ه ظلم فى كل شئ حتى الاطفال ما جلو منو حكاوى مؤلمه نسمعها وبعضنا يراها بام عينه ولا نحرك ساكنا ياجماعه الحصل علينا شنو بقينا لانبالى والله مرارات بنسمعا ومافى زول بقول بقم الزول الدق الولد دا ابوهو مالو مالما فيهو طلع ميتين ابو اهلو وبعداك لو عيد فى السجن يعنى شنو والناس المرو عليهو ليه مافى زول فتح ايمان خشمو واتدخل على الاقل بالنصح تسال اى زول من ناس الانقاذ يقولك وينا هى المعارضه انتو عايشين فى وهم الان بقى امل السودان كلو فى دعوه واحده اللهم اجعل كيدهم فى نحرهم لكن والله ماكفاي
07-20-2015, 04:53 AM
nour tawir nour tawir
تاريخ التسجيل: 08-16-2004
مجموع المشاركات: 17638
الان بقى امل السودان كلو فى دعوه واحده اللهم اجعل كيدهم فى نحرهم لكن والله ماكفاي.. ... ود الغالى.. كل عام وأنت بخير..
السودانيين بقوا ما ياهم.. وكأنه فجأة كدا استوردوهم من دولة تانية.. الآنقاذ كتلت الشعب السودانى بالجملة.. وقعدت تتفرج على الجثامين.... بس حتمشى شاءت أم بت.. لآن دوام الحاال من المحال...
07-20-2015, 05:55 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
يا نور تاور تحياتى وانتم من اكثر من انكوى بنار الكيزان ربنا يكون فى عونكم لكن التاريخ ما حيسامنا وربنا ح يسالنا من الاغترفو هؤلاء المجرمين ومانحن جميعا الا شياطين خرص والمعارضه الرسميه والغير رسميه معانا والله حقوق كل القهرتم الانقاذ فوق عواتقنا جميعا الى يوم القيامه ما فى استثنا الا للناس الدفعو حياتم عشان التغير والناس الحاولو مرات ومرات ولم يستطيعو او خذلهم الشعب الذى وفى راي الشخصى سبب اساسى للبلوه دى بخنوعو ورضاهو بالقهر ولا استثنى نفسى من هذا الخنوع
07-20-2015, 08:44 AM
مامون المعتصم أحمد مامون المعتصم أحمد
تاريخ التسجيل: 04-29-2010
مجموع المشاركات: 1812
الاخ مامون تحياتى والله الغبن البدخلو الحوادث الزى دى المفروض يولع شراره لكن والله قلوبنا ماتت والمساكين ليهم الله وقدر مانقول المجرم حدو الشبع بعداك يعاين للباقين يجونا بفنون جديده للجشع وتظهر مجموعات متعفنه جديده تبدا فى نخش حقوق محمد احمد المسكين لكن الله فى وبدت حقوقنا تظهر عليهم مرض وشذوذ هلوسات وتظهر على اولادم انحرافات واوهام ولسه ان شاء الله ربنا يورينا فيهم اسوء ما يدخره لهم من سود العواقب وفى اهلهم وابنائهم بحق كل جائع وكل مريض وكل مقهور وكل ذى حق يا من لايظلم عنده احد
07-20-2015, 09:51 PM
مامون المعتصم أحمد مامون المعتصم أحمد
تاريخ التسجيل: 04-29-2010
مجموع المشاركات: 1812
ود الغالى.. سلام... أنا جيت تانى لانه الموضوع هبشنى فى العصب الحى..
المشكلة الجد جد.. لمن تقول كتلونا وضربونا وعذبونا.. يطلعوا ليك ناس ويقولوا ليك.. مفروض تردمى الحكومة بس.. وما تهبشى الحركة.. وألا بطريقتك دى انتى عدو النوبة الآول..
معارضة غريبة عجيبة... لم نسمع بها فى الآولين والاخرين.. وهى السبب الجاب الآنقاذ.. والسبب المّكن الآنقاذ.. و الا قل لى علاقة الميرغنى والصادق شنو بالمعارضة ؟ ياهى دى واحدة من أسلحة ال mass destruction البتهرى فى المعارضة ليل نهار.. شعب السودان.. الله يكون فى عونه .. سبب الاستكانة والخنوع.. هى الاحساس بالقهر من بطش الانقاذ.. وخيانة القيادة المعارضة..
07-21-2015, 00:12 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
مش كده وبس يانور ماخفى اظلم لمن تلقى ناس كنا نحسبهم من الاخيار يشتروهم بقريشات السمسار التم العمليه اخد اضعافها وبقو يطبلو او لزمو خشومم وكلو بى تمنو ربنا يكون فى عون اكثر شعوب العالم خنوعا اللهم لا شماته لكن لم تشوف الطلاب متحمسين وقاياداتم بايعه القضيه بتجيك طمه عديل اللهم انا نبوء لك بضعفنا وصمتنا على نصرة مظلومينا لكن تفرقنا هو ما مكن فينا هؤلاء المجارمه
07-22-2015, 02:52 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
مالم يتم ازاحة عمنا الصادق وجدنا المرغنى كرم الله وجهه من واجهة المعارضين للنظام ماحتكون فى معارضه لانو ما ممكن تقنعنى انو زول ولدو مشارك فى جريمة قتل ويشجع قانون فيهو انو القاتل يقتل الشى التانى والمهم الناس ديل بدون دم حدو الركب ما بزحو لانو عارفين روحوم يا اما ح يكتلوهم ول ح ارموهم فى السجن يعنى فى الحالتين هم ضايعين اها الفهم شنووو
07-23-2015, 00:32 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
وبجيبلكم تفاصيل اول اذا اتمكنت احدى مخابرات الدول الا جنبيه تحبط عملية اغتيالات لعدد من رموز النظام التاريخ July 16/1015 من بينهم عروه والخضر وواحد اسمو عبدالغفار ماعرفتو مع سبعة عشر اخرين مامعروف تخطيط داخلى ول خارجى ول كيدهم فى نحرهم نتمنى الناس البعرفو الجخانين يمرقو لينا المغطغت دا وبجيبلكم تفاصيل اول اذا اتمكنت
07-23-2015, 01:52 AM
nour tawir nour tawir
تاريخ التسجيل: 08-16-2004
مجموع المشاركات: 17638
ماخفى اظلم لمن تلقى ناس كنا نحسبهم من الاخيار يشتروهم بقريشات السمسار.. ...
وليت الآنقاذ تسترهم بعد شرائهم.. فهى تذلهم بما قدمت لهم.. ثم تضمن بقائهم تحت جناحها ما بقيت فى السلطة.. كل هذا لآن الآنقاذ أذلت الناس أولا.. ودمرتهم من حيث لا يدرون ولا يحتسبون.. مثل قفة الملاح.. التى أنداحت أمامها أخلاقيات جديدة على المجتمع السودانى.. وتساهل وتجاهل لمسألة الشرف التى كانت الدماء السودانية تراق لاجلها رخيصة بلا قيمة.. فقد كثير من المواطنين كرامتهم.. وفقدت كثير من المواطنات كرامتهن.. والشخص حينما يفقد كرامته لا يبقى له شئ.. فيصبح أداة طيعة فى يد الغير.. يفعلون به ما يشاء..
وهذا ما تفعله الانقاذ الان.. التلاعب بمن ضربت كرامتهم فى مقتل... ثم يتمدد هذا الابتذال والاذلال.. لمحاولة ذوى الشكيمة... فلا ينجحون.. فيلجأون الى الحبس والاشباح والقتل والسحل.. وهذا هو حالنا اليوم.. جوة وبرة.. أناس بلا كرامة تحت بوت الآنقاذ.. وأناس متمسكون بكرامتهم حتى الموت.. سواء فى مناطق القتال فى هوامش السودان.. أو فى المدن الكبيرة..
هذه أزمة بكل المقاييس... لم تحدث فى تاريخ السودان قديمه وحديثه.. ولن تحدث.. ولكن حينما تذهب الآنقاذ.. فلا يجب أن نسمع عفا الله عما سلف.. يجب أن يعاقب الجناة.. مهما صغرت جرائمهم..
07-23-2015, 02:14 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
احدى مخابرات الدول الا جنبيه تحبط عملية اغتيالات لعدد من رموز النظام التاريخ July 16/1015 من بينهم عروه والخضر وواحد اسمو عبدالغفار ماعرفتو مع سبعة عشر اخرين مامعروف تخطيط داخلى ول خارجى ول كيدهم فى نحرهم نتمنى الناس البعرفو الجخانين يمرقو لينا المغطغت دا وبجيبلكم تفاصيل اوفى اذا اتمكنت
07-23-2015, 02:19 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
والله يا استاذه كلامك مظبوط وكسر العين بقى سمة الانغاذ الاولى ويقولولك مافى حاجة ماعندها تمن ومافى زول ماعندو سعر والمصيبه اريتا الكريه كانت قيمه لانو البتعود يمد يدو مابقدر يحقبا تانى الله يكون فى عون المساكين واحد انغازى متسلق قالى والله لو البترول استمر شويه والعبيد ديل ما انفصلو على الطلاق كنا اشترينا اسيادك الامريكان زاتم لكن شيخ على الله يسامحو دخلنا فى حته ضيقه مع تحياتى ليك يا بت تاور
07-25-2015, 10:31 PM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
والقصر بعد ان وجه بزيادة تعريفة الكهرباء وزيادة سعر الدولار الجمركي لاستيراد القمح وأطلق يد برلمان ولاية الخرطوم لزيادة فاتورة المياه بنسبة تصل الى ١٠٠٪ يوجه القصر الرئاسي وبكامل قواه العقلية بالتصديق بمبلغ ٥٠٠ مليون لكل والي لتأسيس منزله بعد ان وصلته شكاوى ان بعض للولاة السابقين جابو دفارات ونهبو أساس البيوت الحكومية وتركوها قاعا صفصف. تعاقبت علينا الأنظمة ديمقراطي منها وعسكري لكن نظام ذي ده اصلو ما شفنا قال القوي الأمين قال ياخ قومو لذوا ياخ هل تعلمون ان احد مدراء شرطة السودان في عهود سابقة عندما صدر قرار اعفاؤه كان خارج الخرطوم ومريضا بالملاريا لذا كلّف ابنه بعملية التسليم والتسلم وعند الجرد اتضح ان هناك نقص عبارة عن طبلة للجراج وكالون لأحد الأبواب مكسور وعشان الولد الطالب حينها ماعندوا القروش اليغرم بيها الحاجات الناقصة اضطر يمشى ام درمان الثورة عشان يستدين مبلغ ويقوم بشراء الطبلة وإصلاح كالون الباب حتى بسلم العهدة كاملة يا حليل زمن العهدة القال الكيزان جو عشان ينقذونا منه منقول من الفيس بوك
08-05-2015, 10:28 PM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
طلب وزير الكهرباء الهمام تقريراً مفصلاً من طاقمه عن التكلفة الفعلية لإنتاج الكهرباء فجاءه التقرير الصاعق بأن التكلفة تبلغ ١٩ قرشاً علماً بأن سعر البيع (الهرونا بإنو مدعوم) يبلغ ٢٦ قرشاً فبلع كلامو وجاءنا النائب الأخضر (كما يحلو لدكتور عصمت تسميته).. وصرح بأن رفع الدعم عن الكهرباء خط أحمر منقول من الفيسبوك
08-12-2015, 08:42 PM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
WAD ELGAALI#4
nour tawir
مامون المعتصم أحمد
فيس بوك
تويتر
انستقرام
يوتيوب
بنتيريست