عصابة تسرق الأغنام في هايسات و تهرب...يتكرر دوما

Quote: السلام عليك اخي سيف اريد منك تحكي ع مافيا لا غنام بالسودان كنت اسمع عنها كتير ولكن اليوم صارت معي حادثة جاء هايس واخد اغنامي من جنب الباب تخيل يعني واتصلت ع لي شرطة النجدة وردو علية وقالولي قبضتوهم ولاحياة لمن تنادي وهسة زوجي راح للشرطة الان الشهود اخدو الرقم اللوحة

Quote: وقالو له تجيب الشهود ويوم الاحد بنسوي اخطار للمرور بس بعد شنو بعد مايروحو الاغنام يسو اخطار مامعقولين الناس ديل وعلي فكرة اتصلت ع جريدة اخر لحظة مايردو. وشرطة النجدة قلولولي انتو وين قلت لة نحن في منطقة الغماراب تحيل قال وين الغماراب يعني حتي مايعرفوهااااا ولا بيها قسم شرطة ولا شئ هي قرية للجموعية. تعرف الناس دائما يشكون من الهايسات تسرق الاغنام بس هم ماسالون واليوم لمن حدث معنا قلنا خلاص مابنسكت بنتحرك

Quote: بالله عليكم ردوا إليها غنماتها و لا تناموا ..فقد بات أطفالها جياعا... نداء إلي عمر البشير و رئيس الشرطة... ليلة الأمس إمرأة تستغيث بعد أن خطف مجهولون غنيماتها ووضعوها في هايس و هربوا ..إتصلت علي الشرطة العسكري بكل برود قال ليها ساكنة وين؟؟ ردت :الغماراب..و بكل استهتار قال الغماراب دي وين؟؟؟تخيلوا لا سمع بيها ولا حتي إجتهد أتمني ألا ينام أمير المؤمنين حتي يبت في شكواها و يطمئن علي صحة أطفالها... أتمني أن تكون المكالمات مسجلة بين ال999 و المواطنين.. أتمني أن يضع لهم الرئيس نقطة بوليس هنالك أو دورية..

Quote: سيف سلامات كتاااار انت يا زول جادى عمر البشير شنو وشرطة شنو البرجعوا ليها الماعز بتاعتها !!!! ديل بسرقوا ارواح البشر ودونك شهاداء سبتمبر الكلام دا لوجد رسل لى فى الخاص اى معلومة عنها وان شاء الله بنعوضها وربنا يسهل امرها ويعينها