|
ترشيح اعضاء سودانيز اون لاين للحكومة الجديدة!!!!!!
|
قبل ان يبدا اوباما باختيار وزراءه واعضاء حكومته الجديدة نريد ان نلفت نظره الي اعضاء سودانيز
اون لاين حتي يتيسر له الاختيار الرشيد لهؤلاء الكفؤ من اعضاء سودانيز اون لاين...وانا اعتقد انهم
سيشكلون حكومة جميلة كما اراد لها الرفيق مارتن لوثر كينج...وسيكونون اضافة حقيقية متميزة في
هذه الحكومة الجديدة التي تريد ان تحكم العالم...وذلك لما يتصف به السودانيين من وفاء وامانة..
وفي راي ان اي حكومة من غير سوداني زي....ارنب بلا ملوخية...!!!!
يلا يا شباب...كفاية خجل وصمت!!!
رشحوا انفسكم او اصدقائكم لاي من الوزارات الكثيرة...حتي لا نطلع من المولد بدون حلاوة حربة!!!!!
|
|
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: ASHRAF MUSTAFA)
|
[COLOR: #1e90ff]Quote: العنف مرفوض...والزعل ايضا مرفوض |
اشرف يا ملك معقوله بس مافي عنف!! انتا يا حبة خاتي ليك صورة عنف رسمي وشعبي وعضلات كمان
طيب اقول ليك حاجة.....
صغر الصورة بتاعت البرفايل دي شوية كيدا عشان الناس ما تخاف منك لانوا كيدا انتا
عنيف جدا جدا
بس لمن تكون نتشة كيدا الناس حتعم الديمقراطية
وانا حسيب الحركة المسلحة
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: احمد محمد بشير)
|
اخي العزيز احمد بشير
تحية طيبة
Quote: اشرف يا ملك معقوله بس مافي عنف!! انتا يا حبة خاتي ليك صورة عنف رسمي وشعبي وعضلات كمان
طيب اقول ليك حاجة.....
صغر الصورة بتاعت البرفايل دي شوية كيدا عشان الناس ما تخاف منك لانوا كيدا انتا
عنيف جدا جدا
بس لمن تكون نتشة كيدا الناس حتعم الديمقراطية
وانا حسيب الحركة المسلحة |
لالا يا حبوب انت فهمتني غلط
انا الصورة دي ما خاتيها اخوف بيها الناس
انت عارف بروسلي راجل حبوب وما بيغلط علي زول
بس بدافع عن نفسه
وانا زيه بالضبط...رياضي لكن ما بغلط علي زول
بالعكس لو قلت ليك عندي مئات الالاف من الاصدقاء دي ما مبالغة
بالرغم من انو علاقتي معاهم ما كلهم قوية خالص
لكن لمن امشي السودان اصدقائي القراب بيبالغوا بالكرم لي والحفاوة بي
ده لاني بحترم الناس وبعزهم وبخلص ليهم
يعني ببساطة كده المظاهر خداعة
قد تكون صورتي رياضية لكن ما معناها انا بتاع مشاكل
ولو عرفتي عن قريب يا حبوب بتحكم علي اكتر
لاني بدخل في الناس بسرعة...وبتصبح الثقة متبادلة
فخلينا في الديمقراطية يا حبوب وما تشيل سلاح
تعال نقعد في التربيزة نتفاوض
ممكن نتقاسم الثروة والارض
لكن العنف مرفوض...والزعل مرفوض
تسلم يا حبوب وخليك قريب
اخوك دايما
اشرف مصطفي
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: ASHRAF MUSTAFA)
|
الاخ اشرف مصطفي سلام
Quote: العوض المسلمي
وزير الشؤن الاسلامية والاوقاف |
اولا اقبل هذا التكليف ,,بل واسعد جدا به ,,,
فقط اريد ان اقوم ببعض الاصلاحات في وزارتي ,, ولي راي في بعض
النشاط في الوزاره ,,ارجو ان تتاح لي فرصة تحقيقه ,,,
وما قلت لي موعد اداء القسم ؟؟
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: العوض المسلمي)
|
اخوي العوض
تحياتي يا رجل
Quote: اولا اقبل هذا التكليف ,,بل واسعد جدا به ,,, |
تشكر يا حبوب وما خيبت ظننا فيك تب!!!
Quote: فقط اريد ان اقوم ببعض الاصلاحات في وزارتي ,, ولي راي في بعض
النشاط في الوزاره ,,ارجو ان تتاح لي فرصة تحقيقه ,,, |
جيب المعدات كلها وابدا صلح زي ما داير...الكرة في ملعبك...بس لازم تجيب قون!!!
Quote: وما قلت لي موعد اداء القسم |
عندك 48 ساعة من الان !!!
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: ASHRAF MUSTAFA)
|
اشرف سلام
غيرت راي يا اخوي ,, افادني بعض المستشارين بان وزارتكم هذه التي رشحتموني لها لاعلاقة لها بالكنجالات ,, وان وجدت فاكلها حرام ولا يجوز ,,, ممكن تغيروها لي ,؟؟ في خيارات تاني وبعد اضمن الخيارت بتنازل ليكم عن وزارتي ,, وزي ماقال المثل عصفروه في اليد وماتدفق مويك علي الرهاب
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: ابراهيم بقال سراج)
|
الاخ ابراهيم بقال
تحياتي وشكرا كتير علي المرور والمشاركات البنائة
Quote: كيف تكون سفيرة اسرائلية في تل ابيب , دي زي السفارة السودانية في الخرطوم ولا شنو ؟؟
عدل العبارة لتكون
سفيرة الولايات المتحدة لدي اسرائيل |
دي يا ود بقال طبعا مقصودة
وده لحب الخالة تراجي الشديد لاسرائيل
واكيد حاتكون مبسوطة بهذه الترقية!!!
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: ناذر محمد الخليفة)
|
والله يا ابو الشوش ضغطت علي .. يا ابوي وزارة زي دي الواحد بيدفع من جيبو سجاير وقهوة وشاي وحاجات تانية حامياني .. أنا عايز حتة يدفعوا ليك فوقه بدلات .. وزارة البترول والثروة الحيوانية والثروة السمكية اديتوها منو.. اعملوا لي طلب انتداب ؟ والله اكمله ليك بنزين .. وشية جمــر .. وفسيخ ..
Quote: العدل دا غيرو ولا ايييييييه؟؟؟؟؟؟ |
.. Quote: ما سامعيييييييييييين قلت تمس وزير شنو ؟؟ قال وزير عدل قال ؟؟ اتخيلوا عليكم الله !!!!! |
Quote: والله الا يكون غيروه لو ما لقوا ليهو غير تمبس |
إنت يا بقال نعمأنك عايز ترشح نفسك في الحكومة دي .. إنت طريقة تصوييييت ليك زاتو تـك .. بلفان .. كدي خليني احسم موضوع كرسي الوزارة دا وبعدين عينك ما تشوف إلا النور خاصة لو ادوني الداخلية .. يا اي حاجة ليها علاقة بي بسط الأمن الشامل .. يا النظام العام والله إلا تطلب لجوء سياسي في الدامــر .. يا تنوم من الساعة تلاتة بي العصـر
يا شمايل .. أنا افضل إني اكون في حتتي دي .. في (الأمــني) .. وشحدت الله ربي يجيبوك لي مرشحــة .. وحيات ابتسامتك احتمال كبير اعمل ليك عنبر في بيوت الاشباح بي اسمك .. اسميهو عنبــر الشهيدة شمايل ..
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: tmbis)
|
بعدين يا ابو الشوش .. مفترض كل واحد يخت برنامجو الانتخابي .. او يدينا خطوط عريضة .. غايتو انا زول واضح جدا واحسن ليكم الزول البياكلكم من أول .. من الزول البياكل بالدس .. غايتو يا شمايل صدقيني .. بديت انزل في (الزنكي) الخاص بالجناح حقك من حسع دي. ويا بقــال من أهم مشاريعي في مرحلة ما بعد الاستلام .. ح اهـد قاعـة الصداقة .. وامنع استيراد الفنايلا الداخله في صناعة الايسكريم .. واي سمك ما فوقو شــوك .. ح امنع عرضو وبيعو في الاسواق .. واحتمال كبير جدا اطبع لي فنايل فوقه صورتك .. واوزعه في مداخل الكباري .. والخرتوم اتنين.
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: tmbis)
|
Quote: غايتو يا شمايل صدقيني .. بديت انزل في (الزنكي) الخاص بالجناح حقك من حسع دي. أوعــه تكوني فاكره السقف مارسيلية .. إنت جـادة ؟ لا اجيب ليك مايكروييف كمان |
تعرف اشرف مصطفى لو قال مرشحك لوزير الدفاع كانت مناسبة شويا ،، الداخلية مابطالة،جهاز الامن مابنقول شئ
لكن جابت ليها عدل ، يعنى الشعب كلو تحت رحمة تمبس والله كتير ياربنا
اسمعني!
ماضروري يكون مارسيليا بس خليهو يكون زنك امريكي
ملحوظة عشان الجيوب الانفية مافى داعي للتكييف
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: tmbis)
|
Quote: والله الا يكون غيروه لو ما لقوا ليهو غير تمبس |
Quote: الداخلية مابطالة،جهاز الامن مابنقول شئ |
أنا راضي بي ترشيحك دا يا شمايل .. وحسب الصلاحيات المخولة لي .. وبتقتضيها متطلبات المرحلة ، ولو كمان عملو لي وزارة المواصلات (بلت إن) مع وزارة الداخلية ..؟ أصدر الآتي نصه: 1- إرسال بوكس تمنية وسبعين سبعة شنكل جــاز .. لمنزل المدعو إبراهيم بقال .. وذلك قبل نومة العصرية (الفترة الصباحية) من عشرة لحدت حداشر ونص .. 2- احضار المدعو إبراهيم بقال كل يوم في الزمان المحدد اعلاه وبنفس (البوكسي) الموصوف فيما سبق. 3- يتم احضار المدعو بقال في ميدان الخليفة امدرمان في الزمان المحدد اعلاه .. وتقرا هذه الفقرة مقرونة مع الفقرة السابقة. 4- يجلد المدعو بقال يوميا في الزمان والمكان المحددين .. بمعدل خمسة جلدات في يدينو بي سلك كلتش بتاع موطر فيسبا علشان يعرف الكيزان الراكب البوكسي بتاعم ديل قاعدين يعملو شنو في البشرية ، ويقوم المدعو بقال بمد يدينو الاتنين دفعة واحدة ولو ابدى اي ململة تتعاد من أول الجلدات .. 5- يجلد المدعو بقال .. في وطاية رجلينو أو الراحـات .. بمعدل خمسة جلدات ايضا وينطبق عليها نفس الشروط اعلاه فيما يتعلق بي مد اليدين .. والململة ..
ملحوظة: 1- معقولة أنا اجلدك يا شمايل ..؟ 2- في حال اعتراض المدعو مرتضى جعفر على العقوبات اليومية اعـلاه .. هو زاتو يتخمه بالبوكسي ستة وسبعين دا ويتجلد ويترجع بقال علشان ينوم بدري .. ومرتضى جعفر يمشي بي رجلينو (المبققات ) ديل.
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: khaleel)
|
خليل اللذيذ
تحياتي بالكوم
Quote: المخصصات شنو يا اشرف للوظيفة سريع |
تكون طويل!!!
مخلص!!!
ما معارض!!!
مرن وقابل للمط!!!
مستعد للتفاوض مع اي زول!!!
قابل للانصهار والجزب وتمديد الحرارة!!!
تتكيف مع اي حاجة!!!
رايك احتفظ بيهو لنفسك!!!
ما تسال كتير!!!
بطل البكا!!!
شيل وضاحة من بالك!!!
و..................
لمزيد من التبس:
اسال ..مني مناوي!!!!!!
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: tmbis)
|
Quote: بعدين يا ابو الشوش .. مفترض كل واحد يخت برنامجو الانتخابي .. او يدينا خطوط عريضة .. |
تمبس الجميل
تحياتي يا رجل
طالما انت الوزير تضع هذه الخطوط بنفسك
يعني اتصرف زي ما داير بس اوعي تعوق ليك زول
بعدين وزارة العدل بتديك صلاحيات طويلة عريضة لانها بتتعلق بالامن
ده السنة الاولي
السنة التانية ممكن نعمل ريشفل ونمسكك السجون
شايفك قافل علي ناس كتيرة عشان كده خليك متوازن شوية عشان ما تشطح بعيد
لك ودي الاكيد
| |
|
|
|
|
|
|
Re: ترشيح اعضاء سودانيز اون لاين للحكومة الجديدة!!!!!! (Re: mayada kamal)
|
الاخوة والاخوات الاعزاء
العوض المسلمي: سوري يا العوض...ما في تغييرات وما عندك بدائل
ناذر الخليفة: تسلم يا لذيذ
تمبس: ابدعتنا يا لذيذ
خليل: انشاء الله الرد عجبك
شمائل: شكرا علي المرور
عطوفة: تسلمي يا غالية وشكرا علي المرور
حسن مضوي: تشكر علي المرور
المنصور جعفر: شكرا علي المرور
ميادة: انتي يا ميادة من الان اديناكي وزارة الامر بالمعروف والنهي عن المنكر
تشكروا كتير علي المرور دائما منورين البوست والمنبر وانا في غاية السعادة لطلتكم
| |
|
|
|
|
|
|
|