهوية اهل السودان؟ ياخي دي ممكن تكون ما بتعرف باقي امريكا زاتها خليك من السودان! ولا العريبي بتاع الخليج ح يحدد لنا هويتنا كمان؟ بعدين المسالة زاتها مافيها منطق، لانو لمن تجرد عرب السودان من هويتهم حيبقو شنو يعني؟ ما يقدروا يبقى نوبة او دينكا the can't claim it! ولا الحكاية هى تجريد و السلام؟
الثقافة العربية جزء من اصيل من ثقافتنا السودانية. رضي من رضي ولا ابي من ابي. عاد ح ننكر انفسنا عشان نرضي فلان و علان. المشكلة فى السودان ما مشكلة بتاعت ثقافة و كلام من النوع دا. الشكلة فى السودان حاصلة فى القروش. هسة انتو ما شايفين الجماعة المسمين نفسهم اسلاميين ديل كيف والغين فى دماء و اموال الفقراء؟ المسالة ما عندها علاقة بالثقافة او الدين، دي شكلة فى الكاش البقلل النقاش. نحنا دايرين حقنا و الجماعة الاسلاميين ديل دايرين ياكلوا حق الناس فى الدنيا و كمان عشمانين ياكلوا الجنة حقت الله زاتها.
عليه يا جماعة اقول ليكم حاجة، نحن عرب فى ثقافتنا و وعينا. لكن كمان نحنا على وعي باختلافنا و تميزنا على بقية العربان فى مختلف بلاد العالم. الحل لمشاكل السودان ليس فى تجرد العرب او المستعربين من ابناء من السودان من هويتهم و شعورهم بانفسهم. انما الحل فى فرض نظام للعدالة بين مكونات المجتمع السوداني المختلفة.
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: abubakr salih)
|
عزيزي ابو بكر كل سنة وانت طيب
العرب لا يعترفون بعروبة السوداني في ال stereo type بتاعهم في حين يتمسك السوداني بعروبة متوهمه فرضت بغزوات وحروب انا شخصيا لا اعتبر نفسي عربي ومن منطقة تعتبر كلمة عربي اقرب للشتيمة والكلام ده رايء مقتنع بيهو وليس استجابة لابتزاز يحدث في بلادنا او لارضاء اي جهة
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: ناظم ابراهيم)
|
تحية طيبة ،
والله يا ناظم انا شايفو تصرف عادى ،
امجد شاكر رغم خبرته ، الا انه كان مرتبك جدا رغم ان المسارح و الكاميرات ما غربية عليه
لهجه امجد كانت سودانيه خالصه ، و الوتيره سريعه جدا ، يعنى حتى انا وجدت صعوبة فى فهم الكلام
لا يخفى عليك سهولة اللهجة المصرية و الشامية و الخليجية ، بس سيطرتهم على الاعلان العربى عموما
نحنا و اخوتنا المغاربة و ليبيا و حتى اليمن ، لهجاتنا لسه عايزه ليها شويه
بالتوفيق ل امجد ، و ارجو ان يوظف موهبتو جيدا
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: محمد الامين احمد)
|
Quote: الثقافة العربية جزء من اصيل من ثقافتنا السودانية. رضي من رضي ولا ابي من ابي. عاد ح ننكر انفسنا عشان نرضي فلان و علان. المشكلة فى السودان ما مشكلة بتاعت ثقافة و كلام من النوع دا. الشكلة فى السودان حاصلة فى القروش. هسة انتو ما شايفين الجماعة المسمين نفسهم اسلاميين ديل كيف والغين فى دماء و اموال الفقراء؟ المسالة ما عندها علاقة بالثقافة او الدين، دي شكلة فى الكاش البقلل النقاش. نحنا دايرين حقنا و الجماعة الاسلاميين ديل دايرين ياكلوا حق الناس فى الدنيا و كمان عشمانين ياكلوا الجنة حقت الله زاتها.
عليه يا جماعة اقول ليكم حاجة، نحن عرب فى ثقافتنا و وعينا. لكن كمان نحنا على وعي باختلافنا و تميزنا على بقية العربان فى مختلف بلاد العالم. الحل لمشاكل السودان ليس فى تجرد العرب او المستعربين من ابناء من السودان من هويتهم و شعورهم بانفسهم. انما الحل فى فرض نظام للعدالة بين مكونات المجتمع السوداني المختلفة. |
شكراً أبوبكر صالح! نعيش في زمن صار الناس ينكرون فيه البداهات!
يا ناظم الموضوع ده عادي، كم مرة شفت بالذات مغاربة يترجم كلامهم!
مع تحياتي لك ولضيوفك!
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: محمد الامين احمد)
|
عندما يتحدث الناس عن الهوية
ال Identity
التعريف , الانتماء , الماهية , الاصل , العنوان ...........
الافريقانية هي الاصل ..
ثم التكوينات الداخلية هي الجزء ..
نحن في افريقيا .. اي حقيقة اخرى نريد؟؟؟؟؟؟؟
نحن سوووووووووووووووود
نحن سودانيون..
حتى لو كان من بيننا من ينتسب الى العباس عم الرسول (ص)..
لماذا اللولوة ؟؟؟؟
التحسس من مسالة افريقياء السوداء والهروب منها سوف يعقد الامر و يجعل شخصياتنا عبارة عن مسوخ تستجدي الاخرين الاعتراف ...
هنالك من يقول ان الموضوع من اساسه ما مهم ؟
اقول له بل هذا هو اهم المواضيع التي يجب ان تاخذ حظها من النقاش و التداول .
محاولة الزوغان من تناول موضوع ازمة الهوية سوف لن يوردنا الا موارد الهلاك ..
اولادنا وبناتنا في برامج اكتشاف المواهب العربية في فنون الغناء و الرقص يصطدمون بهذه الحقيقة الواضحة , حقيقة انهم مختلفون عن العرب تمام الاختلاف , في اللهجة و اللون و الوجدان و الذوق الموسيقي .
ان اكثر ما يكشف للانسان السوداني حقيقته هوعندما يدخل الى الاندية الليلية تجده ينجذب تلقائياً الى الاندية الاثيوبية ذات الايقاعات الحارة و الرقص الافريقي الذي يمتاز بالحركة العنيفة نوعاً ما..
لا نجد هذا الزول السوداني يدخل الى اندية الخلايجة او المصاروة او الشوام .... لان وجدانه افريقي ..
هذه الحقائق اذا اخذت في الاعتبار لعرفنا انفسنا وقيمة ما نحمل من ارث غني منذ الالاف السنين ...
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: حامد بدري)
|
إسماعيل السلام عليكم!
يجب أن لا نخلط بين الهوية العرقية والهوية الثقافية!
الهوية العرقية أنت لا تختارها، هي التي تختارك!
ومن هذه الناحية السودانيون يتفاوتون:
فثمة من دماؤهم عربية 100%
وثمة من دماؤهم إفريقية 100%
وثمة من هم خليط من النوعين!
فمهما يكن ذلك فالخلاف ليس فيه،
وإنما هو في الهوية الثقافية،
التي يختارها كلُّ إنسان بإرادته الحرة!
فكثير من السودانيين اختاروا العروبة والإسلام
هويّةً ثقافيةً لهم!
***
أصلاً الارتباط بين الإسلام واللغة العربية ارتباط وثيق!
واللغة العربية تلقائيّاً تقودك إلى الثقافة العربية!
***
المهم في النهاية، لا ينبغي لأحدٍ أن ينال من الهويّة الثقافية
لأحد! سواءٌ كانت عربيّة إسلامية، أو غير ذلك!
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: اسماعيل عبد الله محمد)
|
الاخ ناظم وضيوفه الاعزاء
مسالة انو بعض السودانيين عرب ولا مش عرب عملت مشكلة لبعض من هم ليسو بعرب و اكرر بعض الناس وليس كل الناس سواء كان ذلك بعلم او بدون علم .. اشرح اكتر البعض يفتكر انو عشان الواحد يكون عربي لازمن يكون زي العرب الحاليين الفي الخليج وغيره بينما العرب الحاليين نفسهم لو اردت الحقيقة ليسو بعرب صافي ولكن الفرق وين بين باقي العرب المخلوطين بغيرهم و عن عرب السودان . الفرق كالاتي عند العرب الغير سودانيين اذا خالطت دمائهم دماء القوقازيين من جهة الروم او الفرس واكتسبوا اللون الابيض القوقازي كاهل الشام واصحبو من اصحاب السيقان الطوية والعيون الملونة والشعر الاشقر او الرمادي فهذا شئ محبب بل يتباهى به كل عربي و لا حاجة له بعد ذلك للدماء العربية النقية ولكن في الحالة السودانية لان الدم العربي قد خالط الدماء الافريقية واكتسب العربي الملامح الافريقية المعروفة لذا يمكن الكلام هنا مختلف والخلطة غير مقبولة
يقال ان اهل شمال السودان عندما كانوا اكثر تدينا وهم الذين يرجع نسب العربي فيهم للرسول الكريم كان لهم علاقة نسب ودم مع اهلنا الفلاته حاملي كتاب الله وكان العربي يتشترف بمصاهرة الفلاتي رجل الدين فكانت هناك الحيشان الكبيرة زي حوش القراي وحوش بانقا حيشان الدين يتوسطها رجال الدين الفلاته المحتفى بهم دوما ، ومن ينظر الى الاستاذ احمد البلال الطيب وهو من حوش القراي لايرى فرق بين سحنته وسحنة معظم اخوانا الفلاته ... الطول الفارع ، الضخامه ، الجبهة الضيقة ، الشفايف الغليظة . هذا ينطبق على رئيسي بلادي اللي اخد السلطة بالقوة فهو كما هو معروف من حوش بانقا ولكن تعال شوف الشلاليف طبعا بالنسبة للبشير شلاليف القاعدين ينكروها . المهم قلنا ان العربي كان يشرفه مصاهرت رجل الدين الذي ينتمي لقبيلة الفلاتة ولكن عندما بعدوا العرب عن تمكسهم الشديد بالدين واصبحوا ناس دنيا نكروا هذه العلاقة وصارت على قول الدكتور منصور خالد مقاييسهم مقاييس الجاهلية الاولى نكروا تب اي علاقة باي افريقي ... انتهى
اهلي في دار الحوازمة والذي انتمي لهم عرقيا اعتقد انهم اكثر اعترافا بواقعهم فلا يشكل اللون الاسود اي عقده نفسية لهم بل تجدهم شديدي السخرية من انفسهم احيانا فلا يجد احدهم احراجا لنفسه بانه من اصحاب الشلاليف وان اخوالنا لا ننكرهم ابدا بل محل اعتزاز لذا فاللون الاسود يعتبر لون مشكار اي يمدح احدهم لكون لون بشرته اسود اللون فيقال : فلان ازرق كحل الشيخات او فلان كحل حبسة او تعال لي هني ياللزرق
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: Adam Youssif)
|
+
ياخوان نحنا السوادانيين ماعندنا مشكلة
تقول انك عربي او حتي انجليزي٠ مشكلتنا في
السودان ان من يدعون العروبة عاوزين الناس
تتعرب معاهم لا بل البلد زاتها تبقي عربية اخنق فطس٠
الكلام دا ما حيحصل٠ السودان افريقيا وافريقيا السودان٠ دا ما تعصب اعمي
دا واقع نعيشه واياكم٠ كفاية حلب في التور العطوب٠
دنقس٠
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: اسماعيل عبد الله محمد)
|
+
تحية طيبه اخ صلاح
تقول: "التي يختارها كلُّ إنسان بإرادته الحرة!
فكثير من السودانيين اختاروا العروبة والإسلام
هويّةً ثقافيةً لهم!"
كلامك دا ما صحيح٠
هويه السودان اختارها المحجوب
ورهطه الميامين ثم سخروا لها ثروة
الدولة وادواتها لتعريب شعوب السودان٠
شعوب السودان لم ولن يختاروا ان يكونوا
عربا مع كامل احترامنا للعرب٠
اغلب اهل السودان خلقهم الله افارقة ومن راودته
المخيلة ان يكون عربي له كامل الحقوق مكمن
الداء في جر البلد واهلها ليكونوا عرب٠
دنقس٠
| |
|
|
|
|
|
|
|
|
|
Re: قناة mbc تترجم كلام المتسابق السوداني فيThe (Re: Abdulgadir Dongos)
|
Quote: ليه بنهرب من مصيرنا
نقضي أيامنا في عذاب
ليه تقول لي من جهينة
ونحنا أفارقة ما اعراب
كيف بنهرب من سوادنا
من اصلنا من التراب
اسم بلادنا ماخدلو وصفة
من سواد الشعرمن الشباب
والله ما تعترفوا بأفريقيا أما لكم تشربوا موية وما ترووا. ..
|
الحبيب سماعين اسعد الله ايامك وايام كل الشعب الطيب ... المصير مابنهرب منو تب ولكن الشئ بالشئ يذكر والماعندو قديم ماعندو جديد , انا خالتي اسمها جهينه ، ابوها وامها ليس لديهم اية فلسفة في اختيار هذا الاسم ولكن اسم متوارث ، و الطريف ان احد اجدادي سائلني يوما وانا قادم في اجازتي الجامعية من العراق فقال لي : العراق ديل ناس عجم ؟ قلت ليهو : عرب قال لي في عجالة : هو في عرب غير السودان وهو يقصد العنصر العربي في السودان . طبعا هذا بعد ما ذكرته واقتنع بالحجاز وبمصر البيضا ... المهم يا ول ابا سماعين ان كان قصدك لاداعي لجهينة فنحن سودانيين فهذا كلام احلى منو مافي لانو كلمة سوداني مظلة كبيرة تجمع تحتها كل مايريده اي سواني ويحفظ له حقه . قرات يوما مقال للكاتب الامريكي ( جون رد ) قال فيه اذا تحدثت للفرنسي فكلامه يغلب عليه اسماء الورود والعطور وفي لغته ليونه اشبه بكلام الغزل بينما الامريكي المثقف يكثر الحديث في تتيع هجرات الشعوب التي استقرت في اميركا بداية من هجرات الانجلوساكسون وكيف انهم عانوا الويلات من السكان الاصليين وانهم اول من هاجر الى اميركا ولهم الفضل في بناء الحضارة الجديدة هناك ولكن الفرق بينا وبينهم ان الاثنية هناك نعمة وليست نغمة . المعركة الحقيقة الان في السودان يا ول ابا سماعين هي معركة المثقفين لان المثقف هو ما يصور للناس ايهما اجمل ويستطيع ان يخلق فهم يعبر الناس به الى سماء واحده وارض واحده ومصير واحد لا نهرب منه
| |
|
|
|
|
|
|
| |
ناظم ابراهيم
Abureesh
اسماعيل عبد الله محمد
abubakr salih
محمد الامين احمد
حاتم إبراهيم
حامد بدري
عبدالكريم الاحمر
Adam Youssif
فيس بوك
تويتر
انستقرام
يوتيوب
بنتيريست