|
|
|
 Re: الرابطة الرياضية الصالحية وجمعية الصحفيين السودانيين بالمملكة تكرمان الشاعر أزهري محمد (Re: Mohamed Abdelgaleel)
|
الرابطة الرياضية الصالحية صرح رياضي ثقافي راسخ وواعد يضم عشرات الفُرق
الرياضية للشباب والناشئين وتقيم العديد من الدورات الرياضية المميزة يحضرها
جمهور غفير .. متى ما دخلت سوح رابطة الصالحية ورأيت الناس من جهات
السودان الأربع كأنك في دار الرياضة بأمدرمان زمان .. وكان السودان لم ينفصل ولم
تفجعه الصراعات والحروب .. فتجد أبناء (الجنوب /الشمال/الشرق/الغرب) يا لقدرة
الرابطة الرياضية الصالحية على لم الشمل على السليقة.
الزملاء في جمعية الصحفيين السودانيين بالمملكة أعلنوا كدأبهم شراكتهم مع رابطة الصالحية
في هذا الاحتفالية التي تم فيها تكريم الشاعر الكبير أزهري محمد علي الذي قال في كلمته أن
هذا اليوم يصادف الذكرى 19 لرحيل القنان الفذ - مصطفى سيدأحمد -يرحمه الله -. كما شرفها
لكابتن بشرى وهبة (لاعب المريخ والفريق القومي سابقاً) .
وقد جاء من السودان الأخ عبدالمنعم عبدالعال (الريس) خصيصاً لحضور نهائي الدوري
العام الذي حمل أسمه لعام العام .. كما كان حاضرا في هذه الأمسية البهيجة التي أضافت لها
مشاركة أزهري بقراءاته الشعرية البديعة القاً.
كان الغناء حاضراً عبر الصوتين الغنائيين المميزين سيف نورين وكمال شادي .. فجاء مساء
رابطة الصالحية وجمعية الصحفيين السودانيين يوماً من أيام الوطن السمحة.. سأحاول والزملاء
في المساحة القادمة أن نشرككم في تفاصيل ما حدث وقيل بالكتابة والصورة لتشاركوا الحضور
الجمال.
| |
 
|
|
|
|
|
|
|
|
Re: الرابطة الرياضية الصالحية وجمعية الصحفيين السودانيين بالمملكة تكرمان الشاعر أزهري محمد (Re: Mohamed Abdelgaleel)
|
يا جماعة انتو الحاجات دي بتعلنو عنها سرا ولا شنو ؟؟
التحية للاخوه في رابطة الصالحية والتحية للاخوه في رابطة الاعلاميين بالمملكة والتحية العميقه للاستاذ ازهري محمد على صاحب القلم الشفيف والاحساس الممرهف .. وعذرا اذا لم نكن من الحضور فلم اسمع بهذه الليلة الا من خلال هذا البوست ولكن كعادتنا لا نقول الا ( الجايات اكتر من الرايحات )
شكرا اخوتي الاجلاء محمد عبد الجليل والاخ الشفيف معتصم دفع الله والاخ الاستاذ محمد الصادق على نقل هذا الحدث الجميل ... ولو في تلفون للاستاذ ازهري ارجو ان تزودونا به اذا امكن ذلك ...
تحياتي : ياسر العيلفون
| |
|
|
|
|
|
|
|
|
|
Re: الرابطة الرياضية الصالحية وجمعية الصحفيين السودانيين بالمملكة تكرمان الشاعر (Re: معتز الحلاوين)
|
00:47 م Feb 4,2015
سودانيز أون لاين
Mohamed Abdelgaleel
Riyadh-KSA
مكتبتي في سودانيزاونلاين
يا المعتز كيف حالك ياخ .. افتقدتك الرياض التي تفتقدها. رابطة الصالحية وجمعية الصحفيين
السودانيين بالمملكة أطلقتا شوطاً قوياً شهد التكريم المستحق للشاعر أزهري محمد على الـــذي
كان على الوعد .. قرأ أزهري في ذلك المساء للجميع للوطن وللحبيبة .. وأزهري كما تعرف
من الشعراء الذين أشتغلوا على الكلمة فاهتزت وربت وتعمقت وأحيانا يجعلها تشتعل .. لهذا
أؤيد طلبك أن يتم رفد هذا الخيط بفيدو الأمسية (الذي ليس عندي بعد) فهل من مستجيب لطلب
معتز يا يوسف السماني وصحبه:
الصباح الباهى لونك
وضاحة يا فجر المشارق
غابة الأبنوس عيونك
يا بنية من خبز الفنادق
شيدتي في جواي صوامع
... للفرح
وفتحت في دنياي مسارح
... للمرح
وبقيتي لي
سكة وعيون
لا قدرت أطولك
شان أجيك
لا قدرت من غيرك أكون
وأنا بيك ماليني الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك
الشوق بخور
وفرشت ليك
الريد لحاف
لا السكة بيك بتنتهي
ولا معاك مليت الطواف
يا ريتني لو اقدر أكونك
وضاحة يا فجر المشارق
الصباح الباهي لونك
يا بنية من خبز الفنادق
غابة الأبنوس عيونك
وضاحة
لو طال الطريق
بيناتنا واترامي المدي
وصنَت مسامعك من نداي
شربت فيافيك الصدى
ما تحني هامات النخيل
ما ترمي دمعات الندي
ما تشنَفي الزمن الجميل
دا العمر يا دابو ابتدأ
والعمر إيه حيكون بدونك !
وضاحة يا فجر المشارق
الصباح الباهي لونك
يا بنية من خبز الفنادق
غابة الأبنوس عيونك
| |
|
|
|
|
|
|
|
|
|
Re: الرابطة الرياضية الصالحية وجمعية الصحفيين السودانيين بالمملكة تكرمان الشاعر (Re: Mohamed Abdelgaleel)
|
02:56 م Feb 7,2015
سودانيز أون لاين
Mohamed Abdelgaleel - Riyadh-KSA
مكتبتي في سودانيزاونلاين
كتب الأستاذ يوسف السماني:
كانت ليلة ابداعية ثورية تلبست تراب الوطن
وتدثرت بحلم فجر الحرية القادم .
التحية للشاعر الصديق ازهري محمد علي الذي افرحنا في زمن النواح .
التحية للصديق د.حسين حسن حسين
والتحية لك ايها الصديق محمد عبدالجليل لولامجهوداتكم لما كانت تلك الليلة
=========================================
مرحب يوسف .. وشكرا للأستاذ أزهري الذي منحنا مساءً سودانيا منعشاً
وليتكم في بورداب الرياض أن تضعوا على أجندتكم دعوة أزهري وصحبه
لمزيد من الفعاليات التي تكشف خلال سويعات قليلة أن شاعراً واحد يمكن
أن يشكل أغلبية ويعيد الأمل بالوطن (الحِن مو الطارد)
| |
|
|
|
|
|
|
|
|
|
Re: الرابطة الرياضية الصالحية وجمعية الصحفيين السودانيين بالمملكة تكرمان الشاعر (Re: Mohamed Abdelgaleel)
|
ثلاثه مقاطع لطفل ما/ أزهري محمد علي
مدخل اول:
((من كان منكم بلا خطيئه فليرمه بحجر.)
أعلمُ أنك حجر لا تضر ولا تنفع
ولو لا أنني رأيتُك تكسر جدار الصمت العربى لما قَبلتُك.
مقطع أول:
كانت نضالاتَكْ حِلم زي كُلْ علامات الأسى
تسلب مخاوفنا وتعيد لبيوتنا
حلم الانتصار
أو زي حكايات المساء
تَلهِب عواطِفْنا وتموت
بيناتنا فى وضَح النهار
يا مْصَحِّى جُوانا الغضب
يا مْذكِّى فى نفوسنا اللهب
يوم كان ثباتنا والانكسار
كانت نضالاَتكْ حِلم
والحلم من دونه الكوابيس
والأرْضِ من دُوَنا المتاريس
والرَكْب قِدَّامو المطاميس - البوار
تَدْ فٍن توارِيبَكْ قَمِح..تَطْرَح قنادِيلك دَمار
لَمِلم جراحاتَك للشَّمس
تَنْضَح مسامتَكْ غُنا
وتَمْطِر سماواتك حُجار
| |
|
|
|
|
|
|
| |
Mohamed Abdelgaleel
معتصم دفع الله
ياسر السر
عبد الرحيم عبد الخالق
معتز الحلاوين
يوسف السماني يوسف
فيس بوك
تويتر
انستقرام
يوتيوب
بنتيريست