|
|
|
 Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
أولاً: علاقتي بالموضوع هي أن المستثمر السعودي هو صاحب المؤسسة التي أعمل بها .
ثانياً : حتى لا يظن الناس أنني أكتب مدافعاً عنه تزلفاً أو تقرباً فأوضح عدة حقائق حتى يحكم الناس على ما أقول .
ثالثاً: جئت إلى العمل معه في المؤسسة بواسطة شقيقي الأكبر حيث يعمل الاثنان في إحدى أكبر شركات التطوير في جدة ، حيث تعود زمالتهم إلى أكثر من 14 عاماً.
رابعاً: امتدت العلاقة من زمالة عمل إلى علاقة أخوية حتى وصلت إلى مرحلة الأخوة الأسرية حيث أصبح يتعرف على أخوته وأهله .
خامساً: للأمانة لله وأقول على ما أقول شهيد هو وأخوته أناس طيبين دماث أخلاق وأهل نخوة وكرم لأنهم تربوا تربية بادية كما يفخر.
سادساً: جئت إلى السعودية وعملت معه منذ العام 2013م وتوطدت علاقتي به وصارت أكثر من علاقة عمل وصارت العلاقة بيننا علاقة أخوية.
سابعاً: تعمل المؤسسة في مجال المقاولات (البناء المعماري) ، حيث تملك عمالة تقارب للمائة عامل في مختلف مهن البناء والنقليات بمختلف أنواعها وتملك تريلات تعمل في مختلف مجالات النقل.
ثامناً: بالإضافة إلى امتلاكه للمؤسسة فهو يعمل في شركة التطوير الكبرى في جدة .
هذه توطئة لا بد منها لأن بعدها سوف يجئ توضيح تفاصيل تلك الزيارة الخاطفة إلى السودان.
| |
 
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
منذ قرابة العام تناقش معي الرجل بأنه يرغب في الاستثمار في مجال تجارة المواشي ويرغب في استيرادها من السودان واقترح علي ان ادرس له الموضوع وفعلاً اعطيته كل المعطيات الموجودة بطرفي ولكني بصراحة لم أكن أرغب في أن يخوض تجربة الاستثمار في السودان لأني على معرفة ودراية بما ينتظره، وخاصة أن لديه قريب جاء للاستثمار في السودان وأنو طلع قروشه بعد محاكم وجرجرة .
وائل حمزة الزبير
كن رجلاً وتحدث بوضوح !!
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
قبل شهر ذهب أخي الأكبر إلى السودان ، واقترح عليه أن يسجل زيارة إلى السودان عملاً بمقولة سافر فإن في الأسفار خمسة فوائد، فعلاً رتب الرجل كل أمور زيارته وأعلمني بزيارة وانه برغب في انو يشوف الحاصل في البلد لو الأجواء كانت مهيأة يقدر ينفذ مشروع المواشي المقترح.
سافر الرجل يوم الأربعاء الموافق 4 فبراير على متن الخطوط الجوية السعودية المتجهة من مطار الملك عبد العزيز بجدة المغادرة الساعة 1 ظهراً إلى مطار الخرطوم، وفعلاً ذهب وكان أخي في استقباله وتمت استضافته بمنزلنا الكائن بقرية النية ريفي الجيلي لمدة أربعة أيام حفه الأهل بقرية النية وبقية الأهل والأصحاب في الخرطوم بكرم فياض وأخذ جولة طيبة ممتازة وكان مبسوطاً غاية البسط لطيبة وكرم الناس، وكان يرسل لي الرسائل يعبر فيها عن فرحته وسعادته ومنها أنه ينام من دون مكيف وينام في الحوش على ضوء القمر ومن دون ناس سديق وقرقر كتير .. الخ .
كان موعد رحلته المغادرة لمطار الخرطوم إلى مطار جدة الساعة 5 وربع مساء على متن الخطوط الجوية السعودية، بعد أوصله أخي ومعه أصحابه ومعارفه من السودانيين الذين كانوا في السعودية وعادوا إلى السودان عودة نهائية، وبعد ان اطمأنوا عليه رجعوا إلى المنزل ليفاجأ أخي باتصال هاتفي من الرجل بأن موظفي المطار يمنعونه من المغادرة ما لم يسدد مبلغ 380 جنيه سوداني ولم يبلغه أحد بها من قبل وقام أخي الأكبر بعمل اتصالات واسعة لحل الإشكال حتى لا يفقد الرجل رحلته المغادرة لأنه مرتبط بمواعيد عمل يوم الأحد، وفي اثناء اتصالات أخي والزمن اقترب لمغادرة طلب من الموظف أن يأخذه للرجل المسؤول فأدخل على المسؤول في مكتب التأشيرات واستفسر عن المبلغ وأنه لم يعلم به من قبل فقال له نعم ادفع وإلا لن تغادر أخرج الرجل المبلغ وطلب الإيصال المالي ، وجاء رد الرجل صادماً له أنه ما في إيصال وهنا - وهي النقطة الزعلته - كيف مبلغ مثل هذا يكون بدون إيصال ، أخيراً اضطر لمغادرة مكتب التأشيرات غضباناً أسفاً ليس لدفع المبلغ وإنما في عدم استلام الإيصال بمبلغ لأن استلام الإيصال يعني قانونية المبلغ، حينها اتصل به أخي الأكبر بأنه بصدد معالجة مشكلته فأوضح له أنه دفع من دون استلام إيصال فوعده أخي خيراً بأن الموضوع سيحل وسوف نستلم المبلغ بإذن الله تعالى.
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الاخ يوسف تحياتي
موضوع السرقة والقلع دا في السودان بقى عادي جدا
زمان كان رشوة لكن هسة اتحول لقلع عديل
في اجازتي الفاتت مشيت اعمل كرت السفر
يا زول دخلت لقيت ليك زحمة وصفوف لما شفقت
بديت الاجراءات من اول شباك حق الفحص اخد مني الجواز وصورة شمسية وقال لي امشي اقعد
جيت وقفت محل اقعد ما لقيت
بعد اقل من دقيقتين في واحد جا ناداني ودخلني مباشرة على التصوير وسلمني بطاقتي
لا احم ولا دستور كدا بس لما اتخلعت زاتو وقعدت اتلفت قلت امكن في زول جوة شغال معاهم بيعرفني ولا حاجة
استلمت بطاقتي وسألتو من الجواز والرسوم وكدا قال لي شايف الزول القاعد دا بس امش ليو
زولك جيتو قال لي جيب مية جنيه .. وقال لي كيف معاك بس .. قلت ليو انت مية مية
- الشغلة مع الزحمة دي كلها والصفوف والخلق ما اخدت معاي 3 دقايق
- مافي زول فيهم شاورني ولا فاوضني بخصوص الرشوة وكان التصرف من عندهم لعندهم
- افرض اني كنت زول مشاكل وقلت ليو اديني ايصال وخلافه او مشيت اشتكيتهم كان ردة فعلهم حتكون شنو
- هذا الامر يدل على الثقة الكاملة لديهم ووجود كبار ضباط مشاركين في التلاعب وهذا الامر ينعكس في الجراءة الغريبة الحصلت .
انا طبعا بالنسبة لي الموضوع كان مكسب شديد واختصر لي زمن مبالغة .
وبرضو تقول لي لحسلو من زولك القروش .
غايتو بلغ صاحبك اعتذاري الشخصي له مني كمواطن سوداني واسفى على وطني .
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: عصام دهب)
|
الراجل عملوهوا مستثمر سعودي كبير يتعرض لسوء المعاملة في مطار الخرطوم!!!
الراجل في زيارة لأصحابه وإرتكبوا خطأ بعدم تسجيله في الأجانب قد يكون لعدم الدراية بالموضوع أو لأنه سعودي يمكن يكون فوق القانون مما عرضه لهذا الموقف السخيف
من حق سلطات المطار توقفه وتطالبه بدفع الغرامة
لكن عدم الايصال دا شغل حرامية رأسو عديل
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: عصام دهب)
|
Quote: و أي زول خليجي و لو كان عاطلا في بلده ممكن يمشي السودان و يقابل من أصغر موظف لحدي الرئيس بصفة إنه مستثمر ..
زول جاي يستثمر مفروض أول حاجة دخل البلد يمشي يسجل في الأجانب و يدفع العليهو زي ما شرحوا ليهو ..
كونوا يقعد و يتجدع في الحيشان و هو ما مسجل و يعمل فيها إتفاجأ بالموضوع دي ما بتحلو ، يحترم قوانين البلد زي ما الناس بتحترم قوانين بلدو ..
|
يا عصام دهب
من خلال ما فهمت من ما هو مطروح الراجل مشى عمل زيارة لمعرفة الحاصل اولاً ولم تكن الزيارة للاستثمار وقصر المدة اربعة ايام
انت شايفة كافية لتنفيذ الرجل للمشروع ؟؟؟؟؟؟؟؟؟؟؟؟؟؟
ثانياً
ياخ الشعب السوداني ده اصلاً كريم وفاضل وده طبع كل الناس هناك حيشانه وديوانته وبيوته فاتحة للضيوف بعكس ناس الحيكومة طبعاً
لعابهم يسيل لكل ما هو خليجي ليس من اجل الكرة والحفاوة وطيبة السودانين فقط من اجل كنس ما معهم من ريالات
ثالثاً
يا حبيبنا قول لي كفيلك ديل نهبوا اسامة بن لادن الدوخ امريكيا كلها ما ينهبوك انت مسكين الله الكايسة في الماشية السودانية ههههههههههههههه
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الأخ عصام دهب
كيفنك
الراجل استغل فترة وجود أخوي الكبير لأنه نازل بسيارة فقال ينزل السودان يستطلع الأجواء علشان يبدأ في مشروع استيراد المواشي للمملكة يعني زي ما قاليك الأخ أبو روضة الراجل مشى عمل زيارة لمعرفة الحاصل ، مافي زول بستثمر في أربعة أيام وبجي راجع
Quote: المشكلة أننا لدينا خلعة تجاه كل ما هو أجنبي ، و أي زول لو ماشي ـ عشان يحضر ليهو حفلة ـ في السودان طالما هو خليجي بنقول عليه مستثمر ..
و أي زول خليجي و لو كان عاطلا في بلده ممكن يمشي السودان و يقابل من أصغر موظف لحدي الرئيس بصفة إنه مستثمر ..
زول جاي يستثمر مفروض أول حاجة دخل البلد يمشي يسجل في الأجانب و يدفع العليهو زي ما شرحوا ليهو ..
كونوا يقعد و يتجدع في الحيشان و هو ما مسجل و يعمل فيها إتفاجأ بالموضوع دي ما بتحلو ، يحترم قوانين البلد زي ما الناس بتحترم قوانين بلدو ..
بعدين رسوم تسجيل الأجانب دي أي أجنبي داخل السودان بيعرفها و بيدفعها من سكات .. |
يا عصام ما فهمت قصدت المخلوع بمنو بأجنبي نحن كأسرة ولا الشعب السوداني كله، يا ريت توضح عشان نقدر نرد ليك، بعدين هو لا مشى لمحلية ولا مشى لرئيس جمهورية الراجل بلف وبستطلع الجو بنفسه وبعدها بقرر
يقعد ويتجدع في الحيشان واحترم قوانين ما اخل بأي قانون وحتى لم جا قالو ليه أدفع استفسر لم قالو ليه رسوم تسجيل قال جداً طلع القروش وسأل من الإيصال ، تفتكر من حقه يسأل من الإيصال ولا كيف
اعتراضه بالواضح والمختصر كان (انه دفع رسوم بدون تحصيل إيصال).
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الأخ أسامة البلال
ياخ الراجل ما معترض على أي قانون في البلد الراجل معترض على دفع رسوم في مؤسسة حكومية بحجم مطار الخرطوم وبدون إيصال، طيب المحليات في الخلا ونقاط القبانى يسوو شنو؟
يا ريت تركز معاي في الحتة دي كويس (الراجل من بدري اقترح على فتح مشروع استيراد المواشي من السودان) واستغل فرصة وجود أخي الأكبر وزميله في العمل لاستطلاع الوضع في السودان وخاصة أنه عنده قريبه جا واستثمر وانتهت قصته بمحاكم وبلاغات وقلع قروشه بواسطة محامي، يعني لو هو طالع زيارة بنقول طالع زيارة لكن الراجل رغبته الأولى الاستثمار في السودان في مجال استيراد المواشي ومن ثم شق الدور علم
علم يا حبيب ؟!
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: بدر المعارف محمد المساعد)
|
سلام و أحترام للجميع ..
و عوافي يا يوسف ..
| Quote: يا عصام ما فهمت قصدت المخلوع بمنو بأجنبي نحن كأسرة ولا الشعب السوداني كله، يا ريت توضح عشان نقدر نرد ليك، بعدين |
يا يوسف أنا لم أتشرف بمعرفتكم و لا أسرتكم الكريمة و ليس من سبب يجعلني أخصص الحديث عنكم أو أسرتكم و قد أكدت على إحترامي لكم ..
أنا قلت كلام واضح و لا يحتاج لتفسير أو توضيح وهو :
QUOTE]المشكلة أننا لدينا خلعة تجاه كل ما هو أجنبي ، و أي زول لو ماشي ـ عشان يحضر ليهو حفلة ـ في السودان طالما هو خليجي بنقول عليه مستثمر ..
|
و أعتقد أن مفردة ( لدينا ) لا تعنيك أو أسرتك تخصيصا ، فأنا تحدثت عنا كشعب و كحكومة و كمجتمع سوداني ، و بعد كدة خلينا نشوف ردك ..
| Quote: واحترم قوانين ما اخل بأي قانون |
هو منطق و اللا كوار .. كيف ما أخل بي قانون و هو زول لحدي ما وصل المطار ما سجل نفسه و لا قام بإجراءات التسجيل ..
وفقاً للوائح قانون الجوازات و الهجرة فأي أجنبي يدخل البلد لازم يقوم بتسجيل إسمه خلال 72 ساعة ( على حد علمي ) من دخوله للبلد و زولك دة خالف الحتة بتاعت التسجيل دي ..
Quote: وحتى لم جا قالو ليه أدفع استفسر لم قالو ليه رسوم تسجيل قال جداً طلع القروش وسأل من الإيصال ، تفتكر من حقه يسأل من الإيصال ولا كيف
اعتراضه بالواضح والمختصر كان (انه دفع رسوم بدون تحصيل إيصال). |
شكلك إنت زعلان و ما قريت كلامي كويس ،
أنا قلت بكل وضوح ..
| Quote: الزول دة غلطان إنه ما سجل إسمه في الأجانب ، و مطالبته بالسداد بدون إيصال غلط |
وقع ليك كلامي ؟؟
ــ
| |
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: بدر المعارف محمد المساعد)
|
و لك التحية يا بدر المعارف ..
Quote: ما حز في نفسي التعليق الحاد من المحامي عصام دهب ، ظننت انه سوف يقوم بإدانة عدم استلام الراجل للايصال ،
فصراحة اخي عصام ردك فيه احراج للأخ الطيب ، خاصة بمقولة التجدع في الحيشان ،
انا لست محاميه ولكن ينبغي عليك كمحامي التوخي في انتقاء العبارات ،
ما يعجبني في ناس القانون هي لغتهم السلسة الرصينة والعبارات المنتقاة،
لكن اظن انك اندفعت في هذا الرد واحرجت الراجل من مواصلة قصته،
اتمنى طلوعك مرة اخرى لتوضيح السؤال الموجه من قبله |
أولا أنا آسف أن كان تعليقي سبب لأن يعتلق و يعتمل في نفسك ما يعتمل ..
ثم أنني قلت بوضوح أن مطالبة السلطات للزائر بسداد الرسوم دون منح إيصال غلط
و هذه لا تحتاج لإدانة عشان الناس تعرف إنها غلط ..
أما مسألة توخي العبارات فربما أختلط عليك الأمر ..
فلكل مقام مقال ، و أعني بذلك أن المنبر ليس محكمة أترافع أمامها و أنتقي لها العبارات ..
و في ذات الوقت ليس هو بالطبع ( أنداية ) ليضج بالبذاءات ..
أشعر حينما نناقش مثل هكذا مواضيع كأننا أولاد حلة نتحاور في حدود الإحترام ..
قد تحتد عباراتنا لكن دوما يظل بيننا الإحترام ، لا نسئ لأحد و لا نقبل إساءة من أحد ..
اللغة التي أكتب بها في بعض الأحايين هي تعبير عن لسان حال زول الشارع العادي ..
و صراحة أنا لا أحب مسألة المجاملات في هكذا مسائل و لا أحب الغتغتة و لا التجمل ..
الصاح صاح و الغلط غلط ..
التجدع في الحيشان قصدت بها أن الرجل كان عليه قبل أن يستمتع بالنوم في الحوش أن يحترم قانون
البلد ـ الفيهو الحوش ـ و يسجل إسمو و بعدين ( يتجدع ) زي ما عايز لكن برضه بالقانون ..
دي كل القصة يا بدر المعارف ..
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
أنا لا أعلم طريقة التسجيل بالنسبة للأجانب الذين يدخلون السودان ، لكن المتعارف عليه في كل دول العالم وأنت في الطائرة وأثناء توجهك لأي دولة يتم البدء بتنويرك
على قوانين البلد الذي أنت متوجه له ومجرد وصولك المطار يتم توجيهك بما هو مطلوب منك كأجنبي من تسجيل وخلافه... فهل هذا الشئ تم مع هذا الزائر السعودي ؟؟؟؟؟
يقيني أنه لم يحدث شئ من هذا القبيل ولم يتم تمليكه المعلومة بخصوص تسجيله كأجنبي هكذا تقول القرائن لأنه لو حدث ذلك لقام بما هو مطلوب منه فوراً خصوصاً وأنه قادم من أجل الإستثمار فلا يعقل أن يخالف قوانين البلد من أول زيارة له ..!!!
ثم أن الإخوة عصام دهب والبلال تركوا الخطأ الأكبر الذي ارتكبته الحكومة ممثلة في موظفيها ومسكوا في الخطأ الذي ارتكبة الزائر السعودي ...!!! فهل يمكن مقارنة خطأ هذا السعودي بما ارتكبته الحكومة من جريمة ؟؟؟ لماذ يتم تمرير عدم تسلم
الرجل للإيصال هكذا بكل بساطة وحتى عندما تم انتقاد هذه الجريمة تم انتقادها بكل نعومة ومن خلال كلمتين فقط في حين أنه تم تخصيص كل المداخلة لتوضيح وتبيين خطأ الرجل السعودي ؟؟!!! ( ما لكم كيف تحكمون )
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: Othman Al-Hasan Babikir)
|
سلام يأ أخونا عثمان ..
وقول بسم الله ..
راجع مداخلتي أو مداخلاتي في هذا البوست و أنظر هل أن تغاضيت عن خطأ السلطة المختصة في قيامها بالمطالبة بالسداد دون إيصال ..
ثم حسب علمي حينما يمنح الزائر التأشيرة يتم تنبيهه بأن التسجيل خلال ثلاثة أيام ، فهل ينتظر الزائر الكريم أن يأتيه موظف دائرة الهجرة
حيثما هو متجدع حتى يكمل له إجراءات تسجيله طال عمره ؟؟
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: عصام دهب)
|
الأخ عصام دهب
عندك مداخلة ما واضحة معاي بظهرن المداخلتين متشابكات فوق بعض ما قادر أقرأ.
بالنسبة لكلامك عن انه ينبهو للتسجيل في شؤون الأجانب لم يدوه التأشيرة أنا سألت الراجل لم ادوك التأشيرة في السفارة أو في الطيارة أو في المطار في حد قالك تسجل ؟ فقال لي ما في أي حد علمني بهذا الإجراء؟
يا عصام يا خوي منو البنبه ياهو سفارتنا الفي جدة العاملين أرضيتها بخشب بتاع بناء (بلويد) ولا حتى مخسرين نفسهم يضربوه بوهية ولا ناس تانيين؟ ياخي دي سفارة تعبانة وروحها طالعة والله الموظفين الفيها عمال يوميات ما أشغلهم معاي
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: عصام دهب)
|
السلام عليكم اخى مفترع البوست
والاخوة المتداخلين والزائرين ...
الموضوع فى غاية البساطة..
زائر اخطأ فى عدم التسجيل وهو يعتبر اجنبى وفى دولة ذات سيادة لها حق ان تتعامل بالمثل او تتجاوز ..
فى عالم اليكترونى لا يترك شاردة او واردة الا احصاها ..
زائرنا اتى من بلد كل شى فيها اليكترونى ويتم السداد بالنوافذ الاليكترونية وايصالك ينشر وينشر الاولى بالكسره والاخره بضم نفس الياء ,,,
لا نعترض نحن على الغرامة ولا على سؤ معاملة الاخر حتى ولو كان مواطن فكل اناء بما فيه ينضح ...
وكل قلب لسانه يلج بما يذكر ...
نعترض ونعترض على التعامل المالى دون مستند ..
وبس يا جماعة ....
اصلا فى الدين الاسلام والتشريع الناس تتكاتب ...
اللهم ارحم السودان فلقد كان كريما مضيافا عفويا حينما كان اهل السدة كذلك ..
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: وائل حمزه الزبير)
|
سلام للأخ يوسف الطيب ..
إستلام مال حكومي بدون إيصال يعتبر شغل حرامية ونهب حكومي بعين قوية. وهو فساد رسمي علني وأكل لأموال الناس بالباطل، وحرام، ويعتبر إشانة سمعة للشعب السوداني وتشويه لسيرته المشرفة التي عُرِف بها .. وأي موظف حكومي دخل عليه مليم من هذا المال - و إن قلَّ - يكون أكل وأكَّل أولاده الحرام، ويوم القيامة أي فرد من الشعب السوداني زائداَ هذا الضيف السعودي حيطرِّشوهم لهو قدام رب العالمين - وعمر البشير زاتو وكل طاقمه الحكومي والوزاري ونواب البرلمان مشاركين في هذه الجريمة ومسئوليتهم مضاعفة ..
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: Munir)
|
هذا النوع من الفساد أسوأ من النهب الفردي ، لأنه فساد مسنود بسلطان الدولة - وهو يدمر هيبة الدولة ويعصف بإطمئنان المواطن للحماية الرسمية حينما يصبح حاميها حراميها ، فتنعدم الثقة بين المواطن والموظف الرسمي، فتصبح الحياة فوضي يأكل القوي فيها حق الضعيف بالسلطان الرسمي .. وبذا لن تقوم للأمة قائمة ، بل تهوي في إنهيار مستمر ..
إنما الأمم الأخلاق شنو؟؟ ....... !
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الأخ/ يوسف
تحياتي
مع إحترامي لكم كأسرة سودانية مضيافة، إلا أن مدخل السعودي لمعرفة الإستثمار خطأ كبير،
نعم لو عايز ( يتفسح) فلا بأس، أما الإستثمار فالأفضل التواصل عبر السفارة، القنصلية،
(مكتب) خدمي يساعد المستثمرين، ..لكن الحق يقال ما حدث له بالمطار هو جزء من منظومة
الفساد والتي يشكو منها كل الناس.... ومع ذلك فالبلد بخير ومن يريد أن يستثمر مرحبا
به وللتواصل 0564705108
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: حماد الطاهر عبدالله)
|
السلام عليكم صاحب البوست والمتداخلين
السعودي يعمل في البناء وعايز يستثمر في الماشيه دي ما فهمتها
والماشيه الاستثمار فيها يعني شنو لو تصدير ده يجب ان يكون للسودانيين فقط
مؤسسته من 100 عامل فقط
اما انه يعمل في مؤسسة للتطوير فهذه الجزئية غير واضحه
يجب ان يكون الاستثمار بشروط ومواصفات واضحة
اما ان يكون لكل خليجي علي اطلاقها فلا والف لا
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: اخلاص عبدالرحمن المشرف)
|
الأخ منير
كيف حالك
| Quote: إستلام مال حكومي بدون إيصال يعتبر شغل حرامية ونهب حكومي بعين قوية. وهو فساد رسمي علني وأكل لأموال الناس بالباطل، وحرام، ويعتبر إشانة سمعة للشعب السوداني وتشويه لسيرته المشرفة التي عُرِف بها .. وأي موظف حكومي دخل عليه مليم من هذا المال - و إن قلَّ - يكون أكل وأكَّل أولاده الحرام، ويوم القيامة أي فرد من الشعب السوداني زائداَ هذا الضيف السعودي حيطرِّشوهم لهو قدام رب العالمين - وعمر البشير زاتو وكل طاقمه الحكومي والوزاري ونواب البرلمان مشاركين في هذه الجريمة ومسئوليتهم مضاعفة .. |
إضافة ثرة للموضوع وللقصة بقية بإذن الله
تسلم
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الأخ حماد الطاهر
إن شاء الله طيب
Quote: مع إحترامي لكم كأسرة سودانية مضيافة، إلا أن مدخل السعودي لمعرفة الإستثمار خطأ كبير،
نعم لو عايز ( يتفسح) فلا بأس، أما الإستثمار فالأفضل التواصل عبر السفارة، القنصلية،
(مكتب) خدمي يساعد المستثمرين |
الرجل جاي يتنور في الأول دي حاجة، الحاجة التانية الراجل دي اتخذ الأسرة كمدخل لأنه لا يثق في كل القنوات الرسمية عنده فكرة كاملة عما يدور في السودان وهو لصيق بالسودانيين، لذا اتخذ الأسرة عشان تنوره وتكون بالنسبة ليه مرجعية لمعرفة البلد ولتقديمه للناس ، ولا تنسى مع التجارب اللي هو عارفة كمان في السودان برضو وخاصة للمجال البرغب يخش فيه (استيراد المواشي) في عدم ثقة من المصدرين السودانيين تجاه السعوديين البستوردو مرات بعضهم بستلم شحنة المواشي وبجرجر المصدر السوداني في القروش عشان كدا وخاصة الناس القديمين ما بتعاملو إلا مع زول معروف، أما بالنسبة للقنصلية والسفارة وبقية كناتين الإنقاذ فدي لا بتقدم لا بتأخر .
وإن شاء الله بكون على تواصل معك بإذن الله.
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
وعليكم السلام
Quote: السعودي يعمل في البناء وعايز يستثمر في الماشيه دي ما فهمتها
والماشيه الاستثمار فيها يعني شنو لو تصدير ده يجب ان يكون للسودانيين فقط
مؤسسته من 100 عامل فقط
اما انه يعمل في مؤسسة للتطوير فهذه الجزئية غير واضحه |
السعودي صاحب مؤسسة تجارية ، والتجارة كلمة واسعة بتشمل أي شيء بقبله السوق، والتاجر بفتش على الربح في أي مجال.
المؤسسة حالياً شغالة في مجال البناء والنقليات، وهو بصدد توسيع نشاطاتها في اكتر من مجال ومن ضمنها استيراد المواشي من السودان، استيراد الملابس من بنغلاديش وتركيا، وفتح مكتب تجاري في الصين، السؤال ما هو المانع لمؤسسة تجارية تمل في مجال البناء والنقليات انو تتوسع وتستورد مواشي من السودان وملابس من بنغلايش وتركيا وتفتح مكتب تجاري في الصين ؟؟
بالنسبة لتصدير الماشية من السودان ، بتم العملية بحسب القانون في السودان من جزئين : الأول مصدر سوداني والجزء الثاني مستورد أجنبي ، الرجل مشى يشوف الوضع على الطبيعة ويشوف حال البلد بشكل وبعدها يقرر ، يعني الوضع الأمني الفساد المنتشر في البلاد إجراءات استيراد الماشية وغيرها، لو جا عن طريق إجراءات الحكومة حيقدمو صورة وردية عن الاستثمار في السودان وحيبيعو ليه الهواء في أكياس.
المؤسسة فيها 100 عامل يعملون في مجال البناء المعماري بمختلف أنواعه (نجارة، حدادة، بناء، دهانات، لياسة، بلاط، جبس ، ديكور .. الخ) بالإضافة النقليات، في مؤسسات مقاولات فيها 10 عمال بس وفاتحة مكتب وشغالة ومشتركة في التأمينات وعندها أبشر وكل شي ما ادري المشكلة وين يا أستاذة؟
يا أستاذة الراجل - وزيه وزي كتير من السعوديين - مهنته الأساسية شغال بمرتبة مدير قسم في شركة سعودية كبرى تعمل في مجال التطوير وإلى جانب مهنته دي عامل المؤسسة دي لمزيد من الدخل والسعودية فيها مدراء شركات كبرى وموظفين كبار عندهم مؤسسة مع الاحتفاظ بمهنتهم وحتى القانون السعودي لا يمنع ذلك ، لا أدري لم التساؤل.
Quote: يجب ان يكون الاستثمار بشروط ومواصفات واضحة
اما ان يكون لكل خليجي علي اطلاقها فلا والف لا |
الاستثمار البتتكلمي عنه مطلوق ساكت في السودان خلينا من أحلام اليقظة حقت المسؤولين بتاعننا ديل، في خلايجة عندهم مشاريع زراعية في جنوب كوستي والدمازين وسنار ودخلو كأفراد ومعهم رؤوس أموال أجرو مشاريع زراعية وزرعوها وعملو مواشي وعايشين في أمان الله وقبل فترة في الراكوبة جايبين شاب سعودي هو شاعر وشغال في مجال الزراعة في السودان وبقضي أغلب السنة في السودان لمتابعة زراعته .
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
نواصل في القصة كما وعدنا من يتابع :
أجرى أخي عدة اتصالات لمعالجة الموضوع ولكن ولأن الزمن كان ضيق اضطر دفع المبلغ بدون إيصال وسافر ، رجع وفي نفسه حسرة للتعامل الذي وجده والمسألة ما كانت مسألة قروش بدون إيصال وبس حتى الأسلوب كان أقرب لأسلوب العصابات من أسلوب موظفين حكومة في مرفق يعتبر واجهة البلد ، فالمسألة كانت ما كريمة يا تدفع يا ما تسافر، نفترض الرجل دي ما كان معه قروش أبداً - يعني كان يفقد رحلته عشان 380 جنيه.
المهم أوصلت القصة بتفاصيلها إلى الصحافة، نزل الخبر في صحيفة التيار وبعد إطلاع إدارة مطار الخرطوم على الخبر قامت بالاتصال بالأخ علي ميرغني واخدو منه بيانات الرجل السعودي، وبعدها قام شخص اسمه وقال له كلم السيد مدير مطار الخرطوم وتم تحويله إليه فاستفسره عما حصل وأوضح له ما حصل بالضبط ، فقال له المدير أنو طلع إيصال، فرد عليه السعودي بحزم بأنه لم يستلم إيصال ولو في إيصال استخرج بعد سفري وهي عملية مكشوفة لمداراة الغلط ، حينها قام الرجل بالاعتذار عما بدر من منسوبي المطار ووعده خيراً، وبعدها قام شخص اسمه عباس العوض وعرف نفسه بالمدير المكتب التنفيذي لمطار الخرطوم بإرسال رسالة على الواتس مرفق معها صورته ، وسوف أنزل نص الرسالة كما هي :
(أخي الكريم ... لك مني تحية الإسلام أن السلام عليكم ورحمة الله وبركاته. أنا اتصلت عليك ظهر اليوم بخصوص ما رأيت أنك تعرضت إليه من تعامل لم يرضيك., أؤكد لك أخي أننا في إدارة مطار الخرطوم يهمنا بالدرجة الأولى رضا أي زبون تطأ أقدامه مطار الخرطوم ولكم أنتم أخوتنا بالمملكة ود خاص وتقدير أخص وفور علمنا بالأمر تحركنا لتصحيح المعاملة ومعالجة الخطأ الذي لا نقبله لأي شخص ونعلم أنك أنت أيضاً تهمك سمعة هذا الوطن المسلم الشقيق ونحن نعتبرك واحد منا يهمك التصحيح ونؤكد لك أننا سنصحح فلك العتبى حتى ترضى ولك صادق ودي..)
أخوك عباس العوض
مدير المكتب التنفيذي
مطار الخرطوم
(مرفق صورة شخصية له)
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
Quote: غايتو زي الحاصل في السودان ده ما اظن يحصل في كل الدنيا
تدخل السعودية من المطار صفك برااااهو
اقامة تدفع ,جوازك يستلموا منك
زولنا ده المواطنيين اللي هم = الموظفين = قرروا ياخدوا منو حق الاقامة ويدخلوها في حسابهم = لانو الحكومة ما قايمه بواجبها وما ح توصل القروش لمستحقيها
عادي بالزبادي
380 الف بالسوداني !!!
ناسنا ديل مساكين خلاص |
الميكافيللية في أقصى تجلياتها
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
هذه الجزئية من بوست الزميل علي ميرغني المعنون بـ(تصحيح من سلطات مطار الخرطوم حول ملابسات المستثمر السعودي) :
Quote: دارة المطار تقصت عن الموضوع وبحسب قولهم انهم وجدوا ان سوداني
ذكروا اسمه هو من اكمل اجراءات المغادرة للمستثمر السعودي الذي سلمه
400 جنيه دفعها ثم انسحب بدون ان يبرز للسعودي ايصال الدفع... |
أؤكد للجميع وبقسم مغلط هذا الرجل منذ أن وطئت قدماه أرض السودان وحتى مغادرته للسودان يعتبر - إن صحت العبارة - كفيله هو أخي الأكبر كان أول من استقبله وآخر من ودعه في المطار، ومافي زول من طرفنا قام بإجراءات الراجل في المطار، والسؤال هل تسمح قوانين المطار بدخول شخص مرافق لمسافر لدرجة يقوم باستلام مبالغ مالية منه وتسديدها وهل الموظفين بقبلو بالكلام دا ؟ ومعروف حدود مرافق في المطار، ياخ الواحد أمه ما بخلوها تخش معاه لحد كاونتر الخطوط داخل المطار خليه يخش زول ما عنده صلة قرابة بزول أجنبي ويصل لحد مكتب التأشيرة أول مرة نسمع بالكلام دا .
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
يا أستاذة قليل من المنطق لا يضر
يعني عشان قوانين الدولة السعودية اللي ما عاجباك دايرة موظفين المطار اللي هو واجهة البلد يسوو العجائب في السعوديين عشان يشفو ليك غليلك يا أستاذة وبل بالعكس كمان تبرير للفساد والرشوم بأنه عادي بالزبادي ، وبل بتصفيهم بالمساكين
رحماك يا ربي ، فعلاً كما تكونوا يولى عليكم .
Quote: وهل هي سئيه ههههههه
قول المعاملة بين الدول بالمثل |
المعاملة بين الدول يعني الدولة تسن قانون أو تشريع تخص بيه رعايا الدولة البادية بالمعاملة مش مجرد موظفين يسرقو في مطار واجهة بلد من مواطن أجنبي قروش باسم الدولة والقوانين .
يعني الحكومة - لو في حكومة في السودان - تبقى شجاعة وتسن قوانين زي قوانين السعودية وتعامل بيها السعوديين مش تطلق يد موظفيها شان ينهبو الناس باسمها وضح النهار
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: اخلاص عبدالرحمن المشرف)
|
Quote: الدوله السودانية غير قادرة , وقصة ايصال السعودية كلها الكترونية , يدخلوا خزنة الدولة ما يدخلوا ده شئ منفصل , سؤالك مقروض يكون هل في رسوم وقيمتها كم
اما سرقوها الموظفين ولا لا دي قصة بدأت من عهد نميري = وزادت في الانقاذ بالتجنيب = |
ما قادر أفهم إيصال السعودية كلها الكترونية الدخلها هنا شنو ؟ يعني يا أستاذة المهم الأجنبي يشيلو منه قروش وما ضروري يدوه إيصال أو مستند يثبت أنه دفع قروش ، المهم الأجنبي دا ما يفوت بقروشنا وخلااااااااص إن شاء الله ياخدوها الموظفين ويمشو يسكرو بيها ، يا بت الناس نحن أولاد النهار دا ، شنو نميري وبعانخي وتحتمس ، الناس في فساد الإنقاذ اليوم دا اللي انتي بتبرري ليه بمبررات غاية في الغرابة ، عشان السعودية بدفعوك حق الإقامة وبياخدو جوازك وتقيف في صف براك دايرة موظفيننا السجم ديل يسوو في الأجانب ما يحلو لهم وبأسلوب النهب والسلب ولا كيف ؟
ياخي سودانيز يستحق أن يطلق عليه (أرض العجائب)
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
انتي مقيمة في السعودية شفتي الناس ديل حريصين كيف على تطبيق القانون وعندهم قوانين صارمة للموظفين الحكوميين ومجتهدين كيف لحسم أي ظواهر سالبة من موظفي الدولة، والسعودية بتدي مواطنها ميزة تفضيلية على الأجنبي ودا من حق الدولة ومن حق المواطن السعودي يستمتع بيه، وبصراحة مافي أجمل من أن يكون الإنسان مقيم ومعزز ومكرم في بلده والحكومة السعودية شغالة في اتجاه تسهيل حياة مواطنيها، ودي بلدهم ودا خيرها من حقهم يتمتعو بيه، لو كل حكومتنا السجمانة دي عملت ربع البتعملو الحكومة السعودية لمواطنيها ما كان احتجنا نغترب ونشتت في أصقاع المعمورة، بالعكس عندنا في السودان أي أجنبي بعاملة معاملة كريمة ومعززة وأفضل من السوداني ، والقصة دي خير دليل لو المواطن سوداني لا كان في مدير مكتب تنفيذي بتصل ولا بتعبو نفسهم عشان يتصلو بالجريدة عشان يوضحو ويعتذرو ليه؟ عشان عارفين السعودية ما بتقبل في رعاياها وبتحترمهم جوة السعودية وبره السعودية ، أما حكومتنا الرشيدة فالمواطن خارج اهتماماتها إلا في حالة انو يدفع وبعد شوية حيتحول اسم المواطن السوداني محمد احمد إلى دفع الله
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: اخلاص عبدالرحمن المشرف)
|
Quote: انا السودانيه بدفع رسوم مغادرة عاوز كفيلك ما يدفع
ده مقاول وداير يصدر بهائمنا
اما الزرعو في كوستي ف يا ناس الاسنثمار الناس ديل بدفعوا ولا لا لو لا امشوا عليهم
وهكذا تصان الاوطان |
بتدفعي رسوم المغادرة بإيصال ولا بدون إيصال ؟
قالو ليه عليك مبلغ كذا لا قالو ليه رسوم مغادرة، لا دمغة جريح، دمغة مفلوق، رسوم شكلة ، رسوم ازدحام ، ما حددو ليه،
إن شاء الله الـ 165.50 ريال الدفعها كفيلي ترجع ليك الـ 3,550 ريال الدفعتيها لتجديد الإقامة .
انتي بدل تنشبكي في المقاول الداير يصدر بهائمكم دا ما تشوفي الحرامية البصدرو في إناث الضأن والإبل واللي هي رأس مال الثروة الحيوانية في السودان
مبروك الوظيفة الجديدة القائم بأعمال وزير الاستثمار
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: اخلاص عبدالرحمن المشرف)
|
| Quote: وهكذا تصان الاوطان |
تصان الأوطان - بمفهومك - بالسلب والسرقة باسم القانون وبالضرائب والجبايات ، لو كدا التركية السابقة صانت وطننا السودان وما قصرت معاه تب ، عدلي الكلمة بدل (تصان) خليها (تصاب) !!
الأوطان تصان يا سيدتي الفاضلة بدولة القانون وسيادته تصان يا أختي الكريمة بدولة العدل وسيادته وتصان بالشفافية لكل شيء ، هي مواصفات الصون لا غير يا أستاذتي الكريمة.
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
Quote: ما في شئ شخصي يا استاذ يوسف , ده رأي انو الزول ده مفروض يدفع اما انو الموظفين بيسكرو بيها الكلام ده ما صحيج علي اطلاقه , في البعالج بيها مريض وال بشتري بيها اقامه او زيارة
ولو كلامي ما عجبك امسحو ويبقي الود |
يا أستاذة نهائي ما اتطرق ولا بالي مسألة شخصي دا موضوع انطرح للنقاش وانتي ادليتي بدلوك .
يا أستاذة بالمختصر المفيد (الراجل اعترض على الدفع بدون إيصال) مااااااااا (اعترض على مبدأ الدفع من أساسو) يعني لم يدوه إيصال معناها رسوم حكومية مفروض بقانون وبتنفذ بوسيلة قانونية (إيصال) علم.
يعني الموظف ياخد قروش من المسافرين سعودي، سوداني، حبشي ، أمريكي، عشان يمشي يعالج مريض أو يشتري إقامة أو زيارة، يا بتنا الرسول عليه أفضل الصلاة والسلام قال (مأكله حرام ومشربه حرام وغذي بالحرام فأنى يستجاب له) كيف مريض يشفى وهو بعالج فيه بقروش حرام ، ما تقولي ما قروش حرام ، القروش الأخدها دي أخدها كيف؟ قروش بدون إيصال وشالها ختاها في جيبه مشى السوق اشترى بيها أكل وشراب لأهله ، دي حلال ولا حرام ؟
صدقيني بإذن الله ما يجي أمسح لي كلام لزول اتداخل معاي وإلا أبقى جبان وعديم حجة ومنطق، ما بمسح لزول إطلاقاً حتى لو شتيمة ولو اضطريت أرد بأسوأ منها ما بمسحها إطلاقاً ليكن في علمك.
والاحترام والود مبذولات ولكي خالصهما .
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: اخلاص عبدالرحمن المشرف)
|
يا بتنا قالو المساواة في الظلم عدالة ،حلي الجكومة تفرض زي ما دايرة بس تساويهم وتدفعهم بالايصال ، اما ناس يدوهم وناس لا ما بتجي
الخطوة الاولى والصحيحة ندفع بإيصال عشان يكون مستند نحاجج بيه في قانونية الرسوم وبعدها نشوف الدفعنا مشى وين اول خطوة في المحاسبة هي الايصال عشان يكون مستند للمحاججة
يا بتنا فساد الانقاذ دا فات الكبار والقدرو اقوليك فساد بتقولي الفساد من زمن نميري الله يرحمه والله السو ناس الانقاذ نميري ما سو 0,25% منه ، زمن نميري الحرامية والفاسدين معروفين تعدهم بأصابعك الليلة عشان تحصر فساد لجنة شعبية في حي صغير في حلة صغيرة في اقاصي داير ليك لجنة أممية.
انا عارف ما عاجبنك عل شغلتك شغلة فش غبينة والفش غبينتو خرب مدينتو
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: يوسف الطيب احمد إدريس)
|
الحقيقة أن دول العرب و المسلمين يتفشي فيها الفساد بشكل مخزي
لا توجد دولة حكم قانون الا بوجود دولة ديمقراطية
البلد الوحيد الذي يمكن أن يدعي حكم القانون هو تونس وسط كل العرب
دول الخليج تحتج فقط عن مظاهر الفساد خارج بلادها
نتمي أن تكون هذه تمارين لنقد الفساد الترليون-دولاري الذي ينخر بلادها
و الذي جعلها تعاني من الخريف و الأمطار مثل أهالي تماماً رغم الغني الغاحش
و كمان بها أزمات غاز :) فتأمل :)
دولة القانون لا علاقة لها بدول الخليج حيث يعاني الملايين من عدم دفع الرواتب و الحقوق لسنين
هذه البلاد القوانين فيها شفوية فقط و حسب الواسطة و الرشاوي
يمكن تفهم سبب وجود مرتشي سوداني بائس عائش تحت خط الفقر هو و كل قبيلته طول حياته
و لكن يصعب فهم الفساد المالي الخليجي الذي لا تفسير له الا الجشع و إنعدام الأخلاق و التخلف الحضاري و الإنساني و الأخلاقي
السبب الوحيد الذي يجعلنا نتكلم عن عالم بائس إنسانياً و أخلاقياً هو فلس السودان المدقع الذي أجبر الكثيرين من السزج و المضطرين
معزورين و يجل لهم أكل الجيفة الإنسانية و لكن لابد من الوعي بهذا الأمر حتي لايتبنوا الجهل الخليجي كوسيلة مقبولة للحياة بل و الدفاع عن الزبالة.
بالعربي كدة : لملم ريالاتك و إتخارج بلاش دولة قانون و مستثمر عربي و كلام مضحك :
ملحوظة:
99and#1642; من أي إستثمار كبير في السودان كان زمن الإستعمار و للآن لم يتفوق عليه أي إستثمار عربي :)
عشان كدة مفروض تاناس تنسي موضوع الإستثمار العربي و نحن ما ناقصين سماسرة أراضي من الخليج و كفانا ولي الخرطوم
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: Adil Isaac)
|
| Quote: طيب اعتبرها فش غبينه |
ياهو دي
يا بتنا رأي السيريلانكي والإماراتي خليه .. رأيك انتي شنو على قول النكتة .
| Quote: القصة ما رسوم زولك رأئو ما قدر يقولو لك مسك في الايصال |
الكلام دا غلبني أفهمو كلو كلو
| Quote: والقصة من بعانخي والكلام الانت ما داير تسمعو |
لم نتكلم عن نشأة الفساد وبداياته وعلاقته بالخدمة المدنية وما إلى ذلك كلامك بكون مبلوع ، نحن بنتكلم عن واقعة فساد معينة الزول دا لو دفعوه وادوه إيصال وجا احتج على الرسوم كنت بعرف أرد ليه وما كان احتجت فتحت بوست ولا كان احتاج الجريدة تجيبه من أساسه ، أما ناسنا ما خلونا لينا جمبة نرقد عليها ، رسوم وبدون إيصال عاد نقول ليه شنو؟ ناسنا حرامية ولا كيف ؟
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: Adil Isaac)
|
الفساد في كل دول العالم بما فيها أمريكا وأوروبا موجود ولكن تتفاوت نسبته وطرقه وطرق مكافحته، بالنسبة لدول العرب والمسلمين ونخص الخليج ولم نجي نقارن فسادهم بفسادنا بنلقى المساحة كبيرة جداً، في السعودية اليوم كل الرسوم الخدمية الحكومية والخاصة تدفع عن طريق الصراف الآلي والنت، يعني تضييق لفرص الفساد لموظفي الدولة وكل الشركات الخدمية، أما تبرير الفساد في السودان بدعوى الحوجة وخط الفقر والاستواء وغيره من الخطوط لا يجدي نفعاً والمبادئ لا تتجزأ الفاسد فاسد إن كان غنياً أو فقيراً، والسعودية ودول الخليج تسعى سعي حثيث لمكافحة وبدأت بخطوات عملية وراجع سجلات منظمة الشفافية الدولية - أو أي كان اسمها - نتمنى أن تحسن أسلوبك لأنه ممكن أرد عليك بأسوأ مما تكتب، وتأكد نحن من قوم يؤمنون إيماناً قاطعاً (وما من دابة إلا وعلى الله رزقها) لا شيء يضطرنا لندافع عن الناس بالباطل ، حق حق ولو علينا، أما يصبح حقنا حق وباطلنا حق فلعمري هي دعوى الجاهلية وعصبية منتنة لن تفيد شيئاً إن لم تأخرنا عن اللحاق بركب الأمم المتقدمة.
باقي الاستشارات الاستثمارية محولة لمن يهمه الأمر وعلى رأسهم السيد وزير الاستثمار ، وعليه أن يبدأ من دوام الأحد بطرد كافة المستثمرين العرب من أرض السودان بناءاً على توجيهاتكم الكريمة، وأن يقوم بحملة إعلامية لتنوير السذج والمضطرين وأن يعلمهم بعدم الدفاع عن الغير .
علم يا باشا ؟!
| |
|
|
|
|
|
|
|
|
|
Re: القصة الكاملة لما حدث للمستثمر السعودي في مطار الخرطوم (Re: مهدي صلاح)
|
الأخ/ يوسف
تحياتي
مؤكد أن الواقعة حقيقية وهي لا تخلو من شبه الفساد وأي شكل من أشكال التذاكي يزيدها تعقيدا.....
والمؤكد أيضا أن فرص الإستثمار موجودة بالسودان مع وجود مخاطر غير أن العائد المجزئ يجعل نهازي
الفرص يجازفون، تصور أجنبي يمتلك أكثر من مئتي ألف فدان، ولا يستثمر منها إلا القليل لتثبيت الحيازة!
إذن الرؤية واضحة تماما، ولو حبيت تعرف تفاصيل أكثر جوالنا طرفكم للتواصل......
| |
|
|
|
|
|
|
|
يوسف الطيب احمد إدريس
وائل حمزه الزبير
مازن الجمّال
عصام دهب
أسامة البلال
فرح الطاهر ابو روضة
بدر المعارف محمد المساعد
Othman Al-Hasan Babikir
عبداللطيف شريف على
Munir
منتصر عبد الباسط
مهدي صلاح
فيس بوك
تويتر
انستقرام
يوتيوب
بنتيريست