|
|
|
 Re: أخمشوا مناديل الورق بس و ............... ( فديو) (Re: محمد المرتضى حامد)
|
طدى
Quote: دي غنيه عجيبه وغريبه ومن أيام عجيبه وحميمه فلازم يكونوا معاك في الحضرة حيدر وعاطف يا الطيب
غناء في هذا الارتفاع الشاهق لايعرفه ولا يستشعره إلا من يعرف ما عناه سند بقوله:
شمس بعمق الجرح ترقص في عيون الحس تزحف تحت أنسجة الشعور. |
صحيح - الله يخليك ويحفظ لينا حيدر ولد ميرغني وعاطف ابن عمر
جميعكم ربنا انعم عليكم بنقاء السريرة
| |
  
|
|
|
|
|
|
|
|
Re: أخمشوا مناديل الورق بس و ............... ( فديو) (Re: حمد عبد الغفار عمر)
|
اخي ح عبد الغفار
سلامي
Quote: ست الريد وعبد الوهاب ديل حكاية
الأغنية من عيون الغناء كلمة ولحنا
أداء وصوت عبد الوهاب الصادق دا كوم براه
بتحس جواهو أوركسترا مصاحبة ليهو |
نعم يا الحبيب - لقد استطاع ع الصادق ان يصنع لونيته الغنائية المتميزة
اغانيه تلهب احاسيس جيل عاصر بداياته هو و أبو عبيدة حسن وحسين شندى و مجذوب اونسة و كبوشية يا استاذي حمد
| |
|
|
|
|
|
|
|
|
|
Re: أخمشوا مناديل الورق بس و ............... ( فديو) (Re: الطيب شيقوق)
|
شيقوق الفنان ...ازيك
هذه القصيدة لصديقى وجارى الشاعر المرهف مكاوى الشيخ الامين وللقصيدة قصة مؤثرة وحزينه
واخونا مكاوى من قرية الشبيك الخوالدة واحده من قرى الجزيرة الوادعه ، فبينما كان الحبيب مكاوى
يجلس متاملاً النيل فاذا باحد اللصوص يحاول ان ينتزع ساعته من يده ،فيلقى به بين صخرتين فى النيل
ويظل الاخ مكاوى فى هذا المكان الى اليوم الثانى حتى تصادف ان وجده صيادى اسماك واخرجوه
وذهبوا به الى المستشفى ولكنه اصيب بشلل دايم اقعده الى الان فى كرسيه المتحرك يعانى هذا الشلل
وكان للشاعر محبوبة تباطأت فى زيارته وهو طريح السرير الابيض زمن طويل، فظن انها تنكرت
لوده جراء ما ال اليه حاله، فكتب مكاوى هذه البكائية النائحة.
ولكن زارته اخيرا وبكت بكاء مرا وافادته انها صعب عليها ان ترى مكاوى ذلك الشاب الوسيم على
هذه الحاله وهو مقعد.
مازال مكاوى ببسمته الطفلة والله ما رايته ولا حادثته واللا هو ضاحك بسمة يحسده عليها كل
الناس، مع انه مرت عليه اكثر من ثلاثون عاما وهو على هذه الحاله الا اننا نسأل الله ان يشفى
اخونا مكاوى وان يرينا فيه عظمة حكمته وسلطانه وان يجعل محنته ومرضه كفارة له،،،
الى كلمات القصيدة:
((ست الريد))
كلمات ولحن..
مكاوي الشيخ الأمين
أداء...عبد الوهاب الصادق
زى ما الدنيا لي قسايا ست الريد بقت نسايا
جار زماني و رماني برايا بي كل الخطوب وبلايا
سلبني شباب
تركني يباب
نسوني أحباب
نديمي الليل سميري مناي ..طوح زهري في مغنايا
قايل الحب مجاري دماي .. كُت رايد الحبيب بي دناي
زماني غدر
حبيبي هجر
نساني دهر
وآخر الريده هذا جزاي ... احمل هم كل هموم واذايا
طول يا ليل وهاك حكاية .. هاك دم عهدي هاك شكواي
حزين يا ليل
حزين بالحيل
وفاقد الحيل
وعارف كل شي لي نهاية بس يا ليلي طول لنهاية
صورة صديقى الشاعر مكاوى الشيخ الامين شفاه الله:
| |
|
|
|
|
|
|
|
|
|
Re: أخمشوا مناديل الورق بس و ............... ( فديو) (Re: صديق الموج)
|
Quote: سلامات شيقا
ما يبكي حقا هو مبلغنا بأن يكون ما وصل إليه هذا الرجل الرقيق بفعل فاعل..
الله ينعل الحسد والبغض..
|
Quote: كضاااااااب سمعت وفات اضانك
ولو ما سمعت هسي سمعت فماذا انت فاعل؟؟؟؟
|
| Quote: بالجد ما سمعت - وبعد اسمع لكل حادثة حديث |
إن كان أصحاب المخابز يلجأون ( للكادوك) لإبعاد المنافسين، فما بالك ود شيقوق بصاحب حنجرة
شخصيا لا أستبعد...
| |
|
|
|
|
|
|
|
|
|
Re: أخمشوا مناديل الورق بس و ............... ( فديو) (Re: عمار عبدالله عبدالرحمن)
|
شكلك كده
الليلة جاي تعتذر وترجع ايامنا القديمة
وممكن تمر على بياع الخواتيم وين , ويختار كل زول خاتم
يمكن بالفرح نكتب حرفين ,,
وخاتما الجرح جرحك براك (براي) منو البقاسي معاك (غير ود الموج)
والله يكتر لينا العنكوليب
هلا هلا ود المـــــــــــــــــــــــــــــــــــــوج رهيب
مناديل شنو ضرا ع دمورية ما فى احلى ................. قال مناديل والعراقى الوسخان كموووووووو مشى وين والرادى المربوط بالحبل فى الكتف
عالم تجنن
| |
|
|
|
|
|
|
|
|
|
Re: أخمشوا مناديل الورق بس و ............... ( فديو) (Re: Yousif A Abusinina)
|
سعادة المستشار شيقا
شكرا يا الحبيب. أنا الأغنية دى كان بتهزنى عشان كلماتها البسيطة لكن مليانة ومحملة بى مشاعر إنسانية فيها قدر كبير من الوجع والإنكسار النفسى اللى نجح ود الصادق فى عكسه بصوته العميق وأداءه المتفرد.
لكن بعد ما جاء أخونا صديق الموج ووثق لأحداث القصيدة وخلفياتها بطريقة سردية بديعة والله جسمى كله أنتفض وغمرنى إحساس عميق بالحزن وزاد فى رغبتى أكرر سماع الأغنية مرات ومرات. فكتر خيرك يا صديق أخوى...الله يجازيك كل خير على الحساسية الإنسانية اللى وعيتنا بيها بأبعاد جديدة وكبيرة للأغنية. وندعو الله معاك يشفى الشاعر المبدع مكاوى الشيخ الامين ويعافيه ويمد فى أيامه. وياريت ياصديق تفتح لينا بوست بى أشعار الراجل المبدع مرهف الأحساس دا.
وكتر خيرك أنت وود شيقوق.
| |
|
|
|
|
|
|
| |
الطيب شيقوق
حيدر حسن ميرغني
عاطف عمر
محمد المرتضى حامد
حمد عبد الغفار عمر
Abdlaziz Eisa
وضاحة
صديق الموج
عمار عبدالله عبدالرحمن
Yousif A Abusinina
عبدالرحمن إبراهيم محمد
أحمد الشايقي
عبد المنعم سيد احمد
فيس بوك
تويتر
انستقرام
يوتيوب
بنتيريست