اتوارى خجلا حتى الثمالة من انني سوداني!!!!

التحالف الديمقراطي بواشنطن/منبر التيجاني الطيب بابكر يدعوكم لندوة جماهيرية
اول لقاء جماهيري للدكتور ناجي الأصم في امريكا/ميريلاند
مرحبا Guest
اخر زيارك لك: 09-20-2019, 07:06 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة اشرف مصطفي(ASHRAF MUSTAFA)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-10-2009, 11:07 AM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


اتوارى خجلا حتى الثمالة من انني سوداني!!!!

    نعم...اتوارى خجلا حتي الثمالة من انني سوداني...

    السودان الذي اصبح الان محط جميع الانظار في العالم وسيظل كذلك الي الابد..
    تماما كما فعل الصوماليين بصراعاتهم القبلية الغبية والتي اعطت بلادهم
    سمعة سيئة لن تخرج منها ابدا..فاصبح كل العالم يحتقر الصومالي..فقط
    لبلده..نعم فقط لانه صومالي ليس الا..

    واتي دور السودان اليوم مثله مثل بقية الدول الغبية في القارة السوداء..
    والتي كلما كنت في الماضي اسمع واري (عبر التلفاز) صراعاتها القبلية
    والغير مبررة كنت اطاطئ راسي خجلا..واحمد الله ان السودان اعقل من ان
    يصل الي هذا السبيل..وبعيد كل البعد عن هذا العبث اللعين والغباء
    المتفشي ولا يدخل في دائرة السخط الدولي المعروف..

    لم اتوقع او اصدق ابدا في حياتي ان السودان سيصبح مثل تلك الدول التي
    فاقت سمعتها السيئة الافاق..وصار العالم يكره شعوبها فقط لانهم ينتمون
    الي هذه الدول..ففي هذا العصر الذي لا يرحم يتهم الانسان بالغباء والجهل
    والتخلف فقط من خلال البلد الذي ينتمي اليه وليس بمقياس شهاداته اوعبقريته.

    اطاطئ راسي خجلا لاننا كسودانيين لم نستطيع حل مشاكلنا الداخلية بانفسنا..
    وادخلنا الغريب ليساعدنا..

    نعم قد حدثت حروب ومآسي في دارفور وامدرمان ونتجت عنها الكثير من الضحايا
    لا احد يستطيع نكرانهم..وذكرت مرارا وتكرارا انه يجب ان تقام محكمة مستقلة
    (داخلية) تحاسب كل من ارتكب جرائم حرب في البلاد..فانا لا اؤمن بمبدا عفا
    الله عما سلف عندما يختص الامر بارواح الناس..والعفو عموما لا ياتي الا من
    قبل اسر الضحايا والمتضررين ..ولم يطلب احد غلق الباب والخروج من الشباك
    ..وعندما طلبت المحكمة الجنائية الدولية في السابق تسليم هارون وكوشيب..
    كنت اول الرافضين لهذا الطلب الغريب لان المبدا لا يتجزأ..ولانني اؤمن
    باننا يجب ان نحل مشاكلنا فقط في الاطار الداخلي..ونشكل غرفة عمليات مغلقة
    وطارئة تواكب علي مسار المفاوضات والصلح لاهل البلد الواحد حتي لا يشمت فينا
    من يريد ان يشمت ولا نجلب الفضائح لانفسنا في عقر دارنا..والان عندما طلبت
    المحكمة الجنائية تسليم رئيس البلاد كان موقفي ثابت..وكان رفضي لنفس الاسباب
    التي ذكرتها..واذهب ابعد من ذلك الى ان تسليم رئيس دولة وهو علي سدة الحكم
    لم يحدث ابدا في تاريخ العالم ..لماذا؟؟؟لان الرئيس يمثل سيادة ورمز البلاد
    كما هو الحال في السودان..وعندما يحدث شيئ كهذا..لا يحدث الا في السودان؟؟؟!!

    دخل اخي قبل ايام قليلة الي مطعم..فساله صاحب المطعم: انت سوداني؟؟؟هتف اخي
    بسرعة: نعم..انا سوداني!! فالتفت كل رواد المطعم الصغير بفزع نحو اخي..الذي
    ابتسم بدوره في وجوههم وخرج بسرعة!!

    السودانيين في الخليج (مثلا) يدركون تماما انهم يعملون هنالك لسمعتهم الجيدة
    التي اكتسبوها لكونهم سودانيين..هذه الميزة التي اكتسبوها فوق المصريين وفوق
    كل الجنسيات الاخري لم تكن الا لان السوداني يتصف بالامانة والكرامة والاخلاق
    والكرم والشجاعة..ولعل الكل يعلم القصة الشهيرة لاحد الملوك السعوديين
    السابقين مع السوداني والمصري والذي اكد فيها السوداني ان كرامة السودانيين
    لا تساوم..ولكن اذا بدات صورة السودانيين تهتز فقد يؤثر ذلك سلبا عليهم و علي
    العمالة القادمة في المستقبل.

    في ظل تشبيه الكثيرين للوضع في السودان بالصومال..وقد بدا نفس البداية
    التي بداها الوضع الصومالي...لا اجد مفر من تسمية السودان:

    السومال....

    نعم ..لقد دخلنا عصر الصوملة وعرفناها حق المعرفة..لقد انتهي السودان الذي
    يعرفه الجميع واصبح لسان حالنا علي كل من هب ودب..دخلنا في صراعات سياسية
    لا قبل لنا بها..وعلي راي المثل (في تعريف السياسة) : السياسة عبارة عن
    صراعات ومشاكل كل الناس اطراف فيها..

    كان عندي امل ان نحل مشاكلنا وخلافاتنا بانفسنا (داخليا) لكن تبدد الامل وتلاشي
    ..ولا يهمني الي اي مرحلة يصل السودان الان..ولا اقول ذلك الا بعد ان علمت اننا
    كشعب واحد لا نستطيع حل مشاكلنا لوحدنا ..بل لا بد لنا بالاستعانة بالاجنبي
    ليزلنا ويهيننا..لقد اصبحنا اضحوكة العالم ومزبلة التاريخ..واصبح الصوماليين
    افضل منا بكثير..فبالرغم من ان العالم لم ينساهم ولن ينساهم ابدا..الا انهم
    ليسوا في الواجهة كما نحن الان..وبالرغم من تمزق الكثير من البلدان حولنا لم
    نتعظ ولن نتعظ ابدا واصبح الحق باطلا والباطل حق..واصبح المنطق مفقود ومقلوب
    ومعووج!!

    ليس هذا فحسب..سنظل محط انظار العالم لفترة طويلة جدا وسنظل (شمارات) الخواجات
    والعرب والافارقة اثناء طعامهم واثناء سكرهم..وسنظل محتقرين مدي الحياة لاننا
    مزقنا بلادنا في طرفة عين..واصبحنا لا نطيق بعضنا البعض..بل نكيل بالشتائم لمن
    يختلف معنا ليل نهار..ونسيئ لبلادنا ولانفسنا..واصبح المنطق السائد اليوم لا يقنع
    حتي ذبابة بالعدول عن ترك الغرفة..حالنا المضحك المبكي..الذي لا يستحق
    الرثاء او التعاطف معه..وسترون كيف سيذداد الوضع سوءا يوما بعد يوم حتي لا نجد
    بلدا ياوينا ..وعلي قول المثل: الما عندو بلد..يشتريلوا بلد..فلا يقيم الانسان
    الا بوطنه..وما يمس الوطن يمس كل ابناءه.

    واسمعوها مني: كل ما تتطور الاوضاع في السودان..كلما سيؤثر ذلك سلبا بشكل مباشر
    علي جميع السودانيين في العالم!!!
                  
|Articles |News |مقالات |بيانات

03-10-2009, 11:28 AM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    واسمعوها مني: كل ما تتطور الاوضاع في السودان..كلما سيؤثر ذلك سلبا بشكل مباشر
    علي جميع السودانيين في العالم!!!
    Quote: [

    أحييك يا سيد أشرف بل أزيدك بيتاً من الشعر:

    لقد أسمعت لو ناديت حياً ************ ولكن لا حياة لمن تنادي

    تحياتي
                      
    |Articles |News |مقالات |بيانات

03-10-2009, 11:32 AM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    معليش يا أشرف الموقع مهكور ... الكلام المقتبس دا تعليقي على كلامك الفوق والذي لم أستطع إقتباسه.

    تحياتي مجدداً
                  
|Articles |News |مقالات |بيانات

03-10-2009, 11:36 AM

mayada kamal
<amayada kamal
تاريخ التسجيل: 08-31-2007
مجموع المشاركات: 8008

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    با إرفع راسك لانك سوداني
                  
|Articles |News |مقالات |بيانات

03-10-2009, 11:47 AM

النذير بيرو

تاريخ التسجيل: 08-08-2004
مجموع المشاركات: 256

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: mayada kamal)

    عزيزي اشرف


    لاتجعل الاحباط يتملكك فالسودانيين شعب متماسك وفريد من نوعه وان كان البعض قد انتهج مسلكا مغايرا لما ماهو وطني وسوداني سنسمو باذن الله فوق كل المشاكل ونتجاوزها ونفوت الفرصة علي الاعداء والصراعات الداخلية.
                  
|Articles |News |مقالات |بيانات

03-10-2009, 12:04 PM

الطيب رحمه قريمان
<aالطيب رحمه قريمان
تاريخ التسجيل: 03-21-2008
مجموع المشاركات: 12377

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: النذير بيرو)

    الاستاذ أشرف

    لك التحية




    Quote: نعم قد حدثت حروب ومآسي في دارفور وامدرمان ونتجت عنها الكثير من الضحايا
    لا احد يستطيع نكرانهم..وذكرت مرارا وتكرارا انه يجب ان تقام محكمة مستقلة
    (داخلية) تحاسب كل من ارتكب جرائم حرب في البلاد..فانا لا اؤمن بمبدا عفا
    الله عما سلف عندما يختص الامر بارواح الناس..والعفو عموما لا ياتي الا من
    قبل اسر الضحايا والمتضررين


    كلامك زى العسل و موزون جدا لك التحية و الود
                  
|Articles |News |مقالات |بيانات

03-10-2009, 12:16 PM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: الطيب رحمه قريمان)

    حال السودانيون اليوم كحال العنزة كريت في القول السوداني المأثور:

    ( التسوي كريت في القرض تلقى في جلده)

    ليتهم يرعوون قبل ضحى الغـــــــــــــــــــد.
                  
|Articles |News |مقالات |بيانات

03-10-2009, 12:10 PM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: النذير بيرو)

    Quote: فالسودانيين شعب متماسك وفريد من نوعه


    دا لمان يبطل المستعربين الجدد حكاية دا عربي ودا شنو شنو
    وينسوا انهم افارقة وليسوا عربا
    والسعوب الاخرى تحبنا ليس لاننا ندعي اننا عرب وانما لاخلاقنا الذي لن نفرط فيه
    مهما كان.
                  
|Articles |News |مقالات |بيانات

03-10-2009, 12:13 PM

محمد فرح
<aمحمد فرح
تاريخ التسجيل: 09-14-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: النذير بيرو)

    أخ اشرف
    تحياتي
    ارفع راسك أنت سوداني
    بعض الجهلاء يريدوننا وطناً ممزقاً
    مشتتاً
    تزروه الرياح
    التدويل الذي حدث لقضية السودان كان رهيباً بحق
    الإعلام الغربي كان ولازال يشوه صورة السودان يومياً بدعم إسرائيلي ولعلك تذكر أن الحمله بدأت من متحف الهولوكوست الإسرائيلي قبل عدة سنوات .
    إبتلع كثير من الجهلاء البطعم وركضوا وراء البنكنوت الأخضر ونفذوا كل أجندة الغرب الحقيره .
    عموماً ثق أن الوطن سينتصر
    وماأحدثته محمكة الجنايات كانت خير دافع لنتكاتف جميعاُ على قلب رجل واحد لتفويت الفرصه على الطامعين في خيراتنا .

    مؤونة عام من الود
                  
|Articles |News |مقالات |بيانات

03-10-2009, 01:02 PM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: محمد فرح)

    أو كما قالوا (الجمل ما بشوف عوجة رقبته).

    بالله يا أشرف أنا قصرت معاهم الليلة؟؟؟

    تحياتي
                  
|Articles |News |مقالات |بيانات

03-10-2009, 01:59 PM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    هنالك مثل دارفوري حنين أوي بيقول (أخوك كام دبيباي كلوا أربتي في صلبك).

    غايتو ما حا أقدر أشرحوا ليكم في هذه العجالة.

    يا أشرف يا أخي أنت الليلة ريحتني بالبوست بتاعك دا.
                  
|Articles |News |مقالات |بيانات

03-10-2009, 02:29 PM

عثمان محمد كرار
<aعثمان محمد كرار
تاريخ التسجيل: 12-14-2008
مجموع المشاركات: 1731

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    والله الاحساس بتاع الخجل دا ماعندك انت براك ....نحن مرحلة الخجل دي استطعنا انو نتحاشاها ونقول فروم ايجبت ....لانا اخوانا ناس الغرب ديل والله شرطو عينا وعذبونا عذاب ولما تمشي حته تقدم الجواز بتاعك ويشوفو السودان علي طول يسألونك عن دارفور والحرب والفقر وفي مخيلاتهم ذلك الطفل النحيل وحوله الذباب وغايتوربك يهون
                  
|Articles |News |مقالات |بيانات

03-10-2009, 02:45 PM

Yousif A Abusinina
<aYousif A Abusinina
تاريخ التسجيل: 11-12-2008
مجموع المشاركات: 1926

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عثمان محمد كرار)

    الاخ الغالى اشرف

    هذه حالنا اليوم اخوى اشرف الله المستعان مصيبتنا نتفرد بحب هذا الوطن مهما اصباته من مصائب فحبنا له يزداد يوم بعد يوم

    عزاونا ان رحمة الله وسعه كل شى ونسال الله ان يرحمنا برحمته والله اتفق معك تماما اخوى اشرف

    يوسف ابوسنينه
                  
|Articles |News |مقالات |بيانات

03-10-2009, 04:19 PM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Yousif A Abusinina)

    الاخ اشرف

    تحياتي
    بل عليك رفع الراس والقدلة بي عز وفوق عز
    لانك سوداني
    ولان السودان تستهدفه امريكا شرطي العالم لانه منالدول المارقة عليها

    ولانه الوحيد الذي يستطيع ان يقول لا في زمن النظام العالمي الجديد




    وقديما قال الشاعر
    لايسلم الشرف الرفيع من الاذي حتي يراق علي جوانبه الدم
                  
|Articles |News |مقالات |بيانات

03-10-2009, 05:12 PM

Zoal Wahid

تاريخ التسجيل: 10-06-2002
مجموع المشاركات: 5355

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عمر صديق)

    Quote: والله الاحساس بتاع الخجل دا ماعندك انت براك ....نحن مرحلة الخجل دي استطعنا انو نتحاشاها ونقول فروم ايجبت ....لانا اخوانا ناس الغرب ديل والله شرطو عينا وعذبونا عذاب ولما تمشي حته تقدم الجواز بتاعك ويشوفو السودان علي طول يسألونك عن دارفور والحرب والفقر وفي مخيلاتهم ذلك الطفل النحيل وحوله الذباب وغايتوربك يهون

    عثمان محمد كرار

    طبعا الطفل النحيل و حوله الذباب والاخرون من اهله الذين ذاقوا كل انواع العذاب
    لا يمتون اليك بصلة. العالم يشفق عليهم وانت تزدري حالهم وتتوارى خجلا عندما تسأل عنهم.
    لا يحركك ضميرك للسؤال عنهم او رفع المعاناة عنهم بل تتوارى خجلا خجلا خجلا خجلا. ما اروعك.

    سلامة عيونك و تبعد من العذاب.... العذاب دا ما حقنا نحن ناس الغرب و" بث". انت ما شبه العذاب.


    السودان دا لو ما زريبة كان يجمعك بناس الغرب.

    ناس تموت بالالاف و نحرق الالاف من القرى و يتشرد اهلها حفاة عراة لا تغطيهم او تحميهم
    الا رحمة الله وانت خجلان ... يا عيني على الخجل.

    طفل نحيل حوله الذباب قد دفع اهله دماؤهم و اموالهم واصواتهم ... عاشوا مر الايام
    لتعيش انت احلى الايام .... ويوم اصابتهم (ابتلاءة) بت تخجل ان يجمعك معهم وطن واحد.

    اناس صبروا على القصف و الموت و الاغتصاب و الحرق و الجوع و الجهل و المرض من اجل السودان

    وانت لم تصبر شهرا واحدا، لان البشير اتهم، فصرت تعلن خجلك من الغرابة.


    رب اغبش اغبر نحيل حوله الذباب يرفع يديه الى الله ( يارب يا رب) فيستجاب له.

    ان الله قد وعد ان دعوة المظلوم ليس بينها وبينه حجاب. في حديث قدسي( وعزتي
    و جلالي لانصرن المظلوم ولو بعد حين)
    نصر الله يأتي حين يريد هو و بالطريقة التي يريدها
    مشئيته هي الغالبة وليست المواكب او المظاهرات او رفع الاعلام او الشتائم
    الله ينصر من يريد ولا احد من البشر حتى الانبياء من حقهم احتكار امر الله.
    (وما تشاؤؤن الا ان يشاء الله رب العالمين).

    بقية من ايمان قد تثيبك الى رشدك ... ابحث عن الدين في قلوبكم. كلكم لادم
    وادم من تراب. اخشى ان تكون خجلان انك من تراب.

    (لا يسخر قوم من قوم عسى ان يكونوا خيرا منهم).

    نسيتم ان الله موجود وهو رب الوجود و تصايحتم تناصرون الظالم و ليس المظلوم
    لكل نصيب من الشفاعة التي يشفعها. فمن يشفع لظالم له نصيب من ذلك.


    قلنا وقلنا وقلنا و لا زلنا نقول ان الله اكرم الانسان ولم يكرم الارض. بل سخر
    الارض للانسان، فلا تتهافتوا على تراب و تستهينوا بارواح اكرمها الله ...باي ذنب قتلت؟
    حتى الكبد الرطبة من الحيوان يجزيء الله او يعاقب عليها.

    عودوا الى الله ولو لمرة واحدة من اجل اخوانكم في الوطن ... الاسلام ليس شعارات جوفاء
    ليس مؤمنا من نام شبعان و جاره جائع. جوعى دارفور بعد طرد المنظمات لهم الله
    لهم الله ... لهم الله.

    تظاهروا من اجل اقامة العدل و محاكمة المجرمين. فلا يعقل او يكون مقبولا
    ان يرفض البشير محاكمة مجرمي حرب دارفور. وتسبحون بحياته.
    ها انتم دافعتم عن ظلمه في الدنيا فهل تستطسعون الدفاع عنه امام رب العالمين؟
    وثم تتجراون امام الله تشتمون الضعفاء الذين قالوا ربنا الله انتقم لنا.

    يا اخي اخجل من الغرابة حيث شئت و كيف شئت ولكني لا اخجل منك ولا من انتماءك لوطن
    احبه بل احزن انك لا تحس بمعاناتي. انها اخوة غريبة ان يسعدك فنائي.










                  
|Articles |News |مقالات |بيانات

03-10-2009, 05:42 PM

Zoal Wahid

تاريخ التسجيل: 10-06-2002
مجموع المشاركات: 5355

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zoal Wahid)

    Quote: ولما تمشي حته....

    عثمان محمد كرار


    لما تمشي حتة و يقولوا السودان لديه اجود انواع الصمغ العربي ... هل تخجل؟
    انه من عرق الغرابة

    حين تمشي حتة وتسمع الفول السوداني و السمسم والحبوب الزيتية ..
    معظم انتاج السودان من الغرب
    هل يصيبك الخجل ؟ انه من تعب الغرابة

    حين يتكلم الناس عن بترول السودان هل يصيبك الخجل
    لان اول ابار حفرتها شيفرون كانت في الغرب؟
    انها من نعم الله على الغرابة.

    الماشية و جلودها حين تباع خارجيا ويعود مردودها عملة صعبة
    هل يصيبك الخجل لان معظم الانتاج من الغرب؟
    هل فكرت كيف يعيش اهل الماشية ليرفدوا الخزينة العامة؟

    غردون وهكس اللذان يفتخر البشير بقتلهما... الرجال الذين فعلوا
    ذلك غرابة.

    الجيش الذي (كان) مفخرة للناس .. عماده الجنود العاديون وكانوا غرابة.

    للغرابة افضال على السودان واهله فلا تغمضوا الناس اشيائهم.
    التنمية التي تتفاخر بها فان معظم اموالها من عرق الغرابة.


    من لا يشكر الناس لا يشكر رب الناس.

    من لا يشكر الناس لا يشكر رب الناس.

    من لا يشكر الناس لا يشكر رب الناس.




                  
|Articles |News |مقالات |بيانات

03-10-2009, 05:53 PM

Hisham Osman
<aHisham Osman
تاريخ التسجيل: 09-29-2006
مجموع المشاركات: 1210

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zoal Wahid)


    غردون وهكس اللذان يفتخر البشير بقتلهما... الرجال الذين فعلوا
    ذلك غرابة.
                  
|Articles |News |مقالات |بيانات

03-10-2009, 05:54 PM

Zoal Wahid

تاريخ التسجيل: 10-06-2002
مجموع المشاركات: 5355

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zoal Wahid)

    Quote: نحن مرحلة الخجل دي استطعنا انو نتحاشاها ونقول فروم ايجبت


    عثمان محمد كرار


    انسان فاقد الوطنية و الهوية. تتلصق بمصر ... هل يرضى عنك الفراعنة او العرب؟

    لم التزيف؟

    ومع كل ذلك تسخر من الاخرين.

    في احدى سباقات الهجن بالسعودية فاز جمل كان يقوده طفل لا يتعدى الثامنة
    صعد المنصة و الناس تسمع (فلان بن فلان الرشيدي) سأله الملك فهد: انت سعودي
    رد الطفل بصورة حاسمة: لا سوداني.
    رغم ان اصول الطفل سعودية وهو يعلم ذلك و الكل يعلم ذلك
    ولكن انتمى الطفل الى حيث ينبغي ان ينتمي.

    من لا يتشرف بنا فله حق الضيافة في ارضنا وليرحل الى حيث يشاء.

                  
|Articles |News |مقالات |بيانات

03-10-2009, 07:40 PM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zoal Wahid)

    كتب عثمان محمد كرار...
    Quote: والله الاحساس بتاع الخجل دا ماعندك انت براك ....نحن مرحلة الخجل دي استطعنا انو نتحاشاها ونقول فروم ايجبت ....لانا اخوانا ناس الغرب ديل والله شرطو عينا وعذبونا عذاب ولما تمشي حته تقدم الجواز بتاعك ويشوفو السودان علي طول يسألونك عن دارفور والحرب والفقر وفي مخيلاتهم ذلك الطفل النحيل وحوله الذباب وغايتوربك يهون
    ايجبت بتحلك ايها المسكين... شفت نوعك ده هو اسباب الحروب في السودان...نفس عقلية العصور الوسطي ... بتهرب من جلدك ولونه لتواجه نفس مصير الازدراء من الاخرين...


    يعني شنو ناس الغرب او ناس الدمازين عذبوك بصورهم علي شاشات التلفزيون ايها المسكين المنعوت (اسودا) في مناطق البيضان ... وهل سيقبلك المصرين ايها المسكين...وهل تدرك ان الاخرون سيقهقون سرا عندما تقول بانك مصري ... ايهاالمسكين...


    البيض انتخبوا رجلا اسود ليحكمهم ... وانت تتبرأ من سود مثلك ايها الاسود المسكين...

    سمي السودان لان عربه وافارقته سودا كما الطين ورمال الصحراء ايها الاسود المسكين....


    قال من مصر قال...


    شرطو عينك ايها المسكين...

    نفس هذه العقليات التي تستعر الحروب بهرطقاتها... تكبر اجسادهم وتبقي عقولهم بحجم حبة السمسم...ما الفرق بين غرابي يتلوي من الجوع وشمالي جائع هو الاخر و محروم حتي من حق الدواء في هذا الوطن الموبؤ بامثالكم ايها الكارثه... ما الفرق بين اسود يقبع في الجنوب او الشمال او الوسط او الغرب ايها المتمسح بدهان المصاري واولاد بمبه...

    سيتطهر الوطن وسيعود قويا عندما(يغتسل) من ادرانكم ... قل لي ايها المصري بفكره ودهنسته وادعاءه والمتلهف ان يكون مصريا لانه راي اطفالا سودا (يلتوون) من الجوع بفعل اشخاصا يحملون نفس عقليته في كراهية الاخر...هل جال بخلدك انك تعتبر ذلك الطفل الدارفوري الصغير في مخيلة اولئك المصاري ايها المتهافت للالتصاق بهم...!!!!
                  
|Articles |News |مقالات |بيانات

03-10-2009, 07:54 PM

Zakaria Joseph
<aZakaria Joseph
تاريخ التسجيل: 11-27-2007
مجموع المشاركات: 9005

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    الاخ السنوسى,
    انت عارف, فى بعض الاخوة من الشمالين بيتنكروا لسودانيتهم حتى علينا الجنوبين يا اخوى. صادفنى اخ سودانى سائق تاكسى فى شيغاقو العام الماضى و بادرنى بالحديث بالانجليزى و سالنى ان كنت سودانيا, فقلت نعم و وضحت له انه من الصعب عدم معرفة السودانى من القبائل النيلية فى اى مكان فى العالم. هذا الرجل اخبرنى بعظمة لسانه بانه إثيوبى و لسخرية القدر, قابلته فى اليوم الثانى فى مناسبة إجتماعية لاحد اقربائى, تحاشانى و عمل ما شافنى فى حياته. نفس شئ حدث لى فى لندن, اونتاريو. شئ مؤسف جدا و لكن دى الحقيقة.
                  
|Articles |News |مقالات |بيانات

03-10-2009, 08:30 PM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zakaria Joseph)

    والله يا زكريااخوي... ياخي الناس ديل حيرونا عديل كده ... ياخي البلد اتملت بقع من الدم وبقت بركه... ولسه في ناس من غير ماتدري او تدري سايقه البلد لمزيد من الدم... زي الزول الفوق ده ... البقول للناس ديل انامن مصر... وما عارف انو الناس بتضحك فيهو في سرها... زي ده عليك الله هسي يشرف السودان بشنو... كان بقي سوداني ولا( ضنب ) مصري ...في ناس اتكتلت وانسهكت وجرت دماءها خيران ... والسبب نفس عقلية الزول الاسمو مين كرار ده...

    تعرف يا زكريا... مره في بنيه (حنكوشه) كده في لندن قابلتني مع مجموعه من زملائي ايام الجامعه...وشبكتنا ليك انا من مصر وانا من الزقازيق ومش عارف ايه...زي صاحبك الفوق ده لكن بس بتتكلم بالانجليزي واخوك ماخد ليهو ركن بسمع ساى... وفجاة جرس الهاتف رن ... واذا بالحنكوشه تطلع سودانيه اللهجه وخرطوميه الملمح ... قمت سالتها عن السودان... قالت دي دوله افريقيه ساي ...نط واحد من البيض المعاي وقال ليها مصر في افريقيا برضو ... وعاجلها بسؤال مباغت لامن احس انها ممكن تكون ناسيه روحها...هل بتعتبري روحك (نوت افريكان) الحنكوشه وشها قرب يقع منها... انا تاني ما اتداخلت اصلو في الموضوع فقط اكتفيت بالشماته ...

    يا زكريا اخوي زي زولك الفوق ده كتار ... شايلين (لحم) في ريسنهم وحايمين ...
                  
|Articles |News |مقالات |بيانات

03-10-2009, 09:21 PM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    يا زكريا اخوي زي زولك الفوق ده كتار ... شايلين (لحم) في ريسنهم وحايمين ...

    Sanoosi please get off the bus ... you made it so difficult for the conductor ... you are gonna be homeless for ever!!!! true

    Regards
                  
|Articles |News |مقالات |بيانات

03-10-2009, 09:49 PM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    Quote: Sanoosi please get off the bus ... you made it so difficult for the conductor ... you are gonna be homeless for ever!!!! true
    هههههههههههههههههه (حقوق الطبع محفوظه)

    يا ولد هارون نعلك طيب ياخيي...البوست ده كان ماشي كويس...لحدما الزول تابع (المصاري) ده جا واقع فيهو بغاربه ... وقال هو مرحلة الخجل فاتها وبقي مصري تهافتا وادعاءا...

    وقال شنو الخلاه يقول مصري الناس الزرق والشافع اللامي فيهو الضبان... ياخي ده فرقو شنو من الناس الكتلو ابوات الشفع ديل بسبب لونهم او خلقتهم... المصورنو الخواجات ... الزول ده ما عارف انو نحن كلنا في السودان زرق وسنونا صفر في نظر البيضان...


    يا ولد هارون زي الزول ده هسي عليك الله ما يخليك (تتحنقط)** من الغضب



    وتحياتي للبذوره


    ___________________________________
    *الغارب : جزء من رقبة الجمل
    ** تتحنقط: تنجمع لفوق من الغضب
                  
|Articles |News |مقالات |بيانات

03-11-2009, 00:09 AM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    سنوسي تصبح على خير ... أخوك تعبان وعاوز ياخد ليه نومه. كان صحينا نجي نتحنقط معاكم وكان ما صحينا الله كفانا شر المناتلة والحنقطة.

    يا أخي مسعول من الخير البروفيسور محمود دا يطلع مين؟؟؟ أخوك ما مواكب.

    تحياتي
                  
|Articles |News |مقالات |بيانات

03-11-2009, 03:11 AM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    .(:
    Quote: يا أخي مسعول من الخير البروفيسور محمود دا يطلع مين؟؟؟ أخوك ما مواكب.

    البروفيسور محمود ده اصغر بروف سوداني ... احفظ الاسم ده كويس يا محمد... ده زول سوداني من علماءنا النادرين جدا... ..


    البروف ده قصته حا احكيها هنا... ايام طفوله عشناها معا وغربه ... حتي لو (رشاني) برضو حا احكيها..
                  
|Articles |News |مقالات |بيانات

03-11-2009, 03:31 AM

يوسف الولى
<aيوسف الولى
تاريخ التسجيل: 12-28-2005
مجموع المشاركات: 1352

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    ومين السمعك يا ابن عمى
                  
|Articles |News |مقالات |بيانات

03-11-2009, 05:21 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: يوسف الولى)

    Quote: نحن مرحلة الخجل دي استطعنا انو نتحاشاها ونقول فروم ايجبت

    بالله دا ما زول مسكين كيف فروم ايجبت دي ؟؟؟؟
    اها كمان النوريك العنصريه الامها بت اعم ابوها وكت انت مستعر مننا نحن ذاتنا ما راضيين بناكري اصلوهم
    بالله شفتوا متل المصائب الماشه علي كرعيها دي ؟؟
                  
|Articles |News |مقالات |بيانات

03-11-2009, 05:45 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: يوسف الولى)

    صباحاتكم خير
    الموضوع ده كان ماشي كويس قلبو واحد ماشي شبرا
    وغايتو ما قصرتوا معاهو أديتوه من التقيل
    أنا شخصياً بالنسبة لي كلو كوم واختياره للمصريين كوم، مش لسوء في المصريين أو غيره (مالناش دعوة بحد) بس لا ارى أي تمييز للمصريين عنا، هم صح شعب مكافح وكلو سينما لكن سمعة المصريين بأنهم شعب منافق ونصاب تملأ الآفاق
    المصريين نفسهم بيخافوا من بعضهم ومن عشرتي الطويلة معهم هم نفسهم بيكرهوا بعض
    يعني المصري في دول الخليج مثلاً مستحيل يخدم مصري كده لله فالله
    وللأمانة أنا بتكلم عن أهل (القاهرة) تحديداً يمكن الصعيد والنوبيين لسة الخير فيهم شوية
    أما واستياءه من ضبان السودان تحديداً في الغرب فاعتقد أنه اساء التعبير
    متهيأ لي أن ما في احد ممكن يقتل الطفولة ويستعر منها كده وعقله موجود
    يا كان سكران وكتب الكلام الفاضي ده أو ما كان قاصد وافترضوا فيه حسن النية وسوء التعبير عشان ما تمرضوا بس

    وانا اعتذر بالنيابة عنه لكل أطفال السودان وضبابين أفريقيا

    المهم
    يا كاتب البوست
    احب ابشرك ان سمعة السودانيين أصلاً ما بقت ذي الأول،
    كما أن سمعة النساء السودانيات محترفات الدعارة تملأ الآفاق وتسابق وتتفوق على سمعة السوداني الكسلان
    فابشر بالخير

    تحياتي
                  
|Articles |News |مقالات |بيانات

03-11-2009, 11:21 AM

Mohammed Haroun
<aMohammed Haroun
تاريخ التسجيل: 12-21-2005
مجموع المشاركات: 4710

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: بت قضيم)

    المهم
    يا كاتب البوست
    احب ابشرك ان سمعة السودانيين أصلاً ما بقت ذي الأول،
    كما أن سمعة النساء السودانيات محترفات الدعارة تملأ الآفاق وتسابق وتتفوق على سمعة السوداني الكسلان
    فابشر بالخير
    cc

    vv

    يا خرابي يا بت قضيم إنتي جيتي تكحليها عميتيها تب.

    يا أشرف نجعت وين يا كافي البلا!!!
                  
|Articles |News |مقالات |بيانات

03-11-2009, 04:25 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Mohammed Haroun)

    الاخوة|ت الافاضل الكرام

    - اولا اشكركم جميعا لتداخلكم الطيب واعتذر لكم عن التاخير نسبة للانشغال..

    - ثانيا اود ان اوضح شيئا حتي لا يختلط الكيمان:

    انا اتشرف وبكل ما اوتيت من قوة بانني سوداني..وبالرغم من انني مواطن بريطاني

    (واسجل في مكتب الاجانب عند ذهابي للسودان) لا اقول انا بريطاني..بل اعتز

    وافتخر واقول بصوت عالي انا سوداني..

    اما المناظر الذي ذكرها احد الاخوة عن الغرابة بانها مخجلة..الخ. فهذا شيئ

    غريب بالنسبة لي..فانا اتشرف باي سوداني مهما كان لونه او شكله..ولا اتبرئ

    من الاخوة في الغرب او الجنوب لانه حصلت لهم ظروف جعلتهم في وضع سيئ..ابدا

    ليس عندي هذا المنطق..ولا اتشرف ان اقول انا مصري او اي جنس آخر.

    انما قصدت من هذا البوست والعنوان ان اؤكد انني فعلا غاية في الخجل باننا

    كسودانيين لا نستطيع ان نحل مشاكلنا بانفسنا..ونلجا للغريب بدلا من ذلك..

    ونتعرض من جراء ذلك الي اساءات وشتائم وتحليلات من كل حدب وصوب..لان الضوء

    مسلط علينا..وهذا ان دل انما يدل علي عدم وطنيتنا او اخلاصنا لوطنا واننا

    مستعدين للتامر مع الاجنبي في سبيل اتمام وانجاز مصالحنا وليس مصالح اهالينا..

    فالمنطق الذي اعرفه ان الغريب لن يحل لنا اي مشكلة..واذا لم يزدنا كرها

    لبعضنا البعض وانقساما لن ينقذنا..بل ان الكل مع مصالحه ولا يهمه دارفور

    او غيرها..

    اكرر..اذا لم نحل مشاكلنا بانفسنا لن يحلها لنا الاجنبي..

    هذا ما قصدته..باننا اصبحنا اضحوكة لاننا دولنا مشاكلنا مثلما فعلت لبنان

    والعراق وغيرهم وغيرهم..وحتي الان لا يوجد اي استقرار في هذه البلاد..

    اذا كان الغريب همه فعلا حل مشاكلنا وقلبه علي دارفور وعلي السودان..

    كنت اول من سيؤيده في اي قرار سيتخذه..لكن ليس هذا هو الوضع ابدا..

    ثم اننا الان معرضين ان نفقد وطننا (الذي نحب) اكثر من اي وقت مضي..

    كل هذا الكلام في جميع العالم عن السودان الان والاهانات المتكررة

    والاستهزاءات وتصدرنا لجميع وسائل الاعلام العالمية لاننا اعطينا فرصة

    للغريب او الاجنبي للدخول في وسطنا..

    هذا هو ما اخجل منه..ليس لاشكال او اجناس او قبائل..السودان لم يكن ابدا

    جميل الا بتنوع اعراقه وثقافاته وابنائه..وهذا اثرانا جدا وجعلنا منفتحين

    ومثقفين من خلال اختلاطنا بهذا وذاك في الوطن الواحد..وما يحدث لنا الان هو

    غريب عنا تماما ولا يشبهنا ابدا..نعم ..لا يشبهنا..وهذا ما يخجلني..

    بعد ان كنا دولة محترمة يحب اناسها بعضهم البعض..وصلنا الي طريق مسدود

    واصبحنا نشتم بعضنا البعض..وحال المنبر هذا كمثال ونموزج للشتائم والاساءات

    وتاجبج الصراعات ودعوات الانقسام..

    هذه هي مشكلتي التي اعاني منها..اذا حللنا مشاكلنا داخليا مع بعضنا البعض

    فحينها سنكون افضل الدول واسعدها علي الاطلاق..ولن نكون الحديث الدائر والهم

    الشاغل لكل شامت..متربص..متامر..متفرج..متفرغ في العالم بالاضافة الي وسائل

    الاعلام في العالم.

    لو تدرون كم نسيئ لانفسنا؟؟

    لو تدرون كم نقص من رصيدنا؟؟

    ولو تدرون كم فقدنا من احترام الدول والشعوب لنا؟؟؟

    ام لو تدرون المصير الذي ينتظر بلادنا..لفهمتم ما اقول....!
                  
|Articles |News |مقالات |بيانات

03-11-2009, 05:24 PM

عبداللطيف حسن علي
<aعبداللطيف حسن علي
تاريخ التسجيل: 04-21-2008
مجموع المشاركات: 8206

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    Quote: حتي الثمالة


    صحح دي اول يا فروم ايجيبت !!
                  
|Articles |News |مقالات |بيانات

03-11-2009, 05:33 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عبداللطيف حسن علي)

    عبد اللطيف ازيك


    Quote: صحح دي اول يا فروم ايجيبت !!


    انت قاصدني انا؟؟؟

    وهل انا ذكرت انو من مصر؟؟؟؟
                  
|Articles |News |مقالات |بيانات

03-11-2009, 06:05 PM

Deng
<aDeng
تاريخ التسجيل: 11-28-2002
مجموع المشاركات: 48116

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    الاخ اشرف.

    واضح جدا ان وعيك السياسي باحوال البلاد اتى متاخر بعض الشئ.

    السودان ظل في حالة حرب اهلية لاكثر من 35 عاما. السودان يعتمد شعبه على الاعانات الدولية وحكوماته تصرف على تمويل الحروب الاهلية. السودان هو الدولة

    الوحيدة في العالم الذي اعلنت حكومته الجهاد على مواطنيه. قرار المحكمة الجنائية الدولية كان متوقعا بالنسبة لاي شخص يتابع الشأن السوداني.


    Deng
                  
|Articles |News |مقالات |بيانات

03-11-2009, 06:04 PM

Zakaria Joseph
<aZakaria Joseph
تاريخ التسجيل: 11-27-2007
مجموع المشاركات: 9005

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    Quote: تعرف يا زكريا... مره في بنيه (حنكوشه) كده في لندن قابلتني مع مجموعه من زملائي ايام الجامعه...وشبكتنا ليك انا من مصر وانا من الزقازيق ومش عارف ايه...زي صاحبك الفوق ده لكن بس بتتكلم بالانجليزي واخوك ماخد ليهو ركن بسمع ساى... وفجاة جرس الهاتف رن ... واذا بالحنكوشه تطلع سودانيه اللهجه وخرطوميه الملمح ... قمت سالتها عن السودان... قالت دي دوله افريقيه ساي ...نط واحد من البيض المعاي وقال ليها مصر في افريقيا برضو ... وعاجلها بسؤال مباغت لامن احس انها ممكن تكون ناسيه روحها...هل بتعتبري روحك (نوت افريكان) الحنكوشه وشها قرب يقع منها... انا تاني ما اتداخلت اصلو في الموضوع فقط اكتفيت بالشماته ...

    يا زكريا اخوي زي زولك الفوق ده كتار ... شايلين (لحم) في ريسنهم وحايمين ...


    الاخ السنوسى,
    يا يا اخوى, انا الحناكيش ديل بدويهم ال (break) و معزورين تماما لانه حتى داخل الخرطوم الكبرنا فيه دى, بيخافوا الجنوبين و اهل جبال النوبة و الغرابة و اهل ود مدنى و الصحافة و ام بدة- اى زول ما زى هم بيخافوا منه و دى تربيتهم طبعا حيث تعلموا منذا نعومة اظافرهم على ان امثالنا عبيد و اسلافهم من خارج السودان. لكن يا اخوى, الزول بتاعى دى, كان واحد كبير قبل ما تجى الإنقاذ (اريد حمايته لانه صديق لاسرتى) و متعلم و كبير فى سن و لا اظن انه من الناس البتعانى (insecurity) فى ذاتهم.
    طبعا, الفى مخيلة معظم الاخوة السودانين عن الجنوبين الموجودون فى دول الغرب انهم كلهم خموهم فى مخيمات الاجيئين (و معظم الجنوبين اتوا من المخيمات الاجيئن بالفعل), و اننا فقط نجيد عربى جوبا (و دى غلط كبير حيث ان معظم الجنوبين الذين يجيدون العربية يتحدثونها مثل اهل الشمال و عربى جوبا فقط موجود فى مدينة جوبا) اظن ان اللون و التخلف و البؤس المرتبط بالحروب و (low self-esteem) كلها كافية لجعل البخلى ال Egyptian wonnabe) يلبدوا و كان الجنوبين بيطاردوا امثالهم. سحناتنا و طول القامة لمعظم الجنوبين فى معظم مناطق المهجر لا يدع مجال للشك من اين اتينا و دى السبب البخلى البعض يلجا للإثيوبين و الصومالين و المصرين و ذلك للارباط الوجدانى للبعض المكونات الشمالية بهم و ظنهم بانهم يرتبطهم بهولاء اكثر بنا او بكم فى الغرب. و فى الواقع, I'm not even sure whether we can judge failry these kinds of Freudian Slips
    .
                  
|Articles |News |مقالات |بيانات

03-11-2009, 07:18 PM

عبداللطيف حسن علي
<aعبداللطيف حسن علي
تاريخ التسجيل: 04-21-2008
مجموع المشاركات: 8206

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Zakaria Joseph)

    Quote: انت قاصدني انا؟؟؟

    وهل انا ذكرت انو من مصر؟؟؟؟


    الاخ اشرف

    شكرا علي التنبيه:

    مداخلتي مقصود بها الاخ محمد عثمان كرار

    وكنت اقصدك حول تصحيح عبارتك (حتي الثمالة) قبل الرد علي موضوعك في بداية

    البوست

    وشكرا
                  
|Articles |News |مقالات |بيانات

03-11-2009, 07:25 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عبداللطيف حسن علي)

    Quote: وكنت اقصدك حول تصحيح عبارتك (حتي الثمالة) قبل الرد علي موضوعك في بداية

    البوست




    عبد اللطيف حسن

    ما قادر افهم برضه مداخلتك تعني شنو؟؟؟

    هل هي استهزاء ام محاولة لخلق مشكلة؟؟؟

    بالنسبة للكلمة: حتى

    فهي الكلمة الصحيحة..وانا لا اقصد الكلمة: حتي التي تنتهي (ي)

    بعدين تعال ..هل انت مصحح لغة عربية؟؟

    اذا عندك كلام مساك بصر في كلامي الكتبته ارجوا توضيحه لي

    والا ارجوا عدم الاستهزاء فانا ادري ما اكتب!
                  
|Articles |News |مقالات |بيانات

03-11-2009, 07:33 PM

عبداللطيف حسن علي
<aعبداللطيف حسن علي
تاريخ التسجيل: 04-21-2008
مجموع المشاركات: 8206

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    الصحيح هو:

    حد الثمالة!












    مشكلة شنو يازول ، فتك بعافية مادام فيها مشاكل
                  
|Articles |News |مقالات |بيانات

03-11-2009, 07:43 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عبداللطيف حسن علي)

    Quote: حد الثمالة!





    تعرف يا عبد اللطيف انا والله قاصد (حتى)..

    بعدين والله البوست جادي جدا جدا جدا..

    يعني انت ما لفت نظرك في البوست ده غير الكلمة دي وجاي مقولني كلام انا ما قلته..

    علي العموم البوست عنده مقصد اكبر من كلمة حد او حتي..

    اتمني انو تكون فهمت البوست ولو عندك حلول لما طرح فيه اكون شاكرا لو ادليت بدلوك..

    الموضوع بجد محزن وانا اخر حاجة محتاجها انو زول يجي يهظر او يدخل خطا..

    ارجوا مرة اخري ان تكون قد فهمت البوست وما يتعرض له السودانيين من زل واهانة!!
                  
|Articles |News |مقالات |بيانات

03-12-2009, 00:52 AM

Elsanosi Badr
<aElsanosi Badr
تاريخ التسجيل: 03-29-2008
مجموع المشاركات: 4105

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    Quote: بالله دا ما زول مسكين كيف فروم ايجبت دي ؟؟؟؟
    اها كمان النوريك العنصريه الامها بت اعم ابوها وكت انت مستعر مننا نحن ذاتنا ما راضيين بناكري اصلوهم
    بالله شفتوا متل المصائب الماشه علي كرعيها دي ؟؟

    ماما دومه...ياخي انا ما مصدق عيوني...والله مشتاقين ليك بجد ...

    شفت المحن دي ياماما دومه... قال ... فروم ايجبت ... قال ... وشنو قال عشان ناس الغرب والشافع اللامي فيهو الضبان ... ياخي انا ما عارف من اين اتي هؤلاء...والبيمغس اكتر انو في (زيو) كتار... ديل ياماما....هم البيجيبو لينا عينة الحنكوشه القابلتها في لندن او زي زول اخوي زكريا اللاقاهو في شيكاغو داك ..

    ياخي ديل ما عارفين انو اولادنا (الملونين) ديل (اذنا) ليهم نشيد العلم في اضنيهم يوم ولادتهم .... وبناكل باصابعينا لحدما تدق قعر الصحن قدامهم عشان اصلو ما يجي يوم واحد منهم يقول انا (فروم ايجبت) زي المسكين الفوق ده ... وينسي انو هو سوداني وفي السودان ود غبش بعراريقهم وسديرياتهم وحفايا.. وابوه بدوي وكرعينو مقدقدات بالشوك ...


    زكريا اخوي الحناكيش ديل ما بجيبوهم زي زولك النكر روحو داك او زي زولنا القال هو من شبرا ولا بولاق الدكرور .. ده
                  
|Articles |News |مقالات |بيانات

03-12-2009, 08:31 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Elsanosi Badr)

    Quote: اتوارى خجلا حتى الثمالة


    كان حتى الثمالة أو حد الثمالة ..!!

    التعبير غير صحيح !!

    تتوارى خجلا حد الإختفاء ، حد التلاشى ألخ ...

    وتطرب حد الثمالة ..

    وتفرح حد الثمالة ..

    وتنتشى حد الثمالة .. إلخ ..

    المهم أنا زاتى ما خجلت من إنى سودانى

    إلا بعد ما مشيت بره السودان وشفت بعينى الذلة البذلوكم ليها العرب !!
                  
|Articles |News |مقالات |بيانات

03-13-2009, 00:49 AM

عثمان محمد كرار
<aعثمان محمد كرار
تاريخ التسجيل: 12-14-2008
مجموع المشاركات: 1731

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: صلاح أبودية)

    فوق
                  
|Articles |News |مقالات |بيانات

03-13-2009, 11:26 AM

Osama Mohammed
<aOsama Mohammed
تاريخ التسجيل: 04-02-2008
مجموع المشاركات: 4278

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: عثمان محمد كرار)

    Quote: فوق


    شكلك ما فروم ايجبت.....

    رافع البوست ده ليييييييييييييييييييي...

    لو عاوز تعتذر والله الاعتراف بالخطأ فضيلة غير كده .... ربنا يرزقنا واياك ....

    شكلو في كم زول كده عروقم طقت....

    اها نمش ...
                  
|Articles |News |مقالات |بيانات

03-13-2009, 12:32 PM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: Osama Mohammed)

    Quote:
    شكلك ما فروم ايجبت.....


    شكرا اخي اسامة

    انا ذاتي كايس للراجل ده يجي يفسر كلامه الغريب ده..

    في انتظارك يا عثمان!!
                  
|Articles |News |مقالات |بيانات

03-13-2009, 02:02 PM

يوسف الولى
<aيوسف الولى
تاريخ التسجيل: 12-28-2005
مجموع المشاركات: 1352

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: ASHRAF MUSTAFA)

    Quote: نحن مرحلة الخجل دي استطعنا انو نتحاشاها ونقول فروم ايجبت

    . يبدو انك من زوى البشره الفاتح لونها يعنى ممكن برضو المغرب والجزائر زابطه معاك
    غايتو انا بقول من ساوث افريكا
    ومرات كده انديا بتكون زابطه معاى
    لكن برضو بنكون خجلانين
                  
|Articles |News |مقالات |بيانات

03-13-2009, 10:20 PM

عثمان محمد كرار
<aعثمان محمد كرار
تاريخ التسجيل: 12-14-2008
مجموع المشاركات: 1731

للتواصل معنا

FaceBook
تويتر Twitter
YouTube


Re: اتوارى خجلا حتى الثمالة من انني سوداني!!!! (Re: يوسف الولى)

    up
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de