اولادنا ... الذين أتينا بهم سواء الى بلاد الخليج و ما حولها ... او الى بلاد المهجر البعيدة ...
حيث تزايدت اعداد السودانيين هاربين من الظلم و ضيق العيش في البلد
تراكمت علينا السنين و نشأ ابناءنا و بناتنا في هذه البلاد سؤالي : هل نتوقع ان يرتبط ابناءنا و بناتنا في مرحلة الزواج بأبناء و بنات السودان؟ و هل ابناءنا و بناتنا انفسهم ينطبق عليهم ما قاله ابو آمنة حامد بنحب من بلدنا ، ما بره البلد سودانية تهوى عاشق ود بلد
و هل طول الزمن اثر علينا و اصبحنا ( برة البلد ) تقريرياً و روحياً ...
بل السؤال الأكثر مرارة من السؤال الأول: هل السودانيين ( المهاجرين ) و المتواجدين في (الغربة ) ... ما زال بدواخلهم الاحساس بهذه الأبيات ؟ مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في ذاتنا..
ام اختلط حابلنا بنابلنا ... ؟
09-21-2015, 04:06 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
قال لي بعدين شنو ياخ ... بقول ليك امريكي و ابيض كمان ؟
قلت ليهو طيب لي هسي ما قلت لي غير امريكي و غير انه ابيض ... و مهندس زميلها صاح ؟
طيب هل الولد أسلم ؟ و هل البنية فاهمة الكلام ده ؟
قال لي هو جانا مسلم جاهز ليهو سنتين ... بعد ما هم قرروا الارتباط ... فهمته انو لو هو ما مسلم ما حيتزوجوا ...
طيب؟
الولد اسلم ... و امه و ابوهو مقتنعين باختياره ... و جونا زيارة يطلبوا ايد البت ...
لكن ياخي حكاية انها ما تتزوج سوداني دي مصيبة ؟
قلت ليهو طيب انت ليك الان 23 سنة هنا ...
و الشابة دي زاتها جبتها عرها سنتين تلاته صاح ؟
و نشأت عارفه دينها و عارفه القيم و الاخلاق ...
اها القلب ده كيف داير انت بي قدرة قادر داير توجهه اتجاه واحد و تزوجها سوداني ؟
و هل انت بتعتقد انو الشاب السوداني ده لو موجود و فيهو كل مقومات النجاح
هل بتضمن انه لازم قلبه يميل لي واحده سودانية .؟ ماهو جاء في نفس الظروف ... _______________________________________________________ ما زال الحوار مستمراً ...
09-21-2015, 04:33 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
تمت بعض الزيجات السودانية - سودانية ... بين شباب و شابات ولدوا او نشأوا هنا منذ طفولتهم ...
لم يمضي وقت طويل حتى نحكم على نجاها ... و لكن الشكل العام يوحي بأنها ( لو تمت باختيار العروسين ) ستكون ناجحة ...
تتم افراحهم مخلوطة بمسحة كندية حسب هوى العروسين ... و تنتهي بطقوس سودانية جميلة ... حسب اهواء كبار الأسرة ...
لا اعتقد ان الجيل الثالث من السودانيين سيكون في افراحهم أي اثر اعراس سودانية ... ___________________________________________________________ كانت الاعراس و الاتراح في السودان القديم تكمل 40 يوماً بالتمام و الكمال ...
و تناقصت الأيام و مظاهر الافراح و الاتراح لظروف عديدة ...
حتى اصبح دفن الميت هو نهاية ( الفُراش ) ... ___________________________________________________________ هل نحزن على الماضي ...
أم نرضى بواقعنا الجديد ...!!!
09-21-2015, 05:24 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
"ود بلد بتاع قميصك" الشرِط دا هي البت دي عارفا ود بلد يعني شنو بالسوداني* طالما هي نشأت في الغرب عليها اختيار ود البلد بتاع الغرب بعدين نحن تراثنا دا نصو أوهام وإلا لما حاق بنا ما حاق
* بعدين التانية: ود بلد دي بتجيب ليك هوا
09-21-2015, 05:32 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: "ود بلد بتاع قميصك" الشرِط دا هي البت دي عارفا ود بلد يعني شنو بالسوداني* طالما هي نشأت في الغرب عليها اختيار ود البلد بتاع الغرب بعدين نحن تراثنا دا نصو أوهام وإلا لما حاق بنا ما حاق
* بعدين التانية: ود بلد دي بتجيب ليك هوا
قال ليك امريكاني ود بلد ...
ياخي أبو آمنة حامد حام السودان كله في الاغنية ...
تقول لي بتجيب ليك الهوا ... ؟
انا أتوقع تجيب لي الهوى و الله ...
09-21-2015, 07:19 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات يا هندسة في الإمارات هنا بعرف اسرة سودانية مقيمة من سنين طويلة وابنائها اتولدوا واتربوا هنا بنتهم الأولى تزوجت عماني القيامة قامت عند معارفهم واقربائهم, بعد شوية البنت الثانية تزوجت فلسطيني اردني وايضا قامت القيامة مرة ثانية لكن في النهاية هدأت الأحوال والناس مضطرة تتعامل عامل عادي هي خيارات الأبناء النشأوا في الغربة ولا تعني لهم العادات والاعراف السودانية الكثير وبعد شوية الأجيال الجديدة هي سيدة قراراتها, انتهى زمن يا ولد و يا بت اسمع / ي الكلام
09-21-2015, 08:09 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: هي خيارات الأبناء النشأوا في الغربة ولا تعني لهم العادات والاعراف السودانية الكثير وبعد شوية الأجيال الجديدة هي سيدة قراراتها, انتهى زمن يا ولد و يا بت اسمع / ي الكلام
هو كذلك يا صديقي ...
تعرف يا ود البُشرى قصة انو الشباب هو سيد قراره ...
زمان كنت راكب الأندرقراوند في لندن ...
قاعد قدامي ولد عامل شعره لي فوق كده و مصمغه و ملونه بنفسجي و اصفر ...
فسألته قلت ليهو ليه عامل شعرك كده ...
رد علي بكلمتين بس و قال لي :
؟ why not
اها من وقتها عرفت انو الأجيال الجديدة هي سيدة قراراتها, انتهى زمن يا ولد و يا بت اسمع / ي الكلام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
معاوية الزبير
محمد البشرى الخضر
معاوية المدير
فيس بوك
تويتر
انستقرام
يوتيوب
بنتيريست