|
Re: وقوع ود المدير على وشو ... بردا للللللللب ... (Re: قسم الفضيل مضوي محمد)
|
هههههههههههههههههه،
يا قسم الفضيل يا اخي يديك العافية،
مشيت ابحبت لبوست لقيت البوست دا .
تصدق، انا ما حريف في سواقة العجلة رغم اني من عطبرة، لكن حا احكيلك طرئف ومفارقات مع العجلآت و عطبرة. كنت احب الكداري جداً عشان ناس عطبرة كلهم بيعرفو بعض، يعني كل خطوتين ؤُ يلآقيك زول يطُق معاك حنك علي بال ما وصلت السوق تكون إتونست ونسة اللت تلآتة شهور ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: معاوية المدير)
|
Quote: مشيت ابحبت لبوست لقيت البوست دا . |
اقعد بحبت كدة ... لغاية ما تلقا ليك عقرب تجيب خبرك ... شايفك برضو بعد ما اتفكيت من المشاء مشيت وقعت في الخبير غريبة :) ... سائل الله يا ود المدير يلم فيك ابو جودة يخلي ريحتك طير طير ...
______
بالنسبة للبوست دا ... ياخ اخوك ما عندو طولة بالكم دي ويقعد يساكك ويتابع في بوست فتحو مداخلة مداخلة ... فتحت البوست دا العصُر وقمتا نسيتو وحتل تحت ... وما حبيت اتداخل في البوست الاصلي وفكرت افتح البوست دا ...
ويا ريت تتكلم لينا عن العجلات في عطبرة - السامعين بيها سمع - ... والظاهر علينا موعودين بذكريات جميلة ... ونحن في الانتظار ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: معاوية المدير)
|
Quote: أبونا ءادم عاش حين هبوطه الثاني إلى كوكبنا هذا "صالح حيث الكعبة السوداء " عاش في قرية "أم الأسماء" في البلد الأمين الذي هو سورة أو دائرة يرسمها القمر بإحداثيات محددة قلبها ما أسمته الشياطين اليوم بالسودان والحجاز قرية أم الأسماء تقع في شمال السودان الحالي ولديها أقطار السماوات والأرض حيث يمكن النفاذ والتنقل بين السماوات والأرض وتعرف هذه القرية اليوم باسم أتبرا "مدينة عطبرة" على نهر أتبرا المعروف. إحصاء أتبرا = 604 وهو عدد صفحات القرءان الكريم. ها قد عاد أحباب الرحمن أبناء ءادم يا أربعة الكفر والضلال وحزب المجرمين بمحبة الرحمن وبكرمه وبتوفيقه وبإذنه وأمره عائدون عائدون يا مكة عائدون عائدون يا أتبرا عائدون عائدون يا بكة عائدون عائدون يا سماء جيم |
يا قسم الفضيل إنت في العجلآت واللآ محسن خالد طلعا لينا مكة المكرمة !، يا اخوي اكان كدي، دعك من الدراجات يا اخا جُهينة ولنتحدث عن النوق العصافير، وقفا نبكي، أين الشنفرى يا دُريد بن الصِمّة ؟...
| |
|
|
|
|
|
|
Re: وقوع ود المدير على وشو ... بردا للللللللب ... (Re: قسم الفضيل مضوي محمد)
|
Quote: محسن ده كان باريتو ... حرررم يطلَعك من بني قريظة |
يقولون إنه نبيٌ من بني مُسيكتاب، يريد ان يذهب بملكنا ؤُ يخلينا في السهلة ساكت. أأمر العمال يتوجهون إلي الوِرش حالاً ليصنعو لنا منجنيق . هذا الرجل إذا وضعني بين رقمين من ارقامه سوف يُجهجه باكاتي . يا بني الدآخلة هلموا لتدافعوا عن عرصاتكم ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: معاوية المدير)
|
Quote: أبونا ءادم عاش حين هبوطه الثاني إلى كوكبنا هذا "صالح حيث الكعبة السوداء " عاش في قرية "أم الأسماء" في البلد الأمين الذي هو سورة أو دائرة يرسمها القمر بإحداثيات محددة قلبها ما أسمته الشياطين اليوم بالسودان والحجاز قرية أم الأسماء تقع في شمال السودان الحالي ولديها أقطار السماوات والأرض حيث يمكن النفاذ والتنقل بين السماوات والأرض وتعرف هذه القرية اليوم باسم أتبرا "مدينة عطبرة" على نهر أتبرا المعروف.
|
يعني تاني بدل نقيف بعرفة ... ح نقيف بعطبرة ...
____
يا ود المدير ياخ ارجع لموضوع العجلات وسيب النبي محسن دا في حاله ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: معاوية المدير)
|
Quote: خصمتك بالنبي وجدك العباس ، كيف بتنزل الفيديوهات المتحركة دي ؟ ود المدير يا زعامة ، تحياتي لكل المتداخلين ،
|
الاخ عز الدين الفحل ... الموضوع بسيط جدا ...
تفتح الفيديو الداير تحرك جزء منه في اليوتيوب في ودندوز جديد أو صفحة جديدة ... وتكتب قبل كلمة يوتيوب كلمة gif مثلا الفيديو التالي دايرين نثبت منه جزء ... ودا الرابط حقو ... http://http://www.youtube.com/watch?v=pbO4C6sbvlMwww.youtube.com/watch?v=pbO4C6sbvlM أثناء ما الفيديو شغال عندك تكتب قبل كلمة youtube كلمة gif (وهو الامتداد الح يظهر عليه الفيديو بصورة متحركة) وتضغط (انتر) ... تحت الفيديو ح تحصل في زر لضبط الزمن العاوزو يكون متكرر زي العجلات الفوق دي start time ... مثلا محتاج ثبت الزمن من الثانية 46 تقوم تكتبها في الجزء حق الثواني 0:46 وبرضو تحصل مكان يمينك فيه زر gif length بتضبط منه الزمن الدايرو وأقصى مدة لتحويل الفيدويو لصورة متحركة هي 15 ثانية ولو داير أقل برضو بتضبطها حسب الحاجة ... بعد داك بتكتب الاسم الدايرو للفيديو المتحرك title (خطوة غير مهمة وممكن ما تعملها) وفي الأخير تضغط على create gif تنتظر كم ثانية وبيظهر معاك الفيديو المتحرك المطلوب ... وتضغط بيمين الماوس وتختار copy gif وتحتفظ بالرابط في جهاز (لأنك تاني ما ح تلم في الرابط بسهولة) وتجي تضعه هنا في سودانيز بالضغط على صورة وإضافته كأنك داير تضيف صورة عادية ... ولو اللقطة المطلوبة ما ظبطتت معاك ممكن تكررها كم مرة لغاية ما تظبط وبالتوفيق ... وبالله ورينا تجربة بجاي ...
ودي صورة للصفحة الحتفتح معاك بعد كتابة كلمة gif وضغط enter ...
لو واجهتك مشكلة قول عوووك ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: عزالدين عباس الفحل)
|
اها المشكلة شنو يا ود الفحل ؟؟؟
باختصار يا ود الفحل ... افتح الفيديو الداير تعملو صورة متحركة ... اكتب في الرابط الفوق كلمة gif قبل كلمة youtube... اضبط زمن البداية ... وزمن الصورة المتحركة الدايرو ... اضغط على create gif وبالضغط على الماوس اليمين تختار gif link وتحفظ الرابط في ملف خارجي وتجي تضعه هنا في سودانيز كأنك داير تنزل صورة ...
كرر الكلام كم مرة لنفس الفيديو ... وح تبقى محترف بعد 10 دقائق :) ______
عليك الله بعدين تعال نزل حاجة انتا عملتا بهنا ... وما تقوم تملحنا ساي ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: عزالدين عباس الفحل)
|
Quote: اضغط على create gif وبالضغط على الماوس اليمين تختار gif link |
يا عز الدين ... بعد ظبتا الزمن الدايرو ... بتضغط على create gif وتنتظر زي نص دقيقة كدة لغاية ما يتم التحويل من فيديو لصورة متحركة ... بعدها ح يظهر معاك المشهد في شكل صورة متحركة ... خلاص كدة عملية التحويل تمت ... تقوم تضغط بالماوس اليمين وتختار الخيار الثاني gif link ... بتظهر معاك كلمة copied بالاخضر سريع كدة ... معناها الفيديو تم نسخه ... ويمكنك اضافته في المنبر طوالي ...
________
الكلام الجاي دا بعد ما تكون خلاص ظبتت معاك الشغلة وهي بتخص حفظ المقطع ...
لو حفظت الرابط في الجهاز وداير تلصقه هنا بعد فترة ... لازم أول حاجة تفتح صفحة جديدة في الانترنت وتلصق فيها الرابط ... ح تظهر معاك الصورة المتحركة ... تقوم تضغط بالماوس اليمين وتختار copy image URL الرابط الجديد دا هو الح تضيفوا في المنبر ... _______
الفيديو بتاع ما بخليك النزلتو دا امسحو بالله ... معلق بالبوست والصوت بفتح تلقائيا ... _______
نزل تجربة لواحد سائق عجلة ... عشان تسكت ود المدير دا ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: معاوية المدير)
|
تعمل للصورة دي فتح بواسطة الفوتوشوب ...
تمشي تمسح بالاستيكة وبحذر الوش حق الراجل دا ... ولو غلطت في مسح حاجة اعمل تراجع بواسطة control +z بعد خلاص تكون فضيت وش الراجل صاحب العقال بواسطة الاستيكة ... ويكون العقال بقى بدون وش ... والوش بقى عبارة عن فراغ ... تمشي بعد داك تفتح صورتك في الفوتوشوب والملف الاول حق الراجل خلي مفتوح وما تقفلو ...
تخت صورتك ورا صورة الراجل صاحب العقال ... وتبقى زي البتاوق من الشباك :) وتظبط وشك في الصورة بواسطة الضغط على control +t وتصغر في صورتك وتكبر وتوديها يمين شمال لغاية ما يبقى وكأنك صاحب العقال ... اهم حاجة ... بعد ما جبتا صورتك وختيتا وراء صورة العقال ... لازم تكون ضاغظ عليها عشان تكبرها وتصغرها بواسطة الضغط على control +t ... بعد ما خلاص تكون ظبتت معاك تضغط enter عشان تزيل التحديد من صورتك ... بعد دا تقوم بحفظها من (ملف - حفظ) وتسمى الملف اي اسم ... بعد ما حفظت الملف تمشي ملف - (حفظ باسم) وتمشي تحت تختار امتداد jpeg ...
____
الحاجة المتأكد منها ... عووووووووك ح تكتر هنا ...
| |
|
|
|
|
|
|
Re: وقوع ود المدير على وشو ... بردا للللللللب ... (Re: عزالدين عباس الفحل)
|
يا عزالدين ... انا شغال على فوتشوب CS5 ... امشي لأي محل كمبيوترات وقول للهندي اديني فوتشوب (سي اس 5) ... ولو خليتو ينزلو ليك في جهاز كمبيوترك يكون كويس ... عشان ما تواجهك مشكلة في التنصيب ... واعتقد النسخة غير الأصلية سعرها في حدود 10 ريال سعودي ... ما عارف عندكم بي كم ... بعد ما تنزل البرنامج على جهازك ... ابدا في فيه وخلال شهر شهرين ... ح تبقى زول خطير ... وح تنسى حاجة اسمها ايفون :) وح تعرف انه نص عمرك كان ضائع ... _____
كدي افقد جهازك ... لانه ممكن يكون فيه فوتشوب ... امشي قائمة ابدأ وفتش عليه ... وما بنصحك تنزل البرنامج من الانترنت ...
| |
|
|
|
|
|
|
|