|
|
 عـــــربــــــــــــــــــــــــــــــــون
|
عربون
للزمن القادم
فجاة اتنزل
زي ايحاء
القول الشايل مني حسيسا حالي
الوطن الجوة عيوني
وجوة ظنوني
وكلما قلنا نبيعه يصبح
غالي
وناكل الجمرة
عين بتساهر تبرى القمرة
وناس تتمحن تقعد برة
ويقى الوطن الكان عمران
رصيفا خالي..
نقرة حرفك زي عصفور
طارداه الريح
علي شباك القلب الفارق
ريحة النيل
هز الوتر الجوة بعاني
من كلات مليانة معاني
وانو الغربة دي ظرفا آني
وخلى شغاف الليل
تهتز وتطرد باقي الوجع
الصار متكوم يكيل
ويبقى قليب الكلمة مستف وعالي
يا بت حلتنا الجاية مع الاسحار
اطردي دمعة حزنك من عينيك
خلينا نجادل غيمة عصية
عايزة تفارق
شارع الحلة
وضفة نيلنا
عيان وجهار
تعالي نجادل
برقا شالع ديمة يلالي
يا نخلاتا ظلت تحلم بالميعاد
وغناوي الساقية الحانية كما الميلاد
وقماري بترفض ترجع ليها
عشان النيل الاصبح خالي
شمس الناس الكانت ضاوية وصافية
شحبت وبهتت
زي الناس الفاقدة العافية
وانا بين الحلة
وزقاق بتدوشي
وشارع الدومة
وبيت خالي
كنت بوزع عطر صباي
ومنت بعوم في النيل
وبعاند ناس البيت
اصلو النيل ترياق ووجود
والضفة بتعني الرحم الحاني
وديمة ولود
واهمس ليك في عز الحالة
الوجد الغامر للاعصاب
يا بنية تعالي
غصبا عن الزمن القاسي
ولونو الكاكي
يلا نلون للافاق
وننثر فرح العمر اقادم
بين عينين الصحو جمال
فيه من عينيك معاني
ومن عيني العشم الحالي
ونعني
عز الفرحة
ومعانا نجوم ضواية حنينة
تزين ليه
سمانا الصافية
يابلدنا
يا حليلك يا بلدنا
يا ########يس المحبة
ويا مطر هطال بتجينا
يزرع الفال والبشارة لينا
في عز الليالي
وتاني اهمس
لي تعالي
ندوزن الوتر النفر فجأة
عشان
الدمعة في عينيك
تلالي
وبس
|
|
 
|
|
|
|
د.محمد حسن
haroon diyab
فيس بوك
تويتر
انستقرام
يوتيوب
بنتيريست