|
Re: مبالغة عزة النفس في السودان (صور) (Re: Adam Youssif)
|
سلام موضوع جميل في طرحو ومهم في حاجة شكلك نسيتها الكماسرة ديل عالم تاني، وبالذات مع الطلبة
خلي المصريين اهل الفهلوة ،، السوري لو خشيت محل داير تشتري حاجة بنزل ليك بضاعة المحل كلها وممكن عادي تطلع وما تشتري منو وما تسمع غير على راسي ولك تكرم والحاجات دي. ولو خشيت المطعم يجوك تلاتة واحد يمسح التربيزة والتاني يجرجر الكراسي وقبل ما تقعد زي الناس يكونوا جابوا ليك السلطة والمقبلات ودا في اي مطعم عادي ناهيك عن المحلات الفاخرة في بلدنا خالطين الشغلانة ملخبطين بين عزة النفس والقطامة عشان كدا تتعدد الأمثلة والقطامة واحدة
تحياتي
| |
|
|
|
|
|
|
Re: مبالغة عزة النفس في السودان (صور) (Re: Adam Youssif)
|
سلام موضوع جميل في طرحو ومهم في حاجة شكلك نسيتها الكماسرة ديل عالم تاني، وبالذات مع الطلبة
خلي المصريين اهل الفهلوة ،، السوري لو خشيت محل داير تشتري حاجة بنزل ليك بضاعة المحل كلها وممكن عادي تطلع وما تشتري منو وما تسمع غير على راسي ولك تكرم والحاجات دي. ولو خشيت المطعم يجوك تلاتة واحد يمسح التربيزة والتاني يجرجر الكراسي وقبل ما تقعد زي الناس يكونوا جابوا ليك السلطة والمقبلات ودا في اي مطعم عادي ناهيك عن المحلات الفاخرة في بلدنا خالطين الشغلانة ملخبطين بين عزة النفس والقطامة عشان كدا تتعدد الأمثلة والقطامة واحدة
تحياتي
| |
|
|
|
|
|
|
Re: مبالغة عزة النفس في السودان (صور) (Re: tabaldy)
|
Quote: في حاجة شكلك نسيتها الكماسرة ديل عالم تاني، وبالذات مع الطلبة |
يا tabaldy مالك ياخ على الكماسرة ديل بالغت ياخ الكمساري دة اشجع مواطن في السودان ... . . هو الذي ينادي الثورة الثورة الثورة . امام اعين رجال الشرطة و المخابرات . كم انت كبير ايها الكمساري بس ماف زول فاهمك هههههههههههههههههههههه لكن من المفارقات هو نفس الكمساري بقول ودالبشير ود البشير هههههههههههههههه تحياتي
| |
|
|
|
|
|
|
Re: مبالغة عزة النفس في السودان (صور) (Re: Adam Youssif)
|
الاخ /ادم
موضوع فى عاية الاهمية وده الحاصل
قبل يومين انا بحكى نفس الكلام بس مختصر لجماعة هنا فى الرياض
وانا لدى تجربة
مشيت عشان ابنى لى بيت واتعاملت مع مختلف الفئات ال انت ذكرتهم هم نفس الاسلوب تلقاهو من كل واحد
مرة مشيت جبت كهربائى من شارع 1 بالحاج يوسف وقلت ليهو انا عاوز اركب عدد 2 مروحة سقف و3 لمبات 2 قدم فى راكوبة مطبخ معمول فيهو الذنك وعشان المشوار بعيد لغايت حى النصر قلت ليهو تقريبا كم قال لي مليون ( 1000جنية بالجديد ) قلت ليهو ما كتيرة قال لى ده كلامى وشوف زول تانى والدنيا صباح قلت ليهو يا زول انت عاوز تسترزق ول بس شايل عدتك وشغال حاج تانى قال لى ما تكتر الكلام وماامشى معالك
شفت كيف ونماذج كتيرة جدا الا من رحم
| |
|
|
|
|
|
|
Re: مبالغة عزة النفس في السودان (صور) (Re: Adam Youssif)
|
تحياتي للجميع هنا تاجر عندنا هنا جاتو مرة .. دايرة جك قزاز .. قال ليها بي 25 ج وهي قالت 15 بعد مجابدة وافتح الله ويستر الله هو وصل معاها 20 .. ورفضت السعر .. ومرقت منو لفت السوق ولقت سعرو ارخص .. جات راجعه ليهو انت يا حاج قلت لي الجك بي كم قال ليها كدي جيبي لي المرة اتناولت الجك وادتو ليهو شال الجك ضرب بيهو الواطة حتي تناثرت قطعة وقرب يقد عينها من تطاير الزجاج اها بعد دة دايرة شنو مرقت بس
| |
|
|
|
|
|
|
Re: مبالغة عزة النفس في السودان (صور) (Re: عمر عثمان عبد الوهاب)
|
اخونا عمر عثمان عبدالوهاب صحيح انحنا ما بنفع نسوق عن نفسنا زي اخوانا المصريين والشوام في الحتة دي بنفشل مع ان الجماعة اعلاه تلقاهم ما عندهم اي مؤهلات بس فقط حالقين صلعة ولابسين بدل وحركات في الشركة تسمع ليك صوت كعب عالي كع كع كع تقول دي مزة حلوة جاية بعد شوية تسمع ليك واحد يقول : سامعليكم تلقاهو مصري كاشخ لابس جزمة ام كعب ههههههههههههه تحياتي
| |
|
|
|
|
|
|
Re: مبالغة عزة النفس في السودان (صور) (Re: سفيان بشير نابرى)
|
هلا اخى ادم موضوع فى غاية الطرافة و الظرافة
مره عندنا زملينا فلسطينى كل مرة بيحلق عند حلاق
هندى ، و المصرى جار الهندى ساكت و ما قادر
يدعو الفلسطينى ، اهه قوم يا هندى يوم حلاقة الفلسطينى
يكون قافل اخونا دخل عند المصرى و خجلان ، قام المصرى
يرحب بيهو و عمل ليهو مساج للراس و المهم يرحب بيهو
الفلسطينى قاليهو هوى ما تتعب ساكت هى خمس ريال بس
المهم ساعة الدفع المصرى قالو خلى يا بيه اخونا الفلسطينى طوالى
طلع و قال ليهو ما قصرت و فات خلاهو. اهه قوم المصرى كلم
الهندى ، الهندى طلع راجل و دفع الخمس ريالات للمصرى.
النهاية بعد كم يوم اخونا الفلسطينى مره و ما سلم على المصرى
قام قال ليهو ما عليك كومارالهندى دفع يا بيه مما اضطر ابو فلص
للدفع للهندى.
| |
|
|
|
|
|
|
Re: مبالغة عزة النفس في السودان (صور) (Re: عمر عثمان عبد الوهاب)
|
Quote: عشان كده فشلنا في مهنة التسويق ومناديب البيع |
تحياتنا للجميع في مناديب البيع ما كتار في مناديب الشركات والمعقبين معلمين لانو حنكم سنين .. وعندهم صبر ومحبوبين في الشغلة دي .. لكن الكسر الجك دا بكون احمق ساي والبقول ليك ما داير امش دا بكون باع كويس وامورو طيبه
| |
|
|
|
|
|
|
Re: مبالغة عزة النفس في السودان (صور) (Re: عزالدين عمر)
|
عزة نفس بتاعت شنو
الموضوع دا محتاج تسويق و خدمة زبون
Marketing and Customer Service
شغلانتين كل واحده فيهم علم قائم بذاته يدرس في الجامعات و في جزء الإنسان بيكتسبه بالفطرة و الخبرة و طول الزمن لكن نحن الشغلانتين ديل بشقيهم ما عندنا منهم حاجة والله صفر عديل كدا
Sudanese Marketing and Customer service=GIG ZERO
إلا القليل منا
الموضوع ما عندو أي علاقة بعزة النفس و الإنفة و ما شابه ذلك
غباء و جهل ما أكتر
| |
|
|
|
|
|
|
Re: مبالغة عزة النفس في السودان (صور) (Re: Mohd Ibrahim)
|
تحياتي أخي آدم يوسف
مقال في الصميم وواقعي.
وهنا تلخيص الحال والمآل :
*** ﻣﻤﻜﻦ ﺗﻘﻮﻝ ﺷﺨﺼﻴﺘﻨﺎ ﻣﺮﻛﺒﺔ ﻋﻠﻰ ﺍﻻﻧﻔﺔ ﻭﻋﺰﺓ ﺍﻟﻨﻔﺲ .. ﻟﻜﻦ ﻳﺎﺧﻮﺍﻧﺎ ﻋﺰﺓ ﺍﻟﻨﻔﺲ ﻣﺎ ﺑﺘﺘﻨﺎﻓﻰ ﻣﻊ ﺣﺴﻦ ﺍﻟﺨﻠﻖ ﻭﺍﻛﺮﺍﻡ ﺍﻟﺰﺑﻮﻥ ﻭﺍﻟﻜﺮﻡ ﻣﻦ ﺷﻴﻤﻨﺎ .. ﻣﺎ ﺍﻟﻤﻔﺮﻭﺽ ﻧﺤﺼﺮﻭ ﻟﻠﻀﻴﻒ ﻓﻘﻂ .. ﺍﻛﺮﻡ ﺍﻟﻀﻴﻒ ﻭﺍﻟﺰﺑﻮﻥ .. ﻭﺍﻟﻔﻲ ﺍﻟﺸﺎﺭﻉ .. ﻭﺍﻛﺮﻡ ﺍﻟﺘﺎﺟﺮ ﺫﺍﺗﻮ ..
***
دمتم
| |
|
|
|
|
|
|
Re: مبالغة عزة النفس في السودان (صور) (Re: آدم صيام)
|
صاحبي اشتغل في مصر كتير جاء السودان شارك قريبه في كشك جرائد وجمبو إشارة مرور أها العربات بتقيف في الاشارة ويكورك ليه سيد العربية جيب لي الجريدة الفلانية .. قريبه يعمل فيها ما سامع ولما صاحبي يقول ليه مالك ما مشيت ليه يقول ليه أنا فاتح كشك العاوزني يجيني هنا صاحبي طوالي جاط فيه وبقى لما سيد العربية يكورك ليه يجري ليه جري شايل جريدته البشتريها لقوا إنه بيع الجرائد لي ناس العربات ماشي اكتر من البيع لعملاء الكشك لأنه ناس العربات اتعودوا على الخدمة بالإضافة لي إنهم بيخجلوا من مشوار الراجل المبتسم البقول ليهم معليش اتأخرت عليكم رغم إنه جاييهم جاري وطوالي هم في حالة خلي الباقي عشانك بقت الجريدة البتجيهم بي جنيهين ويكسبوا فيها جنيه بقوا يكسبوا فيها 3 جنيه لأنه سيد العربية بديهم 5 جنيه والإشارة تفتح قال لي بقيت اعمل حركات المصريين واعزل المرتاحين .. الواحد العربيته سمحة وبيجي مركب معاهو زوجته قدام وولدهم وراء بقوم لما اشيل ليه الجريدة بجيب معاي مجلة اطفال لي ولدهم واقول ليه دي هدية من عمك .. طواااالي صاحبك والمدام يتحرجوا من العامل المسكين البعزهم المقطع روحه عشانهم وبكرة بنزلوا الكشك يشتروا كمية من مجلات الاطفال لي ولدهم عشان عجبتو مجلة أمس ويزغموا سعر مجلة امس في النص بي حنك خلي الباقي عشانك. قال لي قريبي بقول لي أيوة انت بتعمل قروش وبتربح لكن على حساب كرامتك قلت ليه يا خوي البيع ما فيه كرامة والله الزبون دة لو عاوزني أجيب ليه الجريدة في بيته دقيقتين مافي بلقاني جمب سريره .. أنا شغلتي أبيع وبس
| |
|
|
|
|
|
|
Re: مبالغة عزة النفس في السودان (صور) (Re: Adam Youssif)
|
الأخ / آدم يوسف وصحبة الكرام
تشكر على هذا الموضوع الهام ، وكما هو معلوم أن الإقتصاد يقوم في معظمه على التجارة وهذه الأخيرة تقوم في مجملها على التسويق ، وحيث أننا شعباً وحكومة فاشلين في تسويق تجارته وبضاعته لذا فإن اقتصادنا في تدهور وتراجع ملحوظ وإلا لو كنا نفهم في التسويق لكنا سيطرنا على العالم فيما يتعلق بسلعة القطن مثلاً والخضروات والفواكه وسلعة الصمغ العربي وهذه الأخيرة لوحدها يمكننا أن نتحكم فيها على جميع دول العالم لأهميتها لهذه الدول ولعدم انتاجها في أي دولة أخرى ...... شئ ثاني ملاحظ هو أن السوداني فاشل حتى في تسويق نفسه فمثلاً عند تقديمه لوظيفة ما رغم خبرته ومؤهلاته إلا أنه قد يحضر إلى المعاينة بمظهر غير لائق وريحة العرق ضاربة وربما يكون مدقر سفة ...!!!!
| |
|
|
|
|
|
|
Re: مبالغة عزة النفس في السودان (صور) (Re: Othman Al-Hasan Babikir)
|
Quote:
بتعمل قروش وبتربح لكن على حساب كرامتك قلت ليه يا خوي البيع ما فيه كرامة |
وهنا المربط
السوداني يبيع مستقبلو في سبيل كرامتو ماتتهان
وياما سودانيين تخلو عن وظائف مرموقه وهامه بسبب حتة الكرامه دي
يعني بتاع البتيخ الواقف في الحر اليفسخ ان اتلاءمته معاهو ممكن يفقش ليك بتيخه في راسك لا ويشتمك ويجر ليك عكازو
السوداني لاتشكرو قدامو لا تنهرو وهو ذات نفسو مابيقدر يشكرلو زول قدامو كسبنا الكرامه وعزة النفس والحماقه وكسبنا الصدق والامانه وثقة الاخرين بنا وخسرنا المال والطموح والرغبه في التطوير والتطلع والنظر الي المراكز العليا والقياديه
متمني اشوف لي زول يتزاهي نافخ ريشو يقول ها انا ذا
في حاجة غلت في الربايه اكيد
| |
|
|
|
|
|
|
Re: مبالغة عزة النفس في السودان (صور) (Re: Adam Youssif)
|
Quote: ﻳﻌﻨﻲ ﺍﻧﺎ ﺑﻌﺘﺒﺮ ﺍﻟﺤﻜﺎﻳﺔ ﺑﺎﻟﻄﺮﻳﻘﺔ ﺩﻱ ﻣﺒﺎﻟﻐﺔ ﺷﻮﻳﺔ .. ﻭﺍﻛﺘﺮ ﻣﻦ ﺍﻟﻼﺯﻡ .. ﻭﻋﻤﻠﻴﺔ ﺑﺘﺎﻋﺔ ﻋﺒﻂ ..... ..... ...
ﺍﻧﺎ ﻃﺒﻌﺎ ﻣﺎﻛﻨﺖ ﻋﺎﻳﺰ ﺑﺪﻟﺔ ﻭﻻﺷﻲ .. ..... ... ﻭﺳﻌﺮﻫﺎ ﺑﻲ ﻛﺪﺍ .. ﺣﻜﺎﻳﺔ ﻏﺎﻟﻴﺔ ﻓﻌﻼ .. ﻟﻜﻦ ﻭﺍﻟﻠﻪ ﺭﺟﺎﻟﺔ ﺳﺎﻱ ﺍﺑﻴﺖ ﺍﻗﻮﻝ ﻟﻴﻬﻢ ﻧﻘﺼﻮﻧﻲ .. ﺩﻓﻌﺖ ﻗﺮﻭﺷﻲ ﻭﺷﻠﺘﻬﺎ ﻭﻣﺸﻴﺖ ..
|
أها عليك الله (ﺍﻟﺤﻜﺎﻳﺔ ﺑﺎﻟﻄﺮﻳﻘﺔ ﺩﻱ ﻣﺒﺎﻟﻐﺔ ﺷﻮﻳﺔ .. ﻭﺍﻛﺘﺮ ﻣﻦ ﺍﻟﻼﺯﻡ .. ﻭﻋﻤﻠﻴﺔ ﺑﺘﺎﻋﺔ ﻋﺒﻂ ) ولا شطارة عدييييل كدة، كباية شاي ما تسوى شيء خلتك تشتري بدلة غالية لو قعدت سنة في مكانها ما بتجيها العوجة، وبتاع الخدار ما عرف يبيع كيلو طماطم الحايبوظ لو قعد يومين تاني
لاحظ (عزة النفس الغريبة) خلتك تقول
Quote: ﺍﺗﻔﺎﺟﺄﺕ ﺑﺎﻟﻤﺒﺎﻟﻐﺔ ﻓﻲ ﺍﻟﻤﻌﺎﻣﻠﺔ ﺍﻟﻜﺮﻳﻤﺔ ﻋﻨﺪ ﺍﻟﻤﺼﺮﻳﻴﻦ .. ﻓﻲ ﺍﻟﺘﺠﺎﺭﺓ .. ﻟﺪﺭﺟﺔ ﺍﻟﺘﻤﻠﻖ ﻭﺍﻟﺘﺬﻟﻞ . |
وكأن لسان حالك يقول "والله لو كنت بياع ما أستقبل الزباين وأتملق ليهم كدة"
حقيقة يا أخ آدم نحن "ﻋﻨﺪﻧﺎ ﻓﻲ ﺍﻟﺴﻮﺩﺍﻥ .. ﻋﺰﺓ ﻧﻔﺲ ﻛﺪﺍ ﻏﺮﻳﺒﺔ .. ﻭﻓﻴﻬﺎ ﻣﺒﺎﻟﻐﺔ ﺷﻮﻳﺔ" ومرات مبالغ فيها زيادة
نحن محتاجين نقلة ثقافية نغير فيها من لغتنا الجافة، وتعاملنا الناشف/الحاف، ياخ نحن لو عايزين نظهر أمتنانا لكرم زول بنقول "إن شاء الله يوم شكرك ما يجي"، يعني ما نشكر الزول إلا يوم موته
| |
|
|
|
|
|
|
|