|
|
|
 Re: ويسألونك عن الكهرباء والماء ،،،، (Re: فرح الطاهر ابو روضة)
|
شركة الكهرباء عبارة عن منشار طالع واكل نازل واكل يبيعوا ليك العداد بالاقساط وبعد تكمل الاقساط اصلا ما ببقى حقك لو نططت ،، عندهم حاجة كدة اسمها زاوية بمبلغ معين طوووووووووووووول حياتك تدفعها وانت صاغر ،، لو كملت حصتك البتشتريها في اول الشهر بتدخل حاجة اسمها التجاري يعني بتزيد التعرفة ،
في العادة المتبعة في الدنيا يعني لو اشتريت منك سلعة ودفعت ليك مقدم ومشيت ما تجي تلحقني وتعمل بمزاجك يعني بعد ما اشتري منك شوال سكر تجي تقول لي يا اخي يوم الاتنين والتلاتاء ما عاوزك تشيل من الشوال دا ولا رطل لأني عاوز ارشد استهلاك السكر ، يعني يوم الاتنين والتلاتاء اوعى تقرب من السكر ،، انا بشتري سلعة ومقدما ما هو المبرر القانوني والاخلاقي تقطعوها مني ،، ترشدوا حاجة انا اشتريتها بحر مالى وعرقي وبدفع مقدما ،،
| Quote: لو كملت حصتك البتشتريها في اول الشهر بتدخل حاجة اسمها التجاري يعني بتزيد التعرفة ، |
يعني مثلا تشتري كهرباء بي 10 جنيه بدوك حوالي 66 كيلو ولو خلصت وجيت تشتري تاني بي 10 جنيه بتتحصل على 38 كيلو
-------------------------
بصراحة قدر ما حاولت افهم يعني شنو تجاري ما قدرت تبببببببب،،،
ولا زلنا في حضرة شركة كهرباء الانقاذ البتشبهم تماما
عندي سؤال لاهل الاختصاص
هل الشركة الحكومية البتقدم خدمة يصح لها ان تصبح شركات ربحية ؟؟؟؟ واين تذهب الارباح وهل هناك امكانية للاكتتاب في هذه الشركة الرابحة ؟؟
اعلم جيدا ان اي شركة حكومية خدمية بتحتاج لمبالغ تسيرية خوفا من الافلاس اوتراكم الديون والتي تنعكس سلبا على اداء دورها
لكن الشايفنو في شركة الكهرباء المبالغ البتدخل عليها من المواطن جدير بأن تجعل شركة الكهرباء من اغنى شركات العالم مش على مستوى السودان
لكن برضو بسال هل المبالغ البتاخدا مننا شركة الكهرباء بتدخل في ميزانية الدولة ولا مجنبة ؟؟؟؟؟
-----------------------------------
ولا زلنا في حضرة كهرباء الانقاذ الحارقة
وحا اتكلم عن كهرباء المصانع والمتاجر والورش في المناطق الصناعية (الخاصة )
ونواصل،،،
| |
 
|
|
|
|
|
|
|
|
Re: ويسألونك عن الكهرباء والماء ،،،، (Re: علي دفع الله)
|
كتب صديقي الاديب عبد الحفيظ ابو سن
Quote: احمدو الله قبل الانقاذ ما كان في شواحن موبايلات
او كما قال
تشتري كهربتك وما يسلموك ليها |
هههههههههههههه شكرا كرمنو على هذه الافادة
والله بقينا يا حفيظ اخر الشهر بقينا نشيل هم الكهرباء والموية وقروش المدرسة والروضة والغاز وصناديق النسوان وووووووووو
والله قلنا الروب وهؤلاء الارزقية التــافهين بتفننو في تعذيبنا
مودتي يا صاحب
---------------------
وكتب صديقي او روضة
Quote: كهرباء
؟؟
والله الانقاذ دي ذاته غلطانه
ياخ ما تشوف ليك لمبة ام ضنب املاها جاز من المغرب واتخمد نوم
واحمد الله انك من باقي الشعب الفضل
ولسه فيك نفس طالع نازل |
ههههههههههههههه قلت ارجع لي حبوبة ونسيني والله يا حليل زمان وايام زمان يا حاجة لو تتذكري
انت عارف يا وهيط بخصوص النفس الطالع والنازل لا زلنا كذلك و الله ناس الانقاذ ديل كان لاقيين طريقة يعملوا لينا جمرة خبـيثة بتاعة نفس
مودتي يا حبيب
-------------
| |
|
|
|
|
|
|
|
|
|
Re: ويسألونك عن الكهرباء والماء ،،،، (Re: جمال خضر)
|
| Quote: عندهم حاجة كدة اسمها زاوية بمبلغ معين طوووووووووووووول حياتك تدفعها وانت صاغر |
حكى لي أخي عن هذا الرسم المسمى ب(الزاوية) .
قلت ليهو زاوية شنو ؟
قال لي ما عارف ..
-----------------------------------------------------------
يا علي .. دي بتكون زاوية شنو في رأيك؟
| |
|
|
|
|
|
|
|
|
|
Re: ويسألونك عن الكهرباء والماء ،،،، (Re: فتحي الصديق)
|
تحياتي الصديق جمال خضر
تحياتي فتحي صديق
اما بالنسبة عن سؤالك بخصوص الزاوية والله ناس الكهرباء زاتهم ما عارفين يعني شنو زاوية المهم في اكتر من مليار زاوية في السودان بتدخل ليها مليارين ونص على اسواء تقدير اهو سبوبة والسلام ،،
تحياتي لكما
ونواصل ،،
| |
|
|
|
|
|
|
| |
علي دفع الله
عبدالحفيظ ابوسن
فرح الطاهر ابو روضة
جمال خضر
فتحي الصديق
فيس بوك
تويتر
انستقرام
يوتيوب
بنتيريست