|
|
 ياريت بدالك اكون انا
|
ياريت بدالك اكون انا ..
واكون فداك وعنك اشيل ..اشيل الضني
وما انت لي عمرا عزيز ..انا عشتو بيك كل الهني
ما انت ناري ونوري ..واشراقه سنه
تسلم يا غالي ويا حبيب..تسلم تطيب وانشاء الله انا
يا ريت يا ريت اكون فداك ..
وعنك اشيل حضن الالم .. والوحده والليل الطويل
وعشان عيونك كل قاسي علي يهون ..واسوي حتي المستحيل..
البينا كان او منتظر في يوم يكون يا حبيبي قليل ..
ويا ريت يا ريت بكل الشايلو ليك ..
بكل حنان قلب البريدك وحبو ليك..
اقدر انسيك الحزن.. اقدر انور دنيتك .. زي لوحه ما فيها الشجن
اقدر اصابح الشمس بيك .. واحضن قمر دنيانا فيك
اهديك هنايا وعمري كلو بباري ليك
وعشان عينيك يا سيدي انته..انسي واسامحك يا زمن
ياريت بدالك اكون انا ..
واكون فداك وعنك اشيل ..اشيل كل الضني
وما انت لي عمرا عزيز ..انا عشتو بيك كل الهني
ما انت ناري ونوري ..واشراقه سنه
تسلم يا غالي ويا حبيب..تسلم تطيب وانشاء الله انا....
|
|
  
|
|
|
|
ايهاب نميري
فيس بوك
تويتر
انستقرام
يوتيوب
بنتيريست