|
|
 شكله -- دشمان -- حرب يا عمر وقف الحرب
|
عشان الحاجات تبقي كويسه
عشان بلدنا تبقي عمار
عشانك انت قبل غيرك
عشان يوم العيد ما نلعنك
عشان ما واحد عاطل في الخرطوم يكتل قنصل
وقف الحرب
وقفها يا عمر
عشان ننسي ونغفر
عشان ال في الكراكير والجبال يكون عندهم امل
عشان الحجه تبقي مبروره
رجمت ابليس بس انا ح اعتذر ليه لو ما وقفت الحرب
وهو ابليس ده منو
ما كان ملاك
ما كان عابد وساجد
واشترط
وشرطو بيدك انت تنصرو وتهزم الانسان
او تنتصر علي النفس الامارة بالسوء
وتعلي راية التسامح
سادتنا العارفين ال شربو من بحر الدين والصلاح اجمعين قالو الجهاد جهاد رغائب النفس
يا عمر ما تكون شرير وتفول اتفهم وادقهم دق العيش واعصرهم لمن يجيبو الزيت
البقاك رئيس قادر يفرم الجميع ومفرمة الحرب ما خلت زول
ال في الكركور ولا الخرطوم
خاف الله يا عمر
|
|
 
|
|
|
|
|
|
|
|
Re: شكله -- دشمان -- حرب يا عمر وقف الحرب (Re: اخلاص عبدالرحمن المشرف)
|
البلد كانت امان
ابوهو اشتري خروف العيد
هو مبسوط البنطلون الجديد والشبط عاملين ماتشينق , بس الحلاق كان زحمة وهو ذاتو عجز , القطعيه ما مظبوطه والجنبات برضو مشكله , اضنيهو باينات وطالعات لي بره , برنامج العيد معروف شيه والعيديه مضمونه بس الكوره هلال مريخ والتذاكر غاليه
يا ربي ح اعمل شنو المسطبه ما خالص بس درجه اولي القروش ناقصه لانو بقت سوق اسود , ناس البيت كلهم هلالاب بس ما مشكلة ود عمتو قال ح يجي ويمشو كلهم ما هو برضو مريخابي واهو يبقو اثنين , اختو الصغيره بدوها عيديه بس قروشها كثيره
والحل شنو ؟ احنسها واتم حق الكوره اخ خ خ خ اكيد ما حتديني ما هي هلالابيه .
وبدأ اليوم وعيد جميل واجمل شيء قروشو تمت واخر اليوم هو مبسوط وعوضو قون المولد وجكسا الجننهم
| |
|
|
|
|
|
|
|
|
|
Re: شكله -- دشمان -- حرب يا عمر وقف الحرب (Re: اخلاص عبدالرحمن المشرف)
|
العيد كان امان
المقرن فيهو حفله والناس ماشه اتلملمو هي وبنات خالاتها وحنسو خالتهم ودينا المقرن قالو فيهو حفله وغناء ومسرحية , تحيه زروق ويمكن العجب ,غايتو تحيه دي تقياته ما اظن تمثل بره المسرح بس العجب ممكن
بس هو ببالغ وبتلولو شديد ما هو فعلأ عجب , طيب لو ما جو ضيوف .
وكان يوم مفتوح فنانين من شدت ما غنايين ما بتقدر تتنفس بس تحيه تقيانه ما مثلت, جات و عاينت وطلعت المسرح واتخلعت هي وبنات خالاتها الزوله سمحه سماحة , تمثيل شنو دي بس تعاين ليها
| |
|
|
|
|
|
|
|
|
|
Re: شكله -- دشمان -- حرب يا عمر وقف الحرب (Re: اخلاص عبدالرحمن المشرف)
|
مشو محلات المسره والماسه الزرقاء اشترو قماش , البياع شاطر وراهم الماركة , السعر معقول بس الخياطه كيف , بت جيرانهم عندها مجلات التفصيل بالكوم ومكنتها جديده ومتابعه الممثلات وعامله خياطه
مشت ليها بس هي مسيخه وقدر ما جاءتها بي جاي وبجاي ما حنت عليها غايتو اختها ظريفه قالت ليها خلي القماش انا بكلمها .
تاني يوم جاتها بت الجيران قالت ليها تعالي اعملي البروفه اصلو اختي دي امس بعد المقاسات ساهرت وعملت لك الفساتين
مشت وجات راجعه معاها هدوم العيد مفصله وجاهزه وكمان مجلة خياطه وكيف تعمل الباترون
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست