|
|
|
 Re: ورونى رئيس واحد فى السودان اتفقنا عليهو ا� (Re: Haytham Ghaly)
|
تحياتي حرسم
وضيفه
سبقني هيثم
الجواب ببساطة
ولا واحد كويس من 1956 ولا رئيس واحد وطني ذو غيرة علي الوطن او يملك رؤية وطنية للنهوض بالوطن
خد في بالك مجزرة عنبر جودة وموت اكثر من 200 مزارع محبوسين في جملون زنك دون تهوئة لانهم طالبوا بحقوقهم .. وذلك في اول سنة حكم وطني سوداني
| |
 
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
الاخ الكريم اى رئيس جاء عن طريق الديمقراطية فهو كويس ان لم يكن في رايئ فهو في راى الاغلبية التي انتخبته احتراما للديمقراطية واحتراما للاغلبية اما الذين جاءوا عن طريق الانقلابات فهؤلاء لاتقييم لهم عندي فهم لم يكن يهمهم تقييم الشعب وكانوا لايحترموه بل يحترموا السلاح الذي جاء بهم للسلطة
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: azhary taha)
|
الأخ / محمد
سلامى و تحياتى
طبعاً كلامك صحيح مية في المية ... ما ممكن الناس في السودان
يتفقوا على رئيس أو حكم أبداً و السبب أن كل الشعب السودانى يقيس
فترة الحكم بما ربحه هو شخصياً و ما عاد عليه أما البلد فلا تهمهم أبداً ..
و اثبت لك كلامى لأنى ولدت في النصف الثانى من خمسينيات القرن الماضى
و كانت حكومة أحزاب بين الرئسين أزهرى و عبدالله خليل رحمة الله عليهما
و قبل حكم الرئيس الراحل الفريق عبود ( 1958) و ترعرعت في طفولتى خلال
فترة حكم الرئيس عبود و التي كانت تسمى ثورة نوفمبر و التي استمرت حتى أكتوبر
1964 و التي عرفت بثورة أكتوبر و جات حكومة أحزاب حتى مايو 1969 ثم جاء
عهد النميرى رحمة الله عليه العسكرى و جا تانى حكم عسكرى سلمى سموه الإنتفاضة
أبريل 1985 و بعدو بى سنة و شوية سلموا الحكم لى حكومة أحزاب تانى ... لى يونيو
1989 و جات الإنقاذ عسكرية في أولها ... و بعد كم سنة بقت أحزاب زى ما شايفنها لى
غاية الان ... من طرحى القلتو ليك دا أنا شاهد عيان على الحكومات من زمن عبود
لأنى كنت في المدرسة الأولية و لغاية الآن .... كل حكومات الأحزاب بلا استثناء كانت
حكومات نقة ساكت في البرلمان نضمى كتير بدون فايدة للمواطن إلا مجالس الونسة
و فلان داك قال و فلانة ديل قالوا ليها ... جوة البرلمان ... ما بنوا ليهم قطية ساكت
تشهد على زمنهم إلا مركز صحى في الكلاكلة القلعة و للآ الكلاكلة القبة ما عارف
سنة 1957 ... و كلما يسخنوا في بعض في البرلمان يجى عسكرى يقلبهم و هم في
نضميهم اللى هسع بتشوفوا فيهو دا ... شــوف يا محمد انا و الله لا عسكرى و لا
اشتغلت مع حكومة و لا موظف حكومة من الله خلقنى لليوم ... لكين النصيحة
بقولها إى حاجة في البلد دا واقفة حيلها من الإستقلال و لى جاى كان شغالة و للا
واقفة ... مشروع أو مدرسة أو مستشفى أو ملعب كورة او جامعة أو كلية أو ترعة
المهم أي حاجة فيها فايدة من الزمن داك لى هسع سووها العساكر و عمروا بيها
البلد من زمن عبود لليوم ... ربنا يجزيهم خير ... و تعرف الناس يقولوا ليك العساكر
سفوا البلد و أكلوا القروش و نهبوا و و و زى كلام اليام ديل زاتو المسيخ الما بكمل
و لا هم بيشبعوا منو ... و لامن يمشوا العساكر الناس تكتشف إنهم ما اكلوا حاجة
و لا نهبوا ... عبود الله يرحموا شفناهو بعد زمن طويل من شالوهوا و جا زمن نميرى
ناس سوق الخضار لامن يجى السوق يسووا مظاهرة وراهو ... ضيعناك و ضعنا معاك
ربنا يرحمو ... و اظنك حضرت زمن سوار الدهب ربنا يديهو العافية ... الوكت داك أول
زمن ناس الكلاكلة يستحموا فيهو بالدش ... كان الحمام بالجردل و الموية بالبرميل ..
سلمها للأحزاب على احسن حال ... خزينة ملانة فاصوليا و كل الإحتياجات من بترول
و قمح و دقيق متوفرة ملح .. يعنى مجاناً ... جوا ناس الأحزاب تاااااااانى ساطوها ...
و رجعوا لى عادتهم القديمة بتاعة الخلاف و السباب لامن جووها ناس البشير ديل
ظبطوها شــديد لى يوم الليلة ... الجماعة قالوا ما دايرين عسكر ... كتر الله خيرهم
قالوا ليهم سووا أحزابكم و تعالوا .... أحزاب برضو إكتسحوها ... دى مش أحزاب
زى ديك ؟؟؟ بس المتعودين يا يكونوا حاكمين هم أو يبوظوها قاموا تاااااااانى و المرة
دى عديييييل مشوا إستعانوا بالأمريكان و مجلس الأمن عشان يدخلوا البلد في الضيق
الإنت شايفو دا ... هم بيخوفوا الناس التانيين عشان ما يتعاملوا مع الحكومة .. و كل مرة
داخلين البلد بى محل و الحكومة ربنا ينصرها يقوم واحد تانى يلم ليهو خمستاشر ستاشر
نفر و يقول الهامش و المركز و شنو ما بعرفو ... و ناسك الزمان ديلك يحمسوا في الطار
و السبب شنو ؟؟؟ مصلحة البلد ؟؟؟ لا طبعاً و ألف لا .... منافع شخصية مكشوفة و معروفة
و ضحك على المساكين بتاعين النقة الزمااااااااان ... و في الاخر أمر الله ياهو دا ماشى ...
معليش طولتَ عليك بس في الخير بقول ليك احسن ناس حكموا السودان ... هم عبدالله خليل
رحمة الله عليه بصفته العسكرية لأنو سلم الحكم لى عبود ... و تانياً الفريق عبود زاتو الله
يرحمو ... و تالتاً جعفر النميرى الله يرحمو ... و رابعا المشير سوار الدهب .. لأنو زمنو
كان زمن بركة تقيلة .... و خامساً المشير البشير و هو عندى أحسنهم ... و كلهم السبقوهو
حَسُنين .... بس هو احسنهم لأنو ربنا جابو في ظروف صعبة و مع ذلك البلد في زمنو
عمرت و اتقدمت شديد ... حتى الراعى في خيمتو بقى عندو موبايل ثريا و مكيف هواء
و لاندكروزر أو بوكسى دبل قبينة قدام خيمتو ... أما ناس الديمقراطية و الأحزاب
فأسأل الله ان يغفر لهم و لنا ... ضيعوا كم سنة من عمر البلد منضمة في الفاضى.
و إن شاء الله ربنا يحفظ البلد و الفيها كلو من ناسها لى واطاتها ..
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: مامون المعتصم أحمد)
|
مرحب صاحب البوست وضيوفه،
طبعاً عدم الإتفاق على شخص واحد في حد ذاته شئ صحي.
لكن من هو هذا الشخص الذي يجب أن (لا نتفق) عليه؟
السؤال بصيغة أخرى، هل المشكلة هي من يحكم السودان أم كيف يُحكم السودان؟
نحن (الشعب) اتفقنا على شكل الحكم في أكتوبر 1964 وفي أبريل 1985 أكّدنا على رغبتنا تلك. لكن ما حدث في مايو 1969 وفي يونيو 1989 وقبلهما في نوفمبر 1958 لم يكن خيار الشعب، بل قرار أفراد أتاح لهم وجود السلاح في أيديهم تنفيذ قرارهم.
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد أبوالعزائم أبوالريش)
|
سلام يا حرسم وضيوفه
أنا في رأيي أسهل نضع المعايير التي يجب أن يكون عليها الرئيس ( الكويس)
يعد ذلك نختبر في عهد أي رئيس كانت مطبقة يعني على سبيل المثال
1- العدل وتطبيق مبدأ المواطنة يتساوى فيه الناس لكل من يحمل الجنسية
- المساواة في الحقوق
- نكران الذات وتغليب مصلحة الوطن على المصالح الذاتية
- حفظ حدود الوطن
- درأ الفتن والصراعات الأهلية .
- تقوية الأقتصاد بأستغلال الموارد الأستغلال الأمثل
- خلق الفرص الوظيفية ومحاربة العطالة . وحاربة الفقر والفساد .
- توفير العلاج المجاني لكافة المواطنين .
- توفير التعليم الأولي ويكون الزامي لحد عمر معين .
- توفير فرص التعليم العالي ومجانيته للمؤهلين من حملة الشهادة الثانوية
- تقوية التعليم الفني وتحضير الكوادر الوسيطة والأيدي العاملة الماهرة التي تدير عجلة الانتاج .
- توفير المدخلات الزراعية ودعم المزارعين وتمويل المواسم .وشراء الانتاج وتسويقه وفتح أسواق تصدير خارجية جديدة وتوسعة القائمة أصلا.
- أتاحة فرص الاستثمار للمستثمرين الجيدين الجادين والقادرين والزامهم بشروط تنموية للمناطق التي تقام بها المشاريع ..
هذا غيض من فبض
و يصبح السؤال هو هل طبقها أي من الرؤساء السابقين حتى يجمع الناس عليه أنه رئيس كويس ؟
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: درديري كباشي)
|
سلام حرسم
هل انحنا كنا دولة واحدة قبل التركية؟....معروف نحنا كنا ممالك مملكة النوبة فى الشمال....مملكة البجة فى الشرق....مملكة جبال النوبة فى الجنوب....ومملكة الفور فى الغرب...ومملكة الفونج فى الوسط....جمعونا الاتراك فى دولة من دون مشورة....هذا يعنى السودان اتكون دون رضاء الجميع....ومن الصعب الاتفاق على رئيس واحد....والان العمل جارى على تكوين دويلات كما كانت فى الماضى....دولة جنوب السودان انفصلت والبقية فى الطريق.....لا نكذب على انفسنا ....لا يوجد اى برنامج من اجل وحدة حقيقة تجمع اهل السودان....اما الشعارات الوحدة دا كلام جرايد ساكت...ما دام الناس قاعدة تتفرج ساكته لاعمل من اجل الوحدة ولا عمل من اجل تقسيم السودان....من الافضل الناس تقبل بى المخطط الدولى لتقسيم السودان الى خمس دول متجاورة....تعيش فى امن وسلام كما فى الماضى.
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: أيمن نواى على)
|
مع إنه السؤال مصاغ بطريقة ملولوة
لكن برضو بدي فرصة لنقاش مفيد
اولا طبعا إتفاق بنسبة مية في المية
أو نسبة قريب منها
ما حصلت لبشر
ولا حتي العباد متفقين بنفس النسبة علي رب العباد
ثانيا
الطريقة الوحيدة البتعرف بيها إتفاق الناس علي رئيس
هي الإنتخابات الحرة النزيهة وصندوق الأقتراع
غير كدا
الإتفاق علي رئيس من أو الإختلاف حوله ملاواة كلام ساكت
تالتا
قطع شك إتفقنا علي رفضنا لكل الرؤسنا الحكمونا
غصبا عنا بالدبابة والبندقية وإعتقال المعارضين وتعذيبهم
أسقطنا منهم إثنين والدورة ماشة
علي الديكتاتور الأخير في تاريخ أمتنا بإذن الله
كل الرؤساء الحكمونا برضانا كانوا خير ما يكون
الازهري والمحجوب الذين رفعا علم الإستقلال
والصادق المهدي مناهض الديكتاتوريات الأكبر
والديمقراطي الأعظم
كلهم دخلوا تاريخ بلدنا من أعظم أبوابه
أما الديكتاتوريين فقد دخلوا التاريخ من باب الخدم
وخرجوا منه مطرودين وبالشلوت
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: Abureesh)
|
حبيبنا حرسم
تحياتي ..
| Quote: ورونى رئيس واحد فى السودان اتفقنا عليهو |
ماف وسوف لن يحدث
جدلية الحاكم والمحكوم والرضا عن الحاكم جدلية قديمة متجددة
نهايتها تؤووووول الى ما لانهاية
لو كان هناك اتفاق لأتفق الناس حول الرسول صلى الله عليه وسلم
ولو كان هناك اتفاق لاتفق الناس حول سيدنا عمر بن الخطاب بعدله وورعه
ورغم عدل الفاروق الا أنه مات مقتولا ..
اتفاق نهي بالكل ...
| |
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: الامين موسى البشاري)
|
عبدالحفيظ ابوسن
صديقى الاجمل دوما هنا
كل عام وانت اسعد يارب
واحدة من اهم الاتجاهات التى وهبتنا الضبابية التى نحن فيها هى الاسئلة ونوعيتها
ان تاريخ السودان كله بلا نموذج ذهنى نحاول ان نسعى الى تطبيقه لذا فان كل محاولاتنا تبقى محاولات للركض فى الظلام فى مضمار (الوعى الجمعى)
واحدة من مآسينا اننا لم نجد من يستطيع ان يحقق احلامنا ولو بنسبة 60% او 70%
كما حدث فى تاريخ كثير من الامم
انتظر عودتك اكيد
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
azhary taha
الاخ الاكرم
ان مسألة الد\يمقراطية دى فيها نظر
بالذات العندنا دى
تجربتنا فى الحالتين (عسكر وديمقراطية ) لم تكن الانسب لانهما تجربتنان لم تؤسسا لمناخ يسعنا جميعا
ولا كنا مستعدين لانتاج ما يمكن ان يشبع آمالنا بانتظار (جودو) او ( عمر)
ان اجهاض تجربة الديمقراطية ليست مسؤلية العسكر لوحدهم انما ايضا مسؤلية الجماهير التى خرجت تؤيد وتصرخ
وتغنى
وتمدح
ثم تعود لتشتم وتردح
ثم تندم
الكلام طويل
ولكن دعنا نتقدم
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
محمد أبوالعزائم أبوالريش
تحياتى ومساء سعيد
ولذلك قلت فى المداخلة التى تلى السؤال
ما هى المعايير التى يجب ان نتفق او نضع وبصلة ومناخ ليثمر وينتج لنا ما يجعل التوفيق وليس الاتفاق ممكنا
ان الاختلاف سنة الحياة وهناك قضايا متشعبة ومتناقضة احاينا ولا مكان لاجتماعهما
ولكن يبقى
البحث عن صيغ تفتش عنا اجده يشبهنى وتجده يشبهك بشكل ما
وما يحز فى نفسى من حشرجة السؤال هو اننا لماذا لم نجد السياسى المثقف المفكر الوطنى الذى ياتى منه نور الخلاص
لم لم نجد؟
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
درديري كباشي يا صديقى الجميل
دوما تأتى كما اشير واتجه
تصدق يا درديرى قاعد ازعل جدا لما واحد يقول لى السودان سلة غذاء العالم وانو اكثر الموارد التى تحت الارض اغناها السودان
وانو الثروة الحيوانية هى اكبر ثروة
وان الصمغ العربى
وانو المياه متوفرة
وانو
وانو
ما ينقصنا بالفعل من هو الذى يضع لنا البوصلة واليصنع لنا المناخ الذى من خلاله نستطيع ان نتوطن
ان الخلاص هو فى صناعة السؤال الاهم
وفى صناعة الاجابة
بدل الركض خلف الف وجه والف امل والف قائد والف ضمير والف ميل
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
Quote: مع إنه السؤال مصاغ بطريقة ملولوة
لكن برضو بدي فرصة لنقاش مفيد
اولا طبعا إتفاق بنسبة مية في المية
أو نسبة قريب منها
ما حصلت لبشر
ولا حتي العباد متفقين بنفس النسبة علي رب العباد
ثانيا
الطريقة الوحيدة البتعرف بيها إتفاق الناس علي رئيس
هي الإنتخابات الحرة النزيهة وصندوق الأقتراع
غير كدا
الإتفاق علي رئيس من أو الإختلاف حوله ملاواة كلام ساكت
تالتا
قطع شك إتفقنا علي رفضنا لكل الرؤسنا الحكمونا
غصبا عنا بالدبابة والبندقية وإعتقال المعارضين وتعذيبهم
أسقطنا منهم إثنين والدورة ماشة
علي الديكتاتور الأخير في تاريخ أمتنا بإذن الله
كل الرؤساء الحكمونا برضانا كانوا خير ما يكون
الازهري والمحجوب الذين رفعا علم الإستقلال
والصادق المهدي مناهض الديكتاتوريات الأكبر
والديمقراطي الأعظم
كلهم دخلوا تاريخ بلدنا من أعظم أبوابه
أما الديكتاتوريين فقد دخلوا التاريخ من باب الخدم
وخرجوا منه مطرودين وبالشلوت |
اخونا ناصر
صبح الخير وكل عام وانت ب الف خير
بالضبط ما اريد قوله من الحوار دا انو نحن لسه ما متفقين على معايير عشان نتحدث بموجبه للرفض او القبول
لذلك جايطين جوطة شديدة
يجى عبود نصفق ونكورك ليهو
شوية نزهج منو ونسمع كلام زول قاعد فى الضلام يوسوس لينا عبود كعب
ونمرق الشارع ما عاوزتك
نمرق يمرق هو
وبعدين نندم عليهو (ضيعناك وضعنا معاك)
ونفس الاسطوانة دى
وهسى الحال البيجى بعد البشير
ح نقول والله البشير كان احسن لينا
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: محمد عبد الله حرسم)
|
Quote: بالضبط ما اريد قوله من الحوار دا انو نحن لسه ما متفقين على معايير عشان نتحدث بموجبه للرفض او القبول
|
ما في الديمقراطية المسألة واضحة
الزول البيتفقوا عليه غالب السكان بيبقي الرئيس
يعني الإتفاق بتاعنا وضح من صندوق الإقتراع
ودا المقياس الوحيد لشعبية أي رئيس
(يعني سؤال مجاوب عليه من أساسه
لو أصلا ما أتفقنا عليه ما كان بقي الرئيس)
| Quote: يجى عبود نصفق ونكورك ليهو |
ما ممكن إنت مشيت لصندوق الإنتخاب وإخترت الرئيس العاوزه
ما ممكن تصفق لواحد قلع السلطة غصبا عن الشعب
ورئيسه المنتخب طواعية وبحرية
(ما في زول صفق وكورك لعبود ولا يحزنون)
تصفق للحاكم العسكري لأنك خايف من البندقية الفي إيده ولا أيد حرسه
ولا في إيد العسكري الماشي في الشارع
مش لأنك بتحبه ولا عارف عنه حاجة
(عشان كدا علماء المسلمين قالوا لا بيعة لمغتصب
لأنه فيها إكراه)
قطع شك الصفقوا وهللوا ديل ما الشعب الإنتخب
ديل أرزقية وإنتهازية وشعب كل حكومة
ما في حل تجيب رئيس يتفق عليه غالب السكان إلا بالديمقراطية
الباقي دا هيلمانة عسكر فارغة ضيعت عمرنا وعمر شعوب كثيرة
الشعوب ما بتتقدم إلا تخلص من حكم العسكر
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: Nasr)
|
| Quote: الشعوب ما بتتقدم إلا تخلص من حكم العسكر |
اسمح لى ان اختلف مع سيادتك استاذى
هى القضية ليست بهذه الميكانيكية , يعنى ممكن تحت ظل حكم عسكر يحصل تقدم وتحصل تنمية ويحصل نهوض .. تجربة الزعيم الخالد " جمال عبد الناصر " من 1954 - 1970 بعد تنحية " نجيب " احدثت نقلة جبارة للغاية
انقلاب يتحول الى ثورة - بمفهوم الـ العلوم السياسية - , والثورة هى احدث تغيرات جذرية , ونجد انو ثورة شعبية لا تستحق اسم ثورة لانها لم تقدم تغيرات جذرية مثل 21 اكتوبر 64 السودانية و 25 يناير المصرية
وديل نتكرم عليهم باسم هبات شعبية , " ناصر " اجدث انقلاب طبقى جبار فى بنية المجتمع المصرى واصبح ابن الزبال قاضى ووكيل نيابة وطالب فى الكلية الحربية .
الناصرية علامة فارقة فى تاريخ دول العالم الثالث كلها , وهى تجربة عسكرية .
فى المقابل دولة ديمقراطية مدنية ممكن جداً تكون متعثرة وغير قادرة على النهوض - لبنان كمثال فى المنطقة العربية - , وممكن دولة تكون لا مدنية لا عسكرية وتحدث فيها طفرات هائلة ومذهلة على مستوى التحديث
والتأثير السياسى فى اقليمها _ الامارات العربية المتحدة , ودولة قطر _ .
هناك اخ فاضل كان بيكرر ايام هزائم الهلال والمريخ انو الحل للنهوض الرياضى يتمثل فى الديمقراطية وارجاع الجيش للثكنات , برضو هنا الامور ليست بهذه الميكانيكية , لانو مصر كانت تحقق انجازات كروية مبهرة على مستوى القارة رغم سيطرة " مبارك " ! .
الاتحاد السوفيتى كان يتسيد العاب القوى لو تذكر استاذى على مستوى العالم رغم غياب الديمقراطية , وعند استعادة الديمقراطية تدهور كل شيىء حتى وصل الحال ان نسمع عن شبكات الدعارة الروسية فى مناطق مختلفة
الديمقراطية والعسكر , كلمات حمالة اوجه , واى سيناريو لا يضع للمؤسسة العسكرية دور فى المشاركة فى ترتيبات التغيير فى دول مثل السودان ومصر - سياسة الامر الواقع - سوف يجد الدبابات على مداخل قصره الجمهورى كل يومين تلاتة
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: shaheen shaheen)
|
كتب الأخ شاهين شاهين Quote: هى القضية ليست بهذه الميكانيكية , يعنى ممكن تحت ظل حكم عسكر يحصل تقدم وتحصل تنمية ويحصل نهوض .. تجربة الزعيم الخالد " جمال عبد الناصر " من 1954 - 1970 بعد تنحية " نجيب " احدثت نقلة جبارة للغاية
انقلاب يتحول الى ثورة - بمفهوم الـ العلوم السياسية - , والثورة هى احدث تغيرات جذرية , ونجد انو ثورة شعبية لا تستحق اسم ثورة لانها لم تقدم تغيرات جذرية مثل 21 اكتوبر 64 السودانية و 25 يناير المصرية
وديل نتكرم عليهم باسم هبات شعبية , " ناصر " اجدث انقلاب طبقى جبار فى بنية المجتمع المصرى واصبح ابن الزبال قاضى ووكيل نيابة وطالب فى الكلية الحربية . |
هل الزعيم عبد الناصر إنقلابي؟ إنقلب علي من؟؟
عبد الناصر (ثورة يوليو) أنهي نظام الملكية البالي
عبد الناصر أنهي نظام الإقطاع وحرر الأرض وملكها لأصحابها!
عبد الناصر ثار علي الإستعمار الإنجليزي وطرده
وعبد الناصر أحد أبرز قادة التحرر الوطني وقد دعم كافة حركات التحرر في أفريقيا وآسياوأمريكا اللاتينية
عبد الناصر هو النهضة الصناعية والزراعية والتنمية
وهو المنافحة عن حقوق الفقراء والمعدمين ومجانية العلاج والتعليم ودعم السلع
* ثورة يوليو هي ثورة إجتماعية وإقتصادية قبل أن تكون ثورة سياسية
* مايؤخذ علي ناصر والثورة هو عدم الإنتقال ـ لاحقا للتعددية والديموقراطية السياسية!
إنتهي
موضوع البوست
ليس المطلوب في عصرنا هذا وجود الفرد الملهم والزعيم الذي يلتف حوله الجميع ويحظي بإجماع كامل وإنما المطلوب هو النظام والمؤسسة لأننا في عصر المؤسسية لا في عهد تكريس
السلطة في يد وتمجيده والتسبيح بحمده ــ عصر نظام فصل وضبط السلطات الثلاث والرأيالعام والإعلام ومبدأ المحاسبة والشفافية ــ
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: كمال عباس)
|
بالعكس .. ابتدأ المشوار يا قول فتى الناصرية المدلل " عبد الحليم حافظ " .
23 يوليو 1952 هى انقلاب عسكرى , بتخطيط سرى وساعة صفر , وعدم علم قيادات عليا ودنيا فى الجيش المصرى بالتحرك , وتنظيم سرى اسمه الضباط الاحرار .
25 مايو 1969 , ثورة ولاّ انقلاب .
الانقلاب العسكرى الذى تحول الى ثورة هى تجربة 23 يوليو لانها احدثت تغيير طبقى جذرى .
| Quote: هل الزعيم عبد الناصر إنقلابي؟ إنقلب علي من؟؟ |
الانقلاب لغوياً :- واحدة من معانيه (( الانْقِلابُ تغييرٌ مفاجىءٌّ في نظام الحكم يقوم به في العادة بعضُ رجال الجيش )) .
" عبد الناصر " انقلب على _ وانا هنا انقل من سيادتك _
1
| Quote: نظام الملكية البالي |
2
3
| Quote: الإستعمار الإنجليزي |
انقلابى ليست سّبة او مذمة , " هاشم العطا " انقلابى , " بابكر النور " انقلابى ورهط من اشرف رجال المؤسسة العسكرية فى 19 يوليو 1971 هم انقلابيون , وانا احبهم واقدسهم لله ورسوله .
شهداء رمضان فى هذا العهد الغيهب من المؤسسة العسكرية هم انقلابيون .
تعبيرى ثورة وانقلاب , تعبيران لا يحملان مفهوم واحد جامد متفق عليه , مثلاً رجال حزب " الوفد " المصرى لا يعتبرون ما حدث فى 23 يوليو ثورة , الراسمالية الطفيلية المصرية تعتبر 30 يونيو ثورة و25 يناير هوجة شوية عيال الخ , البعض يعتبر ان 25 يناير ثورة و30 يونيو ثورة مضادة
بعض من افراد النخبة السودانية المحترمين لديهم اعتقاد ان مايو ثورة ظافرة ومنتصرة بأذن الله انحرفت عن المسار _ استاذتى امال عباس العجب كمثال _ الخ .
حديث سيادتك استاذى / كمال عن محاسن " ناصر " , يكفى ان اقول لك ان اللوحة الرئيسية فى شاشة لاب توبى هى له , وهذا يدل على مرونتى فى التعامل مع مفهومى انقلاب وثورة ومدنى وعسكرى .
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: shaheen shaheen)
|
فى كثير من الاحيان يصيبنى الاندهاش من طريقة تفكير النخب فى قضايا مصيرية وكانهم لم يكونوا جزءا من الشعب
ان السيطرة على شعب من خلال قلة تمسك بمراكز ضغط كالمال والامن والقانون والارض والعرض
هى اهم ادوات السيطرة على حركة شعب يقاد كالقطيع
ان كثيرا من الاقوال الفاضلة التى تتبنى بصدق الاخلاق والقيم
تبدو كذلك فى ظاهرها بينما هى تقود الى الاتجاه المعاكس
انا شخصيا كنت احد متحركى ابريل وحين انقشع الضباب وبانت الامور واستقرت فى مدينتى فى بورتسودان
عدنا الى اماكننا لنرى فجأة من هم القادمون الجدد
وجدناهم اكثر الناس الذين كانوا فى عالم السكوت والغائبون
لماذا
لان الديمقراطية تحتاج شعبا واعيا
ابن شعبك اولا
ثم طالب بالديمقراطية كما تشاء
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: منتصر عبد الباسط)
|
Quote: الامور لا يحكم فيها بهذا التعميم ....لكل رئيس حسنات وسيئات بنسب متفاوته ...
وقد ينغم الناس على رئيس لسيئات معينة رغم كثرة حسناته ويأتي من هو أسوأ منه
نعم لكل عهد سيئات وأكثر العهود سوءات وطامات هذا العهد ...
وجيب الحسابه واحسب |
منتصر عبد الباسط
لك التحية
الفكرة اننا دولة غير ناضجة بعد
واننا دولة هشة
ما اخافه
ان اول ضربة يهتز ويتساقط الكيان كله فنقول كما دوما
ياريت اللى جرى ما كان
| |
|
|
|
|
|
|
|
|
|
Re: ورونى رئيس واحد فى السودان اتفقنا عليهو ا� (Re: بلال زكريا)
|
الأخ حرسم لك كل التقدير والتحايا لك ولزوارك الكرام في تقديري أنه لا يجب أن نلوم من حكموا السودان في أسباب فشله بل يجب علينا أن نبحث عن العلة الحقيقية .. وهي بكل أسف فينا نحن.. نحن الفاشلون أمة وحكاما.. شموليون و ديمقراطيون.. الواقع والذي لا جدال فيه أن السودان يوم أن غادره الإنجليز كان أفضل من السنوات التي تلته .. مما يعني عدم قدرتنا نحن كسودانيين على إدارة دولة في حجم السودان بكفاءة ترقى به إلى مراقي الأمم المتقدمة.. وأنا أقول بمسؤولية الشعب السوداني عن الفشل لأنه هو القائم على شؤون البلاد الإدارية والتنفيذية والإقتصادية فمثلا تدهور السكة الحديد أنا لا أحمله لنميري كما يفعل معظم السودانيين بل أقول أن المسؤول عن تدهور قطاع النقل في السودان هم العاملون فيه من أكبر مدير إلى أدني خفير.. وكذا الحال بالنسبة لمشروع الجزيرة و الخطوط الجوية السودانية ( ضربت المثل بهذه المؤسسات الإقتصادية والتي كانت إثنتان منها بالإضافة لميناء بورتسودان تشكل عائداتها أكثر من 80 % من إيرادات الحكومة) وكل وزارات الخدمات الصحة والتعليم والداخلية .. كل هذه المرافق الحكومية نقوم بادارتها نحن الشعب السوداني وكلها تدهورت فلماذا نحمل الوزر ستة أو سبعة من الحكام وننسى أنفسنا.. هذا التدهور الذي حدث في السودان أكبر من مقدرة هؤلاء الرؤساء ووزارئهم على التدمير.. هذا جهد أمة بحالها.
| |
|
|
|
|
|
|
| |
محمد عبد الله حرسم
عبدالحفيظ ابوسن
azhary taha
مامون المعتصم أحمد
محمد أبوالعزائم أبوالريش
nazar hussien
مهند سوركتي
أيمن نواى على
Nasr
Abureesh
الامين موسى البشاري
shaheen shaheen
كمال عباس
منتصر عبد الباسط
بلال زكريا
الأمين عبد الرحمن عيسى
فيس بوك
تويتر
انستقرام
يوتيوب
بنتيريست