بعت ليك يا حلوة حاجاتي الكتيرة و زي كأني غلبت أجيكي .. سافرت في جواكي أنقش .. في حروف بالبهجة ترقش أحلامي كان مشحونة بيكي لا معاني البسمة نفعت .. لا كرامة الريدة شفعت وا عذابي معاك دموع مليانة حيرة ** بعت ليك حاجات كتيرة .. ورحت في كونك أغالبك أشتهي الضحكة الترجع .. صورتك النديانة تلمع .. لو بينفع أرسمك شمعاية تضحك .. تضوي في الليل البوجع .. لو بينفع أدخلك بي ضحكة الأمل البتجمع .. لو بترجع لو بتسمع .. و تقدر الحاجة الكتيرة و لسه تزرع فيني دمعة .. و ذكرى أكتر من مريرة ** زي في حاجة تقولي انك ماكي انتي .. ماكي إنتي الردتك إنتي لا الدروب يا ها الدروب .. و لا الظروف نفس الظروف كنت شايفك طالعة من بحر الحنان .. وكنت شايفك زول ولوف أحكي ليك عن وجعة جواي بتطوف تنحرق جواي تخنقني الحروف تمسكني ايد توعدني بيك .. توعدني بي أحلى الظروف توعدني بي جنات تضمنا في جروف بتقيف معاي ونعدي لحظات أي خوف لكني وا ضيعة أماني اتبددت في لحظة .. شوف كنت حلمان بالسنين ولا عيني الما بتشوف ماني شايفك في عينيكي .. الكنت لمان أبقى أغرق .. ألقى فيهم ألف طوق .. كنت شايفك زي شروق أجري .. أجري .. أضمك احلم بيك فوق ألقى خطواتك مشت لي دروب ما فيها شوق خليتني في عز الهجير .. سكينة مغروزة في حشاي موجوع مدثر بي سكات .. ميت بغازل في هواي و أنا بين مصدق و ما مصدق انك انتي للوداد في لحظة بعتي .. للوعود البينا خنتي للعهود البينا ما راعيت و صنتي بين مصدق وما مصدق انك انتي .. تكوني في وش الخيانة .. أو جبانة .. أو عديل مستهبلة لحظات غريبة ومذهلة وكتين تكون المهزلة .. و تجيك من أقرب صلة مرسومة بي بسمة وحلا و تكشف قناع المسألة .. تقرا السطر وتبدا الحكاية من أولها و تلقاها كان قصداك عديل .. تمثيل بجد وعناق عداوة و بهدلة عشان ياني أهبل زي زمان .. فاكر المحبة الصادقة في فاكرك كمان زولا وفي و تاريكي يا وجعي المدوي .. ماسكة في كل الحبال الدايبة قوي و أنا شن أسوي مع الدميرة .. للباعت أحلامها و ضميرها ** جيتك نسيمة مع .. الدغش .. شان انعش أنفاسك درر جيتك معاي غيمة ومطر أزرع أمل يطلع سراب .. أرجي الخريف يطلع يباس شن دايرة يا مهر الضياع .. شن دايرة من انسان حزين مغبون وحاس ** مالو ليل شوفك حزين ما بستكين غير بالرياح مالك تزيد فيني الجراح سكينك التجرح خواطري الإتكت .. على بسمة فيكي وكون سماح و أنت جد مثالة جد .. و عاملة مكسورة جناح داسة سم في بسمة لامعة ومسكنة و أنا أصلي أهبل من زمان .. مسكون أغاني ودندنة موجوع ممدد في حروف تلاتين سنة كنت فاكرك سوسنة لكني وا ضيعة حروف مزدانة بيك متلونة ضاع العشم .. ضاع القبيل الكان مني و راحت كما حاجات كتيرة .. في رجا الزولة القبيل باعت ضميرها ** بعد الصباح الكان صباح و الزغاريد الكتيرة .. واتحققت أحلام أميرة .. وانتهت جملة مراسيم الصفاح .. ونمت أحلم بي الفرح قدامي لاح يوم في ليلة ولسه ما شفنا الصباح نسمع نباح .. نسمع صياح جاتنا الكلاب تنبح تلف كل البطاح .. انحن صاح .. أنحن صاح و نصبت مقصلة الرياح .. تنثر غبار كذب النباح .. أنحن صاح و تلفي حولي المشنقة .. و تكثر علينا النقنقة و جيتك عليك بي لهفة أسأل شن بقى و إنت بي خفة و دلال وإجابة جد مستهترة .. ما مافي شي و ألقى جد ما مافي شي .. غير الكذب وحاجات كتيرة ملفقة و أنا أختشي شان الأهل .. شان الصديق الضاع وراح وما اتلقى شان الكلام ما بجدي شي .. شان ريدتي فيكي محققة شان تفهمي .. إني بفهم للبقى بس حظي مكتوب بالشقى ما كنت قادر أنطقها شان تفهمي إنو إنتصار الحق بجي .. و إنو إنتصار الباطل المزعوم ما حجة للناس التجي و إنو اللي الجاي مع الزمن جاي لو كان بالحبي شان تفهمي .. ظليت أموت شان تحيا ريدتك في الحكي تظلمني جد وتجري قبلي بتشتكي ؟؟؟ و أسكت سكات زولا بجم .. كأني ما بعرف نضم شان ضاع معاك أجمل حلم .. و يمكن سكاتي يزيل بلم لكين كمان وكتين تكون طيب كتير .. بتهون على الفاكرك غبي و تبقى الحكاية وسط نضم .. زي غنوة أطفال الحجي .. في ليالي الانكسارات السبي الراح ما راح .. الراح ما راح .. الراح ما راح .. الراح وين راح ؟؟ أكلو التمساح الراح ليه راح ؟؟ و في لحظة ينكسر الشراع .. لا فيها عيب لا فيها صاح لمان بقت البسمة سم .. و تشرقني لحظات الألم أنا إيه أكون ؟؟ و سؤالي مشحون بالندم ما كبري بس تطعني كلماتك طعن .. و أموت كتير لكين على لوحي المعلق بالصدق .. ما السترة صاح اجمل وشاح ما نحن في الزمن الغلط .. ما الحق خلاص بي وشو شاح ما الرجال سكتت على قول الحريم .. و الشيخ شخر نام بإرتياح لمان بقت الشينة مهنة .. لمان بقت بس هي المتاح الراح ما راح .. الراح ما راح .. الراح ما راح .. الراح كيف راح ؟؟؟؟؟ و تنكسر يا أمي حاجاتي الكبيرة .. و أتكي هزمتني ماعون العيوب .. و غلبني أحكيلك حكي يا أمي بس إيديك فوق .. لي الله نحن بنشتكي شان تفهمي .. إني فاهم للبقي .. بس حظي مكتوب بالشقي ما كنت قادر انطقها ما كنت قادر انطقها وقالوا في المثل البحبك يبلع ليك الزلط .. و البكرهك يفتش ليك الغلط و يا أمي في آخر الحكي اتيقني .. ولدك ذكي بقع .. بتلاشي تب .. ووكتين يقولوا الناس غرق بمرق بكون للناس مرق بمرق بكون للناس مرق و بنطقها حيجي الوقت الفيهو بحكي و بنطقها يا أمي بس إيديكي فوق لي الله نحن بنشتكي يا أمي بس إيديكي فوق لي الله نحن بنشتكي
and#61545; محمد عبد الله حرسم اعمال قديمة نوعا ما
02-04-2015, 09:00 AM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
بعت ليك حاجات كتيرة .. ورحت في كونك أغالبك أشتهي الضحكة الترجع .. صورتك النديانة تلمع .. لو بينفع أرسمك شمعاية تضحك .. تضوي في الليل البوجع .. لو بينفع أدخلك بي ضحكة الأمل البتجمع .. لو بترجع لو بتسمع .. و تقدر الحاجة الكتيرة و لسه تزرع فيني دمعة .. و ذكرى أكتر من مريرة
02-04-2015, 09:18 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
Quote: ما نحن في الزمن الغلط .. ما الحق خلاص بي وشو شاح ما الرجال سكتت على قول الحريم .. و الشيخ شخر نام بإرتياح لمان بقت الشينة مهنة .. لمان بقت بس هي المتاح
وصف جميل لزمان القبح وخلط الثوابت ..
لك التحية شاعرنا .. كلام عميق ..
02-05-2015, 05:26 PM
ALWALEED ALSHEIKH ALWALEED ALSHEIKH
تاريخ التسجيل: 01-11-2013
مجموع المشاركات: 884
Quote: بين مصدق وما مصدق انك انتي .. تكوني في وش الخيانة .. أو جبانة .. أو عديل مستهبلة لحظات غريبة ومذهلة وكتين تكون المهزلة .. و تجيك من أقرب صلة مرسومة بي بسمة وحلا و تكشف قناع المسألة .. تقرا السطر وتبدا الحكاية من أولها و تلقاها كان قصداك عديل .. تمثيل بجد وعناق عداوة و بهدلة عشان ياني أهبل زي زمان .. فاكر المحبة الصادقة في فاكرك كمان زولا وفي
تحياتي أستاذنا حرسم كلمات قوية و مباشرة لا مداهنة أو تجمل فيها. يبدوا أن الفاجعة كبيرة و أن الخنجر البروتسي أصابك في الصميم. لك صادق الود و المواساة و أنت تعبر بصدق عن موقف مر بالكثيرين هنا و هناك. رجاءاً لا تحرمنا من بحر ابداعك الرائع. و لك خالص الود و الاحترام.
02-08-2015, 07:25 AM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
Quote: أحلامي كان مشحونة بيكي لا معاني البسمة نفعت .. لا كرامة الريدة شفعت وا عذابي معاك دموع مليانة حيرة أشتهي الضحكة الترجع .. صورتك النديانة تلمع .. لو بينفع أرسمك شمعاية تضحك .. تضوي في الليل البوجع .. لو بينفع أدخلك بي ضحكة الأمل البتجمع .. لو بترجع لو بتسمع .. و تقدر الحاجة الكتيرة و لسه تزرع فيني دمعة .. و ذكرى أكتر من مريرة
و أنت جد مثالة جد .. و عاملة مكسورة جناح داسة سم في بسمة لامعة ومسكنة و أنا أصلي أهبل من زمان .. مسكون أغاني ودندنة موجوع ممدد في حروف تلاتين سنة كنت فاكرك سوسنة لكني وا ضيعة حروف مزدانة بيك متلونة ضاع العشم .. ضاع القبيل الكان مني و راحت كما حاجات كتيرة .. في رجا الزولة القبيل باعت ضميرها
02-12-2015, 06:21 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: عشان ياني أهبل زي زمان .. فاكر المحبة الصادقة في فاكرك كمان زولا وفي و تاريكي يا وجعي المدوي .. ماسكة في كل الحبال الدايبة قوي و أنا شن أسوي مع الدميرة .. للباعت أحلامها و ضميرها
حديث راقي وانيق لفاجعة كبيرة كما رايتها ولم اكن اتخيل يوما ان هناك بسمة مسمومة ..ولكني عرفت الان ولا تحرمنا من مثل هذا الحكي الجميل والانيق..فالشعر ينساب فينا كالماء السلسبيل في جوف من كان في صحراء قاحلة وكاد ان يموت عطشا والله يديك الصحة والعافية
02-25-2015, 06:57 PM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
عشان ياني أهبل زي زمان .. فاكر المحبة الصادقة في فاكرك كمان زولا وفي و تاريكي يا وجعي المدوي .. ماسكة في كل الحبال الدايبة قوي و أنا شن أسوي مع الدميرة .. للباعت أحلامها و ضميره
03-03-2015, 08:17 AM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
بعت ليك حاجات كتيرة .. ورحت في كونك أغالبك أشتهي الضحكة الترجع .. صورتك النديانة تلمع .. لو بينفع أرسمك شمعاية تضحك .. تضوي في الليل البوجع .. لو بينفع أدخلك بي ضحكة الأمل البتجمع .. لو بترجع لو بتسمع .. و تقدر الحاجة الكتيرة و لسه تزرع فيني دمعة .. و ذكرى أكتر من مريرة
03-07-2015, 08:00 AM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
Quote: داسة سم في بسمة لامعة ومسكنة و أنا أصلي أهبل من زمان .. مسكون أغاني ودندنة موجوع ممدد في حروف تلاتين سنة كنت فاكرك سوسنة لكني وا ضيعة حروف مزدانة بيك متلونة ضاع العشم .. ضاع القبيل الكان مني و راحت كما حاجات كتيرة .. في رجا الزولة القبيل باعت ضميرها
08-09-2015, 06:38 PM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
شان ياني أهبل زي زمان .. فاكر المحبة الصادقة في فاكرك كمان زولا وفي و تاريكي يا وجعي المدوي .. ماسكة في كل الحبال الدايبة قوي و أنا شن أسوي مع الدميرة .. للباعت أحلامها و ضميرها
11-21-2015, 06:15 PM
محمد عبد الله حرسم محمد عبد الله حرسم
تاريخ التسجيل: 01-25-2013
مجموع المشاركات: 4492
عت ليك حاجات كتيرة .. ورحت في كونك أغالبك أشتهي الضحكة الترجع .. صورتك النديانة تلمع .. لو بينفع أرسمك شمعاية تضحك .. تضوي في الليل البوجع .. لو بينفع أدخلك بي ضحكة الأمل البتجمع .. لو بترجع لو بتسمع .. و تقدر الحاجة الكتيرة و لسه تزرع فيني دمعة .. و ذكرى أكتر من مريرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الله حرسم
علي عبدالوهاب عثمان
ALWALEED ALSHEIKH
وضاحة
فيس بوك
تويتر
انستقرام
يوتيوب
بنتيريست