|
|
|
 Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا (Re: بدر الدين الأمير)
|
05:20 م Feb 7,2015
سودانيز أون لاين
عاطف عمر -
مكتبتي في سودانيزاونلاين
مراحب يا بدر
تحياتي وسلامات
Quote: عاطف عمر
حبابك ألف
وحات امى الحرم بت على انا بعرف اسمع غنى وغير متحيز
بس المصير كاسرة فينى ضلعة وبتجسد لى العديد من الشواكيش
الاخدتها هسى كبرت وتجاوزت الخمسين من العمر وولدى بقى
موظف وبراجع في شواكشى جاى انت تدينى بنية في السمع والنصوص |
تسلم الوالدة الحرم بت علي
أنا لا أشكك في ذائقتك السمعية - لا سمح الله - فأنت رجل معطون غناء وشعراً
لكنني أرى أن لحن أغنية المصير هو اللحن الأجمل لـ ( كلمات النص الشعري ) لأغنية المصير ومتسق تماماً مع الموسيقي الداخلية لكلمات النص الشعري
وأن لحن أغنية ( غاية الآمال ) هو اللحن الأجمل لـ ( كلمات النص الشعري ) لأغنية غاية الآمال ومتسق تماماً مع الموسيقي الداخلية لكلمات النص الشعري
وأن محاولة المفاضلة بينهما تماماً كـ المفاضلة الواردة في السؤال
أحلى السكر ولاّ جراى الحصان ؟؟؟
| Quote: شكلك برضو انك من مالقيط المدن ههههههه |
ههههههههههههههههههههه
أبداً وحياتك
بيننا النيل الأزرق في ( أضيق مساره )
من ( رفاعة ) نقطع النهر في ( نفس واااحد ) ونكون في ( أربجي )
| |
  
|
|
|
|
|
|
|
|
Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا (Re: بدر الدين الأمير)
|
كان دوما مصطفى سيد احمد وعبدالمنعم الفكى
يسخران منى حين اتعلق بتلابيب اغنية او لحن
ويقولو خلاص يحلها الحل بلة لانى بكون داير
اسمعها في كل وقت ومرات بغنيها براى بصوتى الاشتر
الصديقة النحاتة والتشكيلة انعام الحاج بابكر عارفة هذا
السر لذا عشان تصيدنى بتشرك لى ببعض الحان وغانى
مصطفى بس هذه المرة ولانها امدرمانية صادتنى بهذه
الاغنية وهذا اللحن وبقيت مشغلها في السيارة في المكتب
في الجوال بل وفتحت بها بوست فى دكان بكرى بسم العواجيز
صديق الموج وعبدالمنعم الفكى
| |
|
|
|
|
|
|
|
|
|
Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا (Re: بدر الدين الأمير)
|
بدر الامير حبابك الف
ياخى نحن لما قلنا ليك اسمع غاية الامال كنا عارفين اولاد الاقاليم ديل الرادى
الا يطلعو بيه الشدر او الصهريج حتى يسمعو هنا امدرمان فما دام التقنية
عمت القرى والحضر قلنا ليك اسمع التسجيلات ام ديجتال دى وعارفنك بتغير
رائك، انتو شن خبركم بالغناء خلوكم فى دلوكتكم دى واعرضو وتبو وامرقوا
من الدارة، قال ملاقيط المدن حقد طبقى عجيب لوووووووووووووول..
لكن كمان هن كالدر والياقوت على صدور الحسان لا بعرف الانسان ايهم اجمل
واستصحب معاك كلام عاطف عمر الفنان ده باقى هو من رفاعه وانت من الضواحى تفرق،،،
| |
|
|
|
|
|
|
|
|
|
Re: صديق الموج وعبدالمنعم الفكى وباقى ملاقيط المدن فعلا غاية الآمال هى اميز الحا (Re: صديق الموج)
|
| Quote: واستصحب معاك كلام عاطف عمر الفنان ده باقى هو من رفاعه وانت من الضواحى تفرق،،، |
صديق الموج
اوعك تكون صدقت انك ابن مدينة وان امدرمان مدينة
انت شن عرفك بالمدن في السودان اولايالداقس اربجى
كانت العاصمة التانية للمملكة السنارية وهى اقدم من سنار
بـ 38 سنة ورفاعة يالماسح جغرافة هى واربجى جناحى النيل الازرق
غلطان انا العملت للك انت وعربى الكلاكلة بتاع الايقاع قيمة .....
وفعلا ان انت اكرمت ......
| |
|
|
|
|
|
|
| |
بدر الدين الأمير
جمال ود القوز
عاطف عمر
صديق الموج
walid taha
فيس بوك
تويتر
انستقرام
يوتيوب
بنتيريست