|
|
|
 Re: الحل شنو مع رسوم الخدمات البتزيد بالمزاج دي! (Re: أيمن محمود)
|
تحياتي أيمن،
| Quote: مؤخراً زيادة رسوم جواز الطالب من 210 إلى 305، ورسوم جواز الطفل من 95 إلى 210 والجواز العادي الى 540 ريال |
إنه موسم الجباية الأكبر.....
هي فرصة سنحت لهم من السماء فاهتبلها القوم ...
يكونوا سذجاً واغبياء لو ضيعوها من أيديهم ........
ولا عزاء للجاليات.... فهي سادرة في غيها.. لا تفيق إلا مواسم الاحتفالات والتصوير والمؤتمرات والسفريات و...............
| |
 
|
|
|
|
|
|
|
|
Re: الحل شنو مع رسوم الخدمات البتزيد بالمزاج دي! (Re: أيمن محمود)
|
الحل هو تصعيد النضال ضد الحكومة بشتى الطرق، وتوعية المواطنين بهذه المظالم التي تُرتكب في حقهم، والتوعية
بحقوق المواطنين في الدول التي تحترم مواطنيها، وتعمل حكوماتهم على خدمة شعوبها لا على ابتزازهم، لأن الشعب السوداني
من هول من كبت هذه الطغمة استكان وأصبح يبحث عن حلول للمشاكل التي يضعها النظام في طريقه، وبدلاً من اجنتثاث النظام
أصبح يحاول بما أوتي من قوة اجتثاث تلك العقبات، أي أن يعالج الأعراض ويترك الداء المسبب لتلك الأعراض،
وأي حل خلافاً لذلك، هو حرث في بحر، والجميع أدرى بتعنت هذا النظام الفاشي وبسلوكه الإجرامي تجاه مخالفيه.
يجب أن يمارس الشعب الضغوط على الحكومة بدل أن تمارس هي عليه هذه الضغوط، الشعب السوداني لو أتحد وطرد
الوهن واللامبالاة والخنوع لهذه الحكومة سيستعيد أمجاده التليدة ويطلع فجر النور من دياجر الظلمات الحالكة هذه.
تحياتي يا أيمن محمود
| |
|
|
|
|
|
|
|
|
|
Re: الحل شنو مع رسوم الخدمات البتزيد بالمزاج دي! (Re: نادر)
|
أيمن محمود
تحياتي
إنت هندي ياخ – منتهى العنصرية – ويا ريت لو كنا هنود فنحن أكثر شعوب الأرض إذلالاً أقلاها في الداخل وفي الخارج ربنا ما يخليكم تراجعوا بعثة دبلو ممممماصية ، فهي في أحسن الأحوال تشبه الكفيل الفردي كما قال لي أحد الذين أصابهم الله بداء الإغتراب حيناً من الدهر.
أيمن محمود لا تستغرب في بلاد العجائب فلا يستقيم الظل والعود أعوج.
| |
|
|
|
|
|
|
|
|
Re: الحل شنو مع رسوم الخدمات البتزيد بالمزاج دي! (Re: مرتضي عبد الجليل)
|
أيمن محمود..
سلام يا هندسة..
دي هينة الزيادات دي..
رسوم عبور الطريق السريع.. زادت من تلاتة ألف جنيه..
إلى 14 ألف جنيه..
يعني بنسبة أكتر من 400%
زمااااان أيام حرب الجنوب.. رسوم تجديد جواز السفر كانت في السفارة 115 ريال
وتمت إضافة 100 ريال عليها سموها دعم الدفاع.. يعني أي مغترب سوداني بدعم وزارة الدفاع
والمجهود الحربي والمتحركات الكانت بتمشي الجنوب..
ولما تم توقيع اتفاقية السلام ووقفت الحرب..
تغير المسمى إلى دعم السلام.. وإلى يومنا هذا بعد عشرة سنوات من اتفاقية السلام.. برضو الدعم شغال
يعني كده كده دافع..
وأزيدك من الشعر بيت..
دمغة الجريح لسه شغالة..
| |
|
|
|
|
|
|
|
|
|
Re: الحل شنو مع رسوم الخدمات البتزيد بالمزاج دي! (Re: نادر)
|
| Quote: الحل هو تصعيد النضال ضد الحكومة بشتى الطرق |
هلا يا نادر،،
انا ببحث عن حل للمسألة دي تحديدا والحقيقة كل مشكلة نبحث ليها عن حل على حدا ولو مؤقتاً
البعرفو انو أي رسوم بتفرضها الدولة بكون عندها معادلة معينة من خلالها بتتحدد رسوم الخدمات المختلفة وبتمنى لو في زول متخصص او عندو دراية يورينا الرسوم في السودان بتتحدد قيمتها كيف؟
| |
|
|
|
|
|
|
|
|
|
Re: الحل شنو مع رسوم الخدمات البتزيد بالمزاج دي! (Re: نصر الدين عثمان)
|
Quote: إنه موسم الجباية الأكبر.....
هي فرصة سنحت لهم من السماء فاهتبلها القوم ...
يكونوا سذجاً واغبياء لو ضيعوها من أيديهم ........
ولا عزاء للجاليات.... فهي سادرة في غيها.. لا تفيق إلا مواسم الاحتفالات والتصوير والمؤتمرات والسفريات و............... |
والله يا نصر الدين شكل الحكاية اصبح لايطاق - نسبة كبيرة من المغتربين في السعودية أصبح استخراج الجوازات وتجديدها هم عديييل
الجالية السودانية في السعودية هي أكبر الجاليات - بصورة جديه مفروض الناس تتحرك ويكون في آلية ضغط قوية لوقف المسألة دي !
| |
|
|
|
|
|
|
| |
أيمن محمود
نصر الدين عثمان
almulaomar
فيس بوك
تويتر
انستقرام
يوتيوب
بنتيريست