|
|
|
 Re: البوستات المضادة antipost (Re: عبدالحفيظ ابوسن)
|
حسب ما توفر لي من معلومات طبية من خلال التثقيف الذاتي . انو الاجسام المضادة اشكال وانواع وبتوجد داخل الجسم في مناطق محددة خوفا من استعمار البكتريا لمملكة الجسد .
وهي كويسة للجسم بشكل يشبه الاطلاق .. لكن مرات بتعمل حساسية .. تقوم تصنف حاجة غير ضار بانها ضارة وتطلق مضادات الحساسية . وتعمل للزول حساسية انكراشة وورم وقالو ممكن تودي الآخرة مرات .
يعني السمك دة كلو الناس ياكلوهو عادي وتلقا يعمل حساسية لي زول .
| |
 
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
الموضوع بكون خلاف .. ولمصلحة القراء لو كانت الردود في نفس البوست بكون افضل لينا .. شان نستفيد نحن القراء رغما عن عدم تداخلنا
لكن مرات بتقرا بوست مضاد مستند علي بوست سابق وتبقا زي الاطرش في الزفة
| |
|
|
|
|
|
|
|
|
 Re: البوستات المضادة antipost (Re: عبدالحفيظ ابوسن)
|
سلام ابو سن
عن الاجسام المضاده وحمايتا الزايده
بعرف زوجين لفترة طويله لم ينجبوا ولفتره طويله بالسنين
وكل الفحوصات كانت بتدل علي انهم سليمين تمام ولا يوجد ما يمنع الحمل
والفحوصات عملوها في اكبر مستشفيات اوروبا وعلي ايدي كبار الاخصائيين فيها وما عرفو السبب
عارف الحل كان شنو ؟
انو الاجسام المضاده بتتعامل مع الجنين كجسم غريب علي جسم الام وبتكتلو
حل الموضوع كان بانو ينزلو مناعة الام عشان الاجسام المضاده ما تكتل الجنين
ونجح امرهم من اول استخدام لتلك الحبوب
احياناً الحماية الزائده ممكن تكتل
وقيل الخوف من الموت لا يمنع الموت ولكن يمنع الحياة
وده ما عندو علاقة بموضوع البوستات المضاده :)
بنثقف فيك عشان تشرب الشاي بكل اريحيه وحبوبك ما تطلع :) :)
تقبل مودتي واحتراماتي
| |
|
|
|
|
|
|
|
|
|
Re: البوستات المضادة antipost (Re: مصعب عجاج)
|
مرحبا مصعب
وحبابك
تشكر للمعلومة
بتذكر مقولة اظنها لي طاغور زمن افتناننا بحفظ قوله . لا اذكر التعبير ولكنه يقول
ماتت شمعتي لأنني بالغت في حمايتها من الهواء . حتي منعت عنها الاوكسجين
وزي ما بقولوا الناس
الوصاية !
بعض الناس اوصياء علي الآخرين في
فكرهم
سلوكهم
ولا يعتبرون ان قولهم ماهو إلا مجرد رأي يقبل الخطأ والصواب .. ولا سبيل نحوك سوي النقاش الموضوعي وليس فرضه
لا احد يمتلك معرفة مطلقة .. بل ولا توجد معرفة مطلقة في الكون . فهذا الكون متحرك وصاعد في تشكيلاته ومتغير
ما صح اليوم قد لا يصح غدا حتي علي مستوي العلوم التطبيقية
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
رغم بداهة القول
ان لا احدا يمتلك المعرفة المطلقة . ولا يوجد صوابا مطلقا
ورغما عن ان الجميع يستشهد بها احيانا
علي مستوي الدين او المعرفة الانسانية
إلا ان سلوكنا يخالفها . فلا نكاد نختلف وإلا اي زول شال كورتو وعمل ليهو ملعب جديد . وذلك بعد ان يخرب اللعبة القايمة
والنقاش نفسو بروح النصر والهزيمة وليس بروح نشد المعرفة نفسها
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
في السلوك اليومي بتحصل حاجات تهز قناعاتنا مما يكون عندنا يقين لا ينتابه الشك
واقرب مثال
بخت لي حاجة محددة تخصني في مكان محدد. واجي ألقاها مافي .. واقلب الببت .. ورموشي تقوم قرون قرون .. ولا افرز بت ولا ولد .. زي التور الهايج .. اشاكل واغالط
ألف مرة قلت ليكم ما تشيلو حاجاتي وما تغيرو محلها ..
المهم
بعد تلك الغضبة المضرية أكتشف اني اصلا ما جبتها معاي
وكل ما كنت مقتنعا به كان توهما زاده اصراري . فلم افكر ابعد من اني جبتها وختيتها ولم اضع مساحة في عقلي لمراجعة الامر . وتحولت قضيتي من البحث لنقد وهجوم علي سلوك افراد الاسرة . قد يكون لتجارب سابقة عندي ولقيتها فرصة
او ممكن اكون عكران فعطلت جزء من عقلي وافرغت غضبي في المساكين الخليتهم يتضاريوا ديل
ف شنو
الروقة سمحة وتقليب وجهات النظر المضادة بعقل مفتوح ممكن تلقا فيها فرقة
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
اها البوستات المضادة دي مرات بتكون مجرد تكرار
الواحد فينا يجي ينقز بي خبر منقول مكرر
ابقا داير اكتب الخبر بس
افتح المنبر
وطوالي بوست جديد وارش
طبعن تشتيت للتداخل
اها داير ارد
ارد في بوست منو
ولا ارد وانسخ ردي وارشو للبوستات كلها
معليش لو رؤية للخبر ممكن
لكن ذات الخبر ومرات هو زاتو منزوع من بوست سابق
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
فرط المحبة يفسد المنطق والحكم
الوالدة فاطنة بت حليمة رحمها الله رحمة واسعة وغفر لها .
اها
كان بتريد معاذ اخوي ولها عذرها فهو الحتالة وآخر العنقود
قاعدين في الصالون ومعاذ صبيا فوق الثانية عشرة ( الآن مهندسا ) الوالدة سمعت صوت تكسر كباية شاي .. ويادوبا رسلت لينا
مع الصوت انتهرتنا
الليلة الكسر الكباية دة ما يرجاني .. عدمتوني الكبابي
واحد مننا نط وقال ليها
كسرها معاذ
ومعاذ الختاها ليهو قدام كراعو ما يرجاني
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
البوستات المضادة بتكون خوفا من الردم في البوست الاصلي
عشان يدخلو ليه اصحابو وشلته
لانو البوستات شلليات
الا يكون زي حلاتي ما عنده شلة
ولا عنده اجشام مضادة :)
بعدين
هل لازم نكتب عن الشخوص؟
وليه ما يكون الكتابة تدعيم لرأي
او اضافة لراي فيه بعد المنقصة
ليه ماتكون الكتابة خالصة للوطن؟
| |
|
|
|
|
|
|
|
|
|
Re: البوستات المضادة antipost (Re: د.محمد حسن)
|
مرحب محمد
حبابك والله
قال المثل
الماعندها ضنب يحاحي ليها ربنا
اها
اخوك زاتو ما زول شلة
اقول كلمتي ثم امضي
كدي ألق البصر كرة اخري وعاين لي لفظ
الردم ...
وتصريفاتها السودانية
ردمو جنس ردم
ردمت ليك زولك لامن عرف حاجة
وشوف بلاغتها جاية من وين
والتكنية حقتها
اردم بس
ما داير اتفلسف لكن كدي عاين ليها
يسعدني دوما حضورك
| |
|
|
|
|
|
|
|
|
 Re: البوستات المضادة antipost (Re: عبدالحفيظ ابوسن)
|
Quote: كان بتريد معاذ اخوي ولها عذرها فهو الحتالة وآخر العنقود
قاعدين في الصالون ومعاذ صبيا فوق الثانية عشرة ( الآن مهندسا ) الوالدة سمعت صوت تكسر كباية شاي .. ويادوبا رسلت لينا
مع الصوت انتهرتنا
الليلة الكسر الكباية دة ما يرجاني .. عدمتوني الكبابي
واحد مننا نط وقال ليها
كسرها معاذ
ومعاذ الختاها ليهو قدام كراعو ما يرجاني |
طبعا يا بوسن ده بحصل في كل البيوت بطرق مختلفة واخر العنقود معاط عادة
طبعا ما الباشمهندس بس كوووولهم معاطين
| |
|
|
|
|
|
|
|
|
|
Re: البوستات المضادة antipost (Re: جمال الباقر)
|
سلام جاكم .....
في الأول إفتكرت البوست ده ذاتو بوست مضاد لقرارات بكري الجديدة ...... لكن لقيتو قديم نسبياً.
أها قرار بكّور ده حيزيد عدد البوستات المضادة ..... الله يهديك يا بكري.
| Quote: ومعاذ الختاها ليهو قدام كراعو ما يرجاني |
ألف رحمة ونور عليها ..... لكن عسل بس ..
الحاجات دي بتعملها كل الأمهات ..... وألذ منهم الحبوبات ........ الله يرحمهم جميعاً
| |
|
|
|
|
|
|
|
|
|
Re: البوستات المضادة antipost (Re: عبدالحفيظ ابوسن)
|
حباب ابوالريش
رحم الله امي فاطنة بت حليمة ورحم والدي ود اب سن ورحم امواتنا جميعا
البوست قديم .. لاحظت بعضهم يخم ليهو رد وينقز بيهو يعمل بوست جديد
ويغلبك تقراهو كويس كما قال واحد
زي نص العرقي الناقص لا تسكر عديل ولا تشعشع
| |
|
|
|
|
|
|
| |
عبدالحفيظ ابوسن
مصعب عجاج
د.محمد حسن
جمال الباقر
محمد أبوالعزائم أبوالريش
الامين موسى البشاري
فيس بوك
تويتر
انستقرام
يوتيوب
بنتيريست