|
|
 هل سيتم سحب الجنسية السودانية من السادة الأشراف العباسيين الهاشميين؟
|
هل سيتم سحب الجنسية السودانية من السادة الأشراف العباسيين الهاشميين؟
ورد في موقع موسوعة التوثيق الشامل السودانية، خبر يفيد بانعقاد إجتماع مجلس أمناء رابطة الأشراف العباسيين الهاشميين بالسودان. وقد أشار الخبر إلى أن بالسودان أكثر من 40 مجموعة تنتسب إلى العباس (العباس بن عبد المطلب الهاشمي القرشي، عمّ النبي محمد صلى الله عليه وسلم)، من ابرزها "البديريه ، البطاحين ، الشايقية ، الجعليين ، القراريش ، الجابراب ، الحاكماب ، المناصير ، الرباطاب ، الجموعيه ، الجمع ، الجوامعه ، الاحامده ، الصليحاب ، القمر ، الشويحات ، النبهة ، الدقناب ، البابس ، الصبحة ،الجميعاب ، الكنوز ، السفارجة ، البرن ، القريات ، العبابسة ، التراجمة ،الحسبلاب ، الطريفية ، الماجدية ،الكرتان ، النوايمة ، الفضليين ، الضباب ،المقايته ، الميايسة ، المقايضه ،القريشاب ، الميرفاب ، الفاضلاب"
راجع:
http://www.tawtheegonline.com/vb/showthread.php?p=121465http://www.tawtheegonline.com/vb/showthread.php?p=121465
كما أوردت صحيفة الميدان الصادرة صباح اليوم الخميس الموافق 4 ديسمبر 2014، الخبر التالي عن سحب جنسية حفيد البطل القومي السوداني عبد الفضيل ألماظ بسبب خلفيته القبلية ك دينكاوي:
كتب: عادل كلر
سحبت سلطات وزارة الداخلية المختصة الجنسية السودانية عن مواطن سوداني وأسرته، في مخالفة خطيرة وصريحة للكثير من العهود والمواثيق والأعراف التي تحظر وتجرِّم نزع الجنسية إلا بضوابط حكمة الصرامة؛ وإشتكى المواطن "عادل برعي رمضان" وهو من أحفاد البطل القومي (عبد الفضيل ألماظ) أحد أبرز ضباط جمعية "اللواء الأبيض" وثورة 1924 المجيدة، وأوضح ل(الميدان) بأنه تعرض لسحب الجنسية عندما حاول إستخراج شهادة جنسية لإبنه بغرض الدراسة، وعندما عرض جنسيته [ذات الإصدار الأخضر القديم] ضمن المطلوبات على مكتب الجوازات، سُئل عن قبيلته فأجاب "دينكاوي" وحينها تم رفض إستخراج جنسية لإبنه وتم سحب الجنسية الخاصة به، وأضاف "عادل برعي" بأنه من مواليد حي الضباط الشهير بأم درمان، و والده وجده من مواليد حي الضباط، وقال: "أبي من قبيلة الدينكا وكان من الضباط المؤسسين لسلاح الأشغال (المهندسين حالياً) ووالدتي من قبيلة الشكرية بكسلا"، وأضاف بأنه طرق الكثير من الأبواب وجأر بالشكوى جراء الظلم الذي حاق به وبأسرته، إذ لم يستطع أنجاله "ولد وبنت" من التقدم للدراسة بالجامعة بسبب عدم وجود وثيقة الجنسية السودانية بحوزتهم"
راجِع:
http://www.midan.net/almidan/wp-content/uploads/2014/12/m2896.pdfhttp://www.midan.net/almidan/wp-content/uploads/2014/12/m2896.pdf
الخبرين أعلاه، مما يصيب المرء بالحيرة حول أمر القائمين على تنفيذ القوانين في السودان، وعما إذا كان الناس سواسية أمام القانون في السودان؟ فبنفس المنطق الذي تم بموجبه سحب جنسية المواطن "عادل برعي" لا أعتقد أن هناك من هو بمأمن من سحب جنسيته في سودان بوتقة صهر القبائل المقيمة منذ فجر التاريخ، وتلك المهاجرة من الجزيرة العربية، ومصر، وشرق وغرب أفريقيا، والبربر، وتركيا، وحتى المجر.
أوقفوا هذا العبث.
عدلان.
|
|
  
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
| Quote: هل سيتم سحب الجنسية السودانية من السادة الأشراف العباسيين الهاشميين؟ |
الأخ العزيز عدلان سلامات،،
أضحكتني يا صديقي أضحك الله سنك..
كل شئ ممكن وجائز في زمن الإنقاذ!
سحبهم لجنسية حفيد البطل عبدالفضيل ألماظ بخالف بشكل
صريح الفقرة السابعة بالباب الأول من دستور السودان الإنتقالي للعام 2005 :
والمضحك إنوا التعديل العملوه للمادة (10) "إسقاط الجنسية" في العام 2011 لقانون الجنسية السودانية
بعد إنفصال الجنوب مش بتعارض مع الدستور وبس، ولكنه بتعارض حتى مع المادة (4) من القانون نفسه!
وما كلفوا نفسهم بتعديل المادة الرابعة لإزالة التناقض دا..
غايتوا حسب قانونهم المكوجن دا والممكن يسحبوا بيهوا جنسية اي زول عندو جد حتى ولو
العشرين جاي من برا السودان! ممكن نعتبر الرئيس ونوابه والأغلبية المطلقة للطاقم الحكومي
أجانب :)
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: Ahmed Alim)
|
أخونا عدلان
القصة دي حصلت في البلقان وشرق أوربا وتم فرز الناس على هذا الأساس
لأنه جرى تكوين كيانات بعضها قائم على عرقيات محددة.
خذ مثلاًُ: البوسنة، صربيا، كوسوفا، مقدونيا، التشيك، السلوفاك
دي مش افرازات حق الجنوبيين في الاختيار؟؟؟
من هو الملوم في ذلك بالأساس.. هل صوت الشماليون لانفصال الجنوب؟؟
ألم يكن الحق للجنوبيين فقط؟؟؟؟
وهل تنسى يا عدلان منع بنات ياسر عرمان من التصويت في الانفصال،لأنهن شماليات؟
وكذلك منع دينكا نقوك من التصويت... هل نسيت ذلك
أنا معك في عدم نزع الجنسية بهذه الطريقة..
كان يجب وضع شروط لتخفيف مرارة الانفصال، مثلاً:
من اختار الوحدة يبقى على جنسيته
ومن كانت أمه من الشمال يبقى على جنسيته
ومن كان جده مولود بالشمال تبقى جنسيته.. وهكذا
المهم أي شروط منصفة
بعدين.. لو سمحت
اطرح قضيتك، بدون التعرض والتهكم بأعراق الناس وأنسابهم
ممكن بعد شوية البوست ده يطلع من المسار
قارن بكيان المؤتمر الوطني أو الكيزان أو أي حاجة في مخك
خلي القبايل بعيد
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عماد حسين)
|
Quote: كان يجب وضع شروط لتخفيف مرارة الانفصال، مثلاً:
من اختار الوحدة يبقى على جنسيته
ومن كانت أمه من الشمال يبقى على جنسيته
ومن كان جده مولود بالشمال تبقى جنسيته.. وهكذا |
أخونا عماد سلامات،،
ياريت لو كانوا وضعوا إستثناءات زي القلتها دي!
تعرف حتى الشرط التعجيزي الممكن من خلاله أن يحتفظ الجنوبي بجنسية
السودان والبقول أنوا لازم أجداده يكونوا مقيمين في السودان الشمالي قبل العام 1929
برضوا ما بنطبق على حفيد البطل عبدالفضيل ألماظ الكان جده أحد قادة ثورة 1924!
تحياتي
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: Ahmed Alim)
|
الأخ العزيز أحمد عالم، تحية طيبة..
فعلاً، شر البلية ما يضحك! تقديري وشكري على جلبك مواد الدستور المتعلقة بالجنسية. من الواضح أن المسؤول الذي "صادر" جنسية "عادل برعي" كان تصرفه مخالف للدستور والقانون، وهو تصرف متعسّف يجب أن يحاسب عليه. كما أن من حق "عادل برعي" مقاضاته والمطالبة بتعويض عن الأضرار التي لحقت به.
شكراً مرة أخرى على مشاركتك القيمة.
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
.
الأخ عماد حسين، سلام..
كتبت:
Quote: من اختار الوحدة يبقى على جنسيته
ومن كانت أمه من الشمال يبقى على جنسيته
ومن كان جده مولود بالشمال تبقى جنسيته.. وهكذا
|
وفي الحقيقة ما كتبته أنت أعلاه يتفق مع مواد الدستور التي استعرضها أخونا أحمد عالم أعلاه. ويتضح بالتالي أن هناك تعسف وتجاوز للقانون في مصادرة شهادة جنسية "عادل برعي" وتجب محاسبة المسؤول عن ذلك.
في الشق الآخر، رميتني بتهمة لا أساس لها حول التعرض والتهكم بالأعراق، وأتمنى أن يكون ذلك نابع عن قراءة خاطئة من جانبك لمحتوى كتابتي أعلاه. أولاً، ورغم تجاوزي للقبلية، إلا أنني في الواقع منتم عرقياً لإحدى القبائل المذكورة في خبر السادة الأشراف أعلاه. ثانياً، كتبت بوضوح أن السودان "بوتقة صهر القبائل المقيمة منذ فجر التاريخ، وتلك المهاجرة من الجزيرة العربية، ومصر، وشرق وغرب أفريقيا، والبربر، وتركيا، وحتى المجر." وتلك حقائق التاريخ والجغرافيا، أدركها وأعيها تماماً، فلماذا تذهب بك الظنون ذلك المذهب الخاطئ تماماً، الذي لا يعبر عني ولا عن تاريخي ولا عن مساري، ولا عن فكري، ولا عن ممارستي؟ الدعوة والعمل من أجل دولة المواطنة تشكل ركن أساسي من مشروع الحرية والعدالة الاجتماعية الذي أتبناه، وأي دعوة أو موقف يميز بين الأفراد بسبب انتماءاتهم العرقية، أو العقدية، أو الثقافية، أو بسبب النوع، أو الإعاقة، أو أصل المنحدر، لا أتسامح معه أبدً، بل يجد مني الإدانة الكاملة.. بل أن هذا المقال نابع أصلاً من ذلك الموقف، حيث أن الممارسة التي تمت بحق "عادل برعي" تدخل في ذلك الباب، وأوردت المفارقة، غير المنطقية، في التمييز، لأبين خطل الإجراء الذي تم بحق ذلك المواطن.
عدلان.
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
تحياتي وضاحة و تبارك..
بالتأكيد من حق كل إنسان أن يكون له تصوّر عن نفسه والكون حوله، وحتى ينسب نفسه للهوية التي يريدها. لكن، ليس من حق أي إنسان فرض هوية على إنسان آخر، أو أن يمارس تمييزاً أو استعلاءً تجاه الهويات الأخرى. في هذا المثال المحدد، والذي لا تعرف هل تضحك أم تبكي له، نفس الحق الذي يتمتع به العباسيين، يتمتع به الدينكا. ودستور 2005 قنن هذا الحق، فما بال مسؤول وزارة الداخلية؟
.
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
| Quote: في هذا المثال المحدد، والذي لا تعرف هل تضحك أم تبكي له، نفس الحق الذي يتمتع به العباسيين، يتمتع به الدينكا. ودستور 2005 قنن هذا الحق، فما بال مسؤول وزارة الداخلية؟ |
العزيز عدلان تحياتي،،
يادوب الهيئة التشريعية القومية المكلفة بإجراء التعديلات الدستورية اللازمة لدستور
السودان الإنتقالي 2005 لمعالجة التناقضات فيما بين الدستور والقوانين والمراسيم
الرئاسية مازالت في مرحلة العرض الثالت!! إتخيل لي السودان هو الدولة الوحيدة في
العالم البتسن قوانين مستعجلة لأغراض سياسية معينة وما بهمهم إن كانت متسقة مع
مواد وروح الدستور أم لا!!
وزي ماقلت الكيس مطابق يعني العباسيين عموما حسبماً فهمت أن آبائهم الأوئل
عباسيين من الحجاز وأمهاتهم نوبيات!! والمواطن موضوع البوست أمه مباشرة شمالية مثلها
مثل أمهات العباسيين!! الدستور حتى الآن بمنح الجنسية بالميلاد لأي شخص مولود لأم أو
أب سوداني وفي حالة الجنوبيين بعد الإنفصال أي شخص مولود لأم أو أب شمالي!!
هسي شوف التعديل المكوجن للمادة (10) بسقط الجنسية السودانية تلقائياً! من أي مواطن
بكتسب جنسية جنوب السودان "حكما" أو قانوناً!! والفهلوة كلها في حكماً دي.. يعني بمجرد
إنوا دستور جمهورية جنوب السودان بتيح منح الجنسية لأي مواطن له أجداد من قبائل جنوب
السودان طوالي حكومة السودان حتعتبر القصة دي سبب كافي لأسقاط الجنسية تلقائياً من
الشخص دا، حتى ولو لم يحصل فعلياً على جنسية الجنوب!! بغض النظر أن كانت أمه أو أبيه
سودانيين الجنسية بالميلاد! في خرمجة اكتر من كدا؟
قانون غامض وعايم ومناقض للدستور عشان يتم إستخدامه متى ما لزم الأمر!
| |
|
|
|
|
|
|
|
|
 Re: هل سيتم سحب الجنسية السودانية من السادة الأشراف العباسيين الهاشميين؟ (Re: مدثر صديق)
|
الأخ حمد عبدالغفار | Quote: الغريبة أنا للآن ما لاقاني سعودي قال جدو العباس |
عندما مات رسول الله صلي الله عليه و لم كان عدد الصاحبة حوال 100 الف صاحبي ...مات منهم في المدينة المنورة حوالي 10 الف صاحبي البقية حوالي 90 الف صاحبي هاجروا ال الشام و العراق و قبرص و مصر و الهند و الصين و شمال افريقيا و ..... و منهم من تزوج من تلك البلاد ..عشان كده العباسيين و الأمويين و هم قرشيين ما بتلقوا الا بإعداد قليلة في السعودية ....
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: مدثر صديق)
|
والله حاجة عجيبة اسرة لها أكثر من مائة عام في شمال السودان وانقطعت صلتهم بالجنوب
وجاء اجيل من هذه الأسرة لم يعيش في الجنوب وولد في الشمال وتربى فيه وحتى اللغة صارت
لا صلة لها بلغة قبيلته بأي حق وبأي قانون تسحب من أمثال هؤلاء جنسياتهم؟؟ ...
ثم ما علاقة الجعليين بهؤلاء المسخ الذين لا صلة لهم بتاريخ السودان؟؟؟ ...
حتى تاريخ السودان يريدون أن يطمثوه ؟؟
ورجال ذلك التاريخ يريدون أن يزيلوهم من صحائفه؟؟
بئس الصنيع صنيعهم وبئس القوم هم
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
وضاحة سلامات..
السودانيين عباسيين وغير عباسيين ماف زول بقدر ينزع جنسيتهم سمبلة ساي كدة! الوالدة كلميها، سودانيتها الحبة ما بتجيها، وما بينقص فيها أكان جدودها عباسيين مشلخين تي أو سادة، ول أكان حبوباتها مشلخات مطارق ولّ سادة. إلا كمان كلميها مسألة "ناس لحم راس" دي ما كان في ليها لازمة.. واللوم الأساسي في العِبارة دي واقع عليك انتِ الجلبتيها لينا هنا، وذلك لا يليق وأتمنى أن تسحبيها وتعتذري عنها.. نسب الوالدة للنبي الكريم من حقها تفاخر بيهو.. لكن كمان قليها نحن كُلنا في النهاية نسبنا لسيدنا آدم، وآدم من تراب! فيبقى الانسان وعمله. وربنا قال في كتابه الكريم "يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىand#1648; وَجَعَلْنَاكُمْ شُعُوبًا وَقَبَائِلَ لِتَعَارَفُوا and#1754;" وبلغيها تحياتي وتمنياتي الطيبة ليها بالصحة والعافية.
تحياتي تبارك شيخ الدين، حمد عبد الغفار عمر، منتصر عبدالباسط، مدثر، الرشيد السر البخيت، و Deng ..
سودان دولة المواطنة يسع الجميع، العباسيين وغير العباسيين. أهل الأنقاذ غرباء (وجدانياً) عن ذلك المشروع وذلك الإرث.
شكراً لكم.
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
الأخ العزيز أحمد عالم، تحية طيبة..
ده كلام خطير، وشكراً على تنبيهك لنا. التعديل المقترح في المادة (10) خطير جداً ونابع عن عقلية تضمر شراً مستطيراً بما تبقى من النسيج الاجتماعي في السودان. مثل سكين حادة تزيد في جراحات الوطن لتحوله إلى مزع لحم وكومة عظام!
يريدون إسقاط جنسيات البعض "حُكماً"؟
تنبيهك فطِن يا أحمد عالم، وإشارتك:
Quote: هسي شوف التعديل المكوجن للمادة (10) بسقط الجنسية السودانية تلقائياً! من أي مواطن
بكتسب جنسية جنوب السودان "حكما" أو قانوناً!! والفهلوة كلها في حكماً دي.. يعني بمجرد
إنوا دستور جمهورية جنوب السودان بتيح منح الجنسية لأي مواطن له أجداد من قبائل جنوب
السودان طوالي حكومة السودان حتعتبر القصة دي سبب كافي لأسقاط الجنسية تلقائياً من
الشخص دا، حتى ولو لم يحصل فعلياً على جنسية الجنوب!! بغض النظر أن كانت أمه أو أبيه
سودانيين الجنسية بالميلاد! في خرمجة اكتر من كدا؟
قانون غامض وعايم ومناقض للدستور عشان يتم إستخدامه متى ما لزم الأمر!
|
إشارتك أعلاه في محلها تماماً، وصحيحة، ويجب الانتباه لها من قبل القوى السياسية المختلفة، وألا ندع مثل ذلك التعديل المعيب يمر أبداً..
تحياتي مرة أخرى وشكري على إثرائك هذا الخيط.
عدلان
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
أخونا العزيز عدلان،،
إحترامي وتقديري،،
للأسف التعديل تمت إجازته ومعمول به من يوليو 2011! برغم أنه مناقض
للدستور البمنح الجنسية لأي شخص من أم أو أب سوداني وبيسمح حتى
بإزدواجية الجنسية!!
في تقارير صحفية كتيرة بتتكلم عن التعديلات دي، ولكن للأسف القانون نفسه
ماقدرت أتحصل عليه حتى من الموقع الحكومية كالمجلس الوطني ووزارة العدل!!
الرابط أدناه فيهوا القانون كاملاً مع تعديلاته المكوجنة في العام 2011
وطبع بواسطة المفوضية السامية للاجئين التابعة للأمم المتحدة - الـسودان..
http://www.refworld.org/cgi-bin/texis/vtx/rwmain/opendocpdf.pdf?reldoc=yanddocid=503492a82http://www.refworld.org/cgi-bin/texis/vtx/rwmain/opendocpdf....oc=yanddocid=503492a82
لسبب ما الرابط بتكرر هنا!!
المهم لو ما إشتغل معاك ممكن تقوقل ( قانون الجنسية السودانية 2011)
وحيظهر ليك أو رابط لـ "بي دي أف فايل" بعنوان Nationality Law_ARA-Refworld
مع التحية..
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: Ahmed Alim)
|
Quote: نحن العباسيين من قبيلة الجعلين
( عالياب - او عمراب ) جدنا الرسول لزم واماتنا عربيات هاشميات |
حبابكم بازليون في وطنكم الثاني بأفريقيا
مع صادق الإعتذار لتأخير كلمات الترحيب لأكتر من ألف سنة :)
وترحيبناً دايماً عملي يادكتورة وضاحة ، يعني تعرسوا مننا ونعرس منكم
ونديكم واطة في وش البحر، ودكاي وبقنية وقراصة بلح، وتبقوا مننا ونبقى منكم ... الخ
يعني ما ترحيب باهت وكحيان بإقامات وبهادل زي البعملوها لينا اهلكم في الخليج لمن نمشي ليهم 
شفتي الناس ديل جاطوا القصة كيف، يعني بقانونهم دا ممكن يسقطوا الجنسية من اي زول!!
تحياتي وإحترامي،،
| |
|
|
|
|
|
|
|
|
 Re: هل سيتم سحب الجنسية السودانية من السادة الأشراف العباسيين الهاشميين؟ (Re: Ahmed Alim)
|
أنا شريف عباسي وموافق مش جنسيتكم دي ما دايرها وحا امشي أعمل غسيل أمسح كل الجينات النوبية في خلاياي واجيب هارديسك اسيف فيه كل ذاكراتي واديكم ليه بس ترجعوني محل ما نزح جدي من منطقة جميراً على سواحل الخليج وكان غلبكم ودوني اجاور قبر جدي العباس ههههههه
أتاكدو من الخبر ما يكون ضنب ككو ولا واتاكدوا كويس لانه أنا بعرف اسر وعائلات اصولهم شلك ونوير معانا في كوبر قاعدين ولا في زول انتقص من سودانيتهم ذرة بعد الانفصال وعادي بطلعوا جنسيات وجوازات
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: حاتم إبراهيم)
|
يا أحمد عالم حسب معرفتي أنك من دارفور وناس دارفور ديل ما عندهم علاقة بالنوبيين في شمال السودان
كدي خليك معاي وافتح عقلك وأسمع السرد الواقعي لتاريخنا نحنا كسودانين وطلبت من تفتح عقلك عشان تتقبل الحقائق وما تديها وتحملها اي حمولة عنصرية او استخفاف او استحقار لأحد فقط الحقيقة
أجدادنا الاشراف العباسيين كانو حكام الدولة العباسية لمن جا هولاكو التتري ودمر الخلافة العباسية اتجهو للحجاز واهل الحجاز ارسلوا ليهم بعدم رغبتهم في حضورهم وانهم حا يحاربوهم فأثروا السلامة واتجهو إلى مصر وكانو كلما يتجهو جنوبا يجدوا الناس بكونوا حلوين وطيبين إلى أن وصلوا ديار النوبة ولقوهم عالم مية المية واجدع ناس واتزوجوا وسكنو ارضهم واعتبروهم أهلهم
مثلا مثلا وضاحة دي بتدعي شريفة عباسية جعلية عمرابية من المكنية في نهر النيل عارف المكنية دي قرية وهسع اصبحت مدينة للجعليين قامت على مدينة نوبية قديمة أنا مثلا برضه من المكنية ومن قرية بقروسي كلمة بقروسي وكلمة المكنية كلمات نوبية قديمة زي البجراوية الساكننها هسع جعليين وزي كبوشية وزي البركل الهسع في ديار الشايقية حصل امتزاج وكان في اعتزاز بالاصل يعني نحنا الاشراف بنعتز بي اصلنا والنوبة مازالوا بعتزو بي أصلهم ومازالت قراهم بي أسماءها النوبية وكتير من أسماء الادوات والمناطق نوبية وحتى في لغتهم دخلت كلمات نوبية
النوبة الفي الشمال ديل احفاد بعانخي وتهراقا ديل ما زنوج زيكم ديل ناس بختلفوا عنكم وحكاية انك تجيب ليك زنجي وتلبسوا فرعون دا تزوير للتاريخ لأنه الحقيقة الفراعنة النوبيين ما كانو زيكم
يعني مثلا خد عندك دا تهراقا
شوف بشبه الحفيد عزام حسن فرح كيف
عادي ممكن تلقى ليك جعلي بشبه عزام حسن فرح لانهم اتمازجوا وهسع اكتر قبيلتين تشابهن في السنحات هم الجعليين والمحس
المهم ديل هم النواة الكونت السودان اجدادنا الاشراف العباسيين واسلافنا النوبة العظام الزمن داك اجدادك الزنوج كانو حايميين في مجاهل افريقيا مغيبين في غياهب الجهل والتخلف
حصلت بصراحة حقارة وحركة ما حلوة من اجدادانا انو بعد وصول العرب لبلاد النوبة وامتزاجهم معاه انهم استخفوا بي اجدادكم وظلموهم وحقروهم ومشوا قبضوهم وعملوهم عبيد واتعاملوا معاملة ما كريمة وأعتبروهم اقل من البشر وعبيد وربنا ما خلق زول عبيد بس لانو اجدادنا كانو حقارين وربنا يحاسبهم على ظلمهم وقبيضهم للناس وجعلهم عبيد وتجردهم من حقوق الانسان والرحمة
بعد داك عرفتو المدنية يعني دافور دي زاتها فتحها واحد من الاحفاد الزبير باشا اول امبارح وما كانت تابعة للسودان وضماها للسودان عشان كدا انتو بقيتو سودانين من اول امبارح ونحنا الاشرف ديل صنعنا السودان وضميناهو ليكم
طبعاً اجدادكم ما انفتحوا على دولة السودان النائشة بل انطووا وحاربوهم وبقوا في حالهم وديك كمان حقارين مشوا استعبدوهم وحصل كراهية لي يومنا هذا وعدم محبة يعني هسع اخوانك بقولوا علينا جلابة كان كنا اشراف كان نوبة وفينا من يسميكم العبيد وانا ما منهم لاني شايف انه الناس كلها واحد في السودان ومافي زول عبد لي زول
في فهم كمان ارتبط مع الاعتزاز بالكينونة يعني النوبة بعتزوا بي نوبيهم ونحنا الاشراف ديل كمان بنعتز بي عروبتا انه ما عاوزين نمتزج معاكم عشان كدا ما بنتزوج منكم يعني هسع عزام دا متزوج قريبتي وانا ممكن اتقدم لي بت عزام واتزوجها لكن انا ما حا يقبلوا بيك فعشان كدا مسألة زواج وعرس دي كبروا راسكم وريحوا نفسكم منها ومافي داعي للأحراج والعقد ثم ياخ بناتكم الزنجيات ديل ما سمحات دايرين تخلوهم بايركس ما تعرسوهن شنو الحكاية أي غرابي زنجي عاوز يعرس نوبية او عربية بناتكم ديل البعرسن منو ؟
كلامي دا ياهو الواقع ودي الحقيقة البسيطة لانو خايف تكون معتقد أنك زيهم وتحصل ليك احراجات ومشاكل وصدمات فا عزيزي اتقبل الامر الواقع والدايرها الله بتكون وتعال نعتز بي سودانيتا بي أعرافها وتقاليدها والحاجات الجيتو لقيتوها عليه ونتحد ونبني السودان
تبارك العواليق طظ فيك
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عبدالعزيز حسين عبدالرحيم)
|
| Quote: تبارك العواليق طظ فيك |
لقيتك تفتيحة 
تعرف يا عبدالعزيز ... المشكلة الوحيدة في التاريخ الإنت سردتو دا؛ إنو كلّو غلت
دي اساطير شعبية أهل الشمال بيحبّوا انهم يصدّقوها ...
لاكين في الحقيقة إحساس الكراهية وعدم العرس بتاعك تجاه الغرابة ... هو إحساس العرب تجاهنا منذ فجر التاريخ ... عشان كدا استأثروا "البقط" على فتح السودان لـ 900 سنة ... في الفترة دي بدا "العبابدة" و "الكنوز" و"البشاريين" وغيرهم مزاعم العروبة لأنو الرق بقى حار ...
السمح ليك تعمل فيها عربي واعترف بيك هم الأتراك ... لأنو بالطريقة بيأمنوا نضافة الدم التركي من وسخك انت واسيادك العرب
لاكين دنقلا دي ... لامن المماليك انعصروا في القاهرة ... رحلوا ليها وحكموها وجمعوا الضرايب الباهظة وعملوا السبعة وذمتها ... بدون جيش ظاطو ...
بعدين هسي لو قوّمت المك نمر من قبرو ... وقلت ليهو إنو جعلي جدّو العباس ... ما حا يصدقك
حا يقول ليك الجعليين بيجا ... وقاعدين هنا في شندى لأنها مركز الحدود الشمالية لمملكة سنار ... لمنع العرب والاتراك والمماليك من التوغل جنوبًا ...
(نحن في الشرق بنعتبر المنطقة من شندي لى بربر دي تبع أرض البيجا)
... المهم ....
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
هههههه
حركة ما كويسة منك يا تبارك كونك تشيل عضم من كوم لحم كلامي وتسوي بيه برميل سليقة
أنا كنت داير تتكلم عن كلامي للمستلب الداير يبقى نوبي سلفقة وجايب لينا زنجي فرعون عارفك ما ناقش حاجة بس قلت ممكن تبدع لينا وهمة سمحة وننبسط ونحنا جايين نفهم ما جايين ننبسط
المهم أنت برضه كبر دماغك وافتح عقلك واسمع كلامي الجاي لأنه بلخص علتك ويحللها وما بهمني يزيد فيها ولا يحلها دي حاجة ترجع ليك أنا ما جاي مصلح نفسي في البورد دا وأرجوك فقط ما تحمل كلامي اي حمولة عنصرية فقط كلامي هو توضيح للحقائق بمنتهي الشفافية أفهمني صاح
طبعاً أنت من الناس البهمهم نفي النسب لانه دا من عقدك زيك وزي الغرابة الحاقدين الساعين لنفي النسب الطاهر دا في السودان
ثم تعال ياخ أنت لمن يجي الكلام عن سحب الجنسيات حقو تسكت ساكت لانه اول ناس حا يسحبو جنسياتكم انتو فلاتة القضارف ديل بقايا الحجاج جنقو الزراعة الالية جيتو امس عابرين لقيتو العيش كتير والسمسم وكسرتو ركبة وبقيتو سودانين بعدين ياخ أنا مستعد ارجع السعودية ولا الخليج ولا العراق زاتها محل خلافة اجدادي أنت تقدر ترجع نيجريا ههههه
يا تبارك اخوانا واهلنا الفلاتة وجودهم في السودان قديم وساهموا في بناء السودان وتاريخهم محفوظ وهم ناس بعتزو بي نفسهم ونحنا بنحبهم عشان اعتزازهم بي اصولهم دا ونديهم كامل حقهم كسودانين اخوان في الوطن ونظرتنا ليهم بحب واحترام لانو مافيهم حقد الغرابة ولا حاسدننا
لكن الفلاتة المنبتين الزيك ديل ياهم فيهم حقد الغرابة الدفين وساعين يشوهو سيرتنا ونسبنا الشريف بي أي طريقة وطبعا أنت زيك زيهم هاك شوف الجوز ديل حاقدين زيك كيف
http://www.sudaneseonline.com/board/470/msg/%d8%b4%d8%b1%d8%...9%29-1414769351.html
أنت زيهم مقعد كاره نفسه كونو تكون زول منبت من الفلاتة المتاخرين ما عندك اي جذور اوي نسب او تاريخ يسندك في السودان ولا ساهم اجدادك في حاجة ولا بتعرفهم زاتو
اقتنع بالسودانية واحمد ربك وما تحسد الناس في ما أعطاهم الله من الانسب الشريفة وفي الاخر نحنا كلنا لي ادم وادم من تراب وكون زي اخوانا فلاتة الغرب البتعزو بي نفسهم وصدقني حا نحبك ونحترمك وتبقى اخونا بالجد
بالنسبة لموضوع العرس المسألة دي بقت عند النوبة في الشمال والعرب عموما إلا من شذ كمسألة عرف من اعرافهم القبلية ومن حق اي قبيلة يكون عندها عرف واكتر القبائل العندها اعراف هي القبائل الزنجية وخصوصا في مسائل الزواج فشنو العرب والنوبة في السودان عندهم اعرف في الزواج كمثال انهم ما بزوجو الغرابة خلاس من حقهم
بعدين الموضوع دا زاتو سؤ فهم من الغرابة يعني أي زغاوي عاوز يعرس عربية او نوبية مفتكر انه حايبقى زول تاني غير نفسه الكارهه ودا ما صاح لانه في الاخر حا يكون هو هو هسع العرب والنوبة بتزاوجوا لكن ما انصهروا النوبة نوبة والعرب عرب لانه النوبي لمن يتزوج عربية حا يظل نوبي واولاده نوبة والعربي لمن يتزوج نوبية حا يظل عربي واولاده عرب والغرابي لو اتزوج من عربية او نوبية حا يظل غرابي واولاده غرابة
لكن برضه في حل يريح أهلنا الغرابة اقترح يمشوا يتزوجوا مغربيات ومصريات وتركيات يتنجو جيل هجين منبت ويتأكدوا أنه يربوهم كسودانين خالين من العقد ما يطلعوا زيك ويجونا والله صدقني حا نعتز بيهم ونعاملهم كأخوان وممكن نعيد التفكير في اننا نتزاوج معاه
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: Ahmed Alim)
|
والله ما عرفت أرد عليك اقول ليك شنو ... أنا في عضمي دا ... أتشرف لو حسبتني فلاتي نكرة من فلاتة القضارف ... أجمل ناس ...
لاكين لا أسرك القول ... لو قلت ليك إنو غالبية أهلي بياخدوا كلام زي كلامك دا مأخذ الشتيمة والمعايرة والإنقاص ... وفيهم مين ممكن يجيك في محلك ويتكيك يضبحك على الطريقة "الداعشية" بسبب كلامك تجاهي دا ... وكلهم عارفين إني أتفق معاك جملةً وتفصيلا ....
لذلك أرجوك ... لو داير تنابذني بى كلام زي دا ... خليهو يكون في الخاص ... ببكي وبسكت ... وإنت تكون استأثرت السلامة
... المهم ....
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
| Quote: والله ما عرفت أرد عليك اقول ليك شنو ... أنا في عضمي دا ... أتشرف لو حسبتني فلاتي نكرة من فلاتة القضارف ... أجمل ناس |
كضاب ومنافق
اها يا تبارك أنا عارف أنك لن تستطيع معي صبراً
رغم الوش الضاحك لكن زعلك واضح وباين وما تعمل فيها ما زعلان من توضيح حقيقتك
يا تبارك قبل ما تزعل أمشي شوف أنت سويت شنو
Quote: بعدين هسي لو قوّمت المك نمر من قبرو ... وقلت ليهو إنو جعلي جدّو العباس ... ما حا يصدقك
حا يقول ليك الجعليين بيجا ... وقاعدين هنا في شندى لأنها مركز الحدود الشمالية لمملكة سنار ... لمنع العرب والاتراك والمماليك من التوغل جنوبًا ...
|
عاين أنت بالراحة شلت قبيلة كبيرة وفيها ملايين الرجال والنسوان والاطفال ونسبتهم لي ناس تانين ولم يطرف لك جفن ولمن رجعناك لي اصلك زعلت واعتبرتها إهانة ههههه مالكم كيف تحكمون
البديك حق أنك تنسب الجعليين للبجا شنو يا تبارك وبمنعني أنسبك للفلاتة شنو
| Quote: لأنو بالطريقة بيأمنوا نضافة الدم التركي من وسخك انت واسيادك العرب |
هسع هنا أنت عملتنا عبيد للعرب نحنا الجعليين كلنا وبتضحك ومبسوط
ما ياهو دا كل يوم قاعدين نتشتم ويساء لينا ومرات قاعدين يطلعونا اولاد حرام ونتنسب للشيطان وأبولهب عشان بس نحنا جعليين ويتنعل سلسفيل أبو اجدادنا قاعدين نزعل
أنا قلت ليك أفتح عقلك وكبر راسك لأننا مكبرين راسنا
أنا جبتك هنا عشان عارفك غبي ومغرور وما بتقاوم تجي تطعن في أنساب الناس وحا تجي تتفسلف وتدقس وتغلط غلطتك دي وعشان اوريك في نفسك فما تزعل وزي ما قال المثل تسوي تلقاه هههههه
عارف نحنا ما بنزعل عشان شغالين بنظام العارف عزو مستريح ... كدي وريني الزعلك شنو ؟؟؟ أو البزعل أهلك شنو مدام عارف عزك ما كان تستريح ههههههههه واهلك داعش والغبراء البضحبو الناس ديل ماعارفين عزهم برضو ههههه
يا أحمد عالم
Quote: وأنا قريتها قبل أكتر من ساعة ، تصدق مالقيت
أي حتة ممكن تكون مدخل لردي على لكلامك!! زي ما قال تبارك قدس الله سره كلامك كله غلط |
وما حا تلقى لأنه دا نوع من الكلام ما الما بترد عليه تقراه وتفهمة وتعرف حاجة وتسكت ساكت والمهم في غيرك كتار حا يعرف حاجة برضه
أما حكاية عقدة دونية وباقي كلامك فما أظن حاجة تخليني أحس بي دونية لأني والحمد لله من نخبة المجتمع السوداني والصفوة ومن بئية متعافية ومتجانسة وما شايف في زول احسن مني
صح كلامي لاسع وحار وفيه كمية من السخرية والمسخرة لكن هو الحقيقة بمنتهى الشفافية العاقل من ياخدها ويقبل بيها ويعالج الخلل والجاهل من يعرض عنها
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
لا حول ولا قوة إلا بالله... أشراف وغير أشراف... ناس فوق وناس تحت... ناس من نسل كريم وناس من نسل حقير... سودانيون أبا عن جد تسحب جنسياتهم وسودانيون يفتخرون بنسبهم العباسى ويعتقدون انهم أكثر الناس شرفا وكأن الآخرون أناس تافهون!!!!
تقييمى السريع هو أن السودانيون كلهم كوشيون أتت اليهم الهجرات وامتزجوا بسكانها المحليين وكونوا هجينا قاسمه المشترك الأعظم هو السودان الكوشى... لم لا نفتخر كلنا كسودانيين بأصلنا وتاريخنا الكوشى الذى يجمعنا كلنا بل ويمتد عبر الحدود السياسية والجغرافية الى دول مجاورة كثيرة وقد يكون هذا الأصل الكوشى نواة حقيقية لولايات افريقية كوشية متحدة!!! كل السودانيين كوشيين ومن لا يصدق هذا فليذهب ويفحص حمضه النووى DNA وسيغلق فمه بعد ذلك... شكرا عدلان ... شكرا احمد عالم ساتنتود ... شكرا... تبارك شيخ الدين ... والأخ عبدالعزيز الذى يتباهى بأنه شريف ... وربما يعتقد أن غيره إنسان رخيص وتافه و(غير شريف)...
لا حول ولاقوة....
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: تبارك شيخ الدين جبريل)
|
الارو سعادة السفير منان تحية واحترام
Quote: حول ولا قوة إلا بالله... أشراف وغير أشراف... ناس فوق وناس تحت... ناس من نسل كريم وناس من نسل حقير... سودانيون أبا عن جد تسحب جنسياتهم وسودانيون يفتخرون بنسبهم العباسى ويعتقدون انهم أكثر الناس شرفا وكأن الآخرون أناس تافهون!!!!
|
طيب أنت ما قاعدين يقولوا ليك أرو وتنبسط وتفرح وقبلان اللقب والنوبيين هنا شغالين لي بعض ارو فلان ارو علان الكنداكة فلانة يعني أنت نوبي وجدك الانت ما عارفو قبل الاف السنين من المفترض يكون ارو عشان كدا انت الليله بتاخد اللقب وفرحان بيه ياخ أنتو تراجي الماعندها اصل ولا ذرة جين نوبي بالغلط في خلاياها كنتدكتوها الكنداكة تراجي يعني مستخسر علي أنا النسبي محفوظ ومدون ومعروف وقريب دا لقب شريف هاشمي قرشي
أنتو ما قاعدين تفتخروا بي نسبكم النوبي هل قاعدين تعتقدوا انكم اكثر شرفا من الاخرين والقال ليك نحنا بنعتبر اننا اكتر شرفا من الاخرين من وبنعتبر الاخرين تافهون منو
النوبة هنا في البورد دا مقدمين نوبيتهم على سودانيتهم وبقيتو ترطنو عديل وفيكم من يتداخل فقط في بوستات النوبيين وأي بوستات الشان النوبي في زول قاعد يسالكم
هاك اقرى وشوف قاعدينن تتمايزو وتعتزو بي نوبيتكم وتقدموها على سودانيتكم كيفن
http://www.sudaneseonline.com/board/480/msg/%2a-%d8%a7%d9%84...-%2a-1418158518.html
وما خلت الصحفة الاولى من البورد إلا عن خبر او فعالية نوبية
بعدين القال ليك جدك ارو منو ومن وين اخدت اللقب بتاع اور وكدي وريني جدك السادس منو ؟؟؟؟
وكيف ترضى تاخد لقب ارو وما ترضي أني اخد لقب شريف حسادة ، غيرة ، حقارة شنو السبب ؟؟؟
بعدين شنو حكاية الالقاب دي ثم نحنا قاعدين نقول حاجة ما ياهو داك بتاع السجع محجوب شريف ملقبنو بي شاعر الشعب ومجرم الانقلابات عبدالخالق محجوب مدنو لقب الشهيد والمجرم الديكتور قرنو ملقبنو بالقائد العظيم والمهرطق محمود محمد طه مدنو لقب شهيد والعميل عرمان ماخد لقب مناضل وتراجي لقب كنداكة وانت لقب ارو والعوير هباني ماخد لقب الناظر وعيييييك من الالقاب وحتى الجاهل عشكوبي ماخد لقب الباحث في اغاني الحقيبة هههههه قلنا حاجة زعلنا في حاجة
خلاس بقت على عبدالعزيز المسكين دا زعلانين في أني أخد لقب شريف هاشمي
| Quote: تقييمى السريع هو أن السودانيون كلهم كوشيون أتت اليهم الهجرات وامتزجوا بسكانها المحليين وكونوا هجينا قاسمه المشترك الأعظم هو السودان الكوشى... لم لا نفتخر كلنا كسودانيين بأصلنا وتاريخنا الكوشى الذى يجمعنا كلنا بل ويمتد عبر الحدود السياسية والجغرافية الى دول مجاورة كثيرة وقد يكون هذا الأصل الكوشى نواة حقيقية لولايات افريقية كوشية متحدة!!! |
بي أي حق تكوشنا وتلمنا في كوش شنو الحقارة دي تبارك بي مزاجة يجر ترلة الجعليين يربطها في راس البجا وسعادة ارو سفير يجيب جير كوش جلبط جلبط يلجبطنا ويكوشنا كوش مين يا عم كوش كان جدك أنت ما جدي أنا
كوش دا منو ؟؟؟؟ طظ في كوش
قال كوش الخلا عليه كوش الازرق الشين بري ما جدي جدكم انتو انا جدي سام اللحمر القيافة
بي اي حق يا سعادة الارو سفير تهضم حقوق الساميين الفي السودان وتبقيهم كوشيين
| Quote: كل السودانيين كوشيين ومن لا يصدق هذا فليذهب ويفحص حمضه النووى DNA وسيغلق فمه بعد ذلك |
طبقا لكلامك دا يا سعادة الارو سفير مشيت امس المختبر وحنستهم يفحصوا لي DNA وطلعت النتيجة NEGATIVE KUSH وبي كدا انا حا اكورك
انتو كوشيين حقارين هاضمين حقوق الساميين الفي السودان
ثم تعال هنا انت قايل مملكة كوش دي شنو ياخ دي مملكة صغنجروتة فيها كم قرية كدا
اشتهرت بزراعة البصل والفول المصري والبامية وكان بحكمها ارو في الشمال وارو في الجنوب وكان الاروات ديل مهوسيين بالحمير وسبق الحمير وكانو في بداية كل سنه بعملوا سباق للحمير وكان الفرعون في مصر طمعان في اراضي كوش وعاوز يضمها لمملكته وعمل خطة خبيثة قام رسل ليهم تيراب برسيم وقال ليهم مفيد جدا للحمير وزرعوه وعجب الحمير واستمر هوسهم بالحمير وبقى السبق مستمر طوال السنة إلا أن قرر الاروات أن الناس كلهم يزرعو برسيم وما يزرعو محصول تاني وحصلت مجاعة لانه مازرعو غير البرسيم وجا الفرعون من مصر واحتل البلد وساق الحمير الموجود تيرابة حتى الان في مصر ومسمنها بالحمار المصري وفي الحقيقة هو الحمار الكوشي دي قصة كوش القادننها بيها
| Quote: والأخ عبدالعزيز الذى يتباهى بأنه شريف ... وربما يعتقد أن غيره إنسان رخيص وتافه و(غير شريف)... |
أنا عبدالعزيز شريف نسبا وشريف كسوداني وأحسن منك
أنا عبدالعزيز سوداني ولي هسع شايل جواز السودان الما قدم لي حاجة غير استنزفني قريت بجهدي واتخرجت ومالقيت وظيفة مش زيك قريت بي مال الحكومة واتخرجت استلمت وظيفة مرقت من السودان عشان الحاجة مش مرقت سفير زيك وبتصرف عليك الدولة وهسع بدفع ضرايب وجمارك وعوائد ورسوم نفايات ونفايات وجبايات قبل شهور مشيت اسجل ارض اشتريتهابي مال جدي قبل سبعة سنين دفعوني رسوم تسجيلها بقيمتها الحالية دفعوني 37 مليون ودفعتها ليهم كأنها حقتهم وبتعاملوا معاي كاني شحاد قروش اجازتي وبعد داك قعدت اشحد واتدين ولي هسع السودان بلدي اهلي هناك وبيتي وسريري هناك وموصي لو مت يشيلو جنازتي يدفنوها في حلة حمد جنب كرعين ابوي
أنت شنو عملت شنو قدمت للبلد شنو عندك فيها شنو كان مت حا تندفن وين
أنا اشرف منك وبعمل لي بلدي ولي وطني وما اتخذت غيره وطن ولا شلت جنسية غير جنسيتو وماقدم لي حاجة لكن حا اقدم ليه حتى مماتي وأبنائي يجرون في ازقتة وحواريه الان واهلي يفلحون ارضه ويبنونه كوطن أنت منو وشنو انا احسن منك واشرف منك كسوداني بالاضافة إلى أني شريف قرشي هاشمي من آل البيت النبوي
تبارك العواليق طظ فيك تاني جاييك
| |
|
|
|
|
|
|
|
|
|
Re: هل سيتم سحب الجنسية السودانية من السادة الأشراف العباسيين الهاشميين؟ (Re: عدلان أحمد عبدالعزيز)
|
السلام عليكم:
النجرب تانى ممكن تقروا المداخلة دى.
الجعليين كوشيين فى اand#65275;صل واand#65275;دلة متوفرة.
السؤال بتاعى هو:
لييه بس انساب الجعليين دون غيرهم؟
الفونج اول من اعلن نسبه العربى .الفور الداجو القمر وتقلى ج النوبة انساب عباسية. الزغاوة من سوريا وج العرب حسب بريف الطيناوى. المساليت نسب عربي حسب كتاب المساليت.
الدناقلة اشراف.راجع حلقة رحيق الامكنة قناة الشر وق من جزيرة لبب.
المحس ابى بن كعب خزرج.
الحلفاويين انساب اوربية وتركية.
وادعاء بالاصل القوقازى.
الكواهلة زبير بن العوام.
الرفاعيين الشكرية الكبابيش.
البجا انساب عربية اشراف وعباسيين وغيره.
الشنو والمنو انساب عربية وغيره..
لماذا فقط انساب الجعليين؟؟
| |
|
|
|
|
|
|
|
|
 Re: هل سيتم سحب الجنسية السودانية من السادة الأشراف العباسيين الهاشميين؟ (Re: Abureesh)
|
طالَ شَوْقي لِطَفْلَة ٍ ذاتِ نَثْرٍ ***"ونِظـــامٍ" ومِنْبَرٍ وَبَيانِ
من بناتِ الملوك من دارِ فرسٍ، *** من أجلّ البلادِ من أصْبَهَانِ
هيَ بنتُ العِرَاقِ بنتُ إمامي، *** وأنا ضِدّها سَلِيلُ يماني
هلْ رأيتمْ، يا سادتي، أو سمعتمْ *** أنّ ضِدّينِ قَطُّ يَجتمِعَانِ
لو تَرَانَا برامة ٍ نَتَعَاطَى *** أكؤساً للهوى بغيرِ بنانِ
والهوى بيننا يسوقُ حديثاً *** طيباً مطرباً بغيرِ لسانِ
لرأيتم ما يذهبُ العقلُ فيهِ *** يمنٌ والعراقُ معتنقانِ
كذبَ الشاعرُ الذي قال قبلي، *** وبأحجارِ عقلهِ قدْ رماني
أيها المُنكِحُ الثريّا سُهيلاً! *** عَمرَكَ الله كيْفَ يَلْتقِيَانِ
هيَ شاميَّة ُ، إذا ما استقلتْ *** وسُهَيْلٌ، إذا استهَلّ يَمَانِي
(ترجمان الأشواق، محي الدين بن عربي)
... المهم ....
| |
|
|
|
|
|
|
| |
Ahmed Alim
عماد حسين
وضاحة
تبارك شيخ الدين جبريل
Deng
الرشيد السر البخيت
حمد عبد الغفار عمر
مدثر صديق
منتصر عبد الباسط
حاتم إبراهيم
Mannan
Abureesh
فيس بوك
تويتر
انستقرام
يوتيوب
بنتيريست