|
..يا ادارة البرامج...قناة النيل الازرق..نحن نستغيث بكم..من مقددمة برنامج ..الو..مرحبا..انيق نجود.!!!
|
04:06 PM Sep, 08 2015 سودانيز اون لاين عصمت العالم-بريطانيا مكتبتى فى سودانيزاونلاين
لكل برنامج معد..ومهمة المعد..مادة البرنامج ..محاور النقاش..اختيار الضيف....اختيار الفواصل...ان كانت احاديث موسيقى اغنيات..او استطلاعات على حسب مادة النقاش..واعداد سيناريو الحوار تحت خطوط واضحه..تقود بها مقدمة البرنامج او مقدم البرنامج دفة الحوار..فى تنسيق تام مع مخرج الماده.. برنامج مساء جديد او برنامج الو مرحبا وفيما كلما تظهر فيه نقدمة البرنامج ..نجود حبيب..التى تستعمل لغة واحده وتردد عبارات روتينيه.. وتتصرف بشكل اشبه بالبوهيميه المفرطه..وتعطى بذلك مثالا سيئا لمقدمات البرنامج...وتبحلق عيناها بطريقة تنم عن خواء فكرى لا حدود له.. فى سذاجة وسماجه..وعدم كياسة وسوء تصرف..مما يجعل كل المشاهدين من الخليج الى المحيط فى حيرى من امرها.. ولعل ذلك كان واضحا فى لقاء مع الفنان حمد الريح الذى استغرب من تلك الطريه وواجهها بها...( ولم تبدى الاداره اى اشاره) هنالك سؤال مهم..؟؟؟ اوليس هنالك متابعه من ادارة البرامج علىى اداء وتصرف مقدمات البرامج...ومتابعة الاداء ثم التوجيه المطلوب..!!!.؟؟ مؤسف كل ذلك..لان الانهيار قد شاب كل شىء فى بلادى.....!! لا حول ولا قوه الا بالله العلى العظيم..ااا
|
|
|
|
|
|
|
|
Re: ..يا ادارة البرامج...قناة النيل الازرق..نحن (Re: محمد قسم الله محمد)
|
ديل كوم والزول الاسمه الواثق جار العلم الفى قناة امدرمان كوم براهو ياخى ده من شدة ما بتكلف لمن مادى بوزو حقت شوفونى ما بستحق الشفقه يا ولدى كان شفت عمك المرحوم ذو النون كان بقدم البرامج كيف كان اتعلمت غايتو دى ما شغلتك لكن التقديم قسم يا عينيا وفعلاً جار العلم ساكت .. بعض مذيعى القنوات اخير منهم اشششششششششششششششششش الفى نهاية الارسال،،،
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: محمد قسم الله محمد)
|
الو مرحب...المعاي منو؟عص؟ماسامعة كويس..منو عصمان جار العلم والمتصل يكرر معاكي عصمت العالم هي: آآ آ ن ن عيصمات ...سوري يااوستاز بتتكلم او متصل من وين ياعوصمان؟ (المتصل ﻻيرد ويبدو انه فقد اعصابه) هي: الظاهر الخط قطع..عموما نمشي نشوف المحطة الجاية دي انو المدعو عيصمات خرج من منزله وغايب مونزو مايغرب حوالي 87 سنة 87 سنة وهو في ناس شاهدوهو في ليبيا سنة الف وتوزعمية عفوان في الفين واطناشر معاكم انا نجود حبيب ..ومع السلامة (ترفع يدها الشمال واصابعها مع المنكير اﻻحمر ترتفع وتنخفض) في اشارة لعيصمت
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: Ahmed Yassin)
|
Quote: حليييييييلك يا الصباغ..[/B جيل ذهبي.. |
تحياتي يا عصمت ...
موضوع منتهي يا عالم قصة المذيعين و المذيعات ...
أخطاء و توثيق خاطئ خليها على الله بس ... ____________________________ تعرف يا قسم لما ظهروا ناس الفاتح الصباغ رحمه الله ... كنا نقول
حليل ناس عمر عثمان و سمير أبو سمرة ... جيل ذهبي !!!
تخيل ؟
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: عصمت العالم)
|
أنا ما في شئ محيرني إلا طريقة النطق لبعض الحروف يعني زي حرف الشين كل مذيعات النيل الآزرق ينطقن حرف الشين بالضمة ، الواحدة فيهن تمد قدوما بطريقة غريبة جداً ما عارف أيه الفكرة من كده ..؟؟؟
ثم ثانياً ليه في كل القنوات دي مافي مذيعة لونها اللون الأخضر لون السودانين المعروف ، ليه كل وجوه المذيعات مسلوخ الواحدة فيهم عاملة زي النيقتف ؟؟؟ طيب لو قلنا هم بنات وعايزات كده ليه المسئولين في القنوات دي يوافقو على هذا المسخ ...
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: Ahmed Yassin)
|
وعين الرضا عن كل عيب كليلة ولكن عين السخط تبدى المساوي
اخي عصمت والمتدخلين ، السلام عليكم
اولا الاخت مجتهدة في اداء وظيفتها كمقدمة برنامج في حدود امكانيات القناة، ولكن وصفك لها بالبهمية فيه احجاف كثير هي انسانة كرمها الله من الحيوانات. نامل منكم توخي انتقاء العبارات بان لا تكون جارحة او تنتقص من آدمية الانسان، السودانين المهاجرين لدول الغرب وخاصة اوربا، اصبح العبض منهم يكثر الانتقاد ، والتعبير عن استيائه بطريقة متنكرا للبلد الذي خرج منه، ولا يري شيئا جميلا فيه، على الرغم من وجود بعض من اهله وعشيرته، اقلع النظارة الخاضعة التي ترديها لترى الامور على حقيقتها.
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: بدر المعارف محمد المساعد)
|
.
البنات دل شايلات وش القباحة (وإن بدى أبيضا) فخلفهم يجلس طابور من الحبرتجية عاطلي المواهب من العاملين لصالح الحكومة! فمثلا الطاهر التوم ولا خالد بتاع الصالة فرقهم أيه؟! نفس العجنة السيئة التي هرت مصارين الناس! هذه الأجهزة ما هي إلا بعضا من مؤسسات الحكومة، فلا أحد يطمع في تحسين أو تغيير، الأجهزة حقتهم وهم أحرار! فهذه قصص ميتة لا تضيعوا وقتكم!
.
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: عصمت العالم)
|
Quote: هنالك سؤال مهم..؟؟؟ اوليس هنالك متابعه من ادارة البرامج علىى اداء وتصرف مقدمات البرامج...ومتابعة الاداء ثم التوجيه المطلوب..!!!.؟؟ |
تحية طيبة لك أخي عصمت العالم
هو الظاهر عشان في مراقبة ومتابعة وتوجيه بالإبقاء عشان كده البت دي مستمرة توجع في قلبنا وعيوننا وسمعنا
عنداللفة بس : ---------- والعجب المقدمات المكرهاتننا بأكيد أكيد
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: Ahmed Yassin)
|
بس منذ ان قال ابو الطيب المتنبي حكمته الخالدة...مازال الزمان والناس يستولدون الفشل المرة تلو الاخري :
وَوَضْعُ النّدى في موْضعِ السّيفِ بالعلى مضرٌّ .....كوضْع السيفِ في موضع النّدى.
ياخي انت مابتشوف حكيم الامة ووحيد زمانه ...البيطرح نصاح هبطرش في اي امر كيفما كان يوميا علي قناته. والا الفي قناة امدرمان العاملة شاعرة دي لمن كانت في ريحة الن ..مش بتاعت كسلا .
ثانيا انا احب النيل الازرق .. لانو دمها خفيف . واحب الولد الراقي البقدم برنامج الصباح في الشروق امكن احمد ..والتاني بتاع برنامج الشباب امكن علي .وكمان غفران خليل
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: Awad Omer)
|
الاخ محمد.. يبدو ان العله فى الاختيارات والاختبارات الاولى والتدريب والمتابعه والقدرات والكفاءه.. هنالك مذيعين اكفاء لكن لا تتاح لهم الفرص لانه ليسوا ..بمواصفات رؤى مسئولين القنوات.. لا نجد مقدم برنامج ولا مذيع فى قناه سودانيه ملامحه من غرب السودان او شرق السودان او جبال النوبه هذه يعنى ممارسة الاستعلاء العرقى واللونى والنوعى.. فيهم مذيين وفيهن مذيعات ومقدمات برامج على مستوى ربيع اكاديميا ولديهن المواهب ولديهم المواهب.. لكنهم محجوبون ..بامر الوانهم وسحناتهم... عيب كبير..لللل
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: عصمت العالم)
|
الاستاذ الفاضل عصمت العالم
لك التحية الطيبة و التقدير
كلامك فى الصميم و كل ما ذكرته عين الحق ...
لا زالت اجهزة الاعلام الحكومية و الخاصة فى السودان متخلفة
التليفزيون الصحيفة محطة الاذاعة و الذين يشرفون عليها همج ..
هذا الامر فى عمومه فى حال اجراء مقارنه بالدول التى من حولنا و التى بدأت بكفاءت سودانية
.... !!
اشكرك وتتصرف بشكل اشبه بالبوهيميه المفرطه..وتعطى بذلك مثالا سيئا لمقدمات البرنامج...وتبحلق عيناها بطريقة تنم عن خواء فكرى لا حدود له..
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: عصمت العالم)
|
يا خي بوستكم دا ريحني راحححححححححححححة عجيبة ، وأذاب " كرادم " متلتلة " من جنس دا" في مجاري الدم كادت أن تورثني جلطات الآولين والآخرين ... لجأت إثرها لاتخاذ إجراءات ثورية كانت ضرورية وذلك بنتف ريش كافة القنوات السودانية من رسيفري الهيوماكس الحزين. واحد أخونا أحسب أنه صاحب موهبة حقيقية ... تقدم للعمل في التلفزيون السوداني ... قال لي تخيل لقيت الشخص المسئول عن معاينات القبول في التلفزيون منو ... قلتا ليهو منهو : قال لي واحد مذيع مرض ببتعرفو اسمو ناجي . . وبعدين : .قال لي حردتا المعانية ومشيت كداري من مباني التلفزيون حتى شمبات
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: فرحات عباس)
|
العزيز عصمت كيفك يا صديق انا كنت قايل براي العندي راي في المذيعة وبعض المذيعات الاخريات في قناة النيل الازرق ... خاصة وانو قناة النيل الازرق دي القناة السودانية الوحيدة التي اصريت علي ناس الفندق الساكن فيهو انو يضيفوها للباقة المتاحة لكل النزلاء بالفندق ..اها من اضافوها قبل شهر كدا وانا ضغطي مرفوع من مذيعة الو مرحبا ومن البرامج البقت موجهة سياسيا بالنيا الازرق... كل ما افتح بعد الرجوع من العمل النيل الازرق يا القي المذيعة دي يا الطاهر حسن التوم.... او مذيعات تانيات يفقعو المرارة وجد الواحد نفسو ومناهو يشوف مذيعة محتفظة باللون الاصلي لي وشها (خدرة دقاقة وجميلة جدا ) .. يا عصمت الحال من بعضو
تجياتي وتقديري عبد الله جعفر
| |
|
|
|
|
|
|
Re: ..يا ادارة البرامج...قناة النيل الازرق..نحن (Re: Abdalla Gaafar)
|
سلام للجميع,
اتفق معكم , ومرارتي تتفقع كلما اصاقر الفضائيات حنينا الى الوطن !
لكن هسع الزول كان قال رأيو الحقيقي يقوم الناس اللبط ي قولوا الجندريات غيرانات من المذيعات امات كريمات ديل!
غايتو الله يكون في عون الاعلاميات والاعلاميين القديرين والشعب الصابر في جو الربة الحاصلة في اعلام الوطن وفضائياته الكارثة !
ست البنات.
| |
|
|
|
|
|
|
|