|
|
 رسالة الي بريمة ادم بلل
|
02:25 PM May, 05 2015
سودانيز اون لاين
abubakr salih-
مكتبتى فى سودانيزاونلاين
أخونا بريمة ليهو يومين قايم فى المنبر قال الشيوعيين انصرافيين. اخر مداخلة ليهو فى بوست عبارة دعوة لندوة يقيمها الحزب فى لندن. كتب بريمة مايلي:
Quote: أبوبكر صالح .. الشيوعى الأخر .. فى بوست مجاور مفتوح يكتب عن أم درمان الكورة وملاح الويكــــــــــــــــاب !!
فى حين الوطن يغوص فى دماءه حتى الركب ..
الفرق شنو بين هذا وحكاية سباق الحمير ...
بريمة |
يا بريمة الدماء للركب فعلا، لكن انت بتسوى فى شنو لموضوع الدماء الفى الركب دي؟ ما شغال زي الحكّامة فى المنبر، تهلل لمجرمي الجنجويد. و الله بريمة انت شخصياً من الاشياء التى تسبب لى الاحباط و الزهد فى السياسية فى بعض الاحيان. أقول ياخي نحنا حارقين رزنا فوق ام كوم؟ اذا كان حتى المتعلمين من ابناء القبائل العربية يشجعون الكيزان على اٍستغلال اهلهم كوقود لحروب الوكالة. انت يا سجم، ناس حمدتي ديل بحاربوا عشان شنو؟ عشان عثمان حمد محمد خير يستلم مرتب 800 مليون فى العام؟ عشان عيال احمد عبد الرحمن محمد و عيال المتعافى و عيال الكرنكي يمشى يقروا فى مدرسة الــ Unity النصرانية و يمتحنوا شهادة لندن فى وسط هجيرة الخرطوم؟ رسوم الطالب فى الــ Unity تبلغ 45 مليون، فى اي نوع من انواع المدارس يدرس ابنائكم فى درافور و كردفان؟ بتمشوا تحاربوا عشان عبد الرحيم ابو ريالة يقعد وزير عشرين سنة و البشير يبقى رئيس 30 عام؟ اذن سوف تظل الدماء للركب!
الشيوعيين يعملوا ليك شنو؟ ما عندنا عصاة موسى. و الله قاعدين نكتب هنا و فى مختلف المنابر نحاول ننشر الوعى بالحقوق و القضايا دي. نكلمك عن الصراع الطبقى و صراع المصالح الاجتماعية و نشرح للناس الماسكين قرون البقرة زيكم ديل انو فى زول قاعد تحت بحلب و بسرق اللبن، لكن ما دايرين تسمعوا. و الله انا جاتني مشكلة فى يديني من الكتابة الكتيرة فى الكيبورد، بين الشغل و كتابة المنابر لمن مشيت بيها الدكتور، و تقول الشيوعيين انصرافيين؟ امرك عجيب يا بريمة!
|
|
 
|
|
|
|
|
|
|
|
Re: رسالة الي بريمة ادم بلل (Re: abubakr salih)
|
ما يغشوكم يا بريمة، انتم لا تحاربون دفاعاً عن السودان. انتم تحاربون دفاعاً عن حفنة من اللصوص. أنتم تدافعون عن عصابة اٍحتكرت لنفسها الثروة و السلطة و الامتيازات. ياخي الكيزان ببيعوا فى الاراضي السودانية للاجانب! أخصب الاراضي السودانية تباع للاجانب بعقود اٍيجار مجحفة و تمتد لمئة عام! ايوة مئة عام. بسبب هذه الحكومة يخسر السودان أهم ثرواته على الاطلاق: الانسان. البلاد تخسر انسانها بالحروبات و العنف و البلاد تخسر انسانها بالهجرات و النزوح و الاغتراب للخارج. فى عام 2012 معدل الهجرة للخارج من الشباب الجامعيين وصل الى 11 الف فى الشهر، خلال ستة شهور فقط سافر 66 الف بعقودات عمل فى الخليج، هذا غير الهجرة غير المرصودة. فى غالب هذا المعدل متواصل حتى اليوم لان الاوضاع لم تتغير. هذه بلاد تخسر اٍنسانها عماد التنمية و هدفها، لكن الكيزان لا ينظرون الى هذه الهجرة الا انها مصدر عملات صعبة، اما السودن فيمكن بيعه بالقطاعي. داقين فيهو جرس دلالة، و ينادوا علينا جاي! كل هذه المصائب تحصل بسبب هذه السلطة الفاسدة و أنتم تساندونها بالدفاع عنها.
سوف تظل هذه العصابة متشبه بالسلطة و لن تقبل التنازل عنها طالما وجدت مغفلين مساكين يحاربون دفاعاً عنها مقابل حفنة من الجنيهات. كم مرتب الجنجويدي اليوم؟ مليون او اتنين مليون جنيه فى الشهر؟ ياخي الكوز المعتصم عبد الرحيم وزير التربية و التعليم السابق كان بقبض 165 مليون حافز عن اداء عمله! دا حافزه عن امتحانات الشهادة السودانية وحدها، دعك من مرتبه و مخصصاته الاخرى. اذا كان هذا وزير التربية و التعليم يهبر مثل هذا الهبر، فماذا عن الوزراء فى الوزرات التى تدير الثروات المالية مثل البترول و غيره؟
| |
|
|
|
|
|
|
|
|
|
Re: رسالة الي بريمة ادم بلل (Re: abubakr salih)
|
التحية لبريمة الذي استخلص منكم هذه النهايات
والتحية مزجاة لكم لكتابتكم الوجيع
(جنجويد بريمة) هذا لآلاف السنين يحتفل باللحظة وينتكس بها، تقول ليه وطن سيضيع!!! يقول ليك نحن ولاد حميد مات مننا آلاف سنبلة؟
حتى الآن لم يعرفوا القاتل ولم يحصوا بدقة من المقتول وما المناسبة!
| |
|
|
|
|
|
|
|
|
|
Re: رسالة الي بريمة ادم بلل (Re: آدم صيام)
|
Quote: التحية لبريمة الذي استخلص منكم هذه النهايات
والتحية مزجاة لكم لكتابتكم الوجيع
(جنجويد بريمة) هذا لآلاف السنين يحتفل باللحظة وينتكس بها، تقول ليه وطن سيضيع!!! يقول ليك نحن ولاد حميد مات مننا آلاف سنبلة؟
حتى الآن لم يعرفوا القاتل ولم يحصوا بدقة من المقتول وما المناسبة! |
لك تحياتي عزيزي ول ابا صيام. و شكرا على المرور من هنا. ياخي و الله كلمانهم ياما لكن ما بسمعوا. عذرنا الناس الفي الخلاء، قلنا ربما غابت عنهم فرصة اٍدراك تعقيدات الصراع و الاجندة التى تسوقه. لكن كيف نعذر ناس بريمة ديل؟ انسان وجد كل الفرص ليفهم حقيقة و طبيعة الصراع الدائر فى السودان لكن مع ذلك تجده متصدر لتسويق الجهل و الغوغائيات. أهله وقود حروبات لا ناقلة لهم فيها و هو مبسوط! شئ عجيب. قانون بسيط، انظر الى حال اي انسان ارتبط بالجبهة الاسلامية، انظر الى حاله قبل الانقلاب و حاله اليوم! ياخي حسين خوجلي من اسرة بسيطة تدبر معايشها من دكان قطاعي فى ام درمان الى امبراطورية اٍعلامية اليوم، فيها صحف و قناة تلفزيونية و سكن فى ارقى مناطق الخرطوم حيث البيوت المليارية! من أين لهم كل هذا؟ و هل دا كان ممكن يكون حالهم فى ظروف اقتصادية مفتوحة بعدالة لجميع أهل السودان؟
| |
|
|
|
|
|
|
|
|
|
Re: رسالة الي بريمة ادم بلل (Re: آدم صيام)
|
الأخ أبوبكر،
سلاماات ..
أنت جليتها واقفة .. وأخذت الموضوع كأنه شخصى بينى وبنيك .. أو بينى وبين الحزب الشيوعي ..!
الموضوع ببساطة أنا أتساءل عن إنصرافية الحزب وكوادره في زمن الأزمات .. وفى زمن إشتداد الموت وتباعد شقة أبناء الوطن .. الحزب (وكوادره) يتراجع للمثاقفة !
أتساءل ومرة وأخرى .. الفكرة شنو من الأنصرافية؟ هل هي محاولة للأبتعاد من مسرح الأحداث؟
أعرف أخ قال لى .. أنه يحرك المظاهرات بالشهور .. لكن حينما تخرج المظاهرة يذهب هو إلى منزلهم وينام .. ويشاهد بقية الأخبار في التلفزيون ويقرأها في الجرائد. هكذا أظن يفعل الحزب؟
بريمة
| |
|
|
|
|
|
|
|
|
Re: رسالة الي بريمة ادم بلل (Re: بريمة محمد)
|
Quote: أنت جليتها واقفة .. وأخذت الموضوع كأنه شخصى بينى وبنيك .. أو بينى وبين الحزب الشيوعي ..!
الموضوع ببساطة أنا أتساءل عن إنصرافية الحزب وكوادره في زمن الأزمات .. وفى زمن إشتداد الموت وتباعد شقة أبناء الوطن .. الحزب (وكوادره) يتراجع للمثاقفة !
أتساءل ومرة وأخرى .. الفكرة شنو من الأنصرافية؟ هل هي محاولة للأبتعاد من مسرح الأحداث؟
|
سلام يا بريمة، ما اخدت الموضوع بشكل شخصي ابداً. اعتبرته نقد عادي لي و للحزب الشيوعي و هذا حق مكفول للجميع. اخترت هذه الطريقة للرد على نقدك، لانها الافيد حسب تقديري. داير افتح النقاش حول دور كل منا و اٍسهامه فى قضايا الموت الدائر فى السودان دا. انا و الله بالجد قاعد اشعر بالاحباط فى بعض الاحيان عندما أجد المتعلمين من ابناء القبائل العربية فى دارفور و كردفان يؤيدون اٍستغلال أهلم من قبل عصابة الكيزان. و ما قدرت افهم المسألة دي. ياخي عذرنا ناس مساكين و عنقالة زي حمدتي و موسى هلاك. لكن المتعلم الذى توفر له كل الفرص يحلل و يفهم طبيعة المشكلة فى السودان يكون نجد له العذر؟ كدي تعال اشرحنا لينا، هل فى شئ غائب لم ندركه؟
فى الانتظار الي ان يتيسر لك وقت.
بالمناسبة، الكيزان ديل لو لا ملشيات حمدتي دي، على اليمين يجروا للتفاوض فى اديس حفيانين!
| |
|
|
|
|
|
|
| |
abubakr salih
آدم صيام
بريمة محمد
فيس بوك
تويتر
انستقرام
يوتيوب
بنتيريست