|
|
 تعبان ... شذاذ افاق
|
تعبان ... شذاذ افاق
تعبان بن تعبان في مركز الشرطى
إسمك
تعبان
وإسم والدى تعبان
وإسم جدى عبدالرحمن
أقسم بالله أقول الحق
ولا شئ غير الحق
أقوالك
كنا بنشرب شاي
قاعدين في الواطه
قدام ست الشاي
كان معاى
جون وادروب
والتجاني النجار
وبعدين ... جا عسكري
كش ست الشاى
ونحنا كسر كبابينا من يدينا
واندلق الشاي
ويا حسرا اصلها واحدة في اليوم
زعلنا شديد
جا العسكرى راجع ومعاه
اخوانو بالبنادج
وانا لشلاقتى قلت كلام
كلام شنو اتكلم
حاضر يا ريس ... قلت
قلت …. انا زول تعبان جد
وعاطل لكن لو مصر ياريس
انا قلت لادروب صاحبى
الظابط داك القتل عوضية.
قلت عوضية
شهيدة
والله شهيدة
سمعنى وجابنا هنا
شتمت قلت تانى شنو
طيب ياريس الحكاية بايظة بايظة
لكن أصاحبى
جون وادروب والتجانى ما قالوحاجة
قلت ايه ياتعبان
قلت ... بعد اقولك حتشنقنى
والله رصاصة
تجيب خبرى
توكلت ياريس
قلت الكيزان جوعونا وانتهكو اعراضنا وكمان كتلو النسوان.
قلبتهم الحرابة في بلد ناس جون
وبلد ناس التجانى
وبلد ادروب
وجو كتلونا في الديم.
بالله يا ريس دا ماكلام اعوج.
لكن ياجنابو اصلو الحكاية
كان في زول جا يشرب شاى
وطلب من ست الشاى
وقال ليها بالله شاي مر
بدون سكر
وكان زعلان تب
ونضم كلام سمح
يهد القلوب
واتذكر من نضمو شوية
قال شنو ياتعبان
قال:
الى عوضية
يحضرنى وجهك
يشع بشموس السودان
والامهات الباكيات
وجهك غيّبه ...
ما غيّبه شئ
فهو في كل وجوه كل الامهات
باق
يحكى قصة نضال
متعب
لكل بنات السودان
من حلفا الي نملى
جنوب الوادى
وغرباً
وشرقاً
نجدك يا عوضية
في كل مكان
في ربوع السودان
روحك الطاهرة
فوق كل مكان.
وغداً
آت النصر
آت النصر
آت النصر.
سنغنى ياعوضية
باسمك
ونرفع الرايات
ونزين الشرفات
حتى لو اغلقوا في وجهنا السماء
وسرقوا الهواء
وجهك في كل مكان.
من دائرةِ النار
وزنزانات الطغيان المنهار
يخرج الثوار
واخواتك يَحتَفِلْنَ بالانتصار
نسمة من الله , هنا وهناك،
فِرْدَوْس من فوق ومن اسفل،
والضوء يغنى آلاف المرات.
وقال:
أحِسُ بألم
وأنزف دم
للناس الملآن هم
أحس بألم
وأنزف شِعراً بحروفٍ من دم
لأرضنا الكلها موت وغم
للغلابة وتراكم الهم
تدفعنا رياح الظلم إلى عدم
وصرتُ أصارع أمواج بحور الهم
وطعم حياةٍ كلها سقم
ومن يَطع كاذِب القَولِ ينْدَمُ
ظالم متسلط ألوم
حطَّم مزَّق شرد قتل كَيدَ مُنتقِم
توسلت للصبر حتى تلاشى و أنعد م
سرت في الدرب اللعين مرغم
كالسائر إلى عدم
أحس بألم
وأنزف شِعراً بحروفٍ من دم
كل الذي حولي ظلام
حيث سفكُ الدم
ولكن ...
نتقدم
حان الوقت لكي نسير الى الامام
ونزيل الغمام
ونحمل الراية نتقدم
كرامة للجياع و المُعِدم
ونمسح ارضنا من كل اللئام
ونطهرها من فساد دام
جسم على صدورنا اعوام
وقتل أبرياء كرام.
اها ما نضمن سمح ياجنابو
اخرص ياتعبان
خرصت ياسيد الريس.
ياريس ممكن أسأل سعال
انت برضك كوز؟
|
|
  
|
|
|
|
Mohamed Yousif
فيس بوك
تويتر
انستقرام
يوتيوب
بنتيريست