|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: حسين عمر الفكي)
|
تحياتي لدي بعض المداخلات عن مخطط المندرة سابحث عنها ولدينا وكالة عقارية باسم وكالة حي الجامعة العقارية ولدينا مجموعة من القطع في مخطط المندرة اتى بها اصحابها لبيعها ولم تسوق حتى الآن لها اكثر من سنتين بالوكالة وكانت القطعة تباع باقل من 7 مليون قبل فترة ستة اشهر واحيانا تباع للعاملين بالدولة بالتقسيط بمبلغ 12 الى 14 مليون المخطط بعيد عن المطار وبعيد عن الخرطوم في حال ان لديك قروش زايدة وزهجان منها وعاوزها تكون بعدين للورثة يستفيدوا منها فلا غضاضة من الشراء واذا اشتريت في المندرة وعاوز تشتري ليك لحمة او قفة خضار فالأفضل ان تمشي كوستي بدل الخرطوم كمان قبل فترة الجماعة شافوا ضوء احمر في سماء القطينة واتخلعوا لكن المحافظ طمأنهم بان هذه ليس سوى { النجمة أم ضنب } !!! ولو وقعت ليكم بت اللذين دي في المندرة { اي النجمة ام ضنب } فالرماد كال حماد والله العظيم اشفق على المغتربين كثيرا فهم اتعس الناس وافقرهم و90% منهم بلا بيوت وبلا اراضي بالسودان والقرش في الغربة يوجد في فك التمساح الحصول عليه صعب جدا واخراجه من هذا الفك المفترس أمر في غاية الصعوبة وبعد ان تستخرجه بجهد جهيد يذهب كالأرنب والسحلية !!! الأسلوب الذي اكتب به الآن ليس اسلوب تسويق لصاحب وكالة فالكثيرون يروجون ويظهرون المخطط وكأنه في مانهاتن المنطقة الآن اغلبها تبش وعجور وضريسة ربما تصبح يوما ما كالمنشية وكافوري 00 من يدري لكن في الوقت الراهن تريثوا قبل الشراء ولو اصر احدكم ان يشتري فلا ينظر للمخططات التي اتى بها الوفد فهي جميلة ومخرجة بطريقة هندسية رائعة ولم يتركوا ايقونة في { الأتوكاد } الا واستخدموها اول ما تفكر تشتري لو عندك قروش مغلباك فلابد ان ترسل احدهم ليقف على المخطط يقف عليه في الطبيعة ومن ثم تتخذ القرار توجد مواقع الآن ولا ادري هل بها اراضي للبيع ام لا جميعها بجوار كبري الدباسين الجديد منطقة اسمها { الودي } والعقيدات 00 والشيخ يوسف وتوجد قرية لا اتذكر اسمها توجد بجوارها مباشرة الصينية التي تؤدي الى المطار هذه القرية مستقبلها جيد جدا وتبعد عن صالحة 20 كلم او 25 كلم وكانت اللأف متر فيها بـ 16 مليون لو وجدت في هذا الموقع اشتري بدون تردد !!!! مع امنياتي لكل المغتربين في المهاجر بالتوفيق وان تتحقق احلامكم جميعا ببيت أو قطعة ارض تحتمون بها من هجير الغربة
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: محمد شيخ الدين ابراهيم)
|
Quote: كما قال عادل المطار زاتو في عضمو متى ينشأ ويتم تشغيله ..
قرض الصين تلقى اتلقف نصو .. ومخطط المندرة دا لقفة للناس الما ليها نصيب في القرض كالاسود التى تأكل فريستها ثم تغادر الموقع تاركة باقى العظام لغيرها
آآهـ يابلد . |
صباح الخير اخي عز الدين
والله بقينا نلاوز من اي وفد جاي عارض اراضي ..
لانو اتلسعنا في اراضي الوادي الاخضر .. 4 سنوات وما زادت اي حاجة بمقياس التصاعد الجنوني لاسعار اراضي السودان..
تحياتي
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: عادل ابراهيم احمد)
|
Quote: صدقني ماسورة كبيرة...ابعد من المندرة اسمع كلام اخوك...أمشي على شرق النيل أو شندينا(الدوشين).
|
والله فعلا يا حسين انا غايتو ابيتا تب ..
وشرق النيل زاتا مركبانا ماسورة في الوادي الاخضر منذ 4 سنوات..
وشندي زاتا قال ليك بقت ساهلة ؟.. سمعت انو ارض في السوق باعوها بي مليار ..هاهاها
والله الدوشين بقت اراضيهو الفوق كلها ملك للشركات الخليجية ..
عندنا ارض اسمها الحميرابية على حدود البطانة كانوا اهلنا بزرعوها في الخريف داير ابيعوها للمستثمرين ..
شي خليجيين وشي هنود وشي محليين..
كل الاراضي تحت شارع التحدي محجوزة .. وكل الاراضي فوق الشارع مبيوعة ..
غايتو في جشع اراضي غير اعتيادي بالسودان عموم..
تحياتي
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: عادل ابراهيم احمد)
|
Quote: تحياتي لدي بعض المداخلات عن مخطط المندرة سابحث عنها ولدينا وكالة عقارية باسم وكالة حي الجامعة العقارية ولدينا مجموعة من القطع في مخطط المندرة اتى بها اصحابها لبيعها ولم تسوق حتى الآن لها اكثر من سنتين بالوكالة وكانت القطعة تباع باقل من 7 مليون قبل فترة ستة اشهر واحيانا تباع للعاملين بالدولة بالتقسيط بمبلغ 12 الى 14 مليون المخطط بعيد عن المطار وبعيد عن الخرطوم في حال ان لديك قروش زايدة وزهجان منها وعاوزها تكون بعدين للورثة يستفيدوا منها فلا غضاضة من الشراء واذا اشتريت في المندرة وعاوز تشتري ليك لحمة او قفة خضار فالأفضل ان تمشي كوستي بدل الخرطوم كمان قبل فترة الجماعة شافوا ضوء احمر في سماء القطينة واتخلعوا لكن المحافظ طمأنهم بان هذه ليس سوى { النجمة أم ضنب } !!! ولو وقعت ليكم بت اللذين دي في المندرة { اي النجمة ام ضنب } فالرماد كال حماد والله العظيم اشفق على المغتربين كثيرا فهم اتعس الناس وافقرهم و90% منهم بلا بيوت وبلا اراضي بالسودان والقرش في الغربة يوجد في فك التمساح الحصول عليه صعب جدا واخراجه من هذا الفك المفترس أمر في غاية الصعوبة وبعد ان تستخرجه بجهد جهيد يذهب كالأرنب والسحلية !!! الأسلوب الذي اكتب به الآن ليس اسلوب تسويق لصاحب وكالة فالكثيرون يروجون ويظهرون المخطط وكأنه في مانهاتن المنطقة الآن اغلبها تبش وعجور وضريسة ربما تصبح يوما ما كالمنشية وكافوري 00 من يدري لكن في الوقت الراهن تريثوا قبل الشراء ولو اصر احدكم ان يشتري فلا ينظر للمخططات التي اتى بها الوفد فهي جميلة ومخرجة بطريقة هندسية رائعة ولم يتركوا ايقونة في { الأتوكاد } الا واستخدموها اول ما تفكر تشتري لو عندك قروش مغلباك فلابد ان ترسل احدهم ليقف على المخطط يقف عليه في الطبيعة ومن ثم تتخذ القرار توجد مواقع الآن ولا ادري هل بها اراضي للبيع ام لا جميعها بجوار كبري الدباسين الجديد منطقة اسمها { الودي } والعقيدات 00 والشيخ يوسف وتوجد قرية لا اتذكر اسمها توجد بجوارها مباشرة الصينية التي تؤدي الى المطار هذه القرية مستقبلها جيد جدا وتبعد عن صالحة 20 كلم او 25 كلم وكانت اللأف متر فيها بـ 16 مليون لو وجدت في هذا الموقع اشتري بدون تردد !!!! مع امنياتي لكل المغتربين في المهاجر بالتوفيق وان تتحقق احلامكم جميعا ببيت أو قطعة ارض تحتمون بها من هجير الغربة |
والله يا ابو حراز كلامك سمح تب .. وختيت الحد فوق الطندبة ..
قبل سنة 2006 عندنا جارنا وعزيز علينا قال لينا يا اخوانا انا مبسوط منك وداير اسوقكم معاي البلد تشتروا اراضي عندنا ..القطعة بي 2 مليون ..
والمنطقة هي احدى قرى الجموعية قرب كدي والغماراب واظن ان اسمها الشقيلاب "وهي غير الشقيلاب بالجهة الشرقية"..
ذهبنا انا وثلاثة من اخوتي وكان اليوم جمعة فوجدنا شيخ المنطقة الذي اكرم وفادتنا وقال لينا : حرم نديكم أراضي واكان دايرين تعرسو نعرس ليكم مننا ..
شكرناه واخذنا جولة بالمنطقة بعد صلاة الجمعة والغداء ..
فلم تعجب اخوتي وقالوا انها بعيدة ..
قطع شك الان القرى دي بقت حاجة تانية واسعارها تكون تضاعفت كثيرا ..
ولكن ساقتنا الظروف لمربع 78 ابوسعد .. وها هو يراوح مكانه منذ امد بعيد ..هاها
تحياتي
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: معتصم الطاهر)
|
Quote: في زول عاقل يشترى بيت جنب مطار؟ |
عشان تعرف السودان فعلاً الشاسيه بتاعو مفتول ـكـ9 في كل الكوكب الناس تتظاهر عشن تبعد المطارات من مكان السكن و الطراطير بتاعين التسويق ديل مسافرين لحدي قطر عشان يبيعوا واطة و السعر الأعلي هو الأقرب من سور المطار الله لا كسبك يا عمر البشير بعد تدمير البلد حولت الني البشر لي ناس مطرطشين هاااااااااااهااااا القرب من سور المطار دة لزومو شنو؟ المواطنين دايرين يعملو تيك أوف ولا شنو :)
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: الفاتح شلبي)
|
سلام و تحية لصاحب البوست و ضيوفه ،،،
أديك النجيضة و من الاخر كده: ما تشتري في المندرة.
عندك رغبة تشتري قطعة أرض في المناطق ديك أديك الخيارات التالية:
1. أبوسعد مربع 64 (جنوب كبري الدباسين مباشرة و شرق جامعة القران) ، رمضان القبل الفات القطعة الواحدة كانت بــ 75 مليون جنيه ، اليوم أقل قطعة فيهو بــــ 300 مليون.
2. أبوسعد مربع 74 (جنوب كبري الدباسين بحوالي 4.75 كيلومتر ، وجنوب جامعة القران مباشرة) ، القطعة تبدأ من 100 مليون.
3. أبوسعد - الدهيمة القطعة تبدأ من 40 مليون وانت ماشي.
بس جنوب الدهيمة لو القطعة بي 5 مليون كعبة ما تشتريها.
بعرف المناطق دي كلها كويس ، ، ،
و الحمد لله مشتري في الحتات القلتها ليك فوق دي ، و من بدأ البيع و الشراء فيها أسعارا لا نقصت و لا وقفت ، زيادة متواصلة ، أما أبوسعد مربع 64 فالفائدة فيهو كبيرة و الحمد لله. من ناحية الخدمات فمحطة المياه توجد داخل أرض الجامعة وبالتالي قريبة جداً من مربعي 64 و 74 ،،، و محطة الكهرباء تقع جنوب الجامعة مباشرة و بالتالي هي أيضاً قريبة من المربعين 64 و 74.
تحياتي ، ، ،
| |
|
|
|
|
|
|
Re: خبرونا عن اراضي المندرة .. فقد حلت علينا بالدوحة شركتان للتسويق لها ** (Re: عادل ابراهيم احمد)
|
Quote: سلام و تحية لصاحب البوست و ضيوفه ،،،
أديك النجيضة و من الاخر كده: ما تشتري في المندرة.
عندك رغبة تشتري قطعة أرض في المناطق ديك أديك الخيارات التالية:
1. أبوسعد مربع 64 (جنوب كبري الدباسين مباشرة و شرق جامعة القران) ، رمضان القبل الفات القطعة الواحدة كانت بــ 75 مليون جنيه ، اليوم أقل قطعة فيهو بــــ 300 مليون.
2. أبوسعد مربع 74 (جنوب كبري الدباسين بحوالي 4.75 كيلومتر ، وجنوب جامعة القران مباشرة) ، القطعة تبدأ من 100 مليون.
3. أبوسعد - الدهيمة القطعة تبدأ من 40 مليون وانت ماشي.
بس جنوب الدهيمة لو القطعة بي 5 مليون كعبة ما تشتريها.
بعرف المناطق دي كلها كويس ، ، ،
و الحمد لله مشتري في الحتات القلتها ليك فوق دي ، و من بدأ البيع و الشراء فيها أسعارا لا نقصت و لا وقفت ، زيادة متواصلة ، أما أبوسعد مربع 64 فالفائدة فيهو كبيرة و الحمد لله. من ناحية الخدمات فمحطة المياه توجد داخل أرض الجامعة وبالتالي قريبة جداً من مربعي 64 و 74 ،،، و محطة الكهرباء تقع جنوب الجامعة مباشرة و بالتالي هي أيضاً قريبة من المربعين 64 و 74.
تحياتي ، ، ، |
تسلم اخي الطيب..
مداخلة باتعة .. ومانعة..
بالله عليك الله ما عندك خبر مربع 78 ابوسعد بقى بي كم؟
تحياتي
| |
|
|
|
|
|
|
|