المركز الثقافى VS نادى الغزال "مكايدة أم معايدة"؟

Quote: كيف حالك يا Faisal Al Zubeir علك طَيِب - قَولك: [الاستاذ عبد المنعم المكي، نسال الله ان يمتعه بالعافية، هو رائد الفكرة،استطاع ان يجمع السودانيين] (إنْتهى). ده قول فيهو شطط، أنا حاضِر بِداية الأمر، وكانت في بِداية أمرِها تجمع لِلصَفوة، الرعاع والرجرجه شوقُم كان يسمحو ليهم يدخلو ويِباركو، تجمُع لإسْكيل A ,B ما تقول كلام ماك حاضرو يا Faisal ولقنوهو ليك تلقين يا فيصل يا خوي. ـــــــــــــــــــــــــــــــــــــــ - وقولك: [واستمرت المعايدة تحت مظلة المجموعة السودانية، حاضنة تقاليدنا السمحة،والمحافظة على الارث الجميل لكبارنا ورموزنا] (إنْتهى). التقاليد السمحه بتقول تجمعو الناس مُش تستغلو المناسبات في مكايداتكم السِياسِية.. السياسة البديتوها في الغربة، و 99% منكم يا مُناضلين الدوحة، في سودان عمر البشير كنتم "طايعين" وده البحصل لامِن تمشو السودان سنوِيًا في إجازات، تقضوها عزومات وأعراس وتصدو راجعين، ترجعو تناضلو. ـــــــــــــــــــــــــــــــــــــــ وداير أسألك يا Faisal وهل تحديد إحتفائية "نادي الغزال" ثاني يوم أو ثالث يوم في العيد، هل هذا يُعتبر عدم وفاء للعم عبدالمنعم مكي؟! البحصل كل عيد بينكم وبين القواعِد الشعبِية -حليلُم ياخ- مُكاواه أطفال حرّم.. ناس الريس (مربي ومدربي ورعاة الإبل) يِصلوكم كيف يا قِمة.. الطباخين والميكانيكِية وعُمال النظافة، ديل ما بعرفو فِجه "نادي الغزال" وإنتو ما بتعرفو فجتُمْ، ديل ما داخلين في حَيِز " الدبلوماسية الشعبية". كُل سنة تكتِب الترهات الفوق دي يا Faisal، أنا بكتِب الحقيقة، وبرضو الروح الرِياضية مُتَوفِرة..

(عدل بواسطة عادل ابراهيم احمد on 09-30-2014, 08:08 AM)

Quote: هذه الفرضية ليست صحيحة.

Quote: الاستاذ عبد المنعم المكي، نسال الله ان يمتعه بالعافية، هو رائد الفكرة

متعه الله بالصحة والعافية وله اجر المبادرة وحفظ حقه كاملا غير منقوص ..

Quote: ،استطاع ان يجمع السودانيين

وهذا هو هدف البوست ده يا فيصل ان يجتمع كل السودانيين فى مكان واحد ..

Quote: ينسى الكثيرون ، جانبا انسانيا مهما، ان صاحب الفكرة، يحتاج منا لرد الجميل، والدعاء الصالح،فالابتلاء في عافية البدن،يجعلنا ان نجزل الوفاء ونكثر الدعاء

والبوست يذهب فى نفس اتجاهك يا فيصل .. بدل يكون رد الجميل للاستاذ عبد المنعم المكى من جزء يكون الرد من الكل ..

Quote: اللهم اشف الاستاذ عبد المنعم المكي.

اللهم آمييييين

Quote: وما نطلبه من الاخرين

شوفت قولة الاخرين دى ياها زااااتا الفتحنا البوست ده من اجلها ..
ياخ نحن دايرين نعيَد على الاولين والاخرين .. ليه تحرمونا ؟

Quote: ،فلتتعدد الامكنة ولتكون الفرحة واحدة بالعيد

ما صعَبتها علينا يا فيصل ياخ !

Quote: الروح الرياضية، تقتضي احترام الاخر وخياراته ، وليس الامر( هلال - مريخ).وليبقى الود بين الجميع.

والله احترامى الشديد لخيارات الكل .. ولكن أأمل فى يجتمتع الكل فى مكان واحد بدل الشلهتة دى ..
انا غايتو مريخابي .. ح اشوف هارون دياب مشي وين وانا فى خطراتو
كل الود لك ولكل سودانى بالدوحة
كل عام وانتم بخير ..

Quote: المهم الناس تطيب النفوس .. من هنا ومن هناك..

Quote: الأخوة بورداب الدوحة .... من هسي ها ده طرفنا من هنا ومن هناك ... العفو والعافية وكل سنة وانتو طيبين .. وده زااااتو ما عيد مرقة ومعايدات وكلام زي ده ... من بدري ترتب الأمور الحمية والشطية وتقعد ليها مع وليداتك وكفى الله المؤمنين القتال

وهذا ما اخشاه ان ينفض الناس ثم لا يذهبون لمركز ثقافي او نادى غزال وكل يلزم بيته