|
Re: سلام يا ناس أتوا الحصل شنو داخل الحرم النب (Re: ABUHUSSEIN)
|
شكرا ليك يا رجل يا ظريف انا عارفك بجيب النجيضة جزاك الله عنا كل خير لأن الناس عندنا هنا فى فنكس الناس اختلفت فى مجموعة قالت وديل الناس الذين سافروا مرارا للحج أو العمرة وقالوا اصلا فى وقت بتفتح فيه الروضة والناس بتجرى عشان تنال شرف الدخول وفى مجموعة أخرى قالت فى شئ حصل وجرى الناس دا جرى خوف وانا من هذه المجموعة شكرا ليك يا زعيم بس خلى مساندة النظام لأنك رجل حقاني وساخر هههههههههها تحياتى
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: عماد حسين)
|
ده كلام صحيفة سبق
Quote: 21 ذو القعدة 1436-2015-09-0501:45 AM أكدت أنه تدافُع يحدث بشكل شبه يومي للظفر بأول المكان "سبق" تكشف حقيقة فيديو ركض الزوَّار في المسجد النبوي الشريف
خالد الشاماني- سبق- المدينة المنورة: كشفت مصادر لـ"سبق" حقيقة مقطع فيديو، تم تداوله على نطاق واسع، يظهر فيه ركض وتدافُع الزوار في المسجد النبوي الشريف بالمدينة المنورة. وأكدت المصادر أن هذا التدافع يحدث بشكل شبه يومي أثناء دخول الزوار للروضة الشريفة بعد انتهاء زيارة النساء ورفع الحاجز؛ إذ يقوم الزوار بالاندفاع للظفر بأول المكان.
|
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: ود الباوقة)
|
Quote: صديق حاول اختف رجلك وتعال هرول شوية يا اخ
بدل الهرولة بين البوستات |
الأخ عمر ودالباوقه , السلام عليك يا حبيب ندعو الله أن نكون دائماً والحبيب صديق مهدى من ضمن المهرولين بين الصفا والمروه وداخل القبه الخضراء للصلاه بين المنبر والروضة الشريفه. آمين
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: ABDALLAH ABDALLAH)
|
Quote: الأخ عمر ودالباوقه , السلام عليك يا حبيب ندعو الله أن نكون دائماً والحبيب صديق مهدى من ضمن المهرولين بين الصفا والمروه وداخل القبه الخضراء للصلاه بين المنبر والروضة الشريفه. آمين |
اللهم امين اخوي عبد الله
نسال الله ان يكتب لنا مافيه الخير والصلاح وان يجمعنا في مستقر رحمته
براميل من الود اخي ابو عابدة
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: عماد حسين)
|
الأخ عماد زرت صديق لى اسمه صديق الشيخ انا وزوجتى وعرضنا عليه الفيديو فى الموبايل بتاعى وقولت ليهو يا حاج صديق شوف الفيديو لأن فى ناس قالوا لى التدافق بحدث فى فترة فتح أبواب الروضة فقال لى يا صديق بالحرف الواحد فعلا بتكون فى فترة للناس وحتى زوجته شاركت فى الحديث وحاج صديق قال لى انا كنت ساكن فى المدينة بجوار الحرم النبوى الشريف 11 سنة بس لقيت مرة واحدة صليت فى الروضة وقال لى فى ناس بدخلوا يوم كامل ما بطلعوا اما جرى بالطريقة دى ما فى دا معناه فى حاجة حصلت والكلام لحاج صديق الذى جاور الحرم النبوى الشريف 11 سنة والناس ما تنسى القدر
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: Mohamed Elbashir)
|
Quote: الأخ الحبيب عبدالله والأخ ودالباوقة لم تردوا على سؤالى هل هناك انفجار فى محول كهرباء |
التحيه لك أخى الحبيب صديق مهدى ما كتبته هو مجرد إستنتاج من واقع ما شاهدته من صور وفيديوهات عن هذا الحدث كل أملى أن يكون إستنتاجى فى محله لأننى لا أُريد أن أرى ما يشين عن هذه البقعه الطاهره . حفظها الله وحفظنا جميعاً , أخى صديق من كل شر .
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: ABDALLAH ABDALLAH)
|
سلام الأخ الحبيب عبدالله وارد الإهمال وعدم المتابعة لذا انا عايز اتأكد طبعا الواحد بتمنى من الأخوة السعوديين أن يكون استعدادهم مية فى المية لأن الموسم موسم حج ولم يكن قصدى تشويه وهذا هو قضاء وقدر وهذه من أركان الإيمان يعنى الناس ما تستنكر وقوع مثل هذه الأشياء وقبلها حدث فى الحرم المكى فى بداية الثمانينات وتوفى فيها مؤذن الحرم عبدالعزيز بخارى رحمه الله نسأل الله سلامة المسلمين وكل خلق الله فى بقاع الأرض تحياتى يا حبيب انا قصدى شريف لكن الكيزان عاملين الدين دا حقهم ولا يحق لأحد أن يتحدث إلا باذنهم لأنهم هم الكمال لاحظ المتداخلين كلهم كيزان عدا انت
| |
|
|
|
|
|
|
Re: سلام يا ناس أتوا الحصل شنو داخل الحرم النب (Re: صديق مهدى على)
|
زي ما قال محمد البشير فان نظام التكييف المركزي للمسجد النبوي الشريف بيقع خارج حدود المدينة المنورة.. وهذا النظام مشروح بالتفصيل في بوست اميرة بت مصطفى في قصة اسرة بن لادن لان شركة بن لادن هي التي قامت بتركيب نظام التكييف المركزي للمسجد النبوي وعشان المهندسين كانوا امريكيين وغير مسلمين وغير مسموح لهم بدخول المدينة المنورة اقاموا هذا النظام خارج حدود المدينة ومدوا انابيب في انفاق تحت الارض حتى المسجد النبوي ولذا فلا توجد محولات كهرباء للنظام التبريد داخل المسجد ولكن يمكن ان تكون فقط عداد كهرباء للمصابيح ... ودمتم
| |
|
|
|
|
|
|
|