|
Re: فــوال ابــو العبـــاس....والعشرة الكرام!!! (Re: Salahaldeen Nadir)
|
Quote: لذيذ مشهور بانو عندو ألذ سبموكسة
بس عيبو
تقعد ساعة عشان يجيك زول ياخد طلبك
ويجيبو ليك بعد ساعة تانية
وتنتظر ساعة تالتة عشان يجي ياخدو منك الحساب |
والله صدقت!!!
لذيذ ده لمن تطلع منو ضغطك يكون ارتفع
والعجب Italy Pizza
دخلت لقيتو كله جكيس
والمزعلني ناس قالوا لي الناس ديل معظمهم بجو اكتر من اربعة سنوات
الاولاد غاشين البنات ساكت وما في عرس
وبعدين لمن يعرسوا يكونوا كملوا الكلام كله ويبداوا الخناقة!!!
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ASHRAF MUSTAFA)
|
الباسطات والكنافات و الايييييييييييييييييييك ده
عليكم بالبيت السوري بحري
او المأكولات السورية الطازجة شارع الستين
عندهم كنافة نابلسي بالمازريللا
تحفة
وممكن تواصل بشارع الستين
تصل إسباوا التركي
ياخ الناس ديل بيعملو فطاير
عظمة
أنصحكم بال مازاريللا لحمة و المازاريللا بالعسل
و ح تدعو لي
!
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: Salahaldeen Nadir)
|
Quote: الباسطات والكنافات و الايييييييييييييييييييك ده
عليكم بالبيت السوري بحري
او المأكولات السورية الطازجة شارع الستين
عندهم كنافة نابلسي بالمازريللا
تحفة
وممكن تواصل بشارع الستين
تصل إسباوا التركي
ياخ الناس ديل بيعملو فطاير
عظمة
أنصحكم بال مازاريللا لحمة و المازاريللا بالعسل
و ح تدعو لي
! |
يا خي انت راجل راقي جميل
دي معلومات قيمة جدا
والله ما قصرت تب
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: Salahaldeen Nadir)
|
Quote: دعاية مجانية
العايز يعمل أييي شئ
يمشي أمواج
لا بديل لبروست أمواج إلا بروست أمواج |
والله والله والله يا صلاح صدقت
امواج ده عنده السمك والدجاج والسلطات و...و..و...
ولو عايز تستمتع باجازتك وتكون فعلا شفت السودان
امشي امواج
Quote: الكوارع في الموناليزا إمتداد ناصر و لا على كيف ناس الصحافة |
احلي كوارع اكلتها في حياتي
في الثورة الحارة الثامنة
مطعم جمعة
جنب مستشفي النو
آي ابوي
لا والله..ده منو؟؟؟
Quote: لو سمعت بيه بوريك مكانو وين
لو ما سمعت
خليك في الفول كان كده
! |
يخس عليك يا صلاح
يعني البوست ده للتنوير...ولا شنو؟؟؟
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: Salahaldeen Nadir)
|
Quote: تستمتع بإجازتك وتكون شفت السودان
؟؟؟؟؟
انت من النوع البياخد إجازتو في السودان؟؟ |
انا لي 17 سنة في الغربة وما مشيت السودان الا 3 او 4 مرات لكن ما سافرت غيرها كتير وبتمني من كل قلبي اجازاتي كلها تكون في السودان لكن المشاغل هنا كتيرة وبالمناسبة طوال اليوم بتفرج في الفضائية السودانية حتي لو مافي غير رملة وحصحاص
Quote: عشان كده ماعرفت الكالاماري
شكلك قاعد ليك في بلد كحيان زي هولندا و للا أمريكا ولا ماعارف وين |
لا والله...اوربا الغربية
Quote: الكالاماري ياحبيبنا
ود عم الاخطبوط
و بيقولو ليه الحبار
وتجده مع اولاد خيلانو الجمبري و المحار في سوليتير الرياض شارع الجزار
او شارع 15 |
لو قلتها لي بالانجليزي بعرفها
هل هي Anchovies or Prawn??
ااااي عدلت, غيرت رأيي, في مانع؟
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ASHRAF MUSTAFA)
|
Quote: : بس العشرة الكرام ديل منو؟
ديل طبعا مكتوبين كده في اليافطة لكن يقال انهم الاسياد العشرة الاوائل وفي رواية اخري: اكرم عشرة!!! |
بهذه المناسبة : كنت قبل كم شهر في السودان ومررت بهذا المطعم فوقفت لأتابع التغييرات أول ما لفت نظرى (اللافتة الناقصة ) , اذ حذف الجزء الثاني من الاسم (والعشرة الكرام) وكان بالقرب مني أحد الجرسونات فسألته عن لماذا حذفت جملة (والعشرة الكرام) فنظر الجرسون الي اللافته ليكتشف أنه وطوال فترة عمله لم يلحظ هذا الاختفاء ولم ينتبه له !!!
----------------------- فمن يقرأ هذه المداخلة وساقته سيقانه الي مكان هذا المطعم فلينظر الي اللافتة وليؤكد كلامي أو ينفيه ........!!!!!!!!! ولكن السؤال هل هناك جهات ما أوعزت لمالكي المطعم بفعل ذلك ؟؟؟؟؟؟؟؟؟؟؟ ربما.
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ASHRAF MUSTAFA)
|
الفـول المقدم ما فيهـو كلام بس هالني تدني مستوى النظــافه لشكل مريع !.. فول ناجح و بهذه الشهــره سهل جدا ان يقدم في موقع نظـيف , و ان يتجه لفتح عده فروع توسع مفيد اقتصاديا ومواكب لعاصمه سكانها بالملايين , و بلد مساحته مليــون . _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ASHRAF MUSTAFA)
|
Quote: بس العشرة الكرام ديل منو؟ |
احد الجهابزه فى اداره افوال ابو العباس والعشره الكرام سؤل السؤال اعلاه .. فكان رده اكرمه الله التوم الشمار البيض زيت السمسم الملح الشطه الليمون الرغيف الدكوه قيل ثم ماذا قيل كبايه شاى كاااربه بعد الفطور
(( الناس دى بتاكل ساااى وما عارف هى بتاكل شنو )) و تحياتى
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ناهد بشير الطيب)
|
ناهد ازيك
Quote: فى محل فتح جديد بتاع تماسيح فى شارع النيل اعتقد جنب المطعم السياحى العالمى او هو زاتو ..ماعارفة يلا واحد يمشى يضوقوا ويجى يورينا الحاصل ... |
اها...ولو ما جاء نقع وين؟؟؟
ولا نمشي نسال عنو التمساح؟؟
كدي انتي اختفي كراعك وتعالي ورينا الحاصل شنو!!!
(وش متمسح جدا!)
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: Mohamed Doudi)
|
ولد دودي الفايد حبابك الف
Quote: فول ابو العباس سمح بلحيل اذا كان سؤالك موجه لناس الخرطوم لكن نحنا فى الابيض عندنا فول محطه اجيب وفول قدوره زيو مافى تبززاسال ناس الابيض ..طبعا ده كان فى اواخر سبعينات والثمانينات |
الابيض دي اهلنا كتيرين فيها بالحيل
راجع بوستي بتاع العمارات امكن تعرفهم
تعال لينا يوم جيب فولكم واحنا نجيب فولنا ونشوف الاحلي ياتو!
تشكر يا حبوب علي طلتك التي اسعدتني
| |
|
|
|
|
|
|
Re: فــوال ابــو العبـــاس....والعشرة الكرام!!! (Re: ناهد بشير الطيب)
|
اختي العزيزة جدا ناهد
Quote: طلعت روحنا لغاية ماطلعلنا لينا بسندوتش من عمك ابو العباس
انت تعال البوستات دى كانت وين ولا انت زااااتك كنت وين ؟
عالم تسافر من غير ماتخلى حق الفول |
والله فرحت جدا لمداخلتك الجميلة اختفيتي من المنبر فجاة وما شفناكي تعرفي يا ناهد انا منذ انضمامي للمنبر كتبت حوالي 65 بوست 20 منهم سرقهم الهكر والباقي ظل مشتت عشان ما عندي مكتبة
معليش يا ناهد لتعبك حتي تطلعي سندويتش من عم عباس امسحيها لينا في وشنا وانا حاتكلم معاه لمن اقابله.. بعدين آسف لسفري من غير ان اترك حق الفول لكن المرة الجاية حقك محفوظ وممكن اجيب ليكي ساندوتش من السودان وارسله ليكي بال دي اتش ال
لا تدري كم اسعدني مرورك الجميل واتمني دوام التواصل
| |
|
|
|
|
|
|
|