|
|
 هل سماجة ( البشير ) هي مقدمة لبيع مشروع الجزيرة ؟ ده رئيس ولا سمسار ؟
|
المشكلة ما في تجنيه علي مزارعي الجزيرة ...
و لا في نكتته السمجة ...
لكن الجاب السيرة الآن شنو ؟
المرحلة الجاية شكلها القصة فيها بيع ...
غالباً هو و اخوانو ... عندهم ( عضة ) كبيرة ....
حيبيعوهوا للكويتين و لا القطريين ... يا ربي ؟
______________________________
بالله حسبها ليهم في راسو ...
تبيع بي كم و تشتري بي كم ...
ده رئيس جمهورية ولا سمسار ؟
|
|
  
|
|
|
|
|
|
|
|
Re: هل سماجة ( البشير ) هي مقدمة لبيع مشروع الجزيرة ؟ ده رئيس ولا سمسار ؟ (Re: يحي قباني)
|
Quote: حيبيعوهوا للكويتين و لا القطريين ... يا ربي ؟
|
صدقني ياقباني لوما نفتح عيوننا،
أبناء الأراذل ديل ، زي ما أبناء أراذل فلسطين باعوا الأراضي لليهود
وخلوا أهلهم لافين صينية لليلة ولي بكرة ،
ديل حيخلوا الشعب السوداني يلف زي السورو ،
كلنا حنلف صينية ، والاستعمار ، أبشع أنواع الاستعمار،
الاستعمار الاستيطاني جاييكم ، وجايب معاه كل
سحالي البشر وجراذين الصحراء ، أسيادكم الجدد ،
وبئس الإسياد ، ياريت لو كانوا انجليز أو فرنسيين
كان ،على الأقل ، أدونا لمحات ونفحات حضارية ،
اما ديل وإسيادهم حيودونا الدرك الأسفل من الحضيض ،
فأحسن الناس تتحرك قبل فوات الأوان .
تحياتي
| |
|
|
|
|
|
|
|
|
|
Re: هل سماجة ( البشير ) هي مقدمة لبيع مشروع الجزيرة ؟ ده رئيس ولا سمسار ؟ (Re: dardiri satti)
|
Quote: صدقني ياقباني لوما نفتح عيوننا،
أبناء الأراذل ديل ، زي ما أبناء أراذل فلسطين باعوا الأراضي لليهود
وخلوا أهلهم لافين صينية لليلة ولي بكرة ،
ديل حيخلوا الشعب السوداني يلف زي السورو ،
كلنا حنلف صينية ، والاستعمار ، أبشع أنواع الاستعمار،
الاستعمار الاستيطاني جاييكم ، وجايب معاه كل
سحالي البشر وجراذين الصحراء ، أسيادكم الجدد ،
وبئس الإسياد ، ياريت لو كانوا انجليز أو فرنسيين
كان ،على الأقل ، أدونا لمحات ونفحات حضارية ،
اما ديل وإسيادهم حيودونا الدرك الأسفل من الحضيض ،
فأحسن الناس تتحرك قبل فوات الأوان . |
درديري يا صديقي ...
ديل سرقوا عمرنا الراح في المهجر ... و بتاجروا بالفاضل فوقو ...
صدقني ... واحد مره حكي لي حكاية عجيبة ...
مقاول صغير علي قدر حالو وراجل محترم ...
عندو صلة ما .. بآل البشير ...
اتقابلو صدفة ... قام عمك البشير قال ليهو مالك محاربنا و ما بتشتغل معانا ؟
قام اداهو كرت و كتب فيهو رسالة لأسامة حق سد مروي ...
انو يدى مشروعين مقاولات للزول ده ...
قام زولك ما داير يدخل معاهم ... قال ليهو انا ما بقدر و ما عندى امكانيات ... و لا معدات فأعفيني ...
عمك البشير ضحك و قال ليهو انت قايل نفسك حتبنيهم . !!
انت ما عليك الا تاخد المشاريع و تبيعها من الباطن ...
و قال قام عمك " بشة " مرق تلفونوا و فتح ( الكالكوليتر ) وقال لي زولنا انت عارف عملية زى دى ممكن تدخل في جيبك كم منها ؟
صاحبنا قال عاينت ليهو كده ... و بس اتخيل لي انو قاعد قدام قمسيونجي مش رئيس جمهورية !!!
________________________________________________________________
انا قايل سيرة مشروع الجزيرة دى ما طفحت ساكت ...
الريحة بتجي مارقه بعد شوية ...
| |
|
|
|
|
|
|
|
|
|
Re: هل سماجة ( البشير ) هي مقدمة لبيع مشروع الجزيرة ؟ ده رئيس ولا سمسار ؟ (Re: معاذ الفحل)
|
Quote: لا حول ولا قوة الا بالله العلى العظيم
غايتو الله يكضب الشينة
سلامات الاخ قبانى |
سلامات يا ود الفحل ...
ماهي اصلها كده ...
في كم جيل في السودان ما بعرف عن مشروع الجزيرة الا اسمه فقط ...
و لما يجيك ( سعادتو ) يطلع المزارعين أي كلام و انو الحكومة هي الكانت بتمول و تصرف ...
وكمان يطلعهم ( مغفلين ) و الشيوعيين ضاحكين عليهم ...
يكون مسح المشروع بي استيكه و الجديد شديد سواء الكويت او قطر احتمال يكونوا احسن من ( العورا ) الزمان ... !!!!!
علي الأقل الحكومة ما حتصرف .؟.
| |
|
|
|
|
|
|
|
|
|
Re: هل سماجة ( البشير ) هي مقدمة لبيع مشروع الجزيرة ؟ ده رئيس ولا سمسار ؟ (Re: يحي قباني)
|
سلام ود قباني
أرجو قوقل من هذا المقتبس من ويكيبديا
Land grabbing
is the contentious issue of large-scale land acquisitions: the buying or leasing of large pieces
of land in developing countries, by domestic and transnational companies, governments,
and individuals. While used broadly throughout history, land grabbing as used today
primarily refers to large-scale land acquisitions following the 2007-2008 world food price crisis.[1]
Obtaining water resources
is usually critical to the land acquisitions, so it has also led to an associated trend of
.[2water grabbing
وبين السياسة والسمسرة المشترك يفوق
الخيال لجبل الجليد ، التقيل ورا .....
| |
|
|
|
|
|
|
| |
يحي قباني
هشام عباس
عبدالحفيظ ابوسن
هاشم احمد ادم
elhilayla
فيس بوك
تويتر
انستقرام
يوتيوب
بنتيريست