|
|
|
 Re: مبروك للرشاشات .. حمدا لله على السلامة .. يا (Re: طارق حرسي)
|
تعرف يا حرسي
دي حركات مزمل أبو القاسم الخرب بيها الإعلام الرياضي في السودان .. طوالي إعلام المريخ شغال تغبيش وتجهييل
المريخ فقد نقاط هلال كادقلي والأمل عطبرة في الميدان لسوء أداء اللاعبين .. قام مزمل أبو القاسم ببيع الوهم لجماهير المريخ
بالشكاوي الضاربة التي تستند على القوالات ولا تدعمها المستندات... دا كله عشان يصرف الأنظار عن خيبة أمل الفريق..
نفس الشئ إعلام المريخ الآن يحاول تصوير ان الهلال اشترى المباراة من سموحة (والادله الصور) . شي طبيعي أن تتواصل إدارة الهلال مع إدارة فريق سموحة.. نفس الشئ إدارة الهلال تواصلت مع إدارة المغرب التطواني...
يعني بطلوا شغل إعلام المريخ الضلالي
| |
 
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: عادل الباهي عبدالرازق)
|
Quote: مازيمبي قال حلقنا للمغاربة وحنحلق لوصيف الهلال بقعر قزازة
وجمال الوالي يدعو اتحاد سيكافا للاجتماع بعد مباراة مازيمبي لدراسة اقامة دورة سيكافا بشرط
فريق عزام ما يشارك |
شوف يا بتاع الغجر انتا
ده شعرن ما عندك ليهو رقبة و قيل و لا راس حتى
المريخ شايل الكاس يعنى شايل الكاس
بس حيكون مسيخ لو ما لاقيناكم
نسال الله ان تتأهلوا على حساب الاتحاد
عشان تلقو العقرب قانصالكم فى الدرب
قال مازيمبى قال
ما لاقيناكم فى السمى
منانا نلاقيكم فى الفاينال
و ياريت ياريت ياريت
كفاك وللا نزيدك
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: جلالدونا)
|
صباح الخير
يامشرف بقرة عبد السيد كايسة التصنيف واهو لقتو تزعة نقاط من ستة مباريات هسة التزعة دي الفرع انتساب بدخلوم
علا يقرو بالقروش والقروش ظاتو من وين من السبعمية وخمسين ادو سموحة 200 الف دورار باقي ليهم حق الميز بس
ودفاعوم ده كن نمَّت ليو روضة الحاج ونضال ماحيشد حيلو
اها مباراة الرد للجزاير بتمشو ول بتزوغو متعودة دايممممممممممممممممممممممن
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: حامد بدري)
|
دور الأربعة وضع طبيعي للهلال في هذه البطولة القارية
لكن الوصيفاب أول مرة يصلو المرحلة دي والسبب مجموعة الحمام نصه قادر يطير والنص الثاني مكسر
نتمنى أن نلتقي بالوصيفاب في النهائي لنحتفل بالبطوة من عقر دارهم لأنهم معبرة تاريخية للهلال
من قبل في دوري المجموعات تذيل الوصيفاب المجموعة كما هو الحال سموحة
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: محمد حيدر المشرف)
|
سلامات يا شباب ..
واحد واحد مع الكثير من الود والتقدير ..
هناك إعلام رياضي ينتمي لمؤسسة الصحافة السودانية ويشكل في حد ذاته مؤسسة قائمة بذاتها ..
هذا الاعلام في اعتقادي اعلام سالب ومضر ..
الا أنه ليس بعيدا عن المجتمغ الرياضي ممثلا في قطبيه الهلال والمريخ ,,
وغير بعيد عن كل مظاهر الانحطاط العام في السودان .
لم يأتي من الفراغ .. هذه من تلك كما يقولون .
في هذا المنبر لا ننتمي او ننصف ضمن تلك المنظومات ..
بالنسبة لي هو امتداد طبيعي لما كنا نمارسه من الاختلاف اللطيف والاليف جدا عبر حياتنا كفرقاء رياضيين .. هلالاب ومريخاب ..
ولربما صادف ذلك في نفوسنا الكثير من الذكريات الجميلة ..
شخصيا انتمي لاسرة كبيرة جدا أغلبيتها الساحقة من الهلالاب ..
ولعل السبب وراء ذلك ومرده الأساسي لسكن أسرتي الكبيرة ومن ناحية الاب والام .. سكنهم في حي البوستة .. وحتى القليل جدا منهم خارج حي البوستة يسكن العرضة شمال .. وهذه جغرافيا لا تنتج الا "رشاشات" .. والحمدلله كان الوالد وانا وأخي استثناءً من ذلك .. وذلك فضل من الله يؤته من يشاء :)
في هذا المنبر اهو بنشاغل اصاحبنا الرشاشات .. ذات المشاغلات الاليفة ما نرتكبها اذا ما اجتمعنا في فرح او ترح .. صبري وخليل وكيكي ومعاوية .. واهو اتفاجأت اليوم بعبد العظيم وغيرهم وغيرهم ..
هذا ما عنى لي توضيحه يا أصدقاء ..
| |
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: عبدالعظيم عثمان)
|
أخى الكريم/محمد السلام عليكم..
من موجب التحت ده إنت مريخابى تصارعك نفسك لأن تكون هلالابى....وده بحكم التنشيئة والوسط الكنت فيه....وده من سوء حظنا إنك ما من قبيلتنا وكان يكون لينا الشرف لأن مناكفتك جميلة ولطيفة والحق يقال.
عن موضوع البيع والتسلل أى شخص يقول كده ماعنده موضوع ومالاقى ليه سبب ولكن سعيد بالمشاركة فى بوستك الجميل.
Quote: سلامات يا شباب ..
واحد واحد مع الكثير من الود والتقدير ..
هناك إعلام رياضي ينتمي لمؤسسة الصحافة السودانية ويشكل في حد ذاته مؤسسة قائمة بذاتها ..
هذا الاعلام في اعتقادي اعلام سالب ومضر ..
الا أنه ليس بعيدا عن المجتمغ الرياضي ممثلا في قطبيه الهلال والمريخ ,,
وغير بعيد عن كل مظاهر الانحطاط العام في السودان .
لم يأتي من الفراغ .. هذه من تلك كما يقولون .
في هذا المنبر لا ننتمي او ننصف ضمن تلك المنظومات ..
بالنسبة لي هو امتداد طبيعي لما كنا نمارسه من الاختلاف اللطيف والاليف جدا عبر حياتنا كفرقاء رياضيين .. هلالاب ومريخاب ..
ولربما صادف ذلك في نفوسنا الكثير من الذكريات الجميلة ..
شخصيا انتمي لاسرة كبيرة جدا أغلبيتها الساحقة من الهلالاب ..
ولعل السبب وراء ذلك ومرده الأساسي لسكن أسرتي الكبيرة ومن ناحية الاب والام .. سكنهم في حي البوستة .. وحتى القليل جدا منهم خارج حي البوستة يسكن العرضة شمال .. وهذه جغرافيا لا تنتج الا "رشاشات" .. والحمدلله كان الوالد وانا وأخي استثناءً من ذلك .. وذلك فضل من الله يؤته من يشاء :)
في هذا المنبر اهو بنشاغل اصاحبنا الرشاشات .. ذات المشاغلات الاليفة ما نرتكبها اذا ما اجتمعنا في فرح او ترح .. صبري وخليل وكيكي ومعاوية .. واهو اتفاجأت اليوم بعبد العظيم وغيرهم وغيرهم ..
هذا ما عنى لي توضيحه يا أصدقاء .. |
أحى البوستة وسكانها وأنا ما بعيد منك من مواليد العباسية غرب
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: ismeil abbas)
|
.
شكراً يا دكتور علي الرد.. أتفق معك في أن المناكفات اللطيفة بين القطبين هي التي تعطي الكرة السودانية طعمها الجميل الخاص.
وكذلك ليس لدي أي إعتراض علي التشكيك في صحة الهدف .. وهذا حقك الذي يمكنك أن تدعمه بما شئت من فيديوهات .. ومن حق الآخرين الرد أيضاً.
لكن ما يحزنني هو التشكيك في (نزاهة ) مجموعة كبيرة من الأشخاص لمجرد إرضاء ذاتنا – حتي ولو كان مذاحاً – و الإتيان بصور لقاءات و وجبات وتصويرها
بأنها تمت من أجل بيع الماتش .. فهذا ما لم أكن أتوقعه.
بعد البوست دا ما يسمي بالصحافة الرياضية في الخرطوم فضل ليها شنو؟
شنو الفرق بين البوست دا وما يكتبه الرشيد علي عمر ومزمل أبو القاسم؟
لك الود مرة أخري.
.
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: معاوية كرفس)
|
Quote: لصورة تجمع د . محمد صغيرون القنصل العام بالاكسندرية يلتقي برئيس نادي سموحة محمد فرح عامر
الصورة دي ظهرت قبل حضور الهلال للاسكندرية بايا |
حبيبنا طارق .. مودتي بلا حدود .. كلام كورة بس مع كامل المحبة
والله فرحتني .. يا المصريين يبيعوا ويشتروا فينا من بعد غزوة إبن ابي السرح
إذا كان ذلك صحيحاً هذا يعتبر إنجاز كبير للهلال ..والوطن ..
نحن نشتري المصريين .. ياسلام .. الحمدلله عشنا وشفنا الزمن ده ..
طيب كده نخلي كاردينال رئيس السودان ما دام لديه كل هذه المقدرات ..
كده الواحد يكون مطمئن .. أكبر إنجاز في تاريخ السودان ..
ارشح كاردينال إلى رئاسة الجمهورية مباشرة ..
تحياتي طارق .. ومودتي ..
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: علي عبدالوهاب عثمان)
|
Quote: تعرف يا حرسي
نفس الشئ إعلام المريخ الآن يحاول تصوير ان الهلال اشترى المباراة من سموحة (والادله الصور) . شي طبيعي أن تتواصل إدارة الهلال مع إدارة فريق سموحة.. نفس الشئ إدارة الهلال تواصلت مع إدارة المغرب التطواني...
يعني بطلوا شغل إعلام المريخ الضلالي |
عظمة سلام
دي بالثابتة يا حبيب
واول مرة نسمع لينا دعوة عشاء لرئيس بعثة فقط ويسبقها لقاء مع قنصل عام .. دي دعوة وللا خطوبة
الدعوة مفروض تكون لجميع البعثة
وبعدين الغريب والجديد شنو يعني انت ناسي 2=12 
وانتو كمان بطلوا شغل إعلام الفول ده ( علي قول هيثم مصطفي )
ــــــــــــــــــ
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: طارق حرسي)
|
| Quote: سعال صعب..... كم مره تاهب المريخ للمجوعات.... خليك من عدد النقاط ودري الاربعه |
فالنفترض مرة واحدة فقط
وفي المرة الواحدة دي حقق ما لم يحققه غيره في اكثر من 10 مشاركات
بالارقام
13 نقطة
بدون اي خسارة داخل ارضه
المحافظة علي نظافة شباكه في جميع المباريات التي لعبها داخل ارضه بداية من التمهيدي وحتي آخر مباراة في المجموعات
والمافي شنو
ــــــــــــــــــــ
اها انتو بعد مشاركاتكم الكتيرة دي حققتوا شنو غير بطولة ( التصنيف ) 
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: طارق حرسي)
|
Quote:
بالارقام
13 نقطة
بدون اي خسارة داخل ارضه
المحافظة علي نظافة شباكه في جميع المباريات التي لعبها داخل ارضه بداية من التمهيدي وحتي آخر مباراة في المجموعات
والمافي شنو
ــــــــــــــــــــ
|
ارقام شنو انت مرقت من عزام بكرامة البليلة ...طموحكم تمهيدي ...جابتكم الصدفه فوق كدا
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: حامد بدري)
|
سلامات يا حامد بدري
الكورة دي تحديدا ما فيها تسلل ، مدثر كاريكا عند الضربة كان في لاعب من سموحة على اقصي الجانب الايمن من ملعب سموحة مغطى الاوفسايد..التسلل بيتحسب عند الضربة(المقصود عند الضربة عندما لعب كيبي الباص قبل أن تصل إلى كاريكا)..
اللاعب الكان قريب من المرمي بعد ما لعب كاريكا العرضية لم يتداخل وفي اللعبة والشغيل لن يكن متسلل..
يعني هدف الهلال صحيح100%
جيب الفيديو
المريخاب شايفهم شغالين بالصور عاوزين يشككوا في هدف الهلال....
حكم مباراة المريخ ووفاق سطيف في الخرطوم ذبح الفريق الجزائري من الوريد إلى الوريد وغير نتيجة المباراة..
الهلال بيلعب نضيف وبيغلب بضراعه مش بضربات الجزاء وطرد الحكم للخصوم ..
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: عبدالعظيم عثمان)
|
يا عظيم يا عظيم ...
يا اخوانا انتو الكلام ده ما واقع ليكم ؟!!
كان ما واقع ليكم قولو ما واقع ليكم !!
Quote: الكورة دي تحديدا ما فيها تسلل ، مدثر كاريكا عند الضربة كان في لاعب من سموحة على اقصي الجانب الايمن من ملعب سموحة مغطى الاوفسايد..التسلل بيتحسب عند الضربة(المقصود عند الضربة عندما لعب كيبي الباص قبل أن تصل إلى كاريكا)..
اللاعب الكان قريب من المرمي بعد ما لعب كاريكا العرضية لم يتداخل وفي اللعبة والشغيل لن يكن متسلل..
يعني هدف الهلال صحيح100%
|
1- نحنا بنتكلم لمن كاريكا لمن لعبو ليهو الباص المنو هو استلم الكورة .. كاريكا كان في موقع تسلل أوضح من الشمس ولا ما كان ؟! ..
2- كاريكا لمن ضربو ليهو الباص الاستلم منو الكورة ( ما لمن عكسها) ..هل كان بينو وبين حارس المرمى أي لاعب من سموحة جمل الطين ؟!
3 لو كان في لاعب من سموحة كسر التسلل الاوضح من الشمس ده .. وينو ؟!!
..
غايتو جنس رشاشات !!
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: محمد حيدر المشرف)
|
صباح الخير يا دكتور
.. Quote شخصيا انتمي لاسرة كبيرة جدا أغلبيتها الساحقة من الهلالاب :
ده طبيعي يا ود المشرف وهو الحاصل في جميع أنحاء السودان
الناس أول بيتولدوا علي الفطرة وبعد داك ...... أو كما قيل
يا حامد في الصورة دي ممكن تحدد لينا موقع الكورة ولا كانت طارة برضو عنزة
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: هشام المجمر)
|
مبروك للرشاشات ..
و ..
حمد لله على السلامة ..
و ..
لولا التحكيم ل .. طاروا ..
هدف الهلال هدف غير صحيح ..
تسلل واضح جدا .. أوضح من الشمس .. على اللاعب كاريكا .. تغاضى عنه التحكيم الافريقي ..
هذا هو الهدف الذي بموجبه تأهل الهلال ..
ولو تم تطبيق القانون ..
لكان المتأهل - كما أعتقد- هو المغرب التطواني ومازيمبي ..
لكل ذلك وبرغمه نقول مبروك وحمدالله على السلامة ولولا التحكيم ل طرتو ..
وجودكم مع الكبار (المريخ والاتحاد الجزائري ومازيمبي) خطأ قانوني فادح !!
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: محمد حيدر المشرف)
|
| Quote: وجودكم مع الكبار (المريخ والاتحاد الجزائري ومازيمبي) خطأ قانوني فادح !! |
المشكلة يادكتور الغربان ديل خطرين جدا بالذات مع رواكيبكم الورا ديل
كمان اذا عايز تلعب برا الميدان شيل شيلتك لانك مافايتهم بحاجة
عندك قروش البلد عندهم عشرة مرات قدرها عايز تمشي لمنشطات وكدا
هناك اللياقة فطرية
غايتو احسن الله عزاؤكم برضو اولاد عمنا
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: بهاء بكري)
|
هههه ,,
كده صاح يا بهاء ..
احسن حاجه تتجاوزوا مسالة انو وجودكم مع الكبار خطأ قانوني فادح ..
وتتجاوزوا مسالة استحقاق المغرب التطواني للتأهل لو كان في عدل ..
وتتكلموا بحكم الامر الواقع ..
مش زي ود القاضي اللسه عاوز يشوف موقع الكورة :) :)
....
غايتو ما فضل ليكم الا تقولو نحنا جينا بالبندقية والعاوز يقلعنا يشيل سلاحو ..
هههههههههههه
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: صبري طه)
|
شكرا يا صبري ..
كنت أعلم ان ذلك سيكون رأيك ..
وكنت أعلم أنك ممن الشجاعة لاعلان ذلك ..
الاخطاء التحكيمية واردة في كرة القدم ..
وهي جزء من اللعبة ..
مبروك للهلال ..
مبروك للرشاشات ..
حمدا لله على السلامة ..
ولولا هذا الخطأ التحكيمي لطاروا ..
ولما كانوا الآن مع كبار القارة الافريقية الثلاثة .. المريخ والاتحاد ومازيمبي ..
:)
| |
|
|
|
|
|
|
|
|
|
Re: مبروك للرشاشات .. حمدا لله على السلامة .. يا (Re: محمد حيدر المشرف)
|
Quote: تعرف يا حرسي
دي حركات مزمل أبو القاسم الخرب بيها الإعلام الرياضي في السودان .. طوالي إعلام المريخ شغال تغبيش وتجهييل
المريخ فقد نقاط هلال كادقلي والأمل عطبرة في الميدان لسوء أداء اللاعبين .. قام مزمل أبو القاسم ببيع الوهم لجماهير المريخ
بالشكاوي الضاربة التي تستند على القوالات ولا تدعمها المستندات... دا كله عشان يصرف الأنظار عن خيبة أمل الفريق.. |
| |
|
|
|
|
|
|
| |
محمد حيدر المشرف
abas
طارق حرسي
معاوية عبيد الصائم
محمد البحر
الامين موسى البشاري
جلالدونا
عبدالعظيم عثمان
علاء سيداحمد
معاوية كرفس
عادل الباهي عبدالرازق
لطفى العمده
خالد عبد الله محمود
حامد بدري
MOHAMMED ELSHEIKH
Abuobeida Ali Abdullah
مازن الجمّال
اباذر عبد العال
ismeil abbas
علي عبدالوهاب عثمان
محمد محمد قاضي
هشام المجمر
بهاء بكري
الحاج حمد الحاج
فيس بوك
تويتر
انستقرام
يوتيوب
بنتيريست