|
|
 داير واحد شاطر يفهمني
|
في عمق ازمة الشعب السوداني المعيشية
يقوم اخو الريس يتزوج زواج سفه بذخي
يقوم الريس يحتفل بفتح قصر
يقوم البرلمان ينضم في تعدد الزوجات
كأنو شنو .. اي كأنو ديل ما حاكمين نفس البلد النحنا قاعدين فيها
ف داير افهم والله
هل نحلل الوضع سياسيا
ولا نمشي لي طبيب نفساني يحلل لينا الحكومة
الحكومة عندها شيزوفرنيا
اي والله الا كدة
|
|
 
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
فما معقول
ايها البرلمان الموقر الذي يفترض فيهة تمثيل الشعب في السلطة ويتحدث بلسانه . ان يكون جل همكم خفاض البنات او تعدد الزوجات لدرجة تبادل الكلمات العنيفة
وشعبكم خليكم من اي شي يعاني من الغاز حتي باتت النساء في طلمبات البنزين . ذات المرأة التي يهتمون بخفاضها ونكاحها وسفورها .. ياخ خلو الغاز ! الغاز يطير انبعلو! ما اتلقا .. افتو لينا في النسوان المبيات ديل ومن مقلب الحديث السلطة بتعرف انو في ازمة غاز
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
خلينا كل الشعارات الهتافية ..
بقينا في هم المعيشة
وانتو تنقزو بالانتخابات
قالوا
الزول بونسو غرضو
ونسونا بي غرضنا ياخ وبعد داك احشرو لينا موضوع الانتخابات بنقول نعم !
كلمونا بتخفيض الرسوم والجبايات والكهربا وقولو لينا اخفضو البنات لومكم علي نطهر ليكم الشايله جناها في صفحتها
لكن
ان تتحدثون عن مشاكل لا تهمنا ابدا .. ولا تلامس قضايانا فنحن لن نسمع لكم
ولن نقرا صحفكم
ولا بنسمع راديكم
وبنحضر ملكة الجانسي
انتو في نشوة خمر السلطة ونحن في غيبوبة لو غلبك سدها وسع قدها
اها قاعدين نوسع فيهو
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
وبعد دة خلينا خلاف تطبيق الشريعة
من المبكي والمخزي
غضبتهم علي اساءة الرسول صلي الله عليه وسلم
لم يسئ للنبي الكريم إلا هم
مارسوا كل فسادا ويدعون انهم يتبعون خطي الرسول الكريم . فألبسوا سلوكهم قداسة ليست منه ..
واخذ الجاهل قولهم مأخذ جد وبرأ الرسول والدين منهم
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
دون حساسية اخلاقية احكي من الامثال السودانية
قالوا
واحد من قبيلة اخري .. سكن في قرية .. وكان سريع الاستجابة في الفرح والكره .. حصل موت هو اول من يذهب للمقابر .. ويقف لاكرام المعزين واول من يجيب الفزع
اها عاش بينهم عزيزا كريما مرفوع الشأن
وكل القرية اسرة واحدة إلاهم
بعد سنوات ولدو جاهو
يابا ناس الحلة الليلة نبذونا ونبذو قبيلتنا
ابوهو قال ليهو
نبذتنا انت ما هم ! عشت معاهم عشرات السنوات كريما عزيزا .. لكن انت سويت شي شين جمعنا وقبيلتنا معاك
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
مرحبا محمد الحسن
قلنا الرووووووب
وضربنا الروراي
لكنك اسمعت اذ ناديت حيا ولا حياة لمن تنادي
بكينا وما لقينا البسكتنا
السلطة مشغولة بالعرس والبيت الجديد والبرلمان مشغول بمظهر النسوان وما خفي منه !!
ونحن قرضانين قرض واحوالنا بايظة
لا بيقيفوا في صف بنزين
ولا بسكو غاز
ولا بطردوا اولادهم من المدارس للرسوم
ولا عارفين الطماطم رخيصة ولا غلت
بقينا خبرا اقتصاد وعارفين سعر الدولار رغم انو ما بنعرفو
ضقنا والله
واخلاقنا بقت في راس نخرتنا
معقولا ! معقولا ياخ
| |
|
|
|
|
|
|
|
|
|
Re: داير واحد شاطر يفهمني (Re: معاذ الفحل)
|
سلام العزيز عب حفيظ
الكيزان ديل وصلوا مرحلة بعيدة من الانفصام عن الشعب يعتبرون ان ضيق العيش بالشعب هو ابتلاء من الله لقلة ايمانهم بينما فتح الله عليهم ابواب نعمه لانهم يقيمون دين الله في الارض
| |
|
|
|
|
|
|
|
|
|
Re: داير واحد شاطر يفهمني (Re: abuguta)
|
مرحبا معاذ
وحبابك
كما قال سميح القاسم
طويل كالمدي نفسي
وقال اهلي
حبل المهلة يربط ويفضل
لكن حبلنا دة لا ربط ولا فضل .. انبت وانقطع بتماطل الساسة داخل السلطة وخارجها
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
مرحبا سامي
قال حميد
وما بتحير بين التاس
الفوقانية والتحتانية
إلا
مغير
ولا عقوق
ولا كفيف الانسانية
ف ياخ هذة السلطة قاتلها الله صعبت علينا ابسط الاحتياجات الحياتية . نعاني يوماتي دون توقف ولامن ننوم نعاني برضو .. نعاني من تدهور صحة البيئة وانتشار الباعوض وقطع الكهربا وسهر الموية
قاعد احسب في ساعات اليوم .. ال 24 ساعة داير اشوف ساعة ما اكون بعاني فيها .. ما لقيت
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
مرحبا ابوقوتة
قال الزول راكب البص في الباب .. اصبع واحد من كراعو في السلم والكراع التانية متحركة ورا وقدام ومرات تصل الواطة .. ويد ماسكة والتانية متناغمة مع الكراع البندول .. والبص جوة الناس واقفة شماعة
وزولنا يكورك
شكوها .. شكوها
داير الناس تتشك في بعض وركبتو تتصلح
قوم يا البص انقلب
وما يموت الا هو
راكب عاين لي جثتو وقال ليهو
شابكنا شكوها . شكوها
اها شكوها وجدعوك بايظ
ف شنو
خليها ترقد علي اتجاه !!!
| |
|
|
|
|
|
|
|
|
|
Re: داير واحد شاطر يفهمني (Re: عبد العزيز محمد عمر)
|
أبو سن
صباحات بخير
هل قرأت عن الأيام الأخيرة لدولة الأندلس وكيف الحكام كانوا عايشين وسط النساء والبهجـة والمسـرة؟
بس يا ها دى زاتها.. نهاية دولة الإنقاذ..
إمتلأت بطونهم وتقلصت عقولهم وجفت قلوبهم.. فماذا تنتظر سوى النهايـة المحتومـة، التي يستدرجهم الله اليها إستدراجـاً والعياذ بالله.
| |
|
|
|
|
|
|
|
|
|
Re: داير واحد شاطر يفهمني (Re: Abureesh)
|
المرة خلي كلامها
انا القدامك دة .. أكون قاعد وسط عيالي وهم اطفال زغب الحواصل .. أكون قاعد اضحك واتونس .. وفجأة اتذكرت بكرة .. وبكرة دي هم ... الونسة تطير لي واهود واسرح
ولا
مرات بعد ان يداعب الكري عيوني واتذكر .. بي الله عيوني تعمل بق .. وأكتشف بعد زمن اني مفتح .. تخيل زول يتذكر انو هو ما نايم !!
هم يقصر العمر ويفسد اجمل لحظات الفرح
طفلك حصل سن المدرسة تشيل هم المصاريف
نجح دخل الجامعة تشيل هم الجامعة
داير يعرس تشيل الهم
بدل تفرح تهم
| |
|
|
|
|
|
|
|
|
|
Re: داير واحد شاطر يفهمني (Re: عبدالحفيظ ابوسن)
|
Quote: في عمق ازمة الشعب السوداني المعيشية
يقوم اخو الريس يتزوج زواج سفه بذخي
يقوم الريس يحتفل بفتح قصر
يقوم البرلمان ينضم في تعدد الزوجات
كأنو شنو .. اي كأنو ديل ما حاكمين نفس البلد النحنا قاعدين فيها
ف داير افهم والله
هل نحلل الوضع سياسيا
ولا نمشي لي طبيب نفساني يحلل لينا الحكومة
الحكومة عندها شيزوفرنيا
اي والله الا كدة |
أخي الحبيب ابوسن
حسب رأي المتواضع وتحليلي
هذه هي سياسات مدروسة بدقة وتصب مجملها في السياسة الماسونية
لو تتبعت كل خطوات هذه الثورة منذ 1989 لوجدت أنها تطبق سياسة الماسون بكل حرف فيها
وهي دقيقة جداً في اختيار الزمان والمكان والحدث
التحكم في موراد البلد ( المال )
دك كل من هو رأسمالي وغير موالي ولاء تام
كسر أنف الرجال بكل الطرق
كسر أنف النساء وسلبهنَ أغلى ما لديهنَّ الشرف مقابل المال
ذوبعة مفتعلة في يوقت لها في أزمة ( مثال القبض على أبن فلان في دولة كذا معه دولارات )
دي كلها اشاعات ومصدرها أجهزتهم الشعب المسكين يلوك في هذه الأشاعات وينسى الهم الأساسي
فرقعة حدث مثل ث الزواج هذا وإن كان نزوة ليكون حدث يلهي الخلق لكم يوم وتأكد أول ما ينسى الخلق هذا الحدث
سوف يطفو للسطح خبر أخر
الإنقاذ يا الحبيب بعد 25 سنة تحكم جثة هامدة لا حِراك لها لذا تطبق وتقول ما شاء لها قصر لا بيت لوداد ولا هذا ولا ذاك
ما يهم رأيك أنت أو رأي غيرك ونحن لا نحرك ساكن وهذا يعوه تماماً
| |
|
|
|
|
|
|
|
|
Re: الفقراء يدخلون الجنة (Re: elhilayla)
|
شكرا يا ود اب سن
طلبك للفهم مشروع وأنت سيد الفهوم كلها
ماذا تقول يا ود أب سن لأناس من طبقات متضررة ومن أسر متضررة ومن مناطق متضررة ولا يزالون يؤيدون هذا النظام نظرا لانهم تم تجنيدهم في المدارس المتوسطة ومن ذاك اليوم وحتى اليوم ... ؟
أحمد الشايقي
| |
|
|
|
|
|
|
|
|
|
Re: الفقراء يدخلون الجنة (Re: أحمد الشايقي)
|
مرحبا ود المنسي
حبابك يا صاحب
اتفق معاك تماما
تم كسر الشخصبة السودانية وقهرها .. من بداية تفتيش ضرعات الرجال في البصات والاسواق والاستيلاء علي سكاكينهم ثم عصيهم .. ثم اهانتهم مع زوجاتهم بالقبض عليهم مالم يكونوا يحملون قسيمة زوجاتهم . ثم مطاردة الشباب واهانتهم في معسكرات الدفاع الشعبي .. تم قهر الشخصية السودانية بشكل ممنهج ومستمر .. فأصابها الخوف والتردد والاستكانة
| |
|
|
|
|
|
|
|
|
|
Re: الفقراء يدخلون الجنة (Re: عبدالحفيظ ابوسن)
|
مرحبا الحليلة
يا المسمي محنتنا امتحان
كما قال حميد
والغريبة هي من فعل ايديهم !! يعني برضو كما قال
والجاتا جاتا من اللرض ما جاتا من تالا السما
عادل امام اخرج اجمل مافيه في مسرحية الزعيم
| |
|
|
|
|
|
|
| |
عبدالحفيظ ابوسن
د.محمد حسن
سامى عبد المطلب
abuguta
Abureesh
خالد علي محجوب المنسي
elhilayla
أحمد الشايقي
فيس بوك
تويتر
انستقرام
يوتيوب
بنتيريست