يابكري افتح باب التبرعات الحكومة فتحت بلاغ ضد المواقع الاسفيرية وطالبة تعويض(صورة)

Quote: 08/12/2015 = ٢٠٠٥/١٣/٨ سودان الإنقاذ أهل العضًة ... كل شيء إدهور غايتو للضمان كده إحتفظنا بى صوره من البلاغ شكراً سيد جادات

Quote: سلام يا جادات اعتقد أن الموضوع له علاقة برسالة متداولة غلى الواتساب السوداني تقول أن ناس المراسم بولاية الجزيرة عملوا افطار حضره الوالي و الذي قام بسؤال ناس "كزام " بعد نهاية الافطار عن التكلفة فاخبروه انها عشرة الاف او ملايين ما عارف فكان أن قام بدفعها، و تاني يوم جاءت الفواتير للوالي بقيمة اربعة (الاف؟/مليون؟) فقام ايضا بتصديقها و لما ذهب القوم الاولانيين يا قول عادل امام لدفع العشرة (الف/ مليون؟) و في نيتهم لهط الباقي اخبرهم ناس كزام أن الوالي دفع كامل المبلغ فاسقط في يدهم. و وعد كاتب الرسالة بأن يوافي الجمهور بالتطورات حال حدوثها. الرسالة في رأيي كاتبها واحد من مطبلي الزول الاسمو ايلا ده، و لو الموضوع ده ما حصل، جماعة المراسم ديل الينشبكوا في الوالي نفسه لو بقدروا لأنو ممكن يكون عارف كاتب الرسالة دي

Quote: وبعدها سوف يقبلون علي المواقع الاسفيرية التي نشرت الموضوع

Quote: يعني قبضوا على واحد متهمينو بنشر الإشاعة؟ طيب ... المواقع الإسفيرية علاقتها شنو؟ شئ تاني: الواتساب حيرفعوا عليهو دعوى كيف؟ راح ليهم الدرب في المويه

(عدل بواسطة منتصر عبد الباسط on 08-16-2015, 00:38 AM)

Quote: جادو .. سلام وطن .. ولضيوفك الكرام . قلت لي : Quote: وبعدها سوف يقبلون علي المواقع الاسفيرية التي نشرت الموضوع يقبلوا عليها اكتر من كدا ؟ غايتو ناس الحيكومة زي ما قال عليهم ابوريش راح ليهم الطريق في الموية الموية التغرقهم وتريحنا منهم .

Quote: سبحان الله في محضر رسمي تكتب عبارة (مليار جنيه) ؟! ومضى على تغيير العملة عشرة سنوات ! غايتو نحن السودانيين ديل أعجب بشر في الدنيا ... بنحب الكلام الكبار كبار ....ول المشكلة شنو ما عارف لسع يقول ليك بالقديم وبالجديد ومضى عشرة سنوات ! والله يا ها دي اللياقة الجد جد المفروض ما يصدقو إنهم اتخلصوا من فضيحة الارقام الكبيرة دي زي واحد مثلاً اقوليك اتعشينا بخمسمائة ألف في المطعم الفلاني على النيل أو مثلاً أو رسلت مصاريف مليون جنيه وهكذا لكن تقول شنو!.