00:40 AM Apr, 03 2015 سودانيز اون لاين زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½ مكتبتى فى سودانيزاونلاين
قلت الليله خميس يا ود البلد قاحلة وانت مفلس وبتعاني من متلازمة العطش الكوني لمشروبات الملوك في أماسي الفراغ الخرافي والاندياح الانساني في عاولم البهجة العجيبة هي قصيرة لكين بتديك دفعة معنوية عشان تقدر تتعايش مع ممارسة القرون الوسطي اللي حولك دي ! طيب اعمل شنو انا مع الفلس دا قصة طويلة معي و ليهو سجل حافل معي مرات كتيرا بمشي الخرطوم القريبه دي ب-ياعم قدام تعرف اتعس حاجة تتخيل الكومة انك ناشط سياسي وتكون انت ماسورة ساي حتي المكوجي في الحلة طالبك زي خمسين جنيه (كدا دي حسي حالة مناضل أمانة في ذمتكم قول كلمة حق عليكم الله ) المهم يا أبو الزهراء بسرعة كدا فكر في حل لازمة السيولة اللي حاصلة ليك قلت يا عب أنت الموبيل مستفيد منو شنو غير الواتساب ووجع الراس حتي البت العسل البريدا انا بعنف ما بترد علي ولابتتصل بي عشان كدا قصة يكون موبيل ترف ما موضوعي كمان سلوك بروجوازي ما في ليهو سبب وانت من الكادحين هو أنت ذاتو في محيطك الصغير ما معترف بيك أمشي الشهداء بيع الموبيل وأشتري موبيل, طوبة عشان تتصل وتكون متواصل مع البوساء اللي زيك مشيت التلفون هدية من أعز الناس جاني من الولايات المتحدة الامريكية اسمو htc قيمتو قالوا ناس الموبيلات مليونين ونص عارف دجالين لكين اخوك خلاص ما قادر غلبو الصبر بيع لا بدل بحاجة اقل وخلي الباقي يكون ارنب نضيف يعيشك لمدة أسبوع كامل تكون ود راحات ودا الحصل يا حسون يا كشكوش دخلت الشريحة في الجديدة وجري علي عاصمة المنتجات المبهجة وبعدها زيارة للجزار يا خ دا ثقل جدا وكمان عندو حساب قديم المهم هنا جاءت مسالة الاقناع بالمنطق وكلام المثقفاتية عن المعاناة والفقر المصاحب لطبقة المتعلمين في دولة السودان المهم الراجل كان منتهي اللطف معي كيلو كامل من لحمة الضان البديعه باقي المزه وحاجات الحلة هي ما حله عادية حلة خميس تعرفوا أي زول في دمو دم نوبة بيكون بحب العضة النضيفة والتاكي المهم بعد ما ضمنت كل عدة الليلة وماشي علي مقر الحريات ممكن تحقق الا بالليل ضرب التلفون التافه حقي واحد صديق وشاعر موهوب عندو قيصدة لكين بالجد دخل يها في مصاف الشعراء الفحول في العامية والغنا بالطنبور صوتو من السماعه ( وينك يا طريد الرحمة وشيخ سفهاء امدر ) طوالي رديت موجود والله كنت في رحلة عمل لكين رجعت محمل بالهدايا وما لذا وطاب أنت وين حسي الشاعرالجربان (أنا في نادي المشاهدة تعال طوالي وما تنسي لي التمباك حقي ما تركب المواصلات تعال بركشه تمام مسافة السكة وركبت ركشة من من موقعي الي نادي المشاهدة لقيت كمان مساحة في براح في اطراف العمران يا سلام خلاص الشاعر الوهم دا بيكون مسئول عن الحله انا عايز اسمع الفنانة التونسية يسرا محنوشانا بحب غنا المرة دي بالليل يا جماعو رهيبه المهم وصلت بسلام لارض الشاعر واستيقبلني استقبل رايع المهم بعد السلام والنفاق الاجتماعي حقنا قال أسمع في النادي هنا ما في طريقة لممارسات اي نوع من الحريات المحرمة ح نمشي للصديقة مبروكة عندها حوش فنان وكمان بدق عود بس ما بتغني لانو صوتا ضعيف يا خي خلاص نمشي ما كنت متخيل مبروكة زولة من أهل الكرم والحس الاجتماعي الراقي وكمان زوله عندها أغاني اخوانبات رهيبه قعدت منبهر كمان في حالة أنفعال انساني يا خي شعب عظيم لكين عندنا سايسيين مرض عديل كدا! شوفو الاغنية والله البلد فيها ناس فنانة عايزاقول عايز اقول عن زول نكر ريدتي ليهو لا قوالي انت و انا اسامعة ودمعتي على خدّي جارية معقولة بس معقول بس معقولة كلامك دا تقول نحن بحب غيرك أتمنّيت لو ما يوم حبّيتك انت ما كنت بتريدني و بقيت كرهاني مخدوعة انا و مكسرة فيك انا ومجنونة بيك انا ما خلاص فقدت الامل بعد الحصل ما قادرة حنانك أنساه وما بحب بعد ك انا تاني إنسى إنسى ونسّيني وارتاح وخلّيني يا ود الناس خلاص خليني بالجد ليلة مجنونة كانت في بيت مبروكة وقدام التكل المتواضع حقها يا جماعة بالجد دنيانا حلوة جدالكين أصلو لا عندنا بكرة تفرح بيها ولنتظرا و لا حولينا صناع مستقبل ومالا لينا في البلد حق كمان عشان كدا خلينا في جغمستنا دي أمكن نصبح يوم نلقي ناس بشه فاتو والترك دخلوا متعك الله يا مبروكة بالعافية يا صابرة يا ملح الارض في بلدنا انت من صانعة الفرح بالرغم ضيق الحياة كابة المنظر العام للحياة وظروفنا كلنا في الداخل الناس بتقول برضو بكرة ح يكون أحلي الله يصبرنا كلنا برضو جماعتك يقوليك مثياق برلين وأتفاق باريس في عينكم ياخي أنتو سبب نكسة البلد دي نحن جيل خيبه بالجد ومرض كمان خلتو كل الشعب السوداني بقي انصرفي ألله يصرفكم يا تعسا !!! ليلة مجنونة قدام تكل مبروكة بالجد دينانا حلوة هنا لكين برضو مستأين جدا والاجل ما داني!!!!!!! أنا نايم قدام التكل حسي كمان دا ما حظي كدا بكرة يقولوا دا مجنون ! ^ من يوميات مرضان في برالسودان أسمعو الاغنية دي معي https://http://http://www.youtube.com/watch?v=5AnTK7XZxAkwww.youtube.com/watch?v=5AnTK7XZxAkhttp://http://www.youtube.com/watch?v=5AnTK7XZxAkwww.youtube.com/watch?v=5AnTK7XZxAk
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
Hololy
فيس بوك
تويتر
انستقرام
يوتيوب
بنتيريست