(صلاة الزفه) اخر تقليعات الكيزان فى السودان!!!

مرحبا Guest
اخر زيارك لك: 10-30-2025, 09:16 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-03-2015, 01:03 PM

د.محمد بابكر
<aد.محمد بابكر
تاريخ التسجيل: 07-16-2009
مجموع المشاركات: 6615

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
(صلاة الزفه) اخر تقليعات الكيزان فى السودان!!!

    12:03 PM Mar, 03 2015
    Sudanese Online
    د.محمد بابكر-بحرى الشعبيه
    My Library at SudaneseOnline



    لا تكتمل شخصية الاخ المسلم وبالتحديد حكام السودان منهم الا بممارسة الرياء والنفاق وقد كانت اخر تقليعاتهم هو ما سمى بصلاة الزفه وهى صلاة يؤديها العروسين قبل الجلوس فى الكوشه وقد كان السبق فى ذلك لنجل مامون حميده فى زواجه الذى اقيم مؤخرا..ربما قال قائل ان الامر خاص ولا يجوز تناوله لكننا نقول ان ما يفعله الاخوان المسلمين فى السودان هو منهج يخطط له وبعنايه والغرض منه هو افساد المناخ العام لنصار الى مجتمع تسود فيه تقاليد الرياء والنفاق عوضا عن الموضوعية والصدق والامانه.
    علق أحد الظرفاء على هذا الأمر بقوله. .أمكن اتاخروا فى الكوافير وقالوا يصلوا العشاء قبل الحفله.
    قلبى على وطنى..

    (عدل بواسطة د.محمد بابكر on 03-03-2015, 01:05 PM)
                  

03-03-2015, 08:18 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (صلاة الزفه) اخر تقليعات الكيزان فى السودان!!! (Re: د.محمد بابكر)
                  

03-03-2015, 09:39 PM

معتصم سليمان
<aمعتصم سليمان
تاريخ التسجيل: 02-28-2014
مجموع المشاركات: 845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (صلاة الزفه) اخر تقليعات الكيزان فى السودان!!! (Re: د.محمد بابكر)

    تحية طيبة وتقديراً

    ربنا سبحانه وتعالى أعلم بالنوايا لكن من حيث الظاهر
    فإن تقليعة كهذه وأمام الناس عدييييييل كده بتفتح ألف
    باب للظن والشك والتناول ... الصلاة الفرض او السنة
    او النافلة هي صلة بين العبد وربه ومناجاة بين العبد وربه
    وكلما كانت بين العبد وربه تكون أفضل وأصح وأتم
    يعني هو كان ممكن يصلوا الركعات دي في زاوية مخفية
    ولا داعي لأن يراهم أحد ليصورهم .

    عنداللفة بس :
    ----------
    أها بتدخلوا في البدع ولا لأ ؟؟؟
                  

03-03-2015, 11:56 PM

د.محمد بابكر
<aد.محمد بابكر
تاريخ التسجيل: 07-16-2009
مجموع المشاركات: 6615

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (صلاة الزفه) اخر تقليعات الكيزان فى السودان!!! (Re: معتصم سليمان)

    شكرا معتصم وابوالريش وليحفظ الله السودان. .
                  

03-04-2015, 00:24 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (صلاة الزفه) اخر تقليعات الكيزان فى السودان!!! (Re: د.محمد بابكر)

    ما يمكن يا خوانا زي صلاة سيد بشبش لما كان مع ناس مرمر بصلوا جماعه ...
                  

03-04-2015, 04:15 AM

عمار يس النور
<aعمار يس النور
تاريخ التسجيل: 07-14-2006
مجموع المشاركات: 1858

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (صلاة الزفه) اخر تقليعات الكيزان فى السودان!!! (Re: يحي قباني)

    Quote: ما يمكن يا خوانا زي صلاة سيد بشبش لما كان مع ناس مرمر بصلوا جماعه ...

    اهه دي صلاة سيد بشيش كاملة بي ضبانتها. قصرنا معاكم.

    سيد بشبش ( شعر حلمنتيشي):
    ============

    سيد بشبش سيد بشبش
    عامل حازم وسيفو بيرقش
    أمرو بيمشي وكفو بيطرش
    وعينو الحارة في يوم ما بترمش
    عند المكتب رسمي بيغضب
    جوة البيت يرفس ويضرب
    وسط أصحابو بيرقص ويلعب
    راجل نكتة وصاحب مقلب
    وآخر الليل يقابض ويهبش
    سيد بشبش راجل دين وراجل دولة
    وراجل حظوة وصاحب سطوة
    وصاحب صولة وصاحب جولة
    وبيني وبينكم سيد بشبش
    راجل واعي وفاهم
    فاهم فاهم
    عارف انو الواحد يعني
    وغايتو وبرضه ولازم
    بالمفتوح ده كلام سر
    ما فيش واحد يمشي يسمع
    سيد بشبش راجل دوغري
    لكن في الليل هجيجو يولع
    وزي ما تقول بحب المنقة
    و الحاجات النايس ولظلظ
    وقبل ما ندخل ونحكي القصة
    لازم نعرف صورة بشبش
    أصلع أسمر بادية عليهو علامة النعمة
    وعرجة خفيفة في حادث حركة
    شكل سيادتو عموما مدهش
    ودايما شايل سبحة
    تسبح وحدها دون تسبيح
    (أوتوماتيك )
    حكمة ربك وقسمة صحيح
    سيد بشبش راجل
    Arrogant
    Rich, intelligent
    Smooth and elegant
    But sometimes
    And this is really
    appears slightly hesitant
    وفي عصرية وكانت جمعة
    سيد بشبش حكك دقنو وهذب شنبو
    وشو بينضح نظرة ولمعة
    طق عصايتو وخت عبايتو
    وخبط الباب من خلفة برزعة
    خلى البيت يتراجف كله
    حاجة نفيسة بناتها ثلاثة
    بالاولاد يكملوا سبعة
    في المرسيدس أخذ القعدة
    كدوسو البني تهبهب نارو
    هز دماغو هز
    يعني سيادتو بحي في جارو
    وعاد البنز قال يا ليل
    وسط الشارع يلوي غبارهو
    وأثناء ما سايق وسط السكة
    كان بيدندن يعني بيمدح
    دشكا دشكا دشكا أو دشكا دشكا دشكا
    وأثناء ما سايق يغني ويمدح
    وعينو الزايغة بتجمع وتطرح
    هناك على زاوية لمح المنقة
    سيد بشبش تمساح لو يلمح
    قلبو ينطط جوه ضلوعو
    يطق الروب يثكلب ويردح
    لف ودور حول المنقة ودور ولف
    رسم الزاوية وكشف المسرح
    وبسمة أنيقة صناعة برة
    بسمة ثعلب حنكة وخبرة
    ما نتفاهم يا خلق الله
    وعاد خلق الله ما فهامه وناس واعين
    اشارة خفيفة وغمزة عين
    عارفين الحال والأمر الواقع
    كان الرد الفرح بشبش
    وخلى سيادتو يهدي يمين
    مساء الخير!
    آنسة مرمر
    اسمك روعة اسمك سكر
    أما سيادتو سيد بشبش
    رائع مدهش اسمك منعش
    موسيقي ومطرب
    بس خازوق الناس تتمقلب
    وتمشي تقول لسيادتك شبشب
    لا يا بت يا نكتة صنفك متعب
    وهناك في شارع كم مش عارف
    البيت الناصية أشجار وزخارف
    عربات تتلاعب أنوار ورفارف
    كانت ربة وهيصة تولول
    ناس بتصفق وناس بتزغرد
    وناس بتهلل
    ناس بتنادي شيلي وختي
    وناس بتغازل أموت يا أنتي
    وناس بتغني حني يا تتي
    وناس مبسوطة غاسلة وكاوية
    وناس ركاني بتعزف زاوية
    وسيد بشبش أمير الموقف وبطل الساعة
    كان مشغول مع ناس مرمر
    يصلوا جماعة
    ولمن تم صلاتو وسلم
    قام يسلم بالأحضان
    قال مشتاق وكاتلو الشوق في الحبان
    وزي ما قلنا قبيل عن بشبش
    راجل بهجة و جد فنان
    جدع العمة هناك وعصايتو
    ولحق جزمتو والقفطان
    وهاك يا دانص
    ودارت حلقة عجاج وغبار
    ناس بتسوي ردحي جد
    وناس في الردحي رقيصا هزار
    وناس انبطحت وناس اندرشت
    ناس انكرشت عشان تنمد
    وفجأة في لحظة حصلت كبسة
    زي ما تقول البيت انهد
    الجو اتلغم
    فار اتسمم
    وصل الكومر شكلو يخوف
    نزل امباشى معاهو الأورطة
    عملت سد وجاط الموقف
    سيد بشبش ضرب اللخمة
    ربط الساعة مكان الجزمة
    لبس الجزمة فاكرها عمة
    لف العمة محل الساعة
    جذب قفطانو رمى الشماعة
    فكر ينط من فوق للحيطة
    تلب توف جوه البلاعة
    جوه الكومر بالبوليس الناس شحنوها
    البتباكى والبتوجع والبتعذر والبتشفع
    الضحكات باهتة
    وفي نص الكومر كان متمحن سيد شبشب
    ماسك سبحتو
    مرة يقحقح ومرة يسب
    مشغول بأولادو وحاجة نفيسة
    وناس المكتب
    كيف القصة هناك بحكوها
    وكل ما مرمر تبسم ليه
    يسب للمنقة ويوم زرعوها

    (عدل بواسطة عمار يس النور on 03-04-2015, 06:11 AM)
    (عدل بواسطة عمار يس النور on 03-04-2015, 06:23 AM)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de