|
|
 النبيذ الأحمر
|
11:08 AM Feb, 15 2015
سودانيز أون لاين
أبوبكر عباس - الإمارات
مكتبتي في سودانيزاونلاين
"قليل من الخمر يشفي البدن"
(السيد المسيح)
النبيذ:
- بوسع الشرايين
- مذيب للكوليسترول المترسب
- منعش ومبهج
- سريع الامتصاص وبدي طاقة سريعة
النبيذ في الغنا السوداني:
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى
|
|
 
|
|
|
|
|
|
|
|
Re: النبيذ الأحمر (Re: أبوبكر عباس)
|
كيف معتق:
قال لي صديقي أبا ذر الكامل شارحاً لكلمة معتق:
"أهل القُرى في رومانيا عندهم تقليد.
عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة. يطلّعوهو و يفتحوهو يوم عرس المولود، يعني كم وعشرين سنة، ويوم الحفل يكرموا بيهو الضيوف الخاصّين خالص خالص، والباقين يشربوا من العادي.
عرفت المعتّق يعني شنو؟"
بلحيل.
| |
|
|
|
|
|
|
|
|
|
Re: النبيذ الأحمر (Re: أبوبكر عباس)
|
| Quote: مشكلتنا واختلافنا عن الثقافات التانية يا غالي، في التعتيق دا! |
يا ابوبكر
شربوتنا دا لو قفلناو في برميل ودفناو والله ببقى لغم عديييل
اكيد حا ينفجر
| |
|
|
|
|
|
|
|
|
|
Re: النبيذ الأحمر (Re: Haytham Ghaly)
|
يابكور ..
يأخ نبيذ شنو كمان معاكـ من الصباح ..
ماتخليها تمسّي شوية ..
ديل شنو الناس الشفقانين ديل ..
مع العلم إن أنا ما عنديش تلفون .... ...
| |
|
|
|
|
|
|
|
|
|
Re: النبيذ الأحمر (Re: جمال ود القوز)
|
Quote: ماتخليها تمسّي شوية ..
ديل شنو الناس الشفقانين ديل .. |
يا جمال، تمسي شنو؟
نحن دايرين نتكلم عن النبيذ كنظام غذائي وداير أعلم الناس هنا شوية رقي ودا بدخل في باب الأغذية الصجيّة المخمرة
| |
|
|
|
|
|
|
|
|
|
Re: النبيذ الأحمر (Re: أبوبكر عباس)
|
Quote: يا جمال، تمسي شنو؟
نحن دايرين نتكلم عن النبيذ كنظام غذائي وداير أعلم الناس هنا شوية رقي ودا بدخل في باب الأغذية الصجيّة المخمرة |
والله يادكتور العاجبنى فيك الثقة الزائدة ، قلت لي يا مستنير عاوز تعلم الناس .
اظهر اني حا اكون زبون دائم لبوستاتك هنا .
اوع تتهور تاني وتقول استقالة ،،،سمح
| |
|
|
|
|
|
|
|
|
|
Re: النبيذ الأحمر (Re: Haytham Ghaly)
|
تحياتي للاصحاب هنا
النبيذ ! اي والله جرسها الموسيقي سمح رغم تشارك حروفها مع النبذ فزادت عليه حرفا اكسبها ذلك الاحساس اللذيذ !
الشربوت .. الشربوت جميل وبالمناسبة هسة عندي باقي شربوت .. اصنعه كلو كم شهر .. واهلنا الحلفاوين بقو يصنعوهو من الكركدي .. اقلاها حلفاويين كوستي وصديقي معاذ كروبين هو من يصنعه تحايلا علي غلاء التمر الشربوت بديك احساس جميل وبهضم ليك .. وطعمو اجمل لامن يفارق حلاوة السكر sugar معليش لعدم وجود التنوين .. والناس بتحايلو عليهو من اجل السكر ! والنبيذ دة ما ضقناهو .. ف سعر كيلو العنب يفك السكرة .. لكن ضقناهو وانا اشتري الموز من بتاع الفواكهة امد يدي ببراءة مصطنعة واقطع لي حبة حبتين وألحقها عن اذنك يا شاب
| |
|
|
|
|
|
|
|
|
 Re: النبيذ الأحمر (Re: عبدالحفيظ ابوسن)
|
أبوبكر نقاش تحياتي
عندي قريبتي عندها تلفزيون حقها براها في المطبخ وشغال فقط على قناة فافيت كل ما اغشاها اقعد اتونس معاها في مطبخها قعدت تحكي لي عن الخواجات وعن اكلهم السمح قالت لي الناس ديل طباخين جدا بس عندهم حاجتين محيراتني أولا حاجة لحمتهم ما بخلوها تنجض يقدموها بي دمها وتاني عصير العنب دا بختوه في أي حاجة باين عليه سمح لكن زي عصيرهم دا قدر ما فتشت في الهايبر ماركت ما لقيتو ، قلت ليها يا مسكينة دا مافي الهابير ماركت دا تمشي البار تلقيه هناك دا نبيذ مريسة يعني قالت لي سجمي اكلهم كلو مريسة مسخت علي اكلهم
قال ليك جماعة عزابة كلهم بتاعين طشمة واحد بظبط في الحلة قام كبى ليه كبابة بتاعت واين قال عشان الطعم والنكهة يظبطو في الحلة الجماعة قاموا فيه دايرين يدقوه لييييه داير تأكلنا حرام
حسب خبرتك الشيئ دا كيف مع لحم الحاشي
----
مشيت دبي أمس وتاني في رجعة حا اغشاك ولو جابك الدرب أبوظبي عازمك غدأ عندنا أنجيرة كاربة مخروشة بي واين
| |
|
|
|
|
|
|
|
|
|
Re: النبيذ الأحمر (Re: عبدالحفيظ ابوسن)
|
سلام أب سن،
بعد نقيم سد الألفية ح نصنع النبيذ الأحمر من البرتقال الأحمر وقد تنجح تجربة زراعة العنب في البيوت المحمية، المهم النبيذ بنرقدوا هبطرش، وداعا للشربوت
| |
|
|
|
|
|
|
|
|
|
Re: النبيذ الأحمر (Re: أبوبكر عباس)
|
سلام سيد البوست و ضيوفه
يعلم الله انى احب هذا الشئ, احمره وابيضه, و"اسطعطى" الجيد منه, ما استطاع جيبى اليه سبيلا... بس مشكلتو ما بمشى مع الكوارع.
قريبى فى اخر االتسعينات قال لى البتاع ده حلال ومذكور فى القران, راجعت المصحف ومالقيت سيرة كونه حلال, "انقر" ما صدقت قريبي!
| |
|
|
|
|
|
|
|
|
|
Re: النبيذ الأحمر (Re: أبوبكر عباس)
|
Quote:
ودا بدخل في باب الأغذية الصجيّة المخمرة |
زي العيش المزرّع يعني ..
والكسرة الخمورية ..
مريسة يعني ..
عليك الله يا بكور الما بيخلي المريسة تبع النظام الغذائي شنو ؟؟
غايتو إنتو لمن تدورو حاجة تمرقوها بي غادي غادي ..
تبعاً للحاصل لازمن تدخل المريسة في أكلاتنا الشعبية ..
بالباب عديل كده ..
بدل ما مدخلنها بالشباكـ ..
نرجي العجين لامن يقلب عرقي عيش ..
والشربوت لامن يقذف الزبد ..
عارف ..
دي ذكرتني نكتة الشافع البجي كل يوم المدرسة فاطر ..
ومتروس بي نظام غائي محلي ..
والاستاذ يطردوا من الفصل ..
ويطلب ولي أمره ..
النبيذ والانتباذ للعنب ..
محل خلاف قديم ..
بل هناكـ من علماء العراق من جوّزه وأحله ..
إن لم تخني الذاكرة زمااان قريت كتاب بالشكل ده ..
عشان كده قلت ليك لامن تمسّي ..
النبيذ والأعذية المعمولة بيه مش في وجبة العشاء غالبا ..
كثقافة غذائية خواجاتية ...
وتيب يأخ ..
| |
|
|
|
|
|
|
|
|
|
Re: النبيذ الأحمر (Re: جمال ود القوز)
|
يا ود القوز المريسة دى مقام كبييييير
الفرق بينها والنبيذ زى الفرق بين الغاز والفحم, وارجع للشاعر ابيض اللون فى هذا الخصوص.
وكلام فى سرك, شوف نسبة الاصابة بالملاريا وسط المراسة مع غيرهم.
فى زمنا داك كانت صفر كبير, لكن ما عارف هسى مع التقاوى المضروبة بقت كم.
| |
|
|
|
|
|
|
|
|
|
Re: النبيذ الأحمر (Re: محمد الكامل عبد الحليم)
|
Quote: كاسات النبيذ الأحمر -الرسلوا جابوهو من البراكودا في أم القوين- لا لون لها وذهبية الحواف.
- مكعبات التلج مع البتاع البشيلو بيهو التلج داك.. |
احرجتنا مع ( بنات ام درمان ) يا ود مدني انت ...
مكعبات شنو و تلج شنو يا حبيبنا ...
النبيذ ( الأحمر ) يُشرب فاتراً على درجة حرارة الغرفة ... و ليس بالثلجِ و لا حتى مبرداً ...
___________________________________________________________
زي عرقي الدليب تماماً... :)
| |
|
|
|
|
|
|
|
|
Re: النبيذ الأحمر (Re: يحي قباني)
|
أصلاً أصلاً يا قباني، أنا أضفت التلج متأخر
في واحد لمان قرأ الكلام دا قال لي: لوحة عشا بت أم در والنبيذ دي ناقصة التلج والملقاط؟؟
وأنا يا مؤمن يا مصدق أضفتها
الغريبة، الزول دا شيوعي! لكن الظاهر عليهو من شيوعي عطبرة الحفيانين ديك!!
قلت لي يشرب فاتر؟!
أحب أم در
| |
|
|
|
|
|
|
|
|
|
Re: النبيذ الأحمر (Re: أبوبكر عباس)
|
Quote: لعل النبيذ يسكن ما بين القهوة والصبوح ...عساها أوجاعنا تخرج من ساقية يسوقها سقاة..
|
يا كامل ... الأوصاف ...
الطلاينة ( اهل إيطاليا ) ... يشربون قهوة الصباح مخلوطة مع قليلاً من ( السمبوكا او الجرابا ...)
هما من تقطير ( قشر ) العنب المصنوع منه النبيذ مسبقاً ..
اما السمبوكا فمعها مزيج من العرقسوس لاعطائها النكهة ...
( يفكون ) ريقهم بها صباحاً و كانها كما قال عمنا توفيق صالح جبريل ...
| |
|
|
|
|
|
|
|
|
|
Re: النبيذ الأحمر (Re: يحي قباني)
|
Quote: أصلاً أصلاً يا قباني، أنا أضفت التلج متأخر
في واحد لمان قرأ الكلام دا قال لي: لوحة عشا بت أم در والنبيذ دي ناقصة التلج والملقاط؟؟
وأنا يا مؤمن يا مصدق أضفتها
الغريبة، الزول دا شيوعي! لكن الظاهر عليهو من شيوعي عطبرة الحفيانين ديك!!
قلت لي يشرب فاتر؟!
أحب أم در |
( سيوعي ) بالسين كما كان يقولها صاحبنا الذي كان يشرب ( السري ) بارداً ...
ثم يشكي منه صباحاً حد الألم ... و يأتي متأوهاً و يقول :
أمِس ( سارب سَرِي ) بارد ... طلع ديني ...
فأقول له ... ولماذا تشربه بارداً ... فيقول ...
الحاج الله يهديه كان من شاربي الويسكي بالثلجِ ...
ودارت عليه الدنياً و اصبح الويسكي مكلفاً ...
فاستبدله ( بالسَري ) و لكنه لم يجد للثلجِ بديلا ...
______________________________
ود عطبره دقس بيك ... مع انك من مدني ...
بعدين نبيذهم الأحمر ده ياهو شرينا الزمان زاتو ... الا عملوا ليهو راس و قعر الخواجات ...
___________________________________________________________
احب مدني و اموت في الحديد و النار ...
| |
|
|
|
|
|
|
|
|
|
Re: النبيذ الأحمر (Re: يحي قباني)
|
بابكر سلامات
سالنا عنك الطير الرحل
في حكوة قديمة بتقول (حبوبتي من هولا وجولا حتي الملوك قعدو لا)
الاجابة هي المريسة وهي نبيذنا ويا حلات القيييييل مع ام فت فت المهم ياسيدي بوستك
روعة وانا مستمتع بمداخلات الاخوان وردودك لهم كن بخير
| |
|
|
|
|
|
|
|
|
|
Re: النبيذ الأحمر (Re: معاوية المدير)
|
اسمو شراب الفقرا يا ود عباس ( الفكيا) ..
عادي كانو الناس بعتقو ويقدمو في مناسباتم الكبيرة ..
كان ما مصدقني اسأل اي واحد من اندينا جنبك ..
الحندقة دي مناسبتا ؤلزوما؟
| |
|
|
|
|
|
|
|
|
|
Re: النبيذ الأحمر (Re: محمد على طه الملك)
|
Quote: أنا مشاركتي كانت بس كلمة ثانكس (شكرا) للسريلانكية لمان تتم لي الكاس!
|
ههههههههههههههههههههه
أصلا هي كدا يا ابوبكر لمن يكون محور الحديث خارج دائرة الاهتمام والاختصاص
عندنا بلدياتنا انسان بسيط مزارع وعندو صاحبو من نفس قريتنا في ذاك الزمن كان
يدرس في كلية الطب وجا زيارة للقرية ومعه اصدقاءه وزملاءه من كلية الطب المهم الجماعة كللهم بي مزارعنا
أصلا ناس قعدات وشربات ، المهم يا عزيزي الشراب دور وكان الحديث يدور عن البروتينات وما ادراك ما البروتينات
وصاحبنا قاعد يسمع وما فاهم التكتحو .. المهم بعد كم كاس كدا والراس اتصلح فجأة كشت ليك الكبابي والحاجات القاعدة
قدامو وقام علي حيلو وقال للجماعة : قومو شيلو بروتينكم دا وغورو من هنا بلا بروتين معاكم بلا زفت
عليك الله لو كان الكلام والونسة عن شي تاني ما كان افضل لي للدكاترة ديل بدل ونسة البروتينات ديل
المهم يا صاحبي الحمدلله انك ما كسرت ليهم حاجات البراكودا
| |
|
|
|
|
|
|
|
|
|
Re: النبيذ الأحمر (Re: Haytham Ghaly)
|
سلام يا أبوبكر
بمناسبة النبيذ حرام ولا حلال دي في قصة مشهورة عن سيدنا عمر رضي الله عنه
إنه كان مسافر ومعاه إعرابي
وكان سيدنا عمر يحمل إداوة (قربة)
فشرب منها الإعرابي .. عمك بقى ككو ..
سيدنا عمر أقام عليه الحد .. جلده حد السكر
فقال له : إنما شربت من إداوتك ..
رد عليه سيدنا عمر: إنما جلدناك لسكرك ..
والله اعلم
المهم يا عزيزي
الشربوت حقنا نوع من النبيذ .. بس ما قاعدين نخليهو ينجض
يعني ناقص مرحلتين هامتين من مراحل النبيذ
والنبيذ والبيرة يعتمدن على التخمير فقط
ما فيهن التقطير .. التقطير دا بسووا بيه العرقي والويسكي
والنبيذ فعلاً مفيد جدا للصحة
وبالذات للقلب ..
ويمر بثلاث مراحل .. مرحلة التخمير الأولي ، وهذه من 3 - 5 أيام
التخمير الثانوي من 7 إلى 15 يوم
والتعتيق كلما طالت الفترة كلما كان النبيذ أفضل .. أي كلما قلت عيوبه
أقل تعتيق لا يقل عن ثلاثة أشهر
ولكم التحية مثنى وثلاث ورباع
| |
|
|
|
|
|
|
|
|
|
Re: النبيذ الأحمر (Re: بدرالدين بابكر مصطفى)
|
Quote: عند ولادة ولد، يعملوا برميل نبيذ أحمر من أجود أنواع العنب و يدفنوه في الواطة.
يطلّعوهو و يفتحوهو يوم عرس المولود، يعني كم وعشرين سنة |
الأخ أبوبكر
لك الود والتحايا الطيبات
قال الشاعر:
مدامة كأنها من تقادمها .... عاصرها آدم أبو البشر
(أبو الزفت)
بالجنبة:
السنجك لما هجم جيش المهدية دس المريسة في أزيار
ولزما الأرض .... لما جا جيش الإنجليز جرا فتح
المريسة وطلع الأزيار وأخد ليهو جرة طويييييييلة
وقال: الله ليكي يالمريسي من دي الغملي ......
مع تحياتي ومحبتي لك ولنبيذك الأحمر .......
| |
|
|
|
|
|
|
|
|
|
Re: النبيذ الأحمر (Re: بابكر قدور)
|
سلام يا صاحب البوست الراقي
اول ما فتحت البوست ن قريت كم مداخلة على طول نزلت جبت لي مزه وجيت
عندي جدي كان بفتكر إنو المريسة البشتريها من المرأة التي تربي
في أيتام فيها اجر عظيم ، اوف كورس تصيبه بعض النشوة والنعنشة
لكن هذا الأمر الأخير بالنسبة له حسب تفكيره أمر ثانوي
المهم ان في تارخنا وارثنا ما فيش أشكال في معاقرة المريسة
حتى انها كانت جزء اصيل في طقوس الزواج
| |
|
|
|
|
|
|
|
|
|
Re: النبيذ الأحمر (Re: بابكر قدور)
|
تحياتي أخي أبوبكر
بوستك المنعش أعادني سنوات للوراء
سنوات التيه في باريس ، بين شارع الشانزليزيه وجادّة فوش ومنتسبا ، وأسترجعت أيامي مع ذلك السوداني الشنقيطي ، تاجر الجلود الذي كنا نتسامر أحيانا في فندق ( كونكورد لافاييت ) القريب من غابة بولونيا ،
النبيذ
في شمال السودان حيث يكثر التمر بأنواعه ، تفنن الأهل هناك بعمل نوعين من المشروب الغتيت من البلح
الأول : هو الدّكّاي ( DAKKAY
وهو مشروب أقل كثافة من النبيذ وأغتت من الشلربوت ويتم كتم البلح من نوع DOKONA في أزيار قناوية لمدة تتراوح بين أسبوعين إلى ثلاثة في غرفة نائية تستعمل كمستودع.
أما النوع الثاني ، فو النبيت ( النبيذ )
ويتم عمله بغلي العجوة داخل إناء كبير ، ثم تصفيته ووضعه في كنتوش كبير ودفنه في الأرض لمدة تترواح بين شهر أو شهرين.
ومحل ما يسري يهري.
ثم بدأ غزو منظم لهذه الصناعة بإدخال تقنية تقطير مشروب الدكاي لتحويله إلى ذاك المشروب الغتيت ( العرقي ) ...
نبشنا ذاكرتنا قسرا بعنوانكم الذي حملني من باريس لديار المحس ، ثم إنكفأتُ لديار نجد لنشرب البيرة خالية الكحول و ( نتْدَشّا ) ونلعن الغربة
دمتم
| |
|
|
|
|
|
|
|
|
|
Re: النبيذ الأحمر (Re: ابو جهينة)
|
سلام يا أبوبكر يا ود مدني
ابو جهينة سلام ليك ولنبيت (نبيذ) المحس
يا أبو جهينة هو طعم زي العسل لكن بعد الشرب يتبين أناه ليس عسل أو كما يقولون
ويا أخوانا لا مقارنة بين النبيت (النبيذ) والمريسة
يا نور الدين بابكر يا صاحب يا جافي .. المفروض تكون إرتقيت من المريسة للنبيت (النبيذ) طالما أنك صاهرت أحفاد تهراقا !
| |
|
|
|
|
|
|
|
|
|
Re: النبيذ الأحمر (Re: ابو جهينة)
|
سلام يا أبوبكر يا ود مدني
ابو جهينة سلام ليك ولنبيت (نبيذ) المحس
يا أبو جهينة هو طعم زي العسل لكن بعد الشرب يتبين أناه ليس عسل أو كما يقولون
ويا أخوانا لا مقارنة بين النبيت (النبيذ) والمريسة
يا نور الدين بابكر يا صاحب يا جافي .. المفروض تكون إرتقيت من المريسة للنبيت (النبيذ) طالما أنك صاهرت أحفاد تهراقا !
| |
|
|
|
|
|
|
| |
أبوبكر عباس
جمال ود القوز
عبدالحفيظ ابوسن
Hassan Makkawi
محمد الكامل عبد الحليم
يحي قباني
باسط المكي
معاوية المدير
محمد على طه الملك
بدرالدين بابكر مصطفى
معاوية الزبير
بابكر قدور
Research In Motion BlackBerry 9300(1600x1200).JPG)
نورالدين بابكر بدري
ابو جهينة
Asim Fageary
فيس بوك
تويتر
انستقرام
يوتيوب
بنتيريست