|
|
|
 Re: ***** المـعـارضـون و إدمـان الكـذب ***** (Re: ABUHUSSEIN)
|
كـدا الحكومة لقت ليها مراقة تتخارج بيها من فضيحة الإنتخابات
و أكيد ناس الأمن رموا ليهم خبر عشان العشوائيين يشيلوهو و يجو فرحانين بيهو و هاك يا نجر
يعني كتير من المعارضين أصبحوا دُمي في يد جهاز الأمن
متى ما إحتاج لهم حركهم بالأكاذيب التي يضرب بها المعارضة الكسيحة أصلاً.....
| |
 
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
Quote: عشان تكون موضوعي ياابوحسين كان تقول بعض المعارضين لانو ممكن تقابل معارض كذاب وكمان ممكن تقابل زول ساكت كذاب
تحياتي |
و الله يا بهاء كمان صمت البقية بديك الإحساس بي إنو كل المعارضين راضين و موافقين على كل شئ
كمان في كتير من الأكاذيب بتلقى مجموعة منهم مساندين....
بس أكيد ما كل المعارضين
تحياتي و إحترامي
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
الان كل ناس المعارضة جاريين في حكاية الكهرباء و التاتشرات ...!!
و في حالة دفاع كمان ...
سبحان الله فضيحة الانتخابات اتنست خلاص و السبب شنو ..؟؟
السبب مناضل او مناضلين ببحثوا عن مكاسب شخصية ...
و قطيع من المعارضين معاهم يشد من ازرهم بالباطل ...
الله يكون في عون الشعب السوداني المظلوم ...
| |
|
|
|
|
|
|
|
|
 Re: ***** المـعـارضـون و إدمـان الكـذب ***** (Re: ABUHUSSEIN)
|
Quote: الان كل ناس المعارضة جاريين في حكاية الكهرباء و التاتشرات ...!!
و في حالة دفاع كمان ...
سبحان الله فضيحة الانتخابات اتنست خلاص و السبب شنو ..؟؟
السبب مناضل او مناضلين ببحثوا عن مكاسب شخصية ...
و قطيع من المعارضين معاهم يشد من ازرهم بالباطل ...
الله يكون في عون الشعب السوداني المظلوم ... |
واضح ان فوبيا معاوية عبيد عامل معاك شغل جامد يا ابو حسين
ما ممكن ياخى كل بوستاتك رد فعل لمعاوية واسقاط على كل المعارضة
ياخى المعارضة ليست معاوية عبيد ومعاوية لا يمثل المعارضة هو مثله ومثلك عضو فى هذا المنبر ويعبر عن ما يريد وزى ما انت ما وراك زول هو كمان ما وراه لا معارضة لا حزب
ان كذب يتحمل نتائج كذبه ان صدق يتحمل نتائج صدقه ##
لكن ما ممكن قاعد لينا 24 ساعة تشوف معاوية كتب شنو وتشبكنا المعارضة كذابة والمعارضة كذابة والمعارضة فعلت
ياخى المنبر دا فيه اكثر من 5 الف معارض ما ممكن عشان تلاتة او اربعة ما عاجبنك تقوم تحولهم كممثلين للمعارضة
| |
|
|
|
|
|
|
|
 Re: ***** المـعـارضـون و إدمـان الكـذب ***** (Re: ABUHUSSEIN)
|
Quote: كل حدث يتم أدخال معلومات مغلوطه من قبل الجداد الألكتروني بهدف ضرب مصداقية الناس
أعتقد أنك بتتفق معاي أن سرعة الأحداث لا تمنح المعارضين للنظام لذهاب نحو أدوات بحث بهدف تضخيم الحدث
ولكن من يقوم بهذا العمل هم مجموعة لها إمكانيات ووقت متاحه لعمل هذه فقط
لو نفترض (X) من الرافضين جداً لهذا النظام لاسباب لا يتم حصرها مطلقاً من كثرتها قطع شك فهو يمر بمشاغل عمله اليومي
والتى ليس بغريبة علي أي فرد أن كان يعمل في الداخل أو الخارج زد علي ذلك ظروفه الخاصة أو الأسرية وعوامل حركته شخص مثل هذا ليس في مقدروه أن يبحث بهدف التلفيق
فهذا نشاط لعدد ليس ببسيط متجانس يعمل في خدمة هدف محدد وبسرعة حتى يواكب الحدث .
ما أود أقوله كلنا وقعنا تحت طائلة هذه الفبركات بوعي أو بدون وعي منا فالأمر في مجمله هو نتيجة
عليه يجب أن يحتوينا الحرص الشديد في عملية النقل وخاصة الصور وذلك بأمر بسيط هو عبر البحث عن مصدر الصورة والذي يتم عن قوقل
|
مناضل او سمه معارض .. يبرر الكذب و التلفيق ..
مع التركيز على حتة بوعي او بدون وعي
يعني اعتراف واااااااضح و صريح ...
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
| Quote: واضح ان فوبيا معاوية عبيد عامل معاك شغل جامد يا ابو حسين |
:) :) :)
دي المكنة العايز تخارج بيها صاحبك ...؟؟؟؟
متفهم جدا دفاعك عنه لانو معارض زيك و شيوعي زيك
لكن حاجة بايخة جدا حكاية تحاول تغطي على كذبو الواضح بي حكاية فوبيا دي
بعدين الكذبة ما بداها صاحبك و انما صاحبك شال الكذبة و بنى عليها او الف عنها قصة باااايخة زي محاولتك دي..
Quote: ما ممكن ياخى كل بوستاتك رد فعل لمعاوية واسقاط على كل المعارضة
ياخى المعارضة ليست معاوية عبيد ومعاوية لا يمثل المعارضة هو مثله ومثلك عضو فى هذا المنبر ويعبر عن ما يريد وزى ما انت ما وراك زول هو كمان ما وراه لا معارضة لا حزب
ان كذب يتحمل نتائج كذبه ان صدق يتحمل نتائج صدقه ##
لكن ما ممكن قاعد لينا 24 ساعة تشوف معاوية كتب شنو وتشبكنا المعارضة كذابة والمعارضة كذابة والمعارضة فعلت
ياخى المنبر دا فيه اكثر من 5 الف معارض ما ممكن عشان تلاتة او اربعة ما عاجبنك تقوم تحولهم كممثلين للمعارضة |
مش ما عاجبني ... كذابييييييييييين
و كذبهم دا بدمر شغل ال 5 الاف التانين
بالاضافة لي انو بدخل الخوف و بخلق بلبلة لي ناس امنين ما ليهم اي ذنب غير انهم تحت رحمة حكومة و معارضة كذابين و دجالين ...
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
Quote: دي المكنة العايز تخارج بيها صاحبك ...؟؟؟؟
متفهم جدا دفاعك عنه لانو معارض زيك و شيوعي زيك
لكن حاجة بايخة جدا حكاية تحاول تغطي على كذبو الواضح بي حكاية فوبيا دي
بعدين الكذبة ما بداها صاحبك و انما صاحبك شال الكذبة و بنى عليها او الف عنها قصة باااايخة زي محاولتك دي. |
عليك الله حسع وين انا جبت مكنة ووين حاولت اغطى عليه ووين حاولت اغطى على كذبو ؟؟
يا اخوى ما تسيبك من الفوبيا اللى فى راسك دا وحاول تشوف انا كتبت شنو والا انت عايز كل الناس تقول ليك انت صح ؟؟
انا بقول ليك معاوية لما يكذب يتحمل كذبو ..حسع دا دفاع عن معاوية ولة تغطية ؟؟
انا بقول ليك حرام عشان خاطر معاوية او اتنين معاه تجمعنا كلنا وتقول المعارضين كذابين .. حسع كلامى دا فيه دفاع عن معاوية ..
بعدين ياخى بعدين انت يعنى عايز تقنعنا انك حريص على معارضة قوية وصادقة ؟؟ لا بالله طيب انت دورك شنو فى الموضوع دا ؟؟
العكس انا لم ارى لك منذ انضمامى لهذا المنبر انك كتبت موضوع شادى حيلو او موضوع يعالج قضية او موضوع فيه رايى اصلا
كل كتاباتك تنتظر واحد من المعارضة يغلط عشان تفتح بوست او تنتظر معاوية يكتب شنو عشان تفتح بوست
ياخى بطل حركات النسنسة دى وانجض شوية
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: اباذر عبد العال)
|
| Quote: ياخى بطل حركات النسنسة دى وانجض شوية |
جابت ليها قلة أدب كمان ....
مافي شي بجبرك على الدخول في بوستاتي غير إنك تجي تنسنس لي زميلك في المعارضة و الشيوعية عشان كدا
بتفقد المنطق في سبيل النسنسة و حاجات تانية مافي داعي لذكرها الآن ...
أنجض إنت و كلم صاحبك ينجض معاك لأنو شايف الحال من بعضو .....
*************************************
Quote: الجبهجيه استغلالييين.....دبروا الانقلاب ورطوا الشعب
واصبحوا متسلطين على الغلابه في حقهم عينك عينك
كمان بقوة عين!!! يعملوا انتخابات خج مخجوجه ....ما بختشوا |
اللخو شيوعي برضو ....؟؟؟؟؟
الإنتخابات و فضائحها أهو أخوانك المناضلين و خاصة الشيوعيين غطوا عليها بي كذبهم....
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
Quote:
اللخو شيوعي برضو ....؟؟؟؟؟
الإنتخابات و فضائحها أهو أخوانك المناضلين و خاصة الشيوعيين غطوا عليها بي كذبهم.... |
اللخو كوز اتاراااايك ...؟؟؟؟؟؟؟؟؟؟؟؟؟؟؟؟؟؟؟ اوعك تكون كوز مغترب بس
اي زول يتداخل معاكم برأي تقولوا عليهو شعوعي ههههههه
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: هشام عباس)
|
| Quote: اللخو كوز اتاراااايك ...؟؟؟؟؟؟؟؟؟؟؟؟؟؟؟؟؟؟؟ |
الاقدم منك ناس كربمين اتجودو بيها لي ...
| Quote: اوعك تكون كوز مغترب بس |
ياها زاتا ...
| Quote: اي زول يتداخل معاكم برأي تقولوا عليهو شعوعي ههههههه |
انا سألتك ... :)
من شفقتك لبسته الطاقية قبل ما نفصلها ... :) :) :)
**************************
Quote: قلة الادب يا راجل يا محترم انك تصف شخص متداخل معاك بانه بيرمى مكنة وانه بيكذب وانه جاى يغطى على حد فى حين انه كلام الشخص المتداخل معاك لم يتجاوز حدود انو يطلب منك ما تجمع المعارضة كلها فى سلة واحدة بسبب مشكلتك مع شخص او اتنين ..
ثانيا لمعلوميتك عشان ما تصدعنا بحكاية صحبك وكل شخص يقول ليك انت غلطان ترميه بالتهمة دى الراجل اللى انت بتقول عليه صحبى دا اقسم بالله حتى تاريخ هذه اللحظة ما بعرف شكلو كيف ولا ساكن وين ولا بيعمل فى شنو العكس يا راجل يا محترم انا بعرفك شخصيا والتقيت بيك اكتر من مرة ودخلت بيتك يعنى بتعرفنى كويس لا بتاع مكنات ولا بتاع كذب
ولعلمك معاوية انا بختلف معاه اكتر منك لكن مش معنى كدا انى اقيف فى صفك او استغل خلاف مع شخص عشان اشتغل شغلك اللى بتعمل فيه دا واللى بقى اوضح من شمس النهار ودور مريوم بعناية ان كان بقصد او دون قصد كلما واحد يغلط طالع ببوست اتهام للمعارضة ومحاولة تشويه كل المعارضين حين اننا ما شفنا ليك فى عمرك بوست يتكلم عن جرائم تصل مرحلة الابادة والاغتصاب والاعتقال والتعذيب والقتل ..
عموما خليك فى وهم ان كل الناي مع معاوية وكل الناس بتكرهك لانو واضح انو دى بقت مرضة او فوبيا فيك .
وعلى فكرة ما سألت نفسك سؤال بسبط ليه معاوية دا رغم كل الكلام بتاعكم لما يفتح بوست يكون الاعلى اقبال وقراءة ؟؟ |
قبلك في راجل محترم قال نفس كلامك بس بي صورة محترمة جدا
و رديت عليهو بي كل احترام
لو كلفت نفسك و قريت الحتة دي:-
| Quote: بس أكيد ما كل المعارضين |
كان وفرت على نفسك عناء كتابة المقال و فوبيا و التنظير الكتير دا
بعدين يا محترم من الادب طالما انك بتخاطب زول تسلم عليه او تحيهو زي ما عمل الراجل المحترم اللي قبلك
بضاعتك الجيت داخل بيها البوست رديتا ليك زي ما هي و لأنك قاصد منها الاساءة علشان كدا بقى حملك ليها تقيل و عانيت منها شديد
البوست مافيهو اي اشارة لي صاحبك لا من قريب و لا من بعيد حشرتو حشر عشان تقعد تنظر نظرياتك دي
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
يا اخوى بضاعتى الجيت داخل بيها البوست هو عنوان البوست بتاعك لما تطلق وصف عام على كل المعارضين بانهم مدمنين كذب يبقى ما خليت زول لا صحبى ولا صديقى ولا غيرو من الاوصاف البتقولها دى
بعدين ياخى وكت اصلا انت بتعرف انو من باب الاحترام نسلم عليك كمان كان من باب الاحترام تعنون بوستك بعنوان محترم يتحدث عن الجزء او عن من تقصدهم وليس المطلق هكذا لان من حق اى شخص يعارض هذا النظم اعتبار الاساءة موجهة اليه ..
بعدين ياخى انت ما ليك خمسة سنوات فى نفس بوستاتك الفارغة دى متين اتداخلنا معاك والا اديناك اعتبار اساسا بوستاتك مافيها حاجة يناقشوها فلان قال فلان كتب فلان مسح فلان وفع فلان قام تقول قعدة مشاطات
اتداخلنا معاك فقط لتنبيهك ان عنوانك مسئ لاكثر من خمس الف معارض فى هذا المنبر .
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
معارض بعد أن صال و جال في الكذب(الجماعة قالو كوز)
كتب بكل بساطة هذه المداخلة :-
Quote: الرجاء من الأخ بكري حذف البوست فقد كنت مستعجلا في إنزال معلومات غير موثقة ولكن الجماعة ما ناموا من امس من الخوف
شكرًا للمتابعين |
الناس دي مليانة بي أمراض نفسية و بتجي هنا عشان تفرغ كل الشحنات السالبة الموجودة فيها
المنبر أصبح قبلة للكذابين
و الله يكون في عون الشعب السوداني المسكين
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: أيمن محمود)
|
Quote: يعيش الطوربيد
يعيش هشام عباس
يعيش الحزب الشيوعي
والخزي والعار لي ابوالحسين :) |
هههههه لا والله يالشفيع يعلم الله دى ما فكرتى ولا عمرى بفكر بالاسلوب دا
ابوحسين قبل اى شخص اخر يعرف انه ليست هناك مشكلة بينى وبينه ويعلم تماما انى مستحيل اختلف معاه من اجل شخص اخر حتى لو كان الاخر دا ابوى
بس كمان لما يجى ابوحسين يجمعنا كلنا فى سلة الادمان عشان شخص او اثنين او تلاتة وما يقبل نقول ليه الكلام دا غلط يبقى هو فرقو شنو من الناس اللى بيقول انه بينتقدهم
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: الشفيع وراق عبد الرحمن)
|
[]
| Quote: الاقدم منك ناس كربمين اتجودو بيها لي ... |
اللخو الكوز المغترب...هههههه ما يغشك تاريخ التسجيل ....سمح....هههه
يا ابو حسين ....انت بتنكر انك كوز..وتطلق على الناس شعوعي وحاجات زي دي وعاوزيهم ما يردوا ليك..
نحن شخصنا الكريم اول مداخله معك قال ليك كوز..؟؟؟ ولا هبش موضوع البوست حقك ههههههه ساي ... الفي راسو ريشه
Quote:
انا سألتك ... :)
من شفقتك لبسته الطاقية قبل ما نفصلها |
طاقية شنو ...وتفصيل ايه...ّ!! انت بتقول كلام براك وتصدق براك ...
ما تخليك كوز اتجاه واحد ياااااااااااخ .. حاااضر ...
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: اباذر عبد العال)
|
Quote: ما ممكن تصف سلوك بعض الاشخاص باعتبار انو بمثل المعارضة
زي ما ممكن نعتبر صلاح غريبة بمثل المؤتمر الوطني ،،
تعميمك غير منطقي،،، |
:) :) :)
في ردي لي اول متداخل سطر واضح .....
منطق شنو و رجااااال كبار في المنبر شغالين عتالة بوستات
يرسلوهم يعتلو ليهم بوست من الصفحة الخامسة
منطق ايه اللي انت جايي تقول عليه ... :) :) :)
********************
| Quote: اللخو شيوعي برضو ....؟؟؟؟؟ |
دا مجرد سؤال .......
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
الحكومة لم تاتى بمشروع سياسي مرضي للمءتمر الوطنى ناهيك للمعارضة حكومة الرئيس البشير فاسدة و المعارضة لن تدخل انتخابات فاسدة رغم ان السيد الصادق المهدى ابنه مستشار الرئيس و كذالك جعفر المرغنى الشعب مغشوش يجب ان يمشي الشعب لانقلاب داخل المعارضة اولا ثم التخلوص من حكومة البشير
لك التحية
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: ABUHUSSEIN)
|
الأخ أبو حسين
السلام عليكم ورحمة الله وبركاته
| Quote: الان كل ناس المعارضة جاريين في حكاية الكهرباء و التاتشرات ...!! |
بياتو حسبة كتبت هذا التقرير
المعارضة هنا كم والجروا وراء حكاية الكهرباء والتاتشرات كم
أنا شخصيا لم أرى تدافع من المعارضين على هذه البوستات بل بالعكس أجد فيها المدافعين عن الحكومة أكثر عددا
الكذب الذي تمارسه الحكومة يوميا لا يدانيه أي كذب
وكل مرة بنسمع تبرير للحكومة عن واقعة حدثت في السودان بتضح لينا بعد وقت وجيز إنه فبركة وتعمد للكذب
مع احترامي لشخصك الكريم لكني اجدك تحاملت كثيرا على الأخ هشام عباس وهو لم يقل شيئا غير إشارته إلى أن عنوان البوست فيه تعميم مفرط
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: جعفر محي الدين)
|
الاخ جعفر و عليكم السلام
| Quote: الأخ هشام عباس وهو لم يقل شيئا غير إشارته إلى أن عنوان البوست فيه تعميم مفرط |
دي بداية اول مداخلة ليهو ..
Quote: واضح ان فوبيا معاوية عبيد عامل معاك شغل جامد يا ابو حسين
ما ممكن ياخى كل بوستاتك رد فعل لمعاوية واسقاط على كل المعارضة
ياخى المعارضة ليست معاوية عبيد ومعاوية لا يمثل المعارضة هو مثله ومثلك عضو فى هذا المنبر ويعبر عن ما يريد وزى ما انت ما وراك زول هو كمان ما وراه لا معارضة لا حزب
ان كذب يتحمل نتائج كذبه ان صدق يتحمل نتائج صدقه ## |
و الغرض واض بالنسبة لي انا ...
تحياتي و احترامي
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: عمر نملة)
|
أبو الحسين سلام
حقيقة أنت تتكلم عن الأمر كأن المعارضون كاذبون، بل ليس حتى هناك دليل على أن (عيسى) هذا معارض من أساسه
فلا أعلم لماذا التعميم، البوست الآخر عن التاتشرات لسف سعد ووضح أن الأمر حقيقة وأيده بيان الناطق العسكري (أتكلم عما ذكره سيف)
وأنا أيضاً من الذين يميلون أنك متأثر بتجربتك مع معاوية وفرح الروضة وتستعملها للتعميم.
وإلا بربك قل لي عدد المعارضين وخصواص المنتمين لتنظيمات معارضة بصورة معلنة، وقل لي من يكذب فيهم.
أنا احسبك أنت أيضاً معارضاً للإنقاذ، فأنت عندي من جملة المعارضين حتى تثبت لي أنك لا تعارض ه1ذا النظام وتأيده.
هذا البوست بالنسبة لي غير موضوعي ومتحرك بتأثير المشاكل الشخصية
وواقع في تعميمية لا يسندها أي شيء على أرض الواقع هنا.
فالغالبية العظمى من معارضي النظام في هذا المنبر لم نعهد عليهم كذباً
واستعمال التعميم مرفوض، خصوصاً حينما يكون المعني هو شخص بذاته.
وأخيراً:
أنت تعي جيداً أنه لا يوجد متحدث رسمي بإسم المعارضة يكتب بإسمها
إنما يكتب الأشخاص هنا بأسماءهم، ومتاح لك ولغيرك تفنيد أي خبر وتصحيحه
فلماذا تلجأ لهذا النوع من التعميم.
ودمت
| |
|
|
|
|
|
|
|
|
|
Re: ***** المـعـارضـون و إدمـان الكـذب ***** (Re: الصادق اسماعيل)
|
Quote: الان كل ناس المعارضة جاريين في حكاية الكهرباء و التاتشرات ...!!
و في حالة دفاع كمان ...
سبحان الله فضيحة الانتخابات اتنست خلاص و السبب شنو ..؟؟
السبب مناضل او مناضلين ببحثوا عن مكاسب شخصية ...
و قطيع من المعارضين معاهم يشد من ازرهم بالباطل ...
الله يكون في عون الشعب السوداني المظلوم ... |
أبو الحسين
تحياتي مرة أخرى
كلامك أعلاه نموذج مناسب جداً لنشر كلام لا يسنده أي منطق
ولا تستطيع الإتيان بدليل عليه
وهو يضعك في نفس خانة من تتهمهم
فمن بين كل التنظيمات المعارضة بجميع اطيافها
لم يصدر أي تنظيم من تلك التنظيمات شيئاً عن موضوع التاتشرات ولا
عن موضوع انقطاع الكهرباء، فأغلبية المعارض المنظمة لم تعلق حتى على هذين الحدثين.
لا أدرى من أين جئت بهذه الثقة، وما الذي يجعلنا نصدق أن حديثك هذا أعلاه حقيقي
ولم اسمع حتى بأن تنظيم من تنظيمات المعارضة تكلم حتى عن الموضوع؟
أعتقد أنك تملك نفس العقلية التى تحاربها؟ وهي عدم التحقق مما تنشره،
بل أستطيع أن أجزم أنك لا تعرف من هو (عيسى) هذا مثلاً
وهل كما ذرت اعلاه هو معارض أم موالي.
بالطبع لا أنا ولا أي شخص يستطيع أن يحجر عليك فيما تكتب
ولكني أود أن أراك تكتب وتقول وتنسب الأشياء لأصحابها وبأسمائهم
ولا أعتقد أنك من الذين يخافون المواجهة.
أنا وغيري كمعارضين لا ذنب لنا في الأخطاء الفردية
وليس لدينا تنظيم جامع إسمه المعارضة يضمنا ونلتزم بتوجيهاته
إنما هو موقف وكل شاة معلقة من عصبتها.
| |
|
|
|
|
|
|
| |
ABUHUSSEIN
بهاء بكري
هشام عباس
اباذر عبد العال
الشفيع وراق عبد الرحمن
أيمن محمود
محمد احمد القاضي
جعفر محي الدين
عمر نملة
الصادق اسماعيل
فيس بوك
تويتر
انستقرام
يوتيوب
بنتيريست