كتب الكاتب الفاتح جبرا المتوفرة بمعرض الدوحة
|
بوست لتوثيق كلام الحبوبات في السودان!!!
|
هذا البوست لتوثيق كل كلام الحبوبات في السودان...
فقدنا الكثير من الحبوبات ونسينا كلامهم الجميل اللذيذ...
ارجوا من الجميع المشاركة بتذكيرنا بكلام الحبوبات حتي لا ننساه ويندثر مع مرور الوقت...
وهذا البوست مهم جدا لكل السودانيين وخاصة المغتربين منهم لتعليم
ابنائهم بكلام وتعليقات الحبوبات الجميل الذي لا يسمعونه في الغربة ابدا...
|
|
|
|
|
|
|
|
Re: بوست لتوثيق كلام الحبوبات في السودان!!! (Re: lana mahdi)
|
Quote: الليلة من صباح الرحمن عندي لوّاية لا نفعتني حلبة لا محريب لا حزا |
برية سلامتك يا بت أمي ، كدي النشوف ليك التكل جوا اكان القي شوية حرجل أغليها ليك باقي بنفع اللوًاية دي
_______________________________________
تحياتي أشرف و لنا
| |
|
|
|
|
|
|
Re: بوست لتوثيق كلام الحبوبات في السودان!!! (Re: heba Elmahi)
|
Quote: : Quote: الليلة من صباح الرحمن عندي لوّاية لا نفعتني حلبة لا محريب لا حزا |
برية سلامتك يا بت أمي ، كدي النشوف ليك التكل جوا اكان القي شوية حرجل أغليها ليك باقي بنفع اللوًاية دي |
جنس اللواية دي يا هبة آختي من يوم فتحتا عيني في الدِنيا دي ما جاتني الشكية لابيدن قوية.. واليوم أتّقول أربحا و عقاب شهر!!قمتا من الصباح مورودة وراسي مووجعني برجا يوسف يوديني الاستباليه
| |
|
|
|
|
|
|
Re: بوست لتوثيق كلام الحبوبات في السودان!!! (Re: lana mahdi)
|
Quote: جنس اللواية دي يا هبة آختي من يوم فتحتا عيني في الدِنيا دي ما جاتني الشكية لابيدن قوية.. واليوم أتّقول أربحا و عقاب شهر!!قمتا من الصباح مورودة وراسي مووجعني برجا يوسف يوديني الاستباليه |
برية سلامتك يا بت امي بسس علي الاسبتالية و علي الحكماء النبي فوقك اكان تمشي ليهم ما شفتي اليومة ديك فاطنة بت عباس كيفن تبزوها بكم حقنة في يدينها و جات راجعة بي حمتها ؟ عندي سفوفة بديك ياها و الكمدة بالرمدة بلا اسبتالية بلا سجم
| |
|
|
|
|
|
|
Re: بوست لتوثيق كلام الحبوبات في السودان!!! (Re: heba Elmahi)
|
Quote: Quote: Quote: جنس اللواية دي يا هبة آختي من يوم فتحتا عيني في الدِنيا دي ما جاتني الشكية لابيدن قوية.. واليوم أتّقول أربحا و عقاب شهر!!قمتا من الصباح مورودة وراسي مووجعني برجا يوسف يوديني الاستباليه |
برية سلامتك يا بت امي بسس علي الاسبتالية و علي الحكماء النبي فوقك اكان تمشي ليهم ما شفتي اليومة ديك فاطنة بت عباس كيفن تبزوها بكم حقنة في يدينها و جات راجعة بي حمتها ؟ عندي سفوفة بديك ياها و الكمدة بالرمدة بلا اسبتالية بلا سجم |
اظاهر عليْ معيونة يا هبة يختي بخور أتّيمان اجّابو ليْ محمد باقي ليْ ما زي حق زمانك لا فيهو عللي لا فيهو قاقا و مختوتة فيهو حبيبة عين عروس
| |
|
|
|
|
|
|
Re: بوست لتوثيق كلام الحبوبات في السودان!!! (Re: lana mahdi)
|
Quote: اظاهر عليْ معيونة يا هبة يختي بخور أتّيمان اجّابو ليْ محمد باقي ليْ ما زي حق زمانك لا فيهو عللي لا فيهو قاقا و مختوتة فيهو حبيبة عين عروس |
صحي والله ، والزمن دا خلق الله أصلو ما بريحوا لا بعرفوا يقولوا ماشاءالله و لا بصلوا علي النبي ( بسس عليهم ! ) و انتي زااااتك ما بتسمعي الكلام كم مررررة كلمتك قلت ليك خاتم النص دا ما تقلعيهو من صباعك و قهوة الاحد دي ما تفطيها ، أصلو الجماعة ديل ( بدستورهم ) ما تزعليهم أها خمي و صري عاد كان قبلو عليك بدستورهم يا يمة لا يدخلو جسمنا ولا يعرفو أسمنا يعفو و يرضو
| |
|
|
|
|
|
|
Re: بوست لتوثيق كلام الحبوبات في السودان!!! (Re: heba Elmahi)
|
Quote: Quote: Quote: اظاهر عليْ معيونة يا هبة يختي بخور أتّيمان اجّابو ليْ محمد باقي ليْ ما زي حق زمانك لا فيهو عللي لا فيهو قاقا و مختوتة فيهو حبيبة عين عروس |
صحي والله ، والزمن دا خلق الله أصلو ما بريحوا لا بعرفوا يقولوا ماشاءالله و لا بصلوا علي النبي ( بسس عليهم ! ) و انتي زااااتك ما بتسمعي الكلام كم مررررة كلمتك قلت ليك خاتم النص دا ما تقلعيهو من صباعك و قهوة الاحد دي ما تفطيها ، أصلو الجماعة ديل ( بدستورهم ) ما تزعليهم أها خمي و صري عاد كان قبلو عليك بدستورهم يا يمة لا يدخلو جسمنا ولا يعرفو أسمنا يعفو و يرضو |
يزاولو ليْ يزاولو ليْ يزاولو ليْ يختي يومتا ودرت خاتم النص حقي إلا ندهتا: يا ابراهيم ابن ادهم بشارتك الفاتحة تصدقي و تآمني بي الله عيني للخاتم واقع جم كراع العنقريب يعفو و يرضو ووجع الراس ما خلاني الا ربطتا راسي بي دلقانة و مفتاح و كبت لي بنية بتي زيت سمسم صاقط في نص راسي
| |
|
|
|
|
|
|
Re: بوست لتوثيق كلام الحبوبات في السودان!!! (Re: حمد اسماعيل)
|
أها ياختي فتكم بي عافية ماشة اخد ليً غمدة و بجيكم صادة صباحة الله بي خيرها ، بعد ما سيد اللبن يجئ و يفوت بجئ أصبح عليك و انا في سكتًي لبتاع الخدار الفي طرف الشارع داك باقي البحوم بالمكرفون دا خداره بايت
أها ودعناك الله و الرسول وداعة تغطيك و تنجيك من كل بلاء
| |
|
|
|
|
|
|
Re: بوست لتوثيق كلام الحبوبات في السودان!!! (Re: ASHRAF MUSTAFA)
|
. .
ياأشرف حبوبتنا كلامها كله دعوات سمحات بالحيل :
تشيلك عافيتك ياوليدي/الله يملاك عافية/الله يغتي عليكم/يافلانة أقفلي الباب الواطة مغربت الوليدات ديل ماتخلوهم في الشارع ساعة المغارب/كر علي ياود أمي ادوك عين عين ماصلت علي النبي.
دي الحبوبة أم الأم .
الحبوبة أم الوالد كانت صعبة شوية مع طيبة القلب طبعاً :
أولاد الموظفين السجمانين العاطلين(ماعارف عاطلين دي لزومه شنو ونحن كنا لسه شفع)
ياولد غور من وشي تتضاحك زي نار القصب .
ولمن كبرنا شويه وكان الواحد يقول ليه كلمتين كبار كبار تقول ليك : هوووووووي ياوليد موحمد إنت بقيت مع ((الشعوعيين) ولا شنو ؟
كان بيعجبني نطقها لكلمة (الشعوعيين)
ربنا يرحم الأموات منهن ويطول أعمار الباقيات .
تحياتي وتقديري ياود العم. .
| |
|
|
|
|
|
|
Re: بوست لتوثيق كلام الحبوبات في السودان!!! (Re: Ashraf Abdel-Muty)
|
Quote: انا ممكن اشارك ؟؟؟ ابو الشووش ازيك يا غالى مشتاقيين وتانى مشتاقيين
راجع ليك |
يا سلالالالالالالالالالالالالالالالالالالالالالالالالالالالالالالالالالالالالالالالالام
ابو الشووووووووووووووووووووووووووووش
العرييييييييييييييييييييييييييييييييييس
والله بالغت ياخ
مشتاقين شوق ما عادي
الف مليار مبروك للزواج
طبعا ما اتصلت بيك لانك في شهر العسل ما حبيت اكون بايخ
وفتحت بوست عن الاخوة المفقودين في المنبر كنت انت اولهم
لكن البوست تم سحبه لاسباب فنية
اخبارك شنو؟؟؟
وانشاء الله بقيتوا (3) ؟؟؟؟؟
شكرا يا ابو الشوش علي الطلة البهية وردك لي كاول مداخلة
والله نورت المنبر كله
وانشاء الله اتصل بيك قريب.
| |
|
|
|
|
|
|
Re: بوست لتوثيق كلام الحبوبات في السودان!!! (Re: الصادق ضرار)
|
ابو الشووووش يا غالى
والله مشتاق ليك وما قادر اعبر
Quote: الف مليار مبروك للزواج
طبعا ما اتصلت بيك لانك في شهر العسل ما حبيت اكون بايخ |
انت تتصل فى اى وقت يا راقى Quote: وفتحت بوست عن الاخوة المفقودين في المنبر كنت انت اولهم
|
انشاالله ما تفقد عزيز يا غالى Quote: اخبارك شنو؟؟؟
وانشاء الله بقيتوا (3) ؟؟؟؟؟
|
عارف يا ابو الشوش عندى واحد صحبى جاء من شهر العسل لاقيتو و سالتو اها ما بقيتو 3 قال لى والله لو ما الاجاويد كان بقينا واحد والله انشاالله و بحياتك و انت طيب ولو ما كان اسمك اشرف كان سميتو عليك Quote: شكرا يا ابو الشوش علي الطلة البهية وردك لي كاول مداخلة
والله نورت المنبر كله
وانشاء الله اتصل بيك قريب. |
انا سعيد بالتواصل معك وبكل المتداخلين و اصحاب الاقلام و القراء و زى ما بقولوا الحبوبات انشاالله يوم شكرك ما يجى يا ولدى
لك كل الود
| |
|
|
|
|
|
|
Re: بوست لتوثيق كلام الحبوبات في السودان!!! (Re: Ashraf Abdel-Muty)
|
وعشان انت جميل يا ابو الشووووش و البوست جميل اتقدم بالتحيه و الشكر الجزيل لناس ابو ظبى للخال العزيز مصطفى احمد عبد الجليل و الاخوان الصاوى امير الصاوى طه احمد عبد الجليل ياسر عوض الكريم عادل بابكر مصطفى السنى لكل الحفاوه و الترحيب وزى ما بقولوا الحبوبات انشاالله يعيشوا و يسوا و يعيشوا و يجيبوا
كل الود و المحبه و دمتم
| |
|
|
|
|
|
|
|