|
|
|
 Re: لاول مرة في تاريخ السودان تساقط كثيف للجليد بالشمالية ( صور ) (Re: صلاح جادات)
|
| Quote: ودرجة الحرارة في الخرطوم وصلت 7 |
بالله الحكومة دى خطيرة كيف .. غيرت طقس السودان ذاتو ..
من الجليد مافى، لما بقى ينزل جليد فى البلد ..
صلاح جاطات .. وجب أسقاط الحكومة عشان الطقس ما يتغير ..
-------------------------------------------------
أنت عارف يا جاطات .. دى واحدة من حكايات ربط الأرض بأسباب السماء .. يا هو جابت ليهم جليد عدييل.
يخرب أبو الكيزان ومعارضيهم ناس جاطات ..
بريمة
| |
  
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: بريمة محمد)
|
بريمة الكوز الرمة
ها ها ها
انت ما قلت الصور ليس من السودان ومن قري مصر ( كمان حددت )
يا لغباءك ويا لبؤسك
Quote:
بالله الحكومة دى خطيرة كيف .. غيرت طقس السودان ذاتو ..
من الجليد مافى، لما بقى ينزل جليد فى البلد ..
صلاح جاطات .. وجب أسقاط الحكومة عشان الطقس ما يتغير ..
-------------------------------------------------
أنت عارف يا جاطات .. دى واحدة من حكايات ربط الأرض بأسباب السماء .. يا هو جابت ليهم جليد عدييل.
يخرب أبو الكيزان ومعارضيهم ناس جاطات ..
بريمة |
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: عبد الله شم)
|
والفرق شنو يا جماعة بين السودان ومصر.. والدولتين مناخهم وجوهم نفس المناخ .. يعني اذا
الجليد نزل في قرى مصر فمعناه من الطبيعي جدا ان ينزل كمان في قرى السودان...
وفعلا شئ اغرب من الخيال نزول الجليد في قرى الشمالية وحتى في قرى مصر لأننا لم
نشهد او نسمع ابدا من قبل ان نزل جليد في السودان...
وهذا يدل على ان هناك متغيرات كثيرة تحصل في المناخ العالمي.. واليومين الفاتو البرد شديد
جدا في ولايتي كونتيكات ونيويورك والتحذيرات في التلفزيون الناس ما تخرج بدون ملابس تقيلة
واغطية الرأس... لكن العجيبة تلقى ناس وفي البرد الشديد ده لابسين خفيف وبدون غطاء ونحن
بملابسنا التقيلة نرجف من البرد
والله يديكم الصحة والعافية
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: Abureesh)
|
يا جماعة قولوا بسم الله!!!
في تلج ولا مافي ثلج... ولو كانت دنقلا ولا حلفا ولا بارا ... المشكلة شنو؟ والمشكلة وين؟؟
درجات الحرارة منخفضة جدا بدرجات غير ما إعتادت عليه مناطق ومدن عديدة في السودان..
ده إحتمال ثلج خفيف نزل في الصباح ومع إرتفاع درجات الحرارة ذاب..
بعدين للمعلومة غالبية بيوت السودان وشركاته ومصالحه ما فيها تيرمومترات للقياس الصحيح لدرجات الحرارة..
ومحطات الإرصاد حدث ولا حرج...
كل الناس عاملا برينت سكرين من قوقل في الموبايل ودي مقاييس غير دقيقة لعدم وجود معلومات من الإرصاد السودانى...
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: سيف اليزل سعد عمر)
|
Quote: يا جماعة قولوا بسم الله!!!
في تلج ولا مافي ثلج... ولو كانت دنقلا ولا حلفا ولا بارا ... المشكلة شنو؟ والمشكلة وين؟؟
درجات الحرارة منخفضة جدا بدرجات غير ما إعتادت عليه مناطق ومدن عديدة في السودان..
ده إحتمال ثلج خفيف نزل في الصباح ومع إرتفاع درجات الحرارة ذاب..
بعدين للمعلومة غالبية بيوت السودان وشركاته ومصالحه ما فيها تيرمومترات للقياس الصحيح لدرجات الحرارة..
ومحطات الإرصاد حدث ولا حرج...
كل الناس عاملا برينت سكرين من قوقل في الموبايل ودي مقاييس غير دقيقة لعدم وجود معلومات من الإرصاد السودانى... |
ايام الفيضانات نفس الشي
مافي فيضانات مافي كوارث
لما طائرات الاغاثة حلقت في سماء الخرطوم
الاشكالية ابواق النظام لا يتورعون ولا يتخذون الحيطة والحذر من دروس الامس
الحاصل في انخفاض في درجات الحرارة يعم كل مدن وقرى والسودان
فهل استعدت الانقاذ لكوارث وازمات قادمة لاهلنا
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: محمد جبره)
|
Quote: عايز تضرب مصداقيتي في البورد ؟ اها اديك النجيضة ناس توتي قبضوا ليهم دب قطبي و قطعوا فيه قصيدة
وحمد الريح من أمس عكاف على تلحينها مغطغط ببطانيتين ... 4e |
محمد جبرة مباااااااااااااااااااااالغة لكن
يا أخي دي قوية ومجنونة جن عدييييييييييييل
أروع وأحلى وأجمل مداخلة أقراها في الموضوع ده
أحييك عهلى هذه المؤهلات العالية وماشاء الله تبارك الله
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: حامد عبدالله)
|
صلاح جاطات ..
يا منفنس ..
Quote: الصور فعلا مالية الفيس
بس للامانه انا اتصل باهلي في دنقلا وضواحيها لا يوجد اي تساقط للجليد
انا موجود بالخرطوم فعلاً درجة الحرارة وصلت ل8 في تلفوني
يمكن الجليد في حلفا او يمكن يتساقط بكرة مع انخفاض درجات الحرارة |
أها .. التقول شنو؟
الطلع كذاب منو؟ .. قلت ليك خليك فى كذب السياسة فقط.
لووووووووووووووووول .. أقبل بكراع بريمة التالتة من الخلف لزوم تكالة.
بريمة
| |
|
|
|
|
|
|
|
|
 Re: لاول مرة في تاريخ السودان تساقط كثيف للجليد بالشمالية ( صور ) (Re: haroon diyab)
|
Quote: ايز تضرب مصداقيتي في البورد ؟ اها اديك النجيضة ناس توتي قبضوا ليهم دب قطبي و قطعوا فيه قصيدة
وحمد الريح من أمس عكاف على تلحينها مغطغط ببطانيتين |
يازول دب توتي خليه الجماعة في حجر العسل قالو هاجمم قطعان من البطاريق جايين من السبلوقة خربو تيراب البطاطس كله يعني السنة دي البطاطس مافي وحا نضطر نستورد بطاطس
Quote: ايام الفيضانات نفس الشي
مافي فيضانات مافي كوارث
لما طائرات الاغاثة حلقت في سماء الخرطوم
الاشكالية ابواق النظام لا يتورعون ولا يتخذون الحيطة والحذر من دروس الامس
الحاصل في انخفاض في درجات الحرارة يعم كل مدن وقرى والسودان
فهل استعدت الانقاذ لكوارث وازمات قادمة لاهلنا |
صدق حكومة السجم دي حا تنكر الجليد لأنها فشلت في توقعه ورصده وتترك الناس ضحايا للدببه القطبية والبطاريق والصقيع ومافي بطاطس
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: صلاح جادات)
|
بريمة الكوز المقدود
عصرناك وهربت من بوستاتي
جيت تاني مشتاق للضرب ( ماسوشي )
خدودك دي قاعد تستخدم ليها بدرة شنو ؟
بفتش ليك صور المشاوي يا ارنب اذا لقيت وقت
ده كلام منو :
Quote: ------------------------------------
طالع من هنا وما جاى تانى ... وقول العايز تقولوا فينى .. وما برد عليك .. وجهة نظرى كتبها والسلام.
بريمة |
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: بريمة محمد)
|
بريمة الكوز المقدود
ها ها ها
شفتا انا بعصر كيف ...
جيب للناس صور كاملة
خاصة المنفزر فيها ( كرش ومؤخرة وخدود )
احسن ليك تجيبا براك ( بيدي لا بيد جادات )
Quote:
هاك يا جاطات .. هنا يدى فقط دون كراعى التالته ..
يلا يا أخوانا هيا إلى الشواء .. على النار الهادئة ..
----------
المرة الجاية يا جاطات .. ح أفرمك فرم ..
بريمة |
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: صلاح جادات)
|
الأخ صلاح جادات
إن شاء الله طيب
Quote: البرد يشل حركة المواطنين في "الشمالية" ويصيب الأطفال بالالتهابات الحادة
الخرطوم ـ دنقلا ـ وادي حلفا ـ المقداد سليمان
بينما وصلت درجة الحرارة في دنقلا حاضرة الولاية الشمالية إلى درجتين مئويتين، وأصيب بعض المواطنين بنزلات البرد الحادة، تطلبت إسعاف بعضهم، إلى ولاية الخرطوم لتلقي العلاج، توقع موقع أرصاد أوروبي انقشاع موجة البرد عن السودان (الثلاثاء) المقبل. وذكر موقع أخبار أوروبا للطقس، أن درجة الحرارة ستنخفض في ولاية الخرطوم اليوم (السبت) من (9) إلى (8) درجات، وأنها ستعاود الارتفاع غدا (الأحد) ما بين (11 إلى 23)، بمعدل درجة إلى درجتين، إلى أن تصل (13 إلى 27) درجة (الاثنين) المقبل، وتستمر في الارتفاع إلى (15 إلى 29) درجة، (الثلاثاء) المقبل.
ونقلت بعض مواقع التواصل الاجتماعي أمس (الجمعة) صورا قالت إنها لتساقط الثلوج في دنقلا ووادي حلفا بالولاية الشمالية لكن مواطنين بالمدينتين نفوا أن تكون تساقطت ثلوج. وكانت هيئة الأرصاد الجوية قد توقعت استمرار موجة البرد التي بدأت (الأربعاء) الماضي لأسبوعين، كما توقعت أن تصل درجة الحرارة في الولاية الشمالية إلى درجة مئوية واحدة.
توقف الحركة في وادي حلفا
وشهدت مدينة وادي حلفا بالولاية الشمالية انخفاضا كبيرا في درجات الحرارة حيث وصلت مساء أمس (الجمعة) إلى درجتين، وكشف المواطن سليم سيد آدم لـ(اليوم التالي) عن حالات التهابات ونزلات حادة وسط الأطفال استقبلها مستشفى وادى حلفا جراء موجة البرد، بجانب توقف حركة المواطنين والعربات والدراجات النارية في شوارع المدينة تماما، وتوقف الحركة التجارية بالسوق، والمخابز منذ أمس الأول (الخميس) لافتا إلى أن أسباب الأخيرة عدم توفر الدقيق، وأضاف: هناك عزوف عن السفر عبر السفريات الداخلية في المناطق القريبة بسبب الانخفاض الكبير لدرجات الحرارة، وتابع: حتى البصات السياحية غادرت للخرطوم بعدد قليل من الركاب، ولفت إلى أن الولاية لم تشهد انخفاضا كبيرا في درجات الحرارة منذ العام 1988م.
إغلاق السوق
كما شهدت منطقة الكردة التابعة لمحلية الدبة في الولاية الشمالية انخفاضا كبيرا في درجات الحرارة أدى إلى تجمد المياه وقال المواطن منصور الدرملي لـ(اليوم التالي) أمس (الجمعة) إن موجة من البرد تسببت في إغلاق جزئي لسوق المدينة أمس الأول (الخميس)، مما دفع وزارة الصحة بالولاية لدعوة المواطنين عبر الإعلام الطائف إلى وضع التحوطات اللازمة وعدم خروج الأطفال من المنازل، كاشفا عن خلو عدد من صيوانات الأعراس من الناس، بسبب انخفاض درجات الحرارة أمس (الجمعة). وكانت حكومة الولاية الشمالية قد علقت الدراسة في جميع مدارسها إلى أجل غير مسمى، بسبب شدة البرد.
تساقط الزروع
وفي السياق قال مواطنون في منطقة القولد بالولاية الشمالية إن الانخفاض الكبير في درجات الحراة أمس (الجمعة) تسبب في تساقط زهرة الفول المصري في عدد من المشاريع الزراعية وأشار إلى أن درجة البرودة تقل مما تحتاج إليه المزارع، وكشف منصور النور طه لـ(اليوم التالي) عن إصابات بالتهابات ونزلات بدأت تشهدها المنطقة، وأشار إلى ان إذاعة وادي حلفا حثت المواطنين على أخذ الحيطة والحذر وعدم السماح للأطفال باللعب خارج منازلهم، وأشار منصور إلى ضعف حركة المواطنين في الشارع.
اليوم التالي |
ونقلت بعض مواقع التواصل الاجتماعي أمس (الجمعة) صورا قالت إنها لتساقط الثلوج في دنقلا ووادي حلفا بالولاية الشمالية لكن مواطنين بالمدينتين نفوا أن تكون تساقطت ثلوج. وكانت هيئة الأرصاد الجوية قد توقعت استمرار موجة البرد التي بدأت (الأربعاء) الماضي لأسبوعين، كما توقعت أن تصل درجة الحرارة في الولاية الشمالية إلى درجة مئوية واحدة.
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: بريمة محمد)
|
Quote: Al Waleed Taha · Team leader في وكالة فرسان للسفر والسياحة
ابلع بوستيك دة يا جادات
دي من صفحة عويس في الفيس بوك
انت شكلك اي حاجة تلفاها قدامك تلفح من طرف وتجي جاري بيها هنا
المصاقية يا عالم
((( Khalid Ibrahim Ewais
ساعة واحدة ·
صباح الخير..
إعتذار واجب
الصورة التي شيرتها - أمس - على أساس أنها ثلوج في دنقلا، اتضح أنها ليست في دنقلا. أجد نفسي ملزما بالإعتذار لكم/ن جميعاً. ))))))))))))
رد · أعجبني · متابعة المنشور · 10 يناير، الساعة 12:55 مساءً |
الأخ جادات مساهمة من الفيس تحت وما يعنيني فيها هو اعتذار الزميل خالد عويس أن الصورة ليست من دنقلا
تسلم
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: يوسف الطيب احمد إدريس)
|
اخي يوسف .. مع التحية لصاحب البوست ..
أنا أذكر زمان .. نحن وفي جزر داخل النيل .. وفي شهر كيهك في الصباح الباكر قبل طلوع الشمس تجد الموية في الأزيار بها تجمد خفيف جداً ..
وأهلنا في كيهك كانوا يتمنوا البرد الشديد .. المزارع ما عليه يأخذ قرعة من النبيذ ويقاوم البرد مهما كان .. لأن نجاح القمح والفول يتوقف على
شدة البرد في فترة النمو وخاصة في شهر كيهك وهي من الشهور القبطية وربما تكون بالشهور العادية ( من منتصف ديسمبر ) لأنها فترة نمو القمح
والفول أو ( إنطلاق النمو ) .. والبرد الشديد يمنع مرض ( عسل الفول ) .. ولا يحتاج الزرع الى مياه كثيرة مما كان يوفر على السواقي .. والجازولين للطلمبات
وكذلك يمنع نمو الطفيلي ( الجرير الشخن ) .. او ما يسمى بجرير ( الكلاب ) ترجمة من النوبية .. وهي نبته من فصيلة الجرجير ولكن أوراقها خشنة ونوارها اصفر اللون ..
وإشتداد الشتاء أحسن من شدة الحر .. لأن في الشتاء تنجح كل المحاصيل النقدية مثل ( الشمار ، والقمح ، والفول ، والطماطم .. الخ ) وأهم حاجة الشمار والفول لأنهما محاصيل نقدية مجزية ..
وكما أن أكثر مرض في الشتاء ( نزلة البرد ) ما مشكلة .. الخطر هو أمراض الصيف ..
كمان تختفي العقارب والثعابين وتهدأ الحيوانات وتكون مطيعة .. حتى الكلب السعران تجدة منكفيء على نفسه ويقول أهلنا ( شهر كيهك يخلي الكلب السعران زي الكعك ) ..
وقد عاصرت عدة فصول شتاء في ماضي .. ولكن وجود أدوات التواصل هي التي ساعدت في انتشار الصورة ..
إن شاء الله محصول الشتوي حيكون ممتاز ..
أخي يوسف دي قراءة زول تربال عايش الوضع أكثر من نصف قرن ..
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: علي عبدالوهاب عثمان)
|
الأخ علي عبد الوهاب
كيفك يا صديق
أنا لا أنفي أو أؤكد كل القصة جبت خبر مقتبس من صحيفة اليوم وهي اتصلت بالناس في المدينتين ونفوا المسألة، والمصدر التاني من الفيس بقول انو خالد عويس اعتذر أنو الصورة ما من دنقلا، والخطأ الوارد أخونا جادات راجل مجهتد لمواكبة الأحداث وإذا حصل خطأ يبقى طبيعي جداً، مع تقديرنا لاجتهادات أخونا جادات.
بالنسبة لمسألة التربال يا حبيب أنا من منطقة الجيلي وهي منطقة زراعية كانت قبل مجيء هولاكو ورفاقه (الإنقاذ) المصدر الرئيسي للخضروات والأعلاف لولاية الخرطوم، لا أقول مزارع لكن درست ست سنوات يومياً بنشق الزراعة ماشي جاي، برسيم ، عيش ريف فول مصري ... الخ، وكلامك كله صحيح، وعندي خالي الله يرحمه الباشمهندس بابكر الطيب كان مدير النقل النهري في كريمة من بداية التسعينات إلى آخرها وقضيت موسم شتاء كامل في كريمة وشفت تجمد الأزيار، ففي فرق بين تجمد المياه وبين سقوط الجليد، أتمنى أن تكون وضحت الرؤية.
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: يوسف الطيب احمد إدريس)
|
مع التحية لجادات ..
فرصة أخي يوسف نحكي شوية عن ذكريات الشتاء هناك ..
أذكر عندما زار الرئيس النميري دنقلا في منتصف السبعينات وكان برفقته محمد سياد بري رئيس الصومال السابق ( رحمهم الله )
كانت الزيارة في نفس مثل هذه المواعيد يمكن عيد الاستقلال كنا معلمين في ذلك الوقت ..
درجة الحرارة كانت في تجمد .. لابسين البالطو وملفحة وعراريق وجلابية ..
وأكثر ما إنبهر له أهلنا كيف سيح كيجاب ومعاه ساره جادالله من قصر ودنميري وحتى مرسى البنطون في دنقلا ..
نميري كان عادي بالزي العسكري .. ولكن سياد بري كان متلفف بالبالطو وكان ظاهر عليه بردان مرة ..
مع التحية
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: علي عبدالوهاب عثمان)
|
علي يا طيب
البرد دا عندنا معاه ذكريات عجيبة تخيل برد زي دا وتجي شاقيه والزراعة شربانة موية فل والعجب لم يكون معاها هبوب - خليتنا نرجف من البرد - ياخي كنا بنكافح البرد بطريقة عجيبة ، كنا بنمشي بتقسيط زي 100متر وأول حاجة تقابلنا (حيطة ، شجرة، زريبة غنم ..الخ) نلبد فيها زي ربع ساعة ونقعد نفرك يدينا لحد ما ندفى شوية وتاني نتحرك ونعيد الكرة تاني والعجب لو لقيت باقي نار في لدايات ، طبعاً المزارعية كييفين شاي ومع البرد الزي دا بزيد الكيف - اللداية دي بتكون زي الدفاية الراقية في أوروبا، وأما الجلبطة بالجلسرين والفازلين وتصادفك بردة مع كتاحة كاربة بكون شكل كوميدي وخاصة أنو الموية ما تقدر تقربها إلا بعد الساعة 12، دخلتنا في حكاية حمام الصباح ودفيي الموية وقصص .. يا ريت تواصل حكاوي عن برد الشمالية.
تسلم
| |
|
|
|
|
|
|
|
|
|
Re: لاول مرة في تاريخ السودان تساقط كثيف للجليد بالشمالية ( صور ) (Re: يوسف الطيب احمد إدريس)
|
اخي يوسف والتحية لصاحب البوست ..
صحيح عندما نكون ماشين للمدرسة في ذلك الزمن البعيد .. كانت بحق معاناة مع البرد الشديد ..
نعم كنا نقف في ضرا الحائط ثم نعبر جرباً الى الجهة الأخرى .. رغم ذلك الشتاء دائماً خيره كثير كان أهم الحاجة
بيض الدجاج .. يعني البيضة تكون محتفظة بمكوناتها طازجة لفترة طويلة جداً .. وكانت المتعة أن أكل البيض مسموح في الشتاء
ولكن شبه محظور في الصيف ( لأن في فصل الصيف يتم التفقيس بسرعة ) على عكس الشتاء كان أنتاج ( السوسيو) أقل
وكمان لا تنسى قراصة السمن في الشتاء لمقاومة البرد الشديد .. ونار التدفئة في نصف الغرفة الملاصقة للمطبخ ..
ولكن المشكلة بالنسبة للأطفال كان كميات القمل الابيض والاسود في الملابس والراس
وكانت تسبب مشكلة وحكة على الدوام .. المبيت الليلي في الشتاء .. عنقريب كبير .. برش .. الغطاء إما فروة كانت تصنع
جلود الخرفان المدبوغة محلياً .. او البطاطين التي كانت تأتي من مصر ( زمان أهلنا كان يسافروا مصر ) .. ويجمع الأطفال
كلهم في سرير كبير .. ويتم تغطيتهم بالفرو .. أو بطانية واحدة .. وتستمر المعارك الليلية ربما تجد أصبع الرجل داخل الأنف
وهذا ملتف حول الآخر حتى يصبحون كتلة واحدة .. تقول ( ساردين ) ..
الله الله على الزمن الجميل ...
| |
|
|
|
|
|
|
| |
صلاح جادات
بريمة محمد
Abdelslam Malik Ali Elhag
قصي محمد عبدالله
محمد إبراهيم علي
محمد جبره
عبد الله شم
هاشم عبدالله بشير
Abureesh
الشفيع وراق عبد الرحمن
سيف ود الخواجة
سيف اليزل سعد عمر
فرح الطاهر ابو روضة
الصادق اسماعيل
قسم الفضيل مضوي محمد
عماد حسين
عمر عبد الكريم علي
منتصر عبد الباسط
معتصم سليمان
حامد عبدالله
haroon diyab
عادل الباهي عبدالرازق
يوسف الطيب احمد إدريس
علي عبدالوهاب عثمان
فيس بوك
تويتر
انستقرام
يوتيوب
بنتيريست