|
|
|
 Re: سعودية بدون غطاء راس تلقى كلمة بلادها فى ا (Re: أبوبكر عباس)
|
الأمين موسى البشارى كتب:
**اتفق معاي في الاول انو الفيديو قديم وله حوالي 7 اشهر
وبعدين نرجع لكلامك دا ..**
أتفق معك.. ونحن في منبر نقاش.. هنا ما رويتـرز لأخبار. أي موضوع صاحبه يقدر يستحق نقاش ممكن يجيبو.. ناس هسى قاعدة تتناقش في موضوع أبولو 11
**مسألة النقاب والحجاب دار حولها جدل كثير في السعودية
وبين علماء كبار ولم يحسم الجدل فيها هاك دا واحد **
أنا لا أتحدث عن الجدل وإنما عن الواقع المعاش.. عن القوانين السائدة والمطبقة.. هناك جدل في السعودية حول قيادة المرأة للسيارة، فهل قيادة أمرأة لسيارة وحدها في شوارع جدة لا غرابة فيها؟
**يغطوهن تنقوا في ناس شيخ عماد .. يخلوهن تنقوا برضو **
تتكلم عن منو؟ منو نق في عماد؟ ومنو نق (عشان خلوهن)؟ والخلاهن منو؟ هل النسوان في السعودية خلاص خلوهن يلبسن زى ما عايزات؟
| |
 
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: سيف النصر محي الدين)
|
| Quote: اسمهم الوهابية يا الامن.. طيب لو متفق انو الامر غريب عند الوهابية ووطن هذه السيدة هو أساس الوهابية، فكيف تسأل ما الغريب؟ |
صدقني ماراح تصير جمهورية حتى ولو اسقطت كل الأغطية !!!
ولن تؤمن بنبي بعد محمد ولا رسالة تانية ولا تالتة !!!
وكتير من الناس عقيدتهم سليمة وموحدين وتلقاهم سكرانين ومبلعين ومكيسين ، انت قايل الوهابية حجاب بس !!
واحد في البص سكران واقف طينة الباص اهتز جارو قال يا سيدي فلان ، السكران قال ليهو بطل شرك وادعو ربك الخلق سيدك وخلقك براهو ، أها هسع أحسن ياتو فيهم ؟؟؟
والسكران دا في رأيك وهابي ام لا ؟؟؟
تحرثوا في البحر يا زميل .
تحياتي
| |
|
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: محمد الزبير محمود)
|
Quote:
واحد في البص سكران واقف طينة الباص اهتز جارو قال يا سيدي فلان ، السكران قال ليهو بطل شرك وادعو ربك الخلق سيدك وخلقك براهو ، أها هسع أحسن ياتو فيهم ؟؟؟
والسكران دا في رأيك وهابي ام لا ؟؟؟
|
أحكى ليك نكتـة تانيـة وذكرتها من قبل.
في برينســـة (بص صغير للما عارف الكلمة).. من الخرطوم لبحرى.. الختمى وقعت منه حاجة، أنحنى شالها وهو يقول يا سيدى الحسن. بس في وهابى قام عليه.. استغفر الله هذا شرك ولا يرضاه الله، وكيف تدعو من دون
الله إلهاً اخر.. بإختصار ناوله شديد، والختمية طبعا مسالمين ما قال ليه حاجـة.. وكان في أنصارى معاهم زعل شديد كيف الختمى لا يرد على الوهابى ويدافع عن نفسـه، بس لما الوهابى كترها، الأنصارى نفض يدينه فووق
لحد ما السكين ظهر في ضراعه، وهو يتمغى كدا قال يا المهدى الخلقتنى!! .. الوهابى بعد راحت المفاجأة جمع شجاعته وقال ليه إنت عااااارف الخلقك لكن كايس مشاكل ساكت.. شفت كيف؟ السكين هي الخلت الأنصارى
عارف الله لكن كايس مشاكل، وعدمها خل الختمى مشرك بالله.
مشكلتكم كبيرة يا وهابية، والسنة المطهرة لا تعرف الخوف إلا من الله، وأنت الان تدافع عن السفور، بل عن السكر.. والوهابية في المملكة برضو ساكتين، عارف ليه، لأنهم منافقين.. فالحين في تطويع الشعب السعودى اما
الأمراء وعلية القوم مثل هذه الدكتورة فلا يستطيعون ان ينبسـوا ببنت شفـة.. مرتبات المطوعين حتنقطع لو عارضوا الأمراء وكبار القوم.. يأكلوا من وين، وهم لا يؤمنون بأن الله هو الرازق، وبالمناسبة الخوف على الرزق
والإيمان لا يجتمعان.. ولا يمكن ان نسميهم أنصار السنة لتلطيخ السنة النبوية المطهرة بنهجهم المنافق. فهم وهابية وسوف يظلون وهابيـة. هذا بإختصار، ولو اردت اتيك بأدلة ثابتة بالصور والفيديو من المخازى التي يسكنت
عنها الوهابيون ولا يستطيعون ولا بقول كلمة واحدة ان يعبروا عن معارضتهم لها.
| |
|
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: Abureesh)
|
| Quote: والسنة المطهرة لا تعرف الخوف إلا من |
كلامك سليم يا ابو الريش ولكن الله تعالى شرع صلاة الخوف كما تعلم في الشريعة ، نحن ناس شريعة بس .
لكن ما بال الجمهوريين الأربعة الذي تنكروا لمحمود وقالوا بكفره وردته في التلفاز خوفا من النميري أيام محكمة الردة ونجوا بجلدهم ، بالله كدا بس ذكروني من هم ولماذا خاوفوا والسنة مافيهاش خوف ؟؟؟
تحياتي
| |
|
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: محمد الزبير محمود)
|
ودا كلامك انت يا ابو الريش
الجمهوريون و البورداب.. ما إسم ذاك المستتاب.. القائل بكفر المحموداب ؟الجمهوريون و البورداب.. ما إسم ذاك المستتاب.. القائل بكفر المحموداب ؟
Quote: الطيب،
بما أنك ذكـرت الأخ حيــدر، فأعتقــد أن الذى تسـأل عنـه هـو الأستـاذ عبـد اللطيف عمــر حسب الله.. الذى أرهبتـه لجنـة حكوميـة كانت أداة فى يـد النميـرى، وفرضت عليـه نقل نص توبـة من الفكرة الجمهـوريـة وإدانـة الأستاذ محمـود بالردة.. فقـرأهـا لهـم وهـو ممسك بالورقـة بيـد واحـدة.. لأن يـده الأخـرى كانت مربوطـة بجنزيــر على رجليــه.
وعبـد اللطيف لا يتطلع لأن يكون قياديـا، وإنما هـو بالفعل القيادى فى المجتمـع الجمهـورى، ولا حيـدر قال ذلك.. فمن أين جئت بهـذا؟
هل هـذا يكفى؟ |
أها يا ابو الريش السنة كانت وين ، وهل الخوف من اللجنة ينسخ الخوف من الله ؟؟؟
والفرق شنو بين الخوف والإرهاب ؟؟؟
يعني عبد اللطيف ماهو عارف السنة يا ابو الريش ؟؟؟
والفرق شنو بين سكين الانصاري وجنزير النميري ؟؟؟
تحياتي
| |
|
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: محمد الزبير محمود)
|
ابو الريش سلام واحترام ,,
ممكن توضح لي انت معترض ولا مستنكر ولا شنو تصدق للحظة دي ما فاهمة قصدك ..
وان شاء الله يااااااااربي المرة الجاية تلقاها سائقة عربية ههههههه .
بالمناسبة السعوديات ديل لابسات الحجاب مجرد عادات وتقاليد لانه الاسلام اساسآ بقي في
( مكس ) بينه وبين العادات الضارة .
ومشكور .
| |
|
|
|
|
|
|
|
|
|
Re: سعودية بدون غطاء راس تلقى كلمة بلادها فى ا (Re: مني عمسيب)
|
| Quote: ممكن توضح لي انت معترض ولا مستنكر ولا شنو تصدق للحظة دي ما فاهمة قصدك |
حوار نخب ، تحيا الإستنارة.
Quote: بالمناسبة السعوديات ديل لابسات الحجاب مجرد عادات وتقاليد لانه الاسلام اساسآ بقي في
( مكس ) بينه وبين العادات الضارة .
|
كل الملابس تلبس عادات وتقاليد وليس للحماية من الرصاص ، عشان كدا ما بتلاقي واحد حايمة عريانة في الشارع لأن معظم طبع البشر ترفض ذلك !!!
لكن نفس العادات والتقاليد نجد فيها ما يؤيده الشرع مثل الحجاب وما يعارضه مثل التعري ، والمتحجبات منهن من يفعل ذلك تدينا ومرضاة لله ومنهن من يفعل ذلك كعادة وتقاليد ، ولكن الله تعالى وحده هو المطلع على القلوب ، الذي يميز لباس العادة من لباس العبادة ولم يوكل أحدا من عباده للحكم على ضمائر البشر !!!
| |
|
|
|
|
|
|
| |
Abureesh
عصام دهب
الامين موسى البشاري
سيف النصر محي الدين
مني عمسيب
فيس بوك
تويتر
انستقرام
يوتيوب
بنتيريست