هبوط حاد في سعر الدولار

Quote: يا عبد الحي، مافى اي هبوط فى اسعار الدولار. سعر الدولار اليوم ٩٢٠٠، انت لقيت الهبوط دا وين؟

Quote: كل الذين يحولون رفضوا اليوم قبول أي مبلغ لتحويله للسودان!!! بحجة الهبوط الحاد.

Quote: تحياتى يامواطن ابوبكر ومواطنه عبد الحى على موسى

Quote: الاخوة المواطنيين عبد الحي و مواطنه معاوية عبيد، ما تصدقوا الوهمات. الناس ديل كضااااابين كبار. بيكون فى زول داير يتلاعب بالاسعار. سعر الدولار فى السودان لن تحله وديعة و كلام من النوع الميت دا. الا السعوديين ديل يدوا الكيزان كم بير بترول تحلب لصالح البشير، لكن كلام وديعة دي و الله يشيلوها الكيزان في يدينهم، ما تحوق فيهم. هم اكتر ناس ملهوفين و مزلوعين، ما شفتوا كبارهم قبل ايام بكابسوا للدولار بالطيارات فى غانا

Quote: ولكن كل النظريات الاقتصادية تضرب بها عرض الحائط فى نظام الكيزان.

Quote: تعرف يا اسامة كل ماتجي منحة او مساعدة او قرض او نحو ذلك لبنك السودان ويقوم طوالي يضخ دولارات في السوق والدولار ينخقض بيتفتح بوست زي ده ويجي زي نوعي ده يقعد ينبح هوهو هوهو هوهو هوهو الدولار لايمكن خفضه بالطريقة دي هوهو هوهو هوهو هوهو الدولار يمكن خفضه فقط بزيادة الناتج المحلي وتصديره للخارج هوهو هوهو هوهو هوهو لانو مهما كان حجم القرض او المبلغ المضخوخ في السوق لابد حايكمل يوما ما حتى لو كان عشرة مليار او مية مليار لازم حايكمل ان شاء الله بعد مية سنة المهم انو حايكمل يوما ما هوهو هوهو هوهو هوهو استمرار انخفاض الدولار مرهون باستمرار تدفق الدولار للبلد وللسوق بما يكفي احتياجات السوق هوهو هوهو هوهو هوهو المسألة دي تشبه انخفاض سعر الطماطم في موسم الطماطم وارتفاعه في غير موسم الطماطم هوهو هوهو هوهو هوهو الجماعة الشغالين في وزارة المالية وبنك السودان والبيروجو للكلام ده اما انهم جهلة وماعارفين حاجة او انهم كذابين ومنافقين ومخادعين انا شخصيا ارجح التانية دي هوهو هوهو هوهو هوهو اسع البوست ده ذاتو بعد فترة حايروح وحايرتفع سعر الدولار مجددا وتاااني حايجو القطريين او الصينيين او غيرهم يختو وديعة او منحة او يشترو ليهم حاجة من حكومتنا وتااااني نسمع سعر الدولار انخفض وتاااني حاينفتح نفس البوست ده وتااااني انا حا اجي انبح ليكم هنا هوهو هوهو هوهو هوهو هوهو هوهوووووووووو

Quote: صدرت جريدة الصيحة بمانشيت كبير عن وديعة سعودية بمبلغ ٤ مليار دولار، و على اثر ذلك نزل سعر الدولار فى السوق من ٩٢٠٠ الى ٨٨٠٠ او شئ من هذا القبيل. هذا الخبر منجور، حيث لا اثر له فى اي منبر اٍعلامي اخر، فقط جريدة الصيحة و العياذ بالله. و هذا السناريو كله مكرر، فقد صدرت نفس الاشاعات من قبل بوديعة من قطر. هذا زمن عجيب، زمن اٍقتصاد الاشاعات، و الله الكيزان يفوقون سوء الظن، فيا لها من نبوءة من نبوءات الرجل الصالح محمود محمد طه. ما يحدث الان هو مجرد نشل و نهب. تصدر اشاعة من جهات حكومية بهذا الشكل، و من ثم يتم تغيير سعر الدولار فى السوق الاسود و هو السوق الذى يتحكم فيه الكيزان انفسهم. هم تجار الدولار الحقيقي و السوق الاسود هذا يعمل لحسابهم. لا يوجد تغيير حقيقي فى قيمة الجنية الاقتصادية لكن يتم التلاعب بقيمته عن طريق الاشاعة. امسك دولاراتك عليك عزيزي المغترب ولا تدع الكيزان ينشلوك.