|
|
 تعرفوا كرتي دا تاجر وزول دفاع شعبي ساي أبدا ما دبلوماسي ولا يحزنون #
|
تعرفوا كرتي دا تاجر وزول دفاع شعبي بس ليه يا ود يا أبو الزهراء بتقول كدا وأنت جلهول وعمرك ما بقيت مدير عام حتي بطل تتطاول علي القيادات الاسلامية
والمجاهدين في بلد الصابرين أقول ليكم القصة وأنا شاهد علي العصر التحلل واللحس التمام أعلنت الخارجية السودانية عن عقد منتدي العلاقات الروسية العربية ودعت كل
وزراء الخارجية العرب وأهل الوجعه ناس روسيا الوزير حقوهم لارفو جا كمان بس الغريب أنو كان حضور وزراء خارجية الدول العربية ضعيف أتنين بس وصلوا الخرتوم حتي
الاخو المصري غاب جا وزير خارجية مورتنايا والكويت والامين العام لجامعة الدول العربية يعني من عضوية الجامعة العربية أقل من 5% داشنو ليه كدا العرب بيعملوا حركات
مع الزول كرتي والله الروس كانوا في غاية الاستغراب وقال واحد روسي يا خي السودانيين ديل عبيد عرب ما عرب أصليين نحن دي ما فكرنا فيها لكين تاني ما بتحصل علينا نسوي
لينا لمة للعرب عندهم ولا سباق هجن ما بحصل عندكم تاني يا كرتي يا خي ما قلت قدمت الدعوات لوزراء الخارجية العرب قالوا بحضروا أنت أشتغلت القصة كيف يا خي دا
منتدي أقتصادي قصدنا منو زيادة التبادل التجاري الروسي العربي لكين كون يحضروا السفراء المتعمدين في الخرطوم يا خي سببت لينا حالة فشل في تاريخ العم الكبير والدبلوماسي
المخضرم لاروف غير مسبوفة الله يسامحك يا خي كنت تغلي القصة وأو تقول أنت أدعوا الناس وموسكو بالليل أجمل من الخرطوم المهم طلع المنتدي عجيب غريب
ما أخد من العم سيرجي لاروف أكتر من ساعة طقطق الشغل و مشي البشير سافر من قبل ما يقابل البشير ذاتو لانو حتي المترجم في لقاء البشير كان روسي
حتي الخارجية السودانية والقصر الجمهوري ما فيهن مترجم سوداني يحسن الروسية كلغة يا أمشي شوف أسمنتيك وين عليك الله بطل ضهب !!!
اليوم التاني قال الخارجية السودانية هي صاحبة فكرة أجتماع دول الجوار الليبي الثالث حضروا الاربعة دول كانو ا كلهم بس فقدت الدولة السودانية حق قيادة المبادرة الصادرة
من التجمع يعني حتي كرمنا راح في الهوا ساي الله يفشلك يا وهم ذهبت الجهود السياسية للشقيقة مصر والامنية للجزائر يعني دا زي الراجل اللي ضبح خروف و ما أكل فيه ولا
حتة لحمة ضيعتنا الله يهدياك يا خي بالجد ما دبلوماسي ولا يحزنون أمشي شوف مشروع الفلل حقتك وين يا خي مرضتنا ألله يقلعك من الخارجية يا خي
ما قلت ليكم الزول دا ما بعرف دبلوماسية زول بزنس وعرس ساي !!!
|
|
  
|
|
|
|
زهير عثمان حمد
سامى عبد المطلب
فيس بوك
تويتر
انستقرام
يوتيوب
بنتيريست