|
|
 حقوق الإنسان ..(الكوز) - الجزء الثاني
|
ما حدث اليوم ذكّرني هذا البوست غير المكتمل
هذا آخر ما كتبته Quote: مشكورين يا شباب على المرور, الفكرة لسة ما قادر امسك خيوطها للتعبير عنها بطريقة سليمة
مداخلاتكم اضافت لها و بعضهااثارت نقط اخرى
محتاج اقرأها برواقة واعود لها بالتفصيل |
ومن هنا اواصل حيث نوقفت
|
|
  
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد البشرى الخضر)
|
Quote: سلامات يا ود البشرى
اي انسان عندو حقوق .. حتى المجرمين عندهم حقوق تحفظ ليهم انسانيتهم .. والحقوق دي محفوظة بالقوانيين .. وعلى الرغم من انو القوانيين دي بتبدو لبعض الناس (حسب الظروف) امثل من مايجب الا انو هي حقيقة بتحفظ النظام والتوازن على ظهر هذا الكوكب .. واعتقد انو في ناس كتار جدا مابيقدروا يتحملو مثالية القوانيين دي بعد تحصل ليهم حاجة من شخص ما فمابيحفظو ليهو حقوقو وده السبب البيخلي ناس صالحين جدا يخشو السجن ! ( قريت كتاب ذكريات من منزل الاموات لدويستوفيسكي ؟ )
اجابة على سؤالك هل للكوز حقوق .. عن نفسي بشوف انو من المثالية المتعبة حقا انو يكون لاي زول مابيحفظ حقوق الاخرين حقوق ! رغم ايماني باهمية حفظ حقوق الجميع لان الحقوق مثل حبات العقد اذا سقطت واحدة انفرط العقد كله
نعم للكوز حقوق وهي مهمة صعبة جدا على الاخرين حفظ حقوق الكوز .. اتذكر هنا بوست حيدر الزين الذي يطالب الناس ادانة دقة الترابي زي مابيدينو العنف على اي انسان !! وادهشتني فعلا مداخلات ناس كتار وهم يرددون بمثالية آلية بان ضرب شيخ عجوز ليس من الاخلاق !! اتخييل بس الترابي كللللو اختزلوهو في مجرد شيخ عجوز !! بالله عليك الله دي ماياها المثالية المتعبة ذااتها ؟!
وعندي سؤال ياخي ... هل خلافنا مع الكيزان مجرد خلاف سياسي ؟؟ يعني هل عااادي كده بعيدا عن السياسة بنقدر نتعامل مع الكيزان ؟؟
عن نفسي ومن فترة طويلة فشلت تماما في الاحساس باي نوع من الود تجاه الكيزان .. حتى اقربائي منهم والانا عارف كويس انهم مثلا مابيسرقو او يعذبوا زول ولكن مع ذلك ماقادر ابدا اخلق معاهم او اشعر تجاههم باي نوع من الود .. ولا قادر اقوم بواجباتي الاجتماعية معاهم
نعم للكيزان حقوق لكنني انا عن نفسي اشعر بصعوبة شديدة في منحهم حقوقهم هذه .. واغلب الظن انني ساسلبهم حقوقهم هذه ان استطعت الى ذلك سبيلا .. فانا لست ملاكا ولا نبيا .. وارجو ان يغفر لي الله هذا التجاوز ولكنه قسمي في ما لا املك
تحياتي يا ود البشرى ومعليش المداخلة شكلها غير مرتب |
دي مداخلتي في البوست القديم لسة مصر عليها وكمان اسي بقيت اظن ان الله لن يعاقبني ان اهدرت حقوق اي كوز :)
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد البشرى الخضر)
|
اي زول عندو حقوق بالتأكيد .. حتى الكيزان
الا انو الحديث عن حقوقهم الانسانية والقانونية وهم في أوج سلطتهم المصادرة لحقوق الناس .. يكون حديثا اشبه بالمماحكة ليس الا ..
تصور يا محمد ان تدافع انت عن حقوق ضابط في أمن النظام او عضو في واحدة من مليشيات السلطة ..
وانت تعلم يقينا انو لن يتردد ولو للحظة من قتلك, اعتقالك وتعذيبك لمجرد ممارسة واحد من حقوقك ؟!!
نعم لكل زول حقوق ..
ولكن لكل مقاممقال ولكل حادثة حديث ..
...
اتحدث عن حقوق قانونية وانسانية ..
لاستبعادي احتمال ان يكون البوست يتحدث عن حقوق بنفسجية كعدم الاساءة اليهم او اللطافة في التعامل معهم الخ
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد حيدر المشرف)
|
سلام يا محمد....
العنوان ما وقع لي يا محمد...لو كان "حقوق المواطن غير الكوز" ممكن يكون معقول ...بس كيف حقوق الانسان الكوز...الكوز بالنسبة لي مرادف للظلم و الكذب و الجهل و الخلق الردئ والفهم السقيم للدين..اها العنوان ببقى لي حقوق الانسان الظالم ...او حقوق الانسان القاتل...او حقوق الانسان الكذاب...الخ...عشان كدة بقول ليك العنوان ما واقع لي...
ساعدنا بشوية ايلابوريشن...
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد البشرى الخضر)
|
محمد سلامات...
تعرف إلتقيت خارج الأمم المتحدة بأحد الإستراتيجيين الأوربيين متخصص في صنع وإدارة الثوارت في العالم... أها بعد التعارف وكنا في ساعة الغدا، قررنا نمشي سوا لمطعم يهودي بتاع طعمية وشاورما جنب مبنى الأمم. قعدنا نتونس والزول طلع فعلاً مليان ومتابع للسودان بكل صغيرة وكبيرة والوكت داك كان بعد الثورات الحصلت في بعض الدول العربية. المهم سألتو عن ما بعد الثورات وخاصة إننا في السودان لدينا نظام إسلاموي جائر. تعرف قال لي شنو.. قال إنو لازم علينا أن نتعلم نعيش معاهم في حالة إزالة حكمهم... وأضاف، علينا محاسبة كل من إرتكب منهم جرم.. لكن الفئة الباقية لازم تاخد حقوقها في المواطنة كاملة عشان نصنع إستقرار. قلتا ليهو غالبية أنصار المؤتمر اللاوطني فاسدين. قال الفساد درجات وده بيعتمد على عدد الفاسدين وعدد الإدانات داخل المحاكم.
المهم إنو الموضوع ده خلاني أفكر... هل نحنا ممكن نصبح ذي إيران ونطخ الناس في الشوارع... ولا ممكن نكون دولة مؤسسات تعطي كل الناس حقوقها المدنية والقانونية وأولهم من أجرم بحق الشعب السوداني.
نعم أنا مع الحقوق الكاملة والعادلة لكل فرد... ولا إنقاص فيها. وحق الناس في التقاضي حق مكفول.. ويبقى قبله حق الناس في الدفاع عن أنفسها!
من حرمنا حق الحياة.. نستطيع أن نمنحه حق الحياة في سجن درجة أولى!
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: Mohamed Yassin Khalifa)
|
وعليكم السلام محمد ياسين
مداخلتك حيّرتني تماما, أتفق معك في النتيجة التوصلت ليها دي | Quote: نعم أنا مع الحقوق الكاملة والعادلة لكل فرد... ولا إنقاص فيها. وحق الناس في التقاضي حق مكفول.. ويبقى قبله حق الناس في الدفاع عن أنفسها! |
وإن كان في نفس الوقت اتفّهم موقف من تعرّض لظلم مباشر فيه نفسه أو اقربائه أو امنه أو موطنه كونه يرى مثل هذا الحديث عن حقوق ظالمه نوع من الترف و حديث من يده فيه الموية ولم يذق أو يعاني مثل ما حدث له.
ارجع ليك لي لماذا الحيرة
طالما انت توصلت للنتيجة دي و اقتنعت بيها لماذا أفعالك - هنا في المنبر - تخالف قناعاتك
كنت قد سالت في بوست حُذف عن ما إذا كان ما ذكرته في حديثك التلفوني المسجل أنك بحضرة القنصل السعودي صحيحا أم لا؟
وهذا له علاقة بفكرة البوست التي للامانة ما حدث بينك ووائل هو الذي قدحها وذكّرني بالبوست السابق
ما هي في نظرك الحقوق الكاملة و العادلة التي لا إنقاص فيها التي يجب أن يتمتع بها خصمك! ولماذا لم تعطه فرصة حق التقاضي و حقه في الدفاع عن نفسه
لا حظ أنا اقتبس كلماتك وتعابيرك ذاتها
نجي للجزء الآخر الأكثر إثارة للحيرة | Quote: بأحد الإستراتيجيين الأوربيين متخصص في صنع وإدارة الثوارت في العالم. |
الزول دا شغال شنو او مسماه الوظيفي شنو بالضبط؟ ومخدمه البدفع ليه منو؟
ومساهماته كانت وين قبل كدا, وماله ما شغّال بينا في ثورتنا الليها كم وعشرين سنة دي؟
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد البشرى الخضر)
|
سلام محمد...
Quote: وإن كان في نفس الوقت اتفّهم موقف من تعرّض لظلم مباشر فيه نفسه أو اقربائه أو امنه أو موطنه كونه يرى مثل هذا الحديث عن حقوق ظالمه نوع من الترف و حديث من يده فيه الموية ولم يذق أو يعاني مثل ما حدث له.
ارجع ليك لي لماذا الحيرة
طالما انت توصلت للنتيجة دي و اقتنعت بيها لماذا أفعالك - هنا في المنبر - تخالف قناعاتك
كنت قد سالت في بوست حُذف عن ما إذا كان ما ذكرته في حديثك التلفوني المسجل أنك بحضرة القنصل السعودي صحيحا أم لا؟
وهذا له علاقة بفكرة البوست التي للامانة ما حدث بينك ووائل هو الذي قدحها وذكّرني بالبوست السابق
ما هي في نظرك الحقوق الكاملة و العادلة التي لا إنقاص فيها التي يجب أن يتمتع بها خصمك! ولماذا لم تعطه فرصة حق التقاضي و حقه في الدفاع عن نفسه
لا حظ أنا اقتبس كلماتك وتعابيرك ذاتها |
يبدو إنك كنتا بتقرأ في كلامي وبتعاين في غادي ومسيت كلامي ليك في نفس البوست عن ردود أفعالك عندما قلتا إنو في زول إتعرض ليك في عرضك وعن ما فعلته له. إنتا قلتا إنك عملتا معاهو اللازم.. فهل كان اللازم ده عبر الوسائل القانونية؟ وهل الإتعرض ليك ده كان مجرم وإرهابي جـبان قتل من أهلك فرد واحد؟ أكيييد لع! وأنا بحب أكل اللبان البلدي.. لكني أمقت أكل الكلام... لأني قلتا ليك في البوست داك يا محمد إتا بصحك؟ المكالمة دي كانت منتصف الليل ومن بوسطن... يعني قنصلية شنو البتكون فاتحة؟
أما حقوق المجرم الإرهابي اللهو خصمي وخصم الشعب السوداني والإنسانية هي القبض عليه ومحاكمته أما القضاء... والغريبة أنا إتصالي وسعالاتي ليهو كانت لإعطائه الحق بالإعتراف أو النفي قبل ما حبايبنا يوصلوهو يسعلوهو بالتي هي أحسن... فهمتا كيف؟
خصمي إرهابي ومجرم عدييييل كتل أهلي وهرب للرياض... وبالرغم من كده حياخد كل حقوقه في الوكت المناسب... فما تستعجل عليهو.. واحدة واحدة!
| Quote: الزول دا شغال شنو او مسماه الوظيفي شنو بالضبط؟ ومخدمه البدفع ليه منو؟ |
أما بخصوص أعلاه... الظاهر إنتا ما شايف إنو أسئلتك دي تعسفية شوية؟
أنا قلتا ليك الزول ده إستراتيجي وده شغله.. كمان عاوزني أزيدك؟ ووين في السهلة؟
عاوزك تفهم الفرق بين التعامل مع الزول الشايل بندقية وبيكتل في أهلك...
وبين الزول البيشيل حالك فرق كبير... وكل زول بيعرف يدافع عن حقه بطريقته!
فلا تتحير... فأنت غير مسؤل عما في القلوب!
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: Mohamed Yassin Khalifa)
|
وعليكم السلام محمد ياسين
موقفي ممن شتم والدتي كان بردي الشتيمة له ولوالدته ودا الشي الطبيعي واي قاعدة قانونية في العالم تتفق عليه ولا احد يستطيع أن يزايد هنا, فانا لم ابادر أو اتجاوز
لكن تعال شوف تصرفك انت وقارن, مسالة أن تقول ان فلان إرهابي ومجرم وجبان وقتل فرد من أهلك دي ما مطلوقة ساي, يلزمك الدليل ودليل يعني دليل مش كلام اسافير و جابوهو الأحباب وجاني إيميل وشنو
وبعد تجيب الدليل هنا القاعدة القانونية بتقول شنو طبعا ما تقول لي العين بالعين و السن بالسن لأنك بالتأكيد ما ح تقتله (بإيدك) او تقتل فرد من اهله, إنت بادرت بشتيمته و اهله و دينه
بالنسبة لقصة أكل الكلام أظنك تعني لواكة الكلام, على أية حال أنا لمّا سالتك ما رجعت للبوست إلّا بعد حين ولقيته حُذف فما قرات ردّك, دي أوّل مرة أعرف اجابتك والحمد لله طلع أنو كلام ساي ومافي قنصل حاضر وإلاّ كان فضيحتنا كسودانيين بقت بجلاجل وسط الأغراب !
| Quote: ما حقوق المجرم الإرهابي اللهو خصمي |
| Quote: خصمي إرهابي ومجرم عدييييل كتل أهلي وهرب للرياض |
يا سيدي أنت حكمت إنه مجرم وإرهابي وقاتل يعني أدنته قبل محاكمته !! مخالفا ابسط القواعد و الحقوق وهي براءة المتهم حتى تثبت إدانته!!
دي الحقوق البتساءل عنّها في البوست دا وإنت أمّنت عليها بشكل أو بآخر - عرفت مصدر الحيرة من وين؟
أسئلتي عن خبير الثورات الإستراتيجي قد تكون شايفها تعسفية لكنها بالنسبة لي منطقية وهي تناسب المهنة الغريبة التي نسبتها للخبير
و الأسئلة في العلن لأن السيرة جات في العلن
حدود معرفتي أن الثورات ليست عملا روتينيا أو عاما عشان يكون ليها خبير زيّها وزي خبراء الأمراض المعدية و إدارة الكوارث, وهل ثورة في الفلبين مثل ثورة في اوكرانيا او ساحل العاج مثلا !!
ممكن تقول لي متخصص أو خبير في شؤون الشرق الأوسط أو جنوب الصحراء و شرق أوروربا او اي منطقة جيوسياسية لشعوبها خصائص مشتركة.
و الأغرب قول انه متخصص في (صنع) الثورات, صنع دي محيّرة النصيحة ليك يا الله, الثورة المصنوعة دي ما أخير منها الإنقاذ عديل كدا !!
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: محمد البشرى الخضر)
|
| Quote: موقفي ممن شتم والدتي كان بردي الشتيمة له ولوالدته ودا الشي الطبيعي واي قاعدة قانونية في العالم تتفق عليه |
| Quote: القاعدة القانونية بتقول شنو طبعا ما تقول لي العين بالعين و السن بالسن |
حقك تشيل... حق الناس تخلي! إنتا نسيت عملتا شنو؟ وهل رد الشتيمة فعل قانوني؟
تعرف يا محمد مرات كتيرة بتديني إنطباع بسزاجة طرحك.. ومرات بتخليني أقول عليك
زول ذكي وبتتعامل مع الناس ذي الجمل ماشي من غير ما يقول جر للبيهوهوا
بعدين الفضيحة هي فعلاً بقت بجلاجل وعقابا جاي... عشان كده ما تستعجل عليهو!
وأنا على قناعة تامة بإنو المجرم الإرهابي ده كاتل وهرب ومدسي في الرياض.. عاوز دليل؟
تفتكر الدليل على جرمه لو قدمتو ليك في اللحظة دي ممكن يفيدك في شنو؟ ووين في السهلة؟
يا حلاة لِكـ لِكـ...
أمشي أرجع لأرشيفي وأقرأ عن صنع الثورات في بوست عريض مكتوب عن صناع الثورات
وللمعلومية... دي بقت تخصص أكاديمي ومهني والناس ديل سرهم باتع في صنع الثورات
والتنبؤ بالمستقبل الإحداثي وإدارتها.. والأهم صنع إستقرار بعدها وترتيب الأمور!
يا سيدي خليك في حيرتك دي وأتبع المثل الليبي البيقول: "تجي تفهم.. تدوخ!"
| |
|
|
|
|
|
|
|
|
|
Re: حقوق الإنسان ..(الكوز) - الجزء الثاني (Re: Mohamed Yassin Khalifa)
|
تعرف السذاجة الجد جد شنو يا محمد! زي البتسوّي فوقه دا, تاخد النقاش بمبدا غالب ومغلوب وفي سبيل الفوز ممكن تتغاضى عن أي حقائق ومنطق
كلامي البترته فقط عشان تثبت قصة حقك تخلي وحق الناس تشيل ياهو دا ليه كامل | Quote: وبعد تجيب الدليل هنا القاعدة القانونية بتقول شنو طبعا ما تقول لي العين بالعين و السن بالسن لأنك بالتأكيد ما ح تقتله (بإيدك) او تقتل فرد من اهله, إنت بادرت بشتيمته و اهله و دينه |
حاول أقراه مرة تانية بعقل وقلب مفتوحين متحررين من فكرة غالب ومغلوب المسيطرة عليك
رد الشتيمة نعم قانوني لا اعتقد ان هناك من يخطاني على رد شتيمة لم أكن مبادرا بها, لكن كدي ناخد الموضوع دا من زاوية تانية, انت جبت سيرة رد فعلي على من شتم والدتي في معرض اعتراضك على كلامي ليك بخصوص السب و كلامي لبكري عن اللائحة مش كدا؟ طيب لنقل ان وجه لك نفس الحديث كان شخص لم يتعرض لمثل ما تعرضت له ولم يصدر منه رد فعل, اها كان ردك و حجتك ح تكون شنو؟
مسالة كونك على قناعة تامة بجرم فلان لا تسوي شيئا أمام القانون مالم تبرز دليل, انا ما قلت ليك جيب الدليل لي أنا ففعلا ما ح اسوّي بيه حاجة غير ح اقتنع بان فلان فعلا فعل كذا وكذا - بعد سماع وجهة نظره طبعا
لكن ما انا ولا المنبر هو الجهة الصحيحة لعرض الأدلة أمامها كذلك ليس هو الجهة التي تعرض أمامها الإتهامات
عموما واضح يا محمد انو ماخداك العزة و ما مدي نفسك فرصة لتراجعها, في الحالة دي النقاش لا طائل وراؤه, يكفيني اتفاقنا على فكرة البوست الرئيسة ولو ناقضتها بشكل أو بآخر.
| |
|
|
|
|
|
|
| |
محمد البشرى الخضر
محمد حيدر المشرف
Khalid Basheer
Mohamed Yassin Khalifa
فيس بوك
تويتر
انستقرام
يوتيوب
بنتيريست