إنا لله ... الليلة جيتكم بي غُنا طيرو عجم ... الله يستر بس

Quote: هو انت ياتو يوم جبت حاجه كعبه يايحى

Quote: قباني !! كيف حالك ؟؟ اعلك طيب، والجنبك كلهم طيبين؟؟ صرة الغنية دي يا ( قباني) هني: اقابلك وكلى حنيه واخاف من نظرتك لليا واخاف شوق العمر كلو يفاجئك يوم فى عينيه ورى البسمات كتمت دموع وبكيت من غير تحس بيا مع خالص حبي وتقديري

Quote: شكرا كتير ياقباني ياراقي نسمه صباحية جميله من الثنائي ود اللمين (الامين) وحلنقي تقبل مودتي

Quote: قبة يا حبيبنا بالله هسع متوقع نقول ليك شنو ؟؟ عن الكلمات ؟؟ موسيقاها الداخلية ؟؟ اللحن العجيب ؟؟ العود الساحر ؟؟ ود الأمين ؟؟؟ كل مقطع يرددوا بابداع مختلف ؟؟ عن شنو ياخينا ؟؟ عن ذكريات الصبابة؟؟ عن الجغرافيا والناس الذين تذكرك بهم الأغنية ؟؟ عن أيامنا .. يا النسيت أيامنا ؟؟ أم عن ( أغــرب شــيء وأعـجـب مسـائـل ) ؟؟ وليست كما ظنها عمنا أبو صلاح ( حـلـم الصـاحـي ودمـعــو سـايــل ) بل إن أغرب شئ وأعجب مسائل هو ..... أن الحلنقي موجود ... وود الأمين موجود ..... وزادتهم الأيام خبرات ....... لكن توقف مثل هذا الإبداع الذي به نحتفي _______________ صورتك شرط

Quote: يحي قباني ، السلام عليكم ورحمة الله وبركلته ، ارجو أن تكونوا بخير كما نحن بخير ولا ينقصنا شيء سوى (عدم) رؤياكم!! نفيدكم بأننا من المتابعين الدائمين ، لبوستاتكم الفنانة الراقية؛ ومن هنا تقبلوا تحياتنا وتحيات الجميع وبلغوها لجميع من بطرفكم. أخوكم د. ساتي

Quote: تعرف يا يحيى زيارة (المنبر العام) في الويك اند انا بقيت بشبهها بي قدلة في شارع المكتبة المين الذي تعرفه في جامعة الخرطوم زمان. تمر فيه على الندوات واركان النقاش الجاد وغيره وركن عمر أومو كمان وندوة سياسية هنا او هناك ونقرشة على العود في ميدان الاداب وشوية ظرفاء تتونس معاهم حبة حبتين، وشح يجهرك برق عبادي وقِبْلي كمان يخليك ملخبت ما تعرف تدك المحاضرة الجاية ولا تصنقر تسمع وبس! يا خي مالك علينا في الغربة دي.. تحياتي لك وكل المعزة يا صديق وللاستاذ ايضا فقد فطومونا على روائعه ودوزنة العود الما بتغباك.. الله يدرّق عليه..