|
|
 إرتفاع أسعار العقارات وإيجارات المنازل بالخرطوم !!!
|
Quote: تفيد متابعات «الرأي العام» بأن التذبذب الذي يشهده سوق العقارات بالسودان موسمياً إلى حد كبير حيث تتسم أسعار العقارات بالثبات بمعظم الاحياء بينما مع توافد المغتربين ترتفع أسعار الايجارات بعدد من أحياء وسط الخرطوم والتي تتعدد بها العمارات التجارية والاستثمارية، كما نلحظ ان الحراك السياسي الانتخابي الذي تشهده معظم ولايات السودان والعاصمة على وجه الخصوص أسهم بزيادة متراوحة بأسعار تأجير العقارات.
ووصف عبد القادر محمدين -سمسار عقارات وأراضي سوق العقارات هذه الأيام بأنه الأكثر نشاطاً نسبة لوجود المغتربين والأجانب مما أعاد الحيوية إلى العمل رغم ارتفاع الأسعار. وحسب متابعات «الرأي العام» فقد قفزت أسعار العقارات بامدرمان بأحياء الواحة -المهندسين بصورة كبيرة وبلغت أسعار الإيجار للشقة الصغيرة «غرفتين بالمنافع» من «850-900» جنيه، والكبيرة «3 غرف ومنافع» من «1100-1200» جنيه، وارتفعت أسعار المنازل إلى «1200-1300» جنيه.
وعلى ذات النسق واصلت العقارات بوسط الخرطوم ارتفاعها خاصة الإيجار بمنطقة الخرطوم -العمارات- الجريف وبلغ متوسط سعر إيجار الشقة بتلك المناطق «1500» دولار للشهر والكبيرة قد يصل سعرها إلى «2500» دولار.
إلى ذلك أوضح الفاتح جمعة صاحب مكتب لتأجير العقار بالكلاكلة ان الاسعار بتلك المناطق والمناطق المجاورة -الشجرة- اللاماب- اللفة شهدت ذات الارتفاع والذي عززه حسب حديثه لموقع تلك المناطق إذ انها متاخمة لكوبري امدرمان الكلاكلة المزمع إنشاؤه واشار إلى إنها ارتفعت بما يعادل «100-150» جنيهاً للإيجار، أما بالنسبة للشراء فإن الزيادة بلغت «50-70» ألف جنيه، وأوضح أن هذا الارتفاع شمل مربع «10-3-5» من أبو آدم وعدداً من مربعات الكلاكلة شرق واللفة متوقعاً زيادة الارتفاع بتلك المناطق في الفترة القادمة. |
|
|
 
|
|
|
|
|
|
|
 Re: إرتفاع أسعار العقارات وإيجارات المنازل بالخرطوم !!! (Re: ASHRAF MUSTAFA)
|
الحاجة المزعلاني أنا لي فترة طويلة جادي جدآ لشراء شقة أو منزل بالخرطوم
لكن السماسرة الله يسامحهم كل يوم يزيدوا في الأسعار ويجزروا الناس
ياخ أسعار العقارات في لندن وأمريكا ما بالصورة دي
السودان ده مبالغة
والغريبة الأسعار ليست منضبطة ولا يوجد من يسيطر عليها
هل من جهات مسؤلة لضبط أسعار العقارات في السودان؟
أفتونا يا العارفين...
| |
|
|
|
|
|
|
|
|
|
Re: إرتفاع أسعار العقارات وإيجارات المنازل بالخرطوم !!! (Re: ASHRAF MUSTAFA)
|
Quote: الحبيب اشرف كيفك ياصاحب... ياخ انا عندي شقة فاضية ليها سنة
وفي موقع ممتاز وده يدل على عدم صحة الوارد اعلاه.
|
تحياتي يا كما ومشتاقين
انت عارضها للايجار بس ولا للبيع كمان؟؟
بعدين امكن انت ما عندك ضهر يمشي ليك امورك هناك
والا كيف الرأي العام تجيب كل هذه الارقام
تعرف يا كيمو انا لو واحد وقف جنبي وقال لي هو سمسار امكن اعضيهو
لانو الناس دي شاميها شديد ومكجنها بالحيل
لكن مع الاسف لازم الواحد يضطر الي التعامل معهم
اذا لم يجد بيعة مباشرة من صاحب الملكية
| |
|
|
|
|
|
|
|
|
|
Re: إرتفاع أسعار العقارات وإيجارات المنازل بالخرطوم !!! (Re: ASHRAF MUSTAFA)
|
أشرف ياحبيب ،،
سلامة الوصول وبركة بشوفة الأهل ،،
أنت الناس ديل الوداك ليهم شنو برجولك؟؟ (تنكرب بس وأنت ساكت)،،
==
غايتو لو إضطريت للإيجار كلمنا : عندنا شقق ممتازة في موقع رائع (لفة جوبا)،،
وهذه خدمة مننا كمان لإخواننا المغتربين ، أسعار موش بتاعة سماسرة ، فيها
مهاودة للأسر المتوجهة لتعليم أبنائها بالسودان ،، الفرصة ضيقة جداً !!! (وجه مستحي من سيد الحوش)!!
=
سلام للأسرة يا أشرف ، وأمنياتي بإجازة سعيدة!!
| |
|
|
|
|
|
|
|
|
|
Re: إرتفاع أسعار العقارات وإيجارات المنازل بالخرطوم !!! (Re: ASHRAF MUSTAFA)
|
Quote:
الحبيب اشرف كيفك ياصاحب... ياخ انا عندي شقة فاضية ليها
سنة وفي موقع ممتاز وده يدل على عدم صحة الوارد اعلاه.
|
ابوالشرف سلامات . للاسف الكلام دا صاح ياكمال وفى الخرطوم تحديدا ومناطق معينه اما عن الشقه بتاعتك دى لو فى الخرطوم محل الطياره بتقوم والرئيس بينوم والجكس بيحوم وفى مكان ممتاذ وحى ما خمج بتجيب اكثر من كده ( لا علم لى بمناطق ام درمان وبحرى ) نحن ناس خرطوم وبس ..
| |
|
|
|
|
|
|
|
|
|
Re: إرتفاع أسعار العقارات وإيجارات المنازل بالخرطوم !!! (Re: ASHRAF MUSTAFA)
|
أخونا عبد اللطيف بكري
الرجل الضكران الاصيل ود البلد
مشتاقين ياخ
وين الحي بيك
واخبارك والاهل
ولعلك صرفت نظر للحضور الي لندن
Quote: أشرف ياحبيب ،،
سلامة الوصول وبركة بشوفة الأهل ،،
أنت الناس ديل الوداك ليهم شنو برجولك؟؟ (تنكرب بس وأنت ساكت)،،
==
غايتو لو إضطريت للإيجار كلمنا : عندنا شقق ممتازة في موقع رائع (لفة جوبا)،،
وهذه خدمة مننا كمان لإخواننا المغتربين ، أسعار موش بتاعة سماسرة ، فيها
مهاودة للأسر المتوجهة لتعليم أبنائها بالسودان ،، الفرصة ضيقة جداً !!! (وجه مستحي من سيد الحوش)!!
=
سلام للأسرة يا أشرف ، وأمنياتي بإجازة سعيدة!! |
أعمل شنو يا عبد اللطيف
مجبر والله
داير شراء ما ايجار
لكن لفة جوبا دي وين؟؟؟
كدي شوف لينا حتة قريبة
الظاهر انت عايز تودينا التوج
(وش ضاحك)
اها انشاء الله الناس تنتبه لخدماتك الفوق دي
وتلحق قبل ما البلد تتملي ويبقي مافي مكان
خالص الود يا حبيب
وخليك قريب
| |
|
|
|
|
|
|
|
|
|
Re: إرتفاع أسعار العقارات وإيجارات المنازل بالخرطوم !!! (Re: كمال ادريس)
|
Quote:
عبد المحسن ... الشقة للايجار ... بيع مامعانا يازول وهي في اول الصافيةعلى شارع المعونة
|
سلام الله عليك اخ كمال انا لا افهم اي شى عن اسعار العقارات خلاف الخرطوم .
الاستثمار الحقيقى للشقق فى الخرطوم من حيث العائد السريع مع انه الصافيه جميله واسعاره حمى خفيفه مقارنه مع الخرطوم .وافتكر الاخ منصور المفتاح عامل بوست قريب من دا وفى واحد زميل اسمو عبدالقادر هو خبير فى المناطق بتاعة بحري .
| |
|
|
|
|
|
|
| |
ASHRAF MUSTAFA
كمال ادريس
Abdelmuhsin Said
فيس بوك
تويتر
انستقرام
يوتيوب
بنتيريست