|
Re: بقينا ناس ساكت (Re: عبدالحفيظ ابوسن)
|
بنسبة انطباعية وفقا لمن اعرفهم واراهم ومن حولي .. والجيران الناس دي همها كلو توفر معيشة اليوم القدامهم بس تلهث من الصباح لي العشية شان توفر ابسط مقومات الكائن الحي .. تاكل وتشرب
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
نحن في ادني سلم مالتوز سعت الحكومة لقهرنا وتقزيم طموحاتنا . فتوقف نمو عقولنا وقدراتنا الذهنية .. وصار همنا كيف نعيش هذا اليوم فقط .. ولم تتاح لنا الفرصة ل كيف نعيش غدا كيف نفكر في غدا ونحن مكبلين في الآن
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
الخوف من الآتي الخوف الغريزي وليس الخوف الذي يتخطي الذات .. ليس الخوف علي الوطن او الديمقراطية او القيم الاخري .. الخوف من ان لا نجد ما نأكله غدا .. الخوف ان نعجز علي ان نحيا يوما آخرا غدا بصعوبة حياتنا اليوم
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
الفقر المدقع معطل للثورة ومهدد للوطن ما بطلع في ثورة وابطل شغلتي مالم يكن لدي اسرتي ما يقيم اودها .. ولو طلعت الا اطلع عشان اقلع وانهب بالبساطة والسذاجة المخلة دي الثورة زاتها دايره معينات للخروج
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
احساس بالعبث من الكتابة من النضال من التوعية خليك في مشاكلك الشخصية وبطل الهيافة وشوف معايشك وين اهو الناس ماشة قدام وانت راجع ورا ماشة قدام دي ما معروف معني القدام دة راجع ورا واضحة .. كل يوم تعجز علي ان تحيا كما الامس
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
تحية وسلام ود اب سن
ما معنى أن نحيا..ولاندرى بأن العشق قد يبقى سجيناً فى الخلايا ما معنى أن نشهد موات الاغنيات ما معنى هذا الصمت الذى لاينتهى وبرغم حوجتنا الصراخ
هل يختفى الظل الذى لاينتمى إلالمعرفتى وجهلى وهل نودع بعضنا ونذهب فى سراب الذكريات كيف تبدو الذكريات كيف يبدو طعم أيام الشجن من يعلم ذكرياتي كل أشكال التداعى.. والرحيل المر دوماً حين يختلط المدى بالمآسى.. والمخاوف وأحتضار الامنيات
تعِبٌ هو البرق الذى لايضيءُ أقبية الخبايا لاينتمى للسحبِ.. والعشبُ الذى لايرتوى إلابطعمك يا عصيراً من خليط الدهشةِ الاولى وأحتراق الاغنيات.
الحقوق محفوظة للشاعر يحي فضل الله والراحل ابو السيد
| |
|
|
|
|
|
|
Re: بقينا ناس ساكت (Re: Dahab Telbo)
|
مرحب تلبو وحبابك صدقت والله بقينا كان دفرونا نقع ولو دفرنا نقع الناس عجزت توفر ابسط مقومات الحياة والهم كبس هم الاكل والشراب هم القراية هم اللبس هم العلاج الكهربا المقرونة في الموية هم اولادك من الشارع والمدرسة هم فوق هم لا صحينا عاجبنا الصباح ولا نمنا غطانا العشم ولا تعدم السلطة حيلة في انتزاع ما نجمعه لسواد الايام .. آسف ! كل الايام سوداء
| |
|
|
|
|
|
|
Re: بقينا ناس ساكت (Re: ابو جهينة)
|
مرحبا ابا جهينة كما يقولون ما اعجب الخيوط التي تربطنا بالحياة واعجبها خيط الامل ولكن حتي ذلك الخيط العجيب اصبح واهيا بدلالة اننا اكثر الشعوب انتحارا
| |
|
|
|
|
|
|
Re: بقينا ناس ساكت (Re: قصي محمد عبدالله)
|
مرحبا قصي وحبابك استغفر الله لك ولي واتوب إليه انه التواب الرحيم قال سيدنا علي رضي الله عنه وهو باب مدينة العلم لو كان الفقر رجلا لقتلته والفقر استعاذ منه الرسول صلي الله عليه وسلم واعوذو بك من الفقر والحزن وغلبة الدين وقهر الرجال
| |
|
|
|
|
|
|
Re: بقينا ناس ساكت (Re: قصي محمد عبدالله)
|
مرحب قصي نعم الغني غني النفس فغني النفس يحقق توازنه الفردي ولو كان فقيرا معدما .. ولكنه يعجز عن ان يبدع .. ألم يقل الرسول في ما معناه من بات آمنا في سربه يملك قوت يومه فقد جمعت له الدنيا من اطرافها لكن ألا تتفق معي ان اهل السلطة علموا الناس الهلع .. بدل البيت بيتين وتلاتة .. وكنز للمال تأمينا لمستقبل العيال وعيال العيال ألم يقل الرسول صلي الله عليه وسلم لا تجمعوا مالا تأكلون ولا تبنو مالا تسكنون ومخالفين القرآن في النهي عن كنز الذهب والفضة وما اغتني غني الا بفقر فقير
| |
|
|
|
|
|
|
Re: بقينا ناس ساكت (Re: عبدالحفيظ ابوسن)
|
لكن كمان يا عبد الحفيظ إنتو بايتين النهار كلو بره البيت كايسين الرزق يبقى عليكم نهار وليل؟ هو الناس تعيش حياتها متين؟ ولّ ياها دي الحياة الناس تعيش لتأكل أم تأكل لتعيش؟ سؤال غبي في السودان-الأغبش
| |
|
|
|
|
|
|
Re: بقينا ناس ساكت (Re: معاوية الزبير)
|
السلام عليكم ورحمة الله وبركاته حبيبنا ود أب سن وصباح الخير والعافية قهرتني صور صفوف الغاز وقهرني حديث النساء عن الهم المتلتل في كتوفن كل صباح وهن ذاهبات إلى السوق ماذا تشتري بحفنة جنيهات وفرها أبو العيال وخرج من دغشا بدري يبحث عن رزق آخر وأيقنت من زمان أن سياسة الحكومة أن تسوق الناس إلى عوالم الإفقار حتى تقعدهم عن عوالم الطموح والأمل المشروع في حياة وغد أفضل
| |
|
|
|
|
|
|
Re: بقينا ناس ساكت (Re: جعفر محي الدين)
|
ود ابسن والله والله بقرأ فى البوست ده من البداية وبضحك بصورة هستيرية ياخى اتخيلتك قدامى وانت بتحكى عن المعاناة دى والروووووب والله فعلا بقينا ناس سااااااكت وفعلا شر البلية ما يضحك
ياخى اضحك الله سنك وفك الله اسر الوطن
كن بخير
| |
|
|
|
|
|
|
|