|
|
 كش مواطنى الاقليم الاوسط من الخرطوم : مهلة اسبوع
|
الخرطوم تصدر الخضروات للجزيرة و سنار و كوستى واقع معيب
ساكنة الاقليم الاوسط هجروا الاقليم تركوا الاقليم للعجزة
الاقليم بكل ما يملك من موارد و امكانيات الان يتسول
يفطر يتغدى و يتعشى على حساب السليت و المويلح
اصدار قرار بكش ناس الاوسط المتكدسين فى الخرطوم لحفظ كرامة الاقليم و بقائه
يمنع منعا باتا بيع المساويك و الموية الباردة و التسول فى كامل التراب الخرطومى
|
|
 
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
من مخلاية الفيس بوك
Azzam Hassan Farah Mohammad · متابعة · الأكثر تعليقا · بحري الأهلية الثانوية (سكة حديد)
وإنت يا mwahib idriss بترجع بتين لغربك الخيرو بره وجوه؟!
تعرف يا عزام الاوسط ممكن يكفى كل العالم بصل
و اكيد البصل اقتصادى كل حلة فى العالم لا تخلو من بصلة بصلتين
تشكر على المتابعة و التعليق و ربنا يفك اسرك الاسفيرى فى سودانيز
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: Abu Baker Ahmed Abdel Rahman)
|
يا مواهب
منو القال ليك الخزان والترع حفروها ناس الأوسط
حفروها الصعايدة بتوجيه من الإنجليز ناس الأوسط كانوا ملوك يجيوا يعاينوا في الصعايدة بس
حتى الصعايدة كانوا بيقولوا ليهم : أيه في أيه ما شوفتولكم خبراء أجانب
عندنا مزرعة 20 فدان أول ما اتخرجت مشيت طبقت فيها الحزم التقنية الدرستها جابت 1000 شوال بصل رأيك شنو
محزن أمر المشروع دا ياخ
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
Quote:
اصدار قرار بكش ناس الاوسط المتكدسين فى الخرطوم لحفظ كرامة الاقليم و بقائه
يمنع منعا باتا بيع المساويك و الموية الباردة و التسول فى كامل التراب الخرطومى |
Quote:
حمد
انت ما عارف ساى كتار من الاوسط قانصين فى المقرن و شارع النيل
اى حاجة يشوفوها خطف و البقع فى يدهم بلع بلا مدغ لامن جاهم سوء هضم
بانين عمارة فوق عمارة حليلك يا دنقس وا منجلكاه كل السكر سفوهو
ربنا يدينا العافية و المعافاة و نسال الله التعافى للاوسط |
ماعاوز أفهم ناس الاوسط ديل متسكعين وبتاعين مساويك وموية بارده وبانييت عمارات ومرطبين كيف .
المهم نفهم ونعرف بعد تدمير مشروع الجزيرة وتوقف صناعة الغزل والنسيج بالاوسط الناس دى ترجع للقري بتاعته تشتقل شنو .
عندك فكرة عن مشكلة أبناء الاقليم الاوسط وعن معاناة المواطنيين فى قري مشروع الجزيرة ولا نشرح ليك.
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
من مخلاية الفيس
Suliman Raffai · Los Angeles, California
دا كان زمان يا معلم....هسي الغرب بقى إسمو "الغرب أب شراً برا وجوا" كان الدينكا البزرعو والدينكا خلاص بح مشو...سترى مجاعة سنة ستة بتاعت الخليفة ود تورشين قريبا تفتك بالناس...
يا سليمان الله ياخد حقنا من من الفيل و الكدروك
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
Quote: فى هيئة الاتهام نرى :
دفاعكم عن قصور انسان الاوسط هش و يعتمد على الهروب و تحميل الاخر عجز انسان الاوسط على نظام الشماعة و مرات اخرى على نظرية المؤامرة
الثابت ان انسان الاوسط بيحب الراحة و اولادهم افنديات عمرهم ما مشوا البلدات منذ نهاية عهد اب عاج عانت الحواشات من كبر سن زارعيها و انشغال الابناء
بالفياقة كوشتينة و شارلستونات و غنى و سياسة و بالعصرية دافورى فكانت النتيجة انهيار بنيات المشروع الترع و القنوات اتردمت و ناس الجزيرة راجين
ناس الواق الواق يجوا ينضفوا الترع و اولادهم لابسين جلاليب بيضا و مكوية هذه النزعة الاهمالية قضت على المشروع فالانتاج يحتاج عمل و عمال و تعب
النقطة الثانية |
النقطة الثانية
نشوف النقطه التانية بعدين نرد .
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: بدرالدين الطائف)
|
النقطة الثانية
الاسر فى الجزيرة غير منتجة
معروف فى افريقيا الزراعة قائمة على الانتاج الاسرى كل البيت و كذلك فى مصر العربية
نحدد لقيط القطن متلا كان كل المشروع يعتمد على جلب اللقاط من مناطق بعيدة و احيانا من خارج الحدود
عدم مشاركة الاسرة فى الانتاج اضعفت العملية فى مجملها و ذلك قبل الضرائب و حتى قبل تكوين ديوان الزكاة
ربما لان ملاك الحواشات الزراعة ليست حرفتهم اى انهم قبائل رعوية مما قلل من اسهامهم فى الانتاج
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
Abdelrahman Kamil · Doha
الاستاذه مواهب..
للاسف تناولك للموضوع سطحي جداً مع منحك فائدة حسن النية...
لكن كمان في امور زي دي يا تدرسي المشكلة كويس يا كمان تبقي لينا زي العساكر الحاكمننا ديل.
رد · أعجبني
· متابعة المنشور · منذ 34 دقيقة
شكرا عبدالرحمن على الاسهام و يا ريت تسهم معنا بالتعرف على المشكلة و اثراء النقاش
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: بدرالدين الطائف)
|
تحية طيبة
قبل الكشة دي ما تقوم النحدثك شوية
سنة 89 والدنيا كانت دق قمح قبل ناس الحكومة ديل ما يمسكوا كنا زارعين
نمرة عشرة في مكتب الفوار والدورة كانت رباعية اها الحواشة جابتلها 40 شوال
الحكومة شالت شوالين وادتنا الباقي شوالين بس لانو باقي التكلفة اتشالت من ربح القطن
سنة تسعين زرعنا قمح والحواشة جابت الاربعين زاتها بس الحكومة شالت ال 38 وادتنا الاتنين
بعديها بقينا (بنكري ) بتاع الامن الاقتصادي وسواق الدقاقة عشان ينزل شوالين تلاتة في الشلابي ونغتيها بالسفير
شفتي المهانة دي كيف ؟ حقك تسرقوا
المزارع كان (بتقبقب وينجلد ) من بتاع الامن الحارس الدقاقة .
عمنول عمي زرع قمح شتت شوالين تيراب واداها ستة (سيوبر ) وست شوالات (ملح)
يوم الحصاد الدقاقة تمشي وتجي ولا جابت الحبة بعد تلاتة اشواط نزلتلها شوال ولما كملت الحواشة
الحصاد كان شوالين ونص البنك الزراعي شال الاتنين وسجل الباقي دين عليه نص الشوال
سيد الدقاق شالو فيه كيلة ونص ناس الرابطة شالو كيلة الخفير شالو نص كيلة الباقي نص كيلة اتصدق بيها
ورجع يلعب في المنقلة بتاعتو. حصادو كان صفر الموية تصاقر ليها في الزيفة ديك كل الليل وتسقي (فرت) رباط
العيش من ما يلبن الموية تقطع مشروع الجزيرة بتاع الري الانسيابي ده في الجغرافيا حاليا المشروع ري بالطلمبات وبالطلمبات زاتو ما نافع
ماف زول من ناسنا عاجباهو زقاقات الخرتوم ولا قدرة الفول بس الراس الفوق جبر الناس تجي لي عندو اصلو (صوتو واطي وما بنسمع لينا بعيد)
الناس حتكسر لسة في الخرطوم طالما الدولة في الخرطوم ولحدي ما يتفرتق السودان او تنقلع الحكومة ويتحسن الحال نفس المساويك والفراشة بكونوا قاعدين
تحياتي
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: بدرالدين الطائف)
|
صاحبة البوست وضيوفها تحية طيبة
صراحة ما عارف نلقاها من وين ... قبل فترة السيدح كتب ناس الجزيرة
عاطلين شغالين بيع ملابس حريمية في الخرطوم
وهس الاخت دي بتطرد في ناس الاقليم الاوسط
انتي بتعرفي شنو عن الإقليم الاوسط ؟؟؟
بتعرفي شنو عن التقاوي الفاسدة الوزعوها على الاقليم الاوسط
بتعرفي شنو عن المؤسسة العامة للحفريات التي تم تدميرها بالكامل وتشريد عمالها
و موظفيها .... بتعرفي شنو عن الضرائب المفروضة على مزارع الجزيرة
بتعرفي شنو عن المستشفيات المدمرة و انسان الاقليم الاوسط ما بقدر اتعالج إلا امشي
عاصمتكم القمومية دي ؟؟
دخل العاصمة القومية شوفي نصيب الإقليم الاوسط بساهم فيهو بكم ؟؟
الانقاذ دمرت الإقليم كل القناطر اتدمرت والترع اتقفلت بالطمي و قلعت بعض الاراضي
إنسان الجزيرة ازرع بشنو ؟؟؟ انتظر موية الخريف ؟؟؟
بالمناسبة ايام نميري والفردي الناس في الجزيرة عاشت في رفاهية وما في زول بطلع من الجزيرة
لكن الحال اتغير ثم ثانيا انسان الجزيرة الما عندو ارض اشتغل شنو ؟؟؟؟ كان موية ولا مساويل
اشتغل شنو ؟؟؟؟
لسانك شبيه بلسان حميدة سخرية في الفارغة
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: بدرالدين الطائف)
|
Quote: ماعاوز أفهم ناس الاوسط ديل متسكعين وبتاعين مساويك وموية بارده وبانييت عمارات ومرطبين كيف .
المهم نفهم ونعرف بعد تدمير مشروع الجزيرة وتوقف صناعة الغزل والنسيج بالاوسط الناس دى ترجع للقري بتاعته تشتقل شنو .
عندك فكرة عن مشكلة أبناء الاقليم الاوسط وعن معاناة المواطنيين فى قري مشروع الجزيرة ولا نشرح ليك. |
ست البوست ازيك وعوافي
جون قرنق طيب الله ثراه زمااااان قال عشان السودان يتعمر ويلحق العالم
يجب نقل المدن للارياف ونقل المدن ما معناهو المدينة زاتا لكن الناس
لما يمشو الارياف بعمروها وبتقوم المدن.
تحياتي
بدر الدين سلام
عندك علاقة بالحصاحيصا يا بدر الدين
| |
|
|
|
|
|
|
|
|
 Re: كش مواطنى الاقليم الاوسط من الخرطوم : مهلة اسبوع (Re: بدرالدين الطائف)
|
.
مواهب أدريس ... تحية وتقدير
| Quote: رغم انى كنت اتوقع تعليقك يتركز حول اكسوم و تناصر الامبراطور |
في فرق كبير بين السيرة (( البنلوكه)) والسيرة (( البنبلعه )) يامواهب .... وكلامك ده د السيرة (( البلعناها )) مالك تاني جائبه سيرته
الحبش قعدوا من سقوط مروي لحدي سقوط سوبا ... بس بعد كده بقي عندنا أتفاق أنوا القرون دي كلها
نسي منسيا وأثرهم ده فجأة اتبخر فينا وكأنو لم يكن ..........وعملنا أصول جديدة وتاريخ جديد والحمد لله أمورنا مشت على كده ....
لو جيتي للجد لما تكون بلد أصولة مقسومه بين شرق أفريقيا وغربها وبعد ده ناسه عندهم أعتقادهم الخاص انهم لا من ديل ولا من ديل
بتبقي السيرة كلها زي اللوحة السريالية مافي زول حيجتهد عشان يفهم خطوطة وتداخل ألوانه يبقي من الحكمة الناس تسكت عنها وبس
***
عن المشروع وكلامك المنطقي أنو في أسباب إجتماعية ( من ناس الجزيرة نفسهم ) ساهمت في التدهور الحصل بتفق معاك
بس كان كلها حتكون عوامل جانبية ممكن العمل على احتوائها لو أتوفرت القدرة الادارية البتدير مشروع بالحجم ده
تقديري
| |
|
|
|
|
|
|
|
|
|
Re: كش مواطنى الاقليم الاوسط من الخرطوم : مهلة اسبوع (Re: سليمان القرشي)
|
سلام يامواهب...
وتاني سلام..
اولا ،، داير اقول موضوعك ده والله حماني النوم،،،قاومت ،،قاومت،،لمن فترت،،ثم عن لي ان اقول...
ناس السودان البسطا في قبل الله الاربعه سمحين،،وسهل مسيرهم في درب الخير والعمار،،والجزيرة دي مخلاية صرتم ولمتم،،فرح وكره،،
اقول الجزيرة الارض فهي مدين السودان،،وواديه المقدس،حنت لها جميع الانفس والتقت فيها ،،في درب الكد ومسار الحياة الكريمة،،فكانت هي اول بشارات الانصهار،،حيث يجمع الناس العرق ،العمل والامل،الشوق والتوق لباكر الاخضر،،اكل الكسرة البايته بقرن شطه فوق ضهر الترع وابعشرينات،،لافرق بين يد واخري،،فقد رضعوا من ذات الارض،،فصارت هي هويتهم وفخارهم وانتمائهم..
هذه الجزيرة ،،شالت قبل السودان الاربعة...
لا كلت،،ولا ملت،،لا وهنت ولا بكت..
ثم اني شاهد لكل ماحدث..عائش ماحدث،،جزء منه،،منذ اكثر من نصف قرن...
ابن مزارع هميم،،قضيت كل عمري بالغيط مع بي له الرحمة،،وكل ابائنا المبجلين...
ثم افنديا بمشروع الجزيرة،،عملت بمكاتبها،،وسكنت خلاء المشروع،،ورايت سراياتها...
وعشت كل ايام الجد والمجد..
الزهو والفخار..
ايام كان المشروع يعمل كساعة سويسرية،،وكان الاباء رجالا شرفاء يبادلون الارض العشق والتبجيل...
بذلو كل نقطة دم وعرق من اجل كامل الوطن...
فكل ماشيد كان من رحم هذه الارض..
لم تبخل ولم تهن السواعد..
الخرطوم نفسها كانت بنت الجزيرة..
كلها،،مدارسا،،مصانعا،،طبا وعمارا...
لو لم تكن الجزيرة ،،ماكانت هناك خرطوم ولا نماء...
القرش الحر كان يخرج من لوذ قطنها..
بيد الاباء المبجلين...
يرضون من كل ذا،،بكسرة خبز،،وبفخار انهم يصنعون طنا مع وللجميع..
يشييلون اجسادا لم تبالي الملاريا ولا البلهارسيا...
الصباحات الشاتئة يخمجون الطين لياخذو القمح لانسان المدينة..
ضحوة ،،وضهرية،،حر وقر،،مطر وصهد وريح،،هم هناك...
سنين وسنين...
لا كلو ولا ملو...
ولكن الحكومة نفسها كانت معهم في قلب الغيط..
كان معهم الازهري،،الهندي،،زروق،،شيخ الامين،،المحجوب والفضلي.
كانوا جميعا هناك،،،
حين تعطش حواشة واحده،،تجدهم جميعا هناك..
وكان انسان الجزيرة ،،الطيب،،الصابر،،السمح،،المحب،،الخلوق...
يعمل ويعمل،،،،لكي لا تسقط لوذة..
ذلك انه يعلم بان شفخانة في افق بعيد
شمالا اوشرقا جنوبا اوغربا
تحتاجها لعلاج طفل
مدرسة لحبر كتابتها..
لذلك كان يعطي حتي دون ان يسال...
رغم ان الارض له،،مسجلة بصكوك..
وهو الذي يكدح،،ويعرق ويعطي..
في سعيه المبارك القدوس...
حتي اذا ذات صباح،،
ظهر النفط...
ظهر السماسرة يساومون في الافق المقدس..
وبان العجب والفساد والقبح..
ولي عودة لاتمم،،
او لادعو ،،ود القرشي،،والشفيع،،واخرين ليكملو الصلاة...
ان ماحدث في الجزيرة
لوجعة الوجعات،،خيبة الخيبات وقيامة القيامات...
ولو كان هناك ضمير وصدق..
لما ولي امرها الا صادق،،حي الضمير...
ولتدافع الكل لام حنون رؤوم..
وقد اعود....
| |
|
|
|
|
|
|
|
|
 Re: كش مواطنى الاقليم الاوسط من الخرطوم : مهلة اسبوع (Re: mwahib idriss)
|
قبل كده السيدح طلعنّا بتاعين لباسات ..
وهسي مواهب طلعتنّا بتاعين مساويك ومويه ..
أنا الماغصني وفاقع مرارتي إنه نحن ما شلنا سلاح زي بقية الخلقّ ..
الزول العايز يناقش موضوع أو يطرح فكره في سعيه لحلها لا يلجأ للإساءة أوإشانة السمعة ..
للأسف بوستك بدأ بعدم موضوع وإساءة واضحة، لكن الشكر للمتداخلين خلقوا روح سمحة للحوار بدون ما يكون عندك أدواته ..
ولو جاء هذا البوست في وقت السيدح لإتردمتي لمن تعرفي حاجة ..
| |
|
|
|
|
|
| |
MOHAMMED ELSHEIKH
حمد عبد الغفار عمر
Abu Baker Ahmed Abdel Rahman
بدرالدين الطائف
عبدالعزيز الفاضلابى
الجنيد حمد
قصي محمد عبدالله
السيد أحمد إبراهيم
سليمان القرشي
عبدالعزيز عثمان
معتصم دفع الله
فيس بوك
تويتر
انستقرام
يوتيوب
بنتيريست