|
رسالة الى البسطاء من المواطنين: السودان ليس مثل سوريا وليبيا
|
06:36 PM Apr, 30 2015 سودانيز اون لاين محمد النيل- مكتبتى فى سودانيزاونلاين
مع بوادر مظاهرات بدأت تطفو على السطح فى بعض الجامعات و المدن بدأت تدور هناك بعض الاسئلة فى اوساط شباب قنوات التواصل الاجتماعى يؤكدون فيها عدم رغبتهم فى البشير ونظامه الفاسد الا انهم يتخوفون ان يصير حال السودان كحال ليبيا وسوريا من الفوضى الضاربة فى هذين البلدين المنكوبين نطمئن هؤﻻء ويجب على جميع النشطاء ساسة كانوا او حقوقيين ومثقفين ان يطمئنوا معنا هذه الشريحة من المجتمع. ان السودان ليس كسوريا وليبيا ذلك ان السودان له خبرة سياسية وبنية حزبية سياسية قوية مكتسبة منذ نضال الحركة الوطنية يفتقدها هاتان الدولتان و عرف السودان الثورات منذ اكتوبر وابريل وخبر العمل المدنى وادارة البلاد بعيدا عن الادارات العسكرية تؤهله ان يعم الاستقرار فى فترة وجيزة بعد قيام اى ثورة شعبية ناجحة. السودان ليس مثل سوريا وليبيا بالدارجى كدا نقول ليهم: السودان فيهو احزاب سياسية كبيرة عرفت الثورات منذ اكتوبر 1964 السودان يعرف الديمقراطية والحكم المدنى من زمان لكن سوريا وليبيا لم يعرفوا الحكم المدنى فى السودان لما الاحزاب تتفق خلاس ما ح يكون فى فوضى اما حكاية السودان يبقى زى ليبيا وسوريا دى مكنة فكوها ناس الحكومة عشان مافى زول يطلع مظاهرات ما يغشوكم ا طلعوا مظاهرات السودان ما بتجيهو عوجة اما الخوف من الجبهة الثورية دا كلام فارغ ليس له اساس وناس الجبهة اصلا ناس وطنيين وحزبيين وبيتبعوا ﻻحزاب كبيرة مؤسسة بيعرفوا مصلحة السودان كويس ما تخافوا من الجبهة الثورية ومالك عقار وياسر عرمان والحلو وعبد الواحد الناس ديل ناس محترمين وكويسين الحكومة بتشوه سمعتهم عشان الناس تخاف منهم وتفزع. وعشان البشير عارف كوييييس جدا لو الحكم اتغير ح يسلموه للمحكمة الدولية عشان كدا عايز يفضل فى السلطة اطول فترة ممكنة هو وعصابته السودان ابدا ما زى ليبيا وسوريا مافى اى مقارنة. قوموا الى ثورتكم يرحمكم الله
|
|
|
|
|
|