|
لي عظيم الشرف بأن أنضم لهؤلاء الأجلاء ..
|
الشكر أجزله للأخ العزيز أبو بكر والذي منحني هذا الشرف بأن أكون أحد منتسبي هذا المنتدى العريق الرائع ...
وبالرغم من أني أحد مدمني سودانيز أون لاين وأقراء الجاد والهزلي والمناكفات الحلوه بين الأعضاء بس قلت ليه ما أكون واحد منكم وبينكم ..
أسأل الله أن أكون قطرة ماء في هذا البحر الذي يفيض بعلمكم ومعلوماتكم الثرة وفقني الله وإياكم ..
والسلام عليكم ورحمة الله وبركاته ...
|
|
|
|
|
|
|
|
Re: لي عظيم الشرف بأن أنضم لهؤلاء الأجلاء .. (Re: الفاتح شلبي)
|
ده عصام نوح بتاع مسقط والا واحد تاني؟
في كل الأحوال مرحب بيك ......
بس عندي ملاحظة.
إنت مسجل عضوية بتاريخ 6/5/2014 ....... ويا دوبك بتقول بسم الله الليلة 11/11/2014 ..... أو حتى لو إتكلمت في مكان غير البوست ده، عندك 3 مداخلات بما فيهم بتاعة البوست ده ....... خير إنشاء الله.
| |
|
|
|
|
|
|
Re: لي عظيم الشرف بأن أنضم لهؤلاء الأجلاء .. (Re: Osman Musa)
|
الأخ الحبيب عصام نوح ..
ألف مرحب بيك معانا هنا .. وجر ليك أقرب بمبر .. لأن هذا المنبر واسع بالحيل .. وبإذن الله يشيل أهل السودان الطيبين كلهم ..
ومن هذا المنطلق أرج أن أسأل نفس ملاحظة الأخ الحبيب أبو العزايم ..
"""""" في كل الأحوال مرحب بيك ......
بس عندي ملاحظة.
إنت مسجل عضوية بتاريخ 6/5/2014 ....... ويا دوبك بتقول بسم الله الليلة 11/11/2014 ..... أو حتى لو إتكلمت في مكان غير البوست ده، عندك 3 مداخلات بما فيهم بتاعة البوست ده ....... خير إنشاء الله.
""""" مرة أخرى ألف مرحب بيك .. أخوك وعمك العجوز .. ارنست +++
| |
|
|
|
|
|
|
Re: لي عظيم الشرف بأن أنضم لهؤلاء الأجلاء .. (Re: Esam Nouh Osman)
|
عندما سميتكم بالأجلاء ليس هذا من فراق فقد أكدتوا لي وكنت على يقين أنكم أكبر من ذلك ..
يعني لو ما الموضوع أسافير ومنتدى وشغل زي ده كان ضبحتوا لي عديل الله يديكم العافية وأنا سعيد جدا بهذا الترحيب الذي إن دل على شيء فإنما يدل على كرمكم وصدق مشاعركم فلكم أجزل الشكر أعزائي مرة أخرى وأخرى كمان ...
عزيزي سعادة المستشار فعلا ياهو هولكم ( أتمنى أن أكون كتبتها صاح ) وشكرا على الترحيب والله يديك الصحة والعافية ...
صديق الزمن الحلو محمد أبو العزائم يا حليلك وإنت لسه ما بطلت التركيز الشديد ده مدقق حسابات أصلي .. أولا أنا من المدمنين شديد جدا لسودانيز أون لاين ومنذ فترة تجاوزت السنوات وصدقني تقدمت بطلبب للمنتدى وما قصر الأخ العزيز الباشمهندس بكري أبو بكر بقبول طلبي وصدقني كنت أعتقد أنه لم يتم قبول طلبي لذلك لم أتداخل كنت أعلق في بعض الأحيان مع الذين هم غير أعضاء وعلقت أمس عن بوست مسقط لحيدر أمين وفي نفس الوقت إكتشفت أني عضو بالمنتدى العملاق سودانيز أون لاين .. وهذا ما حصل والله على ما أقول شهيدا ...
مرة أخرى أشكركم جزيل الشكر وأتمنى أن أكون إضافة حقيقية بينكم ...
وبالمناسبة أنا مواطن سوداني للنخاع لي حوالي 30 سنه غربه في الخليج دنقلاوي قشره ( تايوان ) لا أعرف الرطانه .. وصفر على الشمال خالص في السياسة وأحترم مشاعر الجميع كما صفر كبير في الكوره هلال مريخ أشجع الحكم إذا ما كان التحكيم فاشل ... هذا هو عصام نوح عثمان .....
| |
|
|
|
|
|
|
|