تلك التي تفصل بين جيل الأمس واليوم ليست مسافات بل هي فراسخ . في هذا البوست نحن في حضرة مقطع فيديو زمنه أقلّ من اربع دقائق لكنه ذآخر بالجمال والإبداع الذي يحتاج لسنين ضوئية من التمعُن والتفكُر، شئ حقاً يستحق وقفة ...
09-05-2015, 12:19 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
من لم يطرب فعليه ان يتحسس نفسه، كل مخلوق يستمع لهذا المقطع حقّ عليه ان يطرب، إنس جن طير حيوان إنسان، إنسان له وجهة نظر في الغناء يرى انه حرام، إنسان له وُجهة نظر مخالفة يرى انه حلآل . مهماً حاول مخلوق ان يتجلّد ويتحكم في مشاعره ويحاول كبح جماح نفسه كي لا تتفاعل ولا تهتز طرباً في دواخلها مع هذا التطريب لا مُحالة فاشل ...
قبل الفيديو تأملوا معي هذه الأبيات لكثير عزة، ولمَّا قضَينا منْ منًى كُلَّ حَاجَـة***ومسَّح بالأرْكان مَن هُو ماسـحُ وشدَّت على دُهْم المَهارَى رحالُنا***ولَم ينظرالغَادي الَّذي هُو رائـحُ أخَذنا بأطْراف الأحاديـث بينَنـا***وسالت بأعناق المُطيّ الأباطـحُ
تمعنوا في هذا القول الجميل الذي لا يخلو من تطريب وجمال نظم يدخل إلي اعماق النفس ويجعلها تهتزّ طربا . الكلآم لآمن يكون موّقع بيعجب ؤُ بيفرح إن كان نظم أو نثر أو غناء ...
09-05-2015, 12:35 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
لم تكن المسألة بالنسبة له مسألة غناء فحسب بل هي طريق لإمتاع النفس وإمتاع كل ما يحيط بها، يعني كان بيغني عشان يطرب نفسو ويطرب كل ما حوله من إنسان او جماد أو حيوان . لم يكن يبتغي اجر مقابل إبداعه لذلك كان إبداعه صادق ومؤثر علي النفوس غاية التأثير .
تعالوا للمقطع، ايّ زول يستمع ؤُ ما يهتز طرباً اليقول لي . المقطع فهو إبداع بحق لا تُخطئه النفس السليمة ...
09-05-2015, 12:38 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
والله يا جماعة والله يشهد علي ما اكتب، في فترة الثمانينات ايام كانت مشكلة المواصلآت في قمتها كنت في موقف بحري ابحث عن وسيلة مواصلآت لشمبات، فجأة جات برينسة، طوالي كابست مسكت في الباب القدام وكان في زول بيدافر فيني مدافرة شديدة كي يحظى بالكرسي القدام، فنظرت له وإذا به خضر بشير . ايّ والله هذا ما حصل . اليوم مدعي الفن الوآحد اوّل ما يفكر يفكر في العداد . زمن والله !...
09-06-2015, 10:08 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: صدقت يا ود المدير فخضر بشير واب داؤود هما ملكا التطريب رحمهما الله
يا منتصر الناس ديل محطات كل محطة مدرسة قائمة بزاتها، صدقني لو تمعنت في المقطع سيعتريك شعور ان الأستديو كله يهتزّ طربا حتي الكراسي والديكور، الزول دا ما طلّع صوت من داخله دا طلّع مشاعر وأحاسيس صادقة لذلك تجاوب معها كل شئ كان حاضر تلك اللحظة . عجيب والله !...
Quote: نعم منتهاه . لقد بلغ ذِروة سِنامه . ليس هذا غناء فحسب بل هو غوص في أعماق أوتار الطرب والتطريب . شي جميل والله .
يا سلاااام يا معاوية ياخ استاذ خضر بشير دا كائن نقي عديل كدا وجواهو سمح شديد عشان كدا قادر يطربنا بي عفويتو واحساسو العالي دا شكرا علي الجمال
ــــــــــــــــــــــــــــــــــــــــــــــــــــــــــــــــــــــــــــــــــــــــــــ وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا .. وعليّ السَلام فِيما إفتقِد !. (درويش)
09-06-2015, 10:43 AM
يوسف الطيب احمد إدريس يوسف الطيب احمد إدريس
تاريخ التسجيل: 03-03-2014
مجموع المشاركات: 1226
سلام ود المدير وضيوفه عندي سؤال خارج سياق البوست وتذكرته بأبيات الشعر اللي جبتها ، بسأل عن أستاذ لغة عربية اسمه إبراهيم وكان يلقب إبراهيم الباوقة، كان بدرسنا في مدرسة الجيلي الثانوية قبل ما يفرتقوها. رجل نحيل طويل لونه أصفر شوية وشعره كتير على طريقة الراحل مصطفى سيد احمد، آخر عهدي به كان في منتصف التسعينات، رجل خلوق وخافض الصوت، كان يتذوق الأدب العربي وكان ذو باع - زي ما بقولو - ، فبسأل لو ليك بيه معرفة وين الرجل وهل من وسيلة اتصال بيه ؟ وتسلم ..!!
09-06-2015, 08:28 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: Anwar Ali Ahmed · Financial Manager في IMA Distingushed Services Company ياسلام علي الطرب الاصيل ، خضر بشير رحمة الله عليه صلخب مدرسة فنية متفردة شكلت وجدان الشعب السوداني ياحليل زمان كان فيه الوطن معافي والفن معافي
نعم أخي انور إذا تعافى الوطن تعافى كل شئ، فالإستقرار ينمي الموهبة ويخلق إبداع. نعم خضر بشير مُتفرّد، حيث اسس لمدرسته وسط العمالقة ولم يسير علي نهجهم إنما سلك نهج مُخالف ونجح لثقته الكبيرة في نفسه، المناخ كان ملآئم والتربة كانت صالحة لنمو المواهب لذلك قدّم لنا ذلك الزمان عمالقة قلّ أن يجود الزمان بمثلهم مرةً أُخرى ...
09-07-2015, 09:49 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: العلي علي يا ود المدير في ناس بتبكي عديل لامن تجيب الحاجات دي بالمرة كده نزل ليهم حاجة من ابداع الشاعر محمود ابوبكر , ممنوع دخول قباني . صدرو رمان فيهو عايم .. و طرفو ساهي .. و حزامو خاتم و جسمو من نقش توبو شال .. هف بي الشوق قال و قال قلبي دايرو .. كيف أسايروا .. في مسايرو نجمي ضال إيدو عندم .. ريقو زمزم .. طهر مريم في المثال كسرة : والله انت لايوق وكاواي خلاس .
يا العلي الصاغ محمود ابو بكر كتير من السودانيين لا يعرفونه لكنهم يحفظون صه يا كنار عن ظهر قلب . لو لم يكتب غير هذه العصماء لكفاه . قصيدة زاهي في خدرو كتبها علي نسق ما سبقو عليهو زول قبل كدا . الشعراء كانوا متمكنين وإختيار الفنانين كان لا يأتي من فراغ، إيهِ يا مولآي خضر بشير تغمص الكلمات وغرق في بحرها، لم يؤديها فحسب بل جعلها تنسرب في روحه لذلك ظهر اداءه مشحون بالإنفعالآت التي دائماً ما تخرجه من الجو المحيط به وتسبح به في محيط الكلمات، لذلك عندما سأله المذيع، هل حصل إنت كنت بتغني وطلعت في الشجرة، أجاب قائلاً جايز !، زول يكون بغني ؤُ يطلع في شجرة ويكون ما واعي !؟. بعض الفنانين اليوم قالوا، الوآحد بيعمل تلآته حفلآت في اليوم !؟، والكلآم علي العداد . كدي يا العلي تعال شوف جمهرة العمالقة ديل في صه يا كنار التي تعانق فيها عملاقان هما محمود ابو بكر و إسماعين عبد المعين ...
09-07-2015, 09:52 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام ود المدير وضيوفه عندي سؤال خارج سياق البوست وتذكرته بأبيات الشعر اللي جبتها ، بسأل عن أستاذ لغة عربية اسمه إبراهيم وكان يلقب إبراهيم الباوقة، كان بدرسنا في مدرسة الجيلي الثانوية قبل ما يفرتقوها. رجل نحيل طويل لونه أصفر شوية وشعره كتير على طريقة الراحل مصطفى سيد احمد، آخر عهدي به كان في منتصف التسعينات، رجل خلوق وخافض الصوت، كان يتذوق الأدب العربي وكان ذو باع - زي ما بقولو - ، فبسأل لو ليك بيه معرفة وين الرجل وهل من وسيلة اتصال بيه ؟ وتسلم ..!!
حبابك أخوي يوسف . والله الزول دا يا يوسف ما بعرفو، لكن كان اخونا محمد حمزة الحسين مرّ بجاي يمكن يجيبلك خبرو ...
09-09-2015, 02:53 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام يا مدير يا راقي يعني انت جايب المقطع دا وقايل في ناس ما بتطرب ليو لمن مهددهم بتحسس نفوسهم كمان ياخ مستحيل يكون في انسان سمعو وما طرب دا أداء غريب نابع مع جوووووة وجوووة خاااالص كمان شكراً على المقاطع يا غواسة الدليل على غوسنتك ياهو نوع المقاطع الفريدة دي بالله عليك غررق لا جوة زيادة وجيبلنا ونحنا راجنك
ود الغالي يا غالي، شايفك لايمنا .
في حضرة خضر بشير تنعم بالفن الأصيل، والأداء الروحاني النابع من روح يسكرها الطرب فتطرب وتجعل كل شئ يهتزّ طربا . مع مثل هذا الأداء النفس تطرب ولا علي كيفها يا غالي ...
09-14-2015, 08:18 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا سلاااام يا معاوية ياخ استاذ خضر بشير دا كائن نقي عديل كدا وجواهو سمح شديد عشان كدا قادر يطربنا بي عفويتو واحساسو العالي دا كان شكرا علي الجمال
حباب معمّر، حبابك ألف وسطنا .
تواضع جم يا معمّر كان يميّز هذا العملآق، فعلاً كان نقي وفعلاً كان من سمات هؤلاء العمالقة النقاء والتواضع، الناس ديل كان تلقاهم في ميادين الكورة والقهاوي والأسواق ؤُ دايماً هم وسط الناس ومع الناس، وعدم تمييزهم لأنفسهم هذا له كبير الأثر علي إبداعهم إذ يستمدون إبداعهم من الناس حولهم . خضر بشير مُطرب وغناي وفنان، مُطرب إذ تجده يطرب نفسه ويجعل كل شئ حوله يطرب، وفنان في تواضعه وطريقة حياته، وغناي لأنه يجيد فن الغناء إذ أنه فيه أصل . رحمه الله ...
في حضرة خضر بشير تنعم بالفن الأصيل، والأداء الروحاني النابع من روح يسكرها الطرب فتطرب وتجعل كل شئ يهتزّ طربا . مع مثل هذا الأداء النفس تطرب ولا علي كيفها يا غالي ...
معاوية يا مدير سلام يا صاحبي
لوم الخلا والشدر والختيتوها رقدت
لكن نحنا بطبعنا ناس طيبين ونسيانكم عندنا مغفور يا فردة
ياخ الكلام الكبار دا شنو ما قدرت اردلك عليهو
09-16-2015, 07:58 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
خخخخخخخخخخخخخخخخ، ساكت !، الغنوة دي فيها عناصر غريبة جداً حيث إجتمع فيها خضر بشير والصاغ محمود ابو بكر، وعباس محمود العقاد حيث انّ الأربع ابيات الآخيرة من القصيدة اضافها خضر بشير من قصيدة لعباس محمود العقاد، والأبيات هي : يا نديم الصبوات أقبل الليل فهات هاتها باسم الحبيب قاتل الله العداة ذهبى الشعر ساجى الطرف حلو اللفتات وحيى لا يحيك بغير البسمات،
إضافة للحن ذو الترنيم الصوفي وإنفعالآت خضر بشير معه، وإضافة الكسرة في نهاية الأغنية، الله فوق زوزو يا حلآة زوزو، وفيها إشارة للمحبوبة دون التصريح بإسمها حيث التصريح يفسد كل شئ في ذلك الزمان . رحم الله الزمان وأهله ...
09-18-2015, 06:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الله عليك فنان الزمن الجميل فنان الجامعه فى الستينات رحمة الله عليك الفنان القدير خضر بشير. التحيه لك أخى العزيز معاويه المدير . لك ولضيوفك الكرام لوحه للفنان خضر بشير الصوفى :-
09-20-2015, 11:15 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
عُـجنت طينة الطرب فصارت خضر بشير خضر ربنا اداهو القدرة على رؤية الروح المبثوثة في الطبيعة في الأزهار والأشجار.. في الظل والطيور.. وفي الغمام والنساء وبي شوفة الروح في هذه الكائنات قدر يشوف الجمال الحقيقي الذي لا نرى نحن إلا ظاهره ومن هنا جاء استغراقه في الغنا لكي يحتوي هذا الجمال الخفي، يستوعبه أولا في نفسه ثم يعكسه للناس ولذلك كان يغني بهذه الطريقة العذْبة المعذَّبة والمعذِّبة هسي انت يا ود المدير ما معذب (بتشديد الذال ثم فتحها ثم كسرها) ؟
09-27-2015, 07:53 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ياسلام ياود المدير ياخي الواحد بقي يجي المنبر يعاين ويمش اها لامن تكون رايق بتجيب الروعة زاتا المهم انا راي المابطربو خضر بشير يساعدنا بالتلج والموية الباردة ياخي ده ابداع من امو تحياتي
العيد يتبارك عليك يا هارون . خضر بشير يا هارون هو دائرة الطرب، والمابيطربو خضر بشير دا يعتبر خارج الدائرة . يا اخي خضر بشير دا الزول لو سدد إضنيهو ؤُ قعد يعاين ليهو يطرب لأنو خضر بشير هو الطرب في حد زآته ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
Muammar Abass Elhassan
يوسف الطيب احمد إدريس
haroon diyab
ABDALLAH ABDALLAH
معاوية الزبير
فيس بوك
تويتر
انستقرام
يوتيوب
بنتيريست